Yohane 15:2 - ŊMALƐ KRƆŊKRƆŊ LƐ

² Mihe nine fɛɛ nine ni wooo yibii lɛ, efolɔɔ ni eko fɛɛ eko ni woɔ yibii lɛ, ekpɔlɔɔ he, bɔ ni afee ni ewo yibii pii fe tsutsu lɛ.

Ṅmãle̱ Kroṅkroṅ Le̱

² Mihe nine-fẽ-nine ní woo yibii le̱, efloö̱, ni nofẽno ní woo̱ yibii le̱, ekplo̱ö̱ he, beni afe ní ewo yibii fè tšutšu le̱.

Yohane 15:2 ပူးပေါင်းရင်းမြစ်များ

Hiob 17:9

Kɛ̃lɛ jalɔ lɛ fiɔ shi yɛ egbɛ lɛ nɔ, ni mɔ ni niji ahe tse hewalɛ shwereɔ kɛyaa naanɔ.

Lalai 92:14

Amɛaakã he amɛwo yibii yɛ amɛgbɔlɛ beiaŋ tete, ni amɛaahi frɔ̃frɔ̃ kɛ amɛmli nu daa

Abe̱i 4:18

Shi jalɔi agbɛ lɛ etamɔ leebi la ni kpɛɔ, ni eyaa nɔ ekpɛɔ aahu kɛyashiɔ shwane.

Yesaia 27:9

No hewɔ lɛ, kɛji Yakob gbɛlɛ afɔleshãa latɛi lɛ amli tɛi lɛ munyɔmunyɔ tamɔ kaaloo tɛi ni afuflu, ni Ashera wɔŋkoi kɛ tsofakɛŋmashãa latɛi bɛ he ko he ko dɔŋŋ lɛ, no nɔ baatsɔ̃ ni akɛ Yakob tɔ̃mɔ lɛ baafa lɛ, ni no aaatsɔ̃ yibii ni etɔ̃mɔkɛfaa lɛ aaawo ahã lɛ.

Yesaia 29:19

Humii baana miishɛɛ hee yɛ Yehowa hewɔ, ni ohiafoi amli aaafli amɛ yɛ Israel Mɔ Krɔŋkrɔŋ lɛ hewɔ.

Daniel 11:35

Abaagbe maŋbii lɛ ateŋ nilelɔi lɛ ekomɛi; shi akɛ amɛgbele lɛ baatsuu Nyɔŋmɔ webii lɛ ahe koni amɛyɛ futafuta. Nii nɛɛ baaya nɔ kɛyashi naagbee be lɛ baashɛ, ni ji be ni Nyɔŋmɔ eto lɛ.

Hosea 6:3

Nyɛhãa wɔbɔa mɔdɛŋ wɔlea Yehowa. Bɔ ni ŋwanejee ko bɛ he akɛ daa gbi lɛ je tsɛreɔ lɛ, nakai nɔŋŋ ŋwanejee ko bɛ he akɛ Yehowa baajie ehe kpo etsɔ̃ɔ wɔ. Ebaaba wɔŋɔɔ tamɔ Agbiɛnaa nunɛmɔ tueɔ shwieɔ shikpɔŋ lɛ nɔ lɛ.”

Maleaki 3:3

Ebaata shi tamɔ jwiɛtɛi hetsuulɔ ni hãa jwiɛtɛi he tseɔ keŋkeŋ lɛ. Nakai ebaatsuu osɔfoi ni ji Levi shwiei lɛ ahe keŋkeŋ tamɔ atsuɔ shika kɛ jwiɛtɛi he lɛ. Kɛkɛ lɛ amɛaanyɛ amɛkɛ afɔleshãa nikeenii ni kpa bɛ he aba abahã Yehowa.

Mateo 13:12

Ejaakɛ mɔ fɛɛ mɔ ni yɔɔ nɔ ko lɛ aaahã lɛ ni ena kɛteke nɔ; shi mɔ fɛɛ mɔ ni bɛ nɔ ko lɛ, nɔ ni eyɔɔ tete lɛ, aaashɔ̃ yɛ edɛŋ.

Mateo 13:33

Ebu amɛ abɛ kroko akɛ, “Ŋwɛi maŋtsɛyeli lɛ tamɔ mãsha ni yoo ko kɔ ni ekɛhɔ mã tsesei etɛ̃ mli kɛyashi beyinɔ ni fɛɛ sha.”

Mateo 15:13

Shi ehere nɔ ekɛɛ, “Tso fɛɛ tso ni jeee miŋwɛi-Tsɛ lɛ tɛoɔ lɛ, fã aaafã.

Mateo 21:19

Ni ena agbãmitso ko yɛ gbɛ lɛ he, ni etsi eshɛ he, shi enaaa nɔ ko yɛ nɔ akɛ ja bai kɛkɛ; ni ekɛɛ tso lɛ akɛ, “Owoŋ yibii ko dɔŋŋ gbi ko gbi ko!” Ni agbãmitso lɛ ŋlã amrɔ lɛ nɔŋŋ.

Mateo 25:29

Ejaakɛ mɔ fɛɛ mɔ ni yɔɔ nɔ ko lɛ aaahã lɛ, koni ena ni ateke nɔ; shi mɔ ni bɛ nɔ ko lɛ, aaahe nɔ ni eyɔɔ lɛ tete yɛ edɛŋ.

Mateo 3:10

Shi lema lɛ kã tsei lɛ ashishifã lɛ nɔ momo; hewɔ lɛ tso fɛɛ tso ni wooo yibii kpakpai lɛ atoɔ afɔɔ shi, ni ashɛɔ afɔɔ la mli.

Mateo 3:12

Ehiɛ eshaatsene yɛ edɛŋ, ni ebaabɛɛ eshikpɔŋ lɛ fitsofitso, ni ebaabua eŋmaa lɛ naa eto eboŋo mli; shi tutuu lɛ, ekɛ la ni gbooo baashã.”

Mateo 7:19

Tso fɛɛ tso ni wooo yibii kpakpai lɛ, atoɔ lɛ ni ashɛɔ lɛ afɔ̃ɔ la mli.

Marko 4:20

Shi shikpɔŋ kpakpa nɔ bii lɛ ji mɛi ni nuɔ wiemɔ lɛ ni amɛmɔɔ mli, ni amɛwoɔ yibii, eko nyɔŋmai etɛ̃, eko nyɔŋmai ekpaa, kɛ eko hu oha.”

Luka 8:13

Tɛsaa nɔ bii lɛ ji mɛi ni nuɔ ni amɛheɔ amɛyeɔ be kuku kɛkɛ, ni kaa be mli lɛ amɛkwaa amɛhemɔkɛyeli lɛ.

Yohane 15:1

“Mi ji anɔkwa waintso lɛ, ni miTsɛ ji okwaafonyo lɛ.

Yohane 15:16

Jeee nyɛ nyɛhala mi, shi mi moŋ mihala nyɛ, ni mito nyɛ koni nyɛ hu nyɛya ni nyɛyawo yibii, ni nyɛyibii lɛ ahi shi, koni nɔ fɛɛ nɔ he fai ni nyɛaakpa Tsɛ lɛ yɛ migbɛi mli lɛ, ehã nyɛ.

Yohane 15:3

Nyɛhe etse momo yɛ wiemɔ ni mikɛ nyɛ ewie lɛ hewɔ.

Yohane 15:6

Kɛji mɔ ko ehiii mimli lɛ, ashɛɔ lɛ afɔ̃ɔ tamɔ tso nine, ni egbiɔ, ni abuaa naa awoɔ la mli, ni ashãa.

Yohane 15:8

Nɔ ni akɛwoɔ miTsɛ hiɛ nyam ji akɛ nyɛwo yibii pii, ni nyɛfee mikaselɔi.

Yohane 17:12

Be ni mikɛ amɛ yɔɔ lɛ, mito amɛ yɛ ogbɛi lɛ mli. Mɛi ni okɛhã mi lɛ, mibu amɛhe, ni amɛteŋ mɔ ko mɔ ko elaajeko, ja laajemɔ bi lɛ, koni nɔ ni aŋma lɛ aba mli.

Romabii 11:17

Shi kɛji akumɔ tso niji lɛ ekomɛi, ni abatɛo bo ni oji ŋaŋmutso lɛ yɛ amɛnajiaŋ, ni ona mutso lɛ shishifã lɛ kɛ emlinu lɛ eko lɛ,

Romabii 11:22

No hewɔ lɛ, kwɛmɔ Nyɔŋmɔ mlihilɛ kɛ bɔ ni ekɛ mɔ yeɔ waa hu, ekɛ mɛi ni egbee shi lɛ yeɔ waa, shi bo lɛ, emli hi yɛ onɔ kɛji ohi emlihilɛ lɛ mli lɛ; kɛjeee nakai lɛ, bo hu aaafo bo ashɛ afɔ̃.

Romabii 8:28

Shi wɔle akɛ mɛi ni sumɔɔ Nyɔŋmɔ lɛ, nibii fiaa yeɔ buaa amɛ ni ahi ahã amɛ, amɛ mɛi ni atsɛ amɛ yɛ yiŋtoo naa lɛ.

1 Korintobii 13:1

Kɛji mikɛ gbɔmɛi kɛ ŋwɛi bɔfoi alilɛi wieɔ, shi mibɛ suɔmɔ lɛ, no lɛ mitsɔ̃ ayawa ni jijeɔ loo ŋmɛlɛ ni gbɛɔ.

Tito 2:14

Lɛ ekɛ lɛ diɛŋtsɛ ehe hã yɛ wɔnajiaŋ, koni ekpɔ̃ wɔ kɛjɛ nɔtɔmɔ fɛɛ mli, ni etsuu wɔhe ehã ehe akɛ lɛ diɛŋtsɛ enɔ, maŋ ni hiɛ dɔɔ yɛ nitsumɔi kpakpai ahe lɛ.

Hebribii 12:15

Ni nyɛkwɛa ni ahia, koni mɔ ko akaŋmɛɛ Nyɔŋmɔ dromɔ lɛ he; koni shishifã kɛ joomɔ ko akakwɛ̃ ni ehao nyɛ ni akɛbule mɛi pii.

1 Yohane 2:19

Wɔteŋ amɛjɛ amɛtee, shi kɛ̃lɛ amɛjeee wɔteŋ mɛi komɛi, ejaakɛ wɔteŋ mɛi komɛi ji amɛ kulɛ amɛ kɛ wɔ hi shi. Shi amɛtee bɔ ni afee ni amɛ jie amɛhe shi akɛ amɛ fɛɛ lɛ jeee wɔteŋ mɛi komɛi ji amɛ.

Kpojiemɔ 3:19

Mi lɛ, mɛi abɔ ni midɔɔ amɛhe lɛ, mikãa amɛ ni mitsɔseɔ amɛ; no hewɔ lɛ, ohiɛ adɔ ni otsake otsui.