Yohane 15:18 - ŊMALƐ KRƆŊKRƆŊ LƐ

¹⁸ “Kɛji je lɛ miinyɛ nyɛ lɛ, nyɛnaa nyɛlea akɛ mi tsutsu enyɛ.

Ṅmãle̱ Kroṅkroṅ Le̱

¹⁸ Ke̱dši dše le̱ mīnye̱nye le̱, nyenáa nyelea ake̱ mi tšutšu enye̱. 7,7.

Yohane 15:18 ပူးပေါင်းရင်းမြစ်များ

1 Maŋtsɛmɛi 22:8

Israel Maŋtsɛ Ahab kɛɛ Yehoshafat akɛ, “Mɔ kome ko yɛ, ni kulɛ wɔɔnyɛ wɔyabi Yehowa daaŋ gbee yɛ eŋɔɔ. Lɛ ji Imla bi Mikaia lɛ; shi moŋ misumɔɔɔ esane, ejaakɛ egbako gbalɛ kpakpa ko yɛ mihe dã, fe akɛ be fɛɛ be lɛ gbalɛ gbonyo.” Shi Yehoshafat kɛɛ akɛ, “Nii akakɛɛ nakai!”

Abe̱i 29:27

Jalɔi miihi mɛi fɔ̃ji; ni mɛi fɔ̃ji hu miihi jalɔi.

Yesaia 49:7

Bɔ ni Yehowa, Israel Kpɔ̃lɔ, kɛ eMɔ Krɔŋkrɔŋ lɛ, kɛɔ mɔ ni agbe ehe guɔ, ni jeŋ majimaji lɛ hi ehiɛ, nɔyelɔi anyɔŋ lɛ, kɛɔ nɛ, “Maŋtsɛmɛi aaana lɛ ni amɛaate shi amɛhã lɛ; ni lumɛi hu aaana lɛ ni amɛaakamɔ shi yɛ ehiɛ ejaakɛ Yehowa ehala lɛ, Israel Mɔ Krɔŋkrɔŋ lɛ, eji anɔkwafo.”

Yesaia 53:3

Agbe ehe guɔ, ni gbɔmɛi kwa lɛ, eye awerɛho, ni ele hejaramɔ etamɔ mɔ ni atsɔ̃ɔ hiɛ atoɔ afã kɛ ana lɛ lɛ. Agbe ehe guɔ, ni wɔbuuu lɛ wɔhãaa fɛifɛi.

Yesaia 66:5

Nyɛboa Yehowa wiemɔ lɛ toi, nyɛ mɛi ni nyɛhe kpokpoɔ yɛ ewiemɔ lɛ naa lɛ. “Nyɛnyɛmimɛi ni miihi nyɛ, ni amɛkwa nyɛ yɛ migbɛi lɛ hewɔ lɛ, yeɔ nyɛ he fɛo amɛkɛɔ akɛ, ‘Nyɛwoa Yehowa hiɛ nyam akɛ ehere nyɛ, koni wɔna nyamɔ ni nyɛaanya lɛ.’ Shi amɛ moŋ ji mɛi ni amɛhiɛ aaagboi.

Zakaria 11:8

Mikpãtã tookwɛlɔi etɛ̃ ahiɛ yɛ nyɔŋ kome mli, ejaakɛ minaaa amɛhe tsui, ni amɛ hu amɛnyaŋe mi.

Mateo 10:22

Ni mɛi fɛɛ aaanyɛ nyɛ yɛ migbɛi lɛ hewɔ; shi mɔ ni hiɛɔ mli kɛyawulaa shi lɛ, aaahere eyiwala.

Mateo 24:9

Nakai be lɛ mli lɛ amɛaaŋɔ nyɛ amɛwo amanehulu mli, ni amɛaagbe nyɛ; ni migbɛi lɛ hewɔ lɛ jeŋmaji fɛɛ aaanyɛ nyɛ.

Mateo 5:11

“Ajɔɔ nyɛ, kɛji ajɛ nyɛ ni awa nyɛ yi ni amale awie nyɛhe efɔŋ fɛɛ efɔŋ yɛ mihewɔ lɛ,

Marko 13:13

Ni mɛi fɛɛ aaanyɛ nyɛ yɛ migbɛi lɛ hewɔ; shi mɔ ni hiɛɔ mli kɛwulaa shi lɛ, aaahere eyiwala.”

Luka 6:22

“Ajɔɔ nyɛ, kɛji mɛi nyɛ nyɛ, ni amɛkɛ nyɛ tserɛ mli, ni amɛjɛ nyɛ ni amɛgbe nyɛgbɛi akɛ gbɛi fɔ̃ŋ yɛ Gbɔmɔ Bi lɛ hewɔ lɛ.

Yohane 16:1

“Mikɛɛ nyɛ nii nɛɛ, bɔ ni afee ni nyɛnane akatɔ̃tɔ̃.

Yohane 16:33

Mikɛɛ nyɛ nii nɛɛ, koni nyɛna hejɔlɛ yɛ mimli. Je lɛ mli lɛ, nyɛbaana amanehulu, shi nyɛtsui anyɔa nyɛmli, miye je lɛ nɔ kunim.”

Yohane 3:20

ni mɔ fɛɛ mɔ ni tsuɔ nifɔɔjianii lɛ nyɛɔ la lɛ, ni ebaaa la lɛ he, koni akajie enitsumɔi lɛ ashi.

Yohane 7:7

Je lɛ nyɛɛɛ nyɛ anyɛ; shi mi lɛ enyɛɔ mi, ejaakɛ miyeɔ ehe odase akɛ enitsumɔi lɛ nitsumɔi fɔ̃ji ni.

Bɔfoi 14:22

Amɛsaa amɛwo kaselɔi lɛ amumɔŋ hewalɛ, ni amɛwie amɛtsɔ̃ɔ amɛ, akɛ amɛhiɛ hemɔkɛyeli lɛ mli, ni asaŋ esa akɛ wɔtsɔ̃ɔ amanehului pii amli kɛboteɔ Nyɔŋmɔ Maŋtsɛyeli lɛ mli.

Hebribii 12:2

Ni wɔkwɛ hemɔkɛyeli shishijelɔ kɛ naagbelɔ ni ji Yesu lɛ, mɔ ni nyamɔ ni kã ehiɛ lɛ hewɔ lɛ emia ehiɛ yɛ sɛŋmɔtso lɛ he amanehulu lɛ mli. Ni ebuuu hiɛgbele lɛ, ni eyata shi yɛ Nyɔŋmɔ maŋtsɛ sɛi lɛ ninejurɔ nɔ lɛ.

Yakobo 4:4

Gbãlãfitelɔi! Nyɛleee akɛ naanyo ni akɛ je lɛ bɔɔ lɛ Nyɔŋmɔ nyɛɛ ni lo? No hewɔ lɛ, mɔ fɛɛ mɔ ni sumɔɔ akɛ ekɛ je lɛ abɔ naanyo lɛ etsɔ̃ Nyɔŋmɔ henyɛlɔ.

1 Yohane 3:1

Nyɛkwɛa suɔmɔ bɔ sɔŋŋ ni Tsɛ lɛ kɛsumɔ wɔ, akɛ atsɛ wɔ Nyɔŋmɔ bii, ni nakai wɔji! Enɛ hewɔ lɛ, je lɛ leee wɔ, ejaakɛ eleee Nyɔŋmɔ.

1 Yohane 3:13

Anyɛmimɛi, kɛji je lɛ miinyɛ nyɛ lɛ, nyɛhiɛ akafea nyɛ yaa.

1 Yohane 3:3

Ni mɔ fɛɛ mɔ ni yɔɔ hiɛnɔkãmɔ nɛɛ yɛ emli lɛ, etsuuɔ lɛ diɛŋtsɛ ehe, tamɔ bɔ ni lɛ ehe tse lɛ.