Yohane 15:16 - ŊMALƐ KRƆŊKRƆŊ LƐ

¹⁶ Jeee nyɛ nyɛhala mi, shi mi moŋ mihala nyɛ, ni mito nyɛ koni nyɛ hu nyɛya ni nyɛyawo yibii, ni nyɛyibii lɛ ahi shi, koni nɔ fɛɛ nɔ he fai ni nyɛaakpa Tsɛ lɛ yɛ migbɛi mli lɛ, ehã nyɛ.

Ṅmãle̱ Kroṅkroṅ Le̱

¹⁶ Dšee nye nyehalami, ši mi moṅ mihalanye, ni mitonye koni nye hũ nyeya ni nyeyawo yibii, ni nyeyibii le̱ ahĩ ši, koni nofẽno he fai ní nyeakpa tše̱ le̱ ye̱ migbei ano̱ le̱, eṅõ-hãnye.

Yohane 15:16 ပူးပေါင်းရင်းမြစ်များ

1 Mose 18:18

Abraham baatsɔ̃ maŋ kpeteŋkple ni he wa, ni abaajɔɔ shikpɔŋ lɛ nɔ maji fɛɛ kɛtsɔ̃ enɔ,

Lalai 145:4

Yinɔ kome aaakafo onitsumɔi lɛ atsɔ̃ɔ yinɔ kroko; ni amɛaajaje ohewalɛ nifeemɔi lɛ amɛtsɔ̃ɔ.

Lalai 71:18

Belɛ migbɔlɛ kɛ miwaŋjee nɛɛ mli lɛ, Oo Nyɔŋmɔ, kaakwa mi, kɛyaashi majaje ohewalɛ lɛ matsɔ̃ɔ yinɔbii ni baa lɛ.

Abe̱i 11:30

Jalɛ yibii lɛ wala ni; shi mla kwamɔ lɛ wala hiɛkpãtãmɔ ni.

Yesaia 27:6

Wɔsɛɛ ko lɛ Israel aaatsɛ̃rɛ̃ fãi tamɔ tso, ni Israel aaagba afofro hu, ni eyibii aaayi jeŋ fɛɛ.

Mika 5:7

Israelbii ni aaashwɛ lɛ aaatamɔ ŋwɛi bɔ ni Yehowa hãa enyɔɔ maji pii anɔ lɛ. Mɛi ni aaashwɛ lɛ aaatamɔ futufuli ni shwãa jwɛfɔ nɔ. Amɛkɛ amɛhe aaafɔ̃ Yehowa nɔ, shi jeee gbɔmɔ adesa ko nɔ.

Mateo 21:22

Ni nɔ fɛɛ nɔ ni nyɛaasɔle nyɛbi kɛ hemɔkɛyeli lɛ, nyɛnine aaashɛ nɔ.”

Mateo 7:7

“Nyɛbia, ni aaahã nyɛ; nyɛtaoa, ni nyɛaana; nyɛshia, ni aaagbele ahã nyɛ.

Luka 6:13

Ni be ni je tsɛre lɛ, etsɛ ekaselɔi lɛ kɛba eŋɔɔ ni ehala amɛteŋ mɛi nyɔŋma kɛ enyɔ, mɛi hu ni etsɛ amɛ bɔfoi lɛ.

Yohane 13:18

“Jeee nyɛ fɛɛ nyɛhe miwieɔ; mi lɛ mile mɛi ni mihala; shi moŋ bɔ ni afee ni nɔ ni aŋma lɛ aba mli akɛ, ‘Mɔ ni yeɔ midɛŋ aboloo lɛ, ewo enanetsitsi eshi mi.’

Yohane 15:19

Eji je lɛ mli nyɛjɛ kulɛ, je lɛ aaasumɔ nyɛ akɛ lɛ diɛŋtsɛ emɛi, shi akɛni nyɛjɛɛɛ je lɛ mli, shi moŋ mihala nyɛ kɛjɛ je lɛ mli hewɔ lɛ, je lɛ nyɛɔ nyɛ lɛ.

Yohane 15:5

“Mi ji waintso lɛ, nyɛ ji niji lɛ. Mɔ ni hiɔ mimli ni mi hu mihiɔ emli lɛ, lɛ ewoɔ yibii pii; ejaakɛ kɛjeee miŋ lɛ nyɛnyɛŋ nɔ ko nyɛfee.

Yohane 6:70

Yesu here amɛ nɔ akɛ, “Ani jeee nyɛyi nyɔŋma kɛ enyɔ mihala? Shi nyɛteŋ mɔ kome lɛ abonsam ni!”

Bɔfoi 1:24

Ni amɛsɔle amɛkɛɛ, “Bo, Nuŋtsɔ, ni ole gbɔmɛi fɛɛ atsuiiaŋ, tsɔ̃ɔmɔ mɛi enyɔ nɛɛ ateŋ mɔ ni ohala

Bɔfoi 1:8

Shi moŋ kɛ Mumɔ Krɔŋkrɔŋ lɛ na ba nyɛnɔ lɛ, nyɛaana hewalɛ ni nyɛaatsɔ̃mɔ midasefoi yɛ Yerusalɛm kɛ Yudea kɛ Samaria fɛɛ, kɛyashi jeŋ koji ejwɛ lɛ.”

Bɔfoi 10:41

jeee mɛi lɛ fɛɛ ejie ehe kpo etsɔ̃ɔ, shi moŋ odasefoi ni Nyɔŋmɔ ehala eto momo lɛ, ni ji wɔ mɛi ni wɔkɛ lɛ ye nii ni wɔkɛ lɛ nu, be ni ete shi kɛjɛ gbohii ateŋ lɛ sɛɛ lɛ.

Bɔfoi 22:14

Ni ekɛɛ, ‘Wɔtsɛmɛi aNyɔŋmɔ lɛ ehala bo eto, ni ole esuɔmɔnaanii, ni ona Nyɔŋmɔ Jalɔ lɛ, ni onu edaaŋ gbee;

Bɔfoi 9:15

Shi Nuŋtsɔ lɛ kɛɛ lɛ akɛ, “Yaa, ejaakɛ mɔ nɛ ji midɛŋ dade ni mihala mihã mihe koni ehiɛ migbɛi lɛ kɛya jeŋmaji lɛ kɛ maŋtsɛmɛi kɛ Israelbii lɛ hu ahiɛ.

Romabii 1:13

Shi anyɛmimɛi, miisumɔ akɛ nyɛle akɛ mifɔɔ miyiŋtoo akɛ maba nyɛŋɔɔ, koni mibana yibii komɛi yɛ nyɛ hu nyɛteŋ, tamɔ mina yɛ jeŋmaji krokomɛi lɛ ateŋ lɛ.

Romabii 1:5

Enɔ mitsɔ̃ mina dromɔ kɛ bɔfo nitsumɔ koni mihã jeŋmaji lɛ fɛɛ abo hemɔkɛyeli lɛ toi, yɛ egbɛi lɛ hewɔ.

Romabii 15:4

Ejaakɛ nibii abɔ ni aŋma ato momo lɛ, aŋma ni etsɔ̃ɔ wɔ nii, koni wɔkɛ hiɛmiamɔ kɛ ŋmalɛi lɛ amli miishɛjemɔ lɛ ana hiɛnɔkãmɔ.

Romabii 9:21

Aloo gbɛshɔ̃lɔ bɛ hegbɛ yɛ su lɛ nɔ, akɛ ekɛ su ni akpɔtɔ kome lɛ nɔŋŋ eko aaashɔ̃ nɔ ko ni yɔɔ nyam ni ekɛ eko hu aaashɔ̃ nɔ ko ni bɛ nyam?

1 Korintobii 10:11

Shi enɛɛmɛi fɛɛ ba amɛnɔ ni akɛto okadi ahã wɔ, ni aŋma ni akɛbɔ wɔ kɔkɔ, wɔ mɛi ni je lɛ naagbee bei lɛ enina wɔ lɛ.

Galatabii 1:15

Shi be ni esa Nyɔŋmɔ ni jie mi eto kɛjɛ minyɛ musuŋ beebe ni ekɛ edromɔ lɛ tsɛ mi kɛba lɛ hiɛ,

Efesobii 2:10

Ejaakɛ enine naa nitsumɔnii ji wɔ, abɔ wɔ yɛ Kristo Yesu mli ahã nitsumɔi kpakpai ni Nyɔŋmɔ esaa eto koni wɔnyiɛ yɛ mli lɛ.

Kolosebii 1:23

Shi esa ni nyɛhiɛ hemɔkɛyeli lɛ mli ni nyɛdamɔ shi shiŋŋ yɛ shishitoo lɛ nɔ, ni nyɛkatsi nyɛhe kɛjɛ Sanekpakpa lɛ hiɛnɔkãmɔ lɛ he, Sanekpakpa lɛ ni nyɛnu ni ashiɛɔ atsɔ̃ɔ bɔɔnii fɛɛ ni yɔɔ ŋwɛi shishi, ni mi Paulo misɔ̃mɔɔ yɛ he lɛ.

Kolosebii 1:6

Sanekpakpa lɛ eshɛ nyɛŋɔɔ tamɔ bɔ nɔŋŋ ni eyɔɔ yɛ jeŋ muu lɛ fɛɛ mli, ni eewo yibii ni eeshwere, tamɔ bɔ ni efeɔ yɛ nyɛ hu nyɛteŋ kɛjɛ gbi nɔ ni nyɛnu ni nyɛna nyɛle Nyɔŋmɔ dromɔ lɛ yɛ anɔkwale mli lɛ.

1 Timoteo 2:7

ni no hewɔ awo mi shiɛlɔ kɛ bɔfo (anɔkwale miwieɔ yɛ Kristo mli, mimaleee), jeŋmaji atsɔ̃ɔlɔ yɛ hemɔkɛyeli kɛ anɔkwale mli lɛ.

2 Timoteo 1:11

Enɛ he awo mi shiɛlɔ kɛ bɔfo kɛ tsɔɔlɔ yɛ lɛ.

2 Timoteo 2:2

Ni nii ni onu yɛ minaa yɛ odasefoi pii ahiɛ lɛ, tuu owo gbɔmɛi anɔkwafoi adɛŋ, mɛi ni aaanyɛ atsɔ̃ɔ mɛi krokomɛi hu lɛ.

Tito 1:5

Enɛ hewɔ mishi bo yɛ Kreta, koni oto nii ni eshwɛ lɛ gbɛjianɔ pɛpɛɛpɛ, ni owowoo onukpai yɛ maŋ fɛɛ maŋ mli, tamɔ bɔ ni mikɛɛ bo momo lɛ.

Hebribii 11:4

Hemɔkɛyeli Habel kɛshã afɔle ni fe Kain nɔ lɛ ehã Nyɔŋmɔ, no hewɔ hu ni aye ehe odase akɛ jalɔ ji lɛ lɛ; ejaakɛ Nyɔŋmɔ he enikeenii lɛ; ni no nɔŋŋ nɔ etsɔ̃ɔ ewieɔ lolo, tsɛ egbo.

Yakobo 3:18

Shi jalɛ yibii lɛ, hejɔlɛ mli aduɔ yɛ ahãa mɛi ni feɔ hejɔlɛnii lɛ.

1 Petro 3:15

Shi Nuŋtsɔ, Kristo lɛ, nyɛbua lɛ krɔŋkrɔŋ yɛ nyɛtsuii amli; ni daa nɛɛ nyɛsaa nyɛhe nyɛtoa, koni nyɛna hetoo nyɛhã mɔ fɛɛ mɔ ni biɔ nyɛ hiɛnɔkãmɔ ni yɔɔ nyɛmli lɛ shi lɛ;

1 Petro 3:2

ejaakɛ amɛnaa nyɛjeŋba ni he tse ni gbeyeishemɔ yɔɔ mli lɛ.

1 Yohane 4:10

Enɛ mli suɔmɔ lɛ yɔɔ, jeee akɛ wɔ ni wɔsumɔ Nyɔŋmɔ, shi moŋ lɛ ni esumɔ wɔ, ni etsu eBi lɛ akɛ ebafee wɔhe eshai lɛ ahe kpãtãmɔnɔ.

1 Yohane 4:19

Wɔsumɔɔ Nyɔŋmɔ, ejaakɛ lɛ tsutsu esumɔ wɔ.