Yohane 15:11 - ŊMALƐ KRƆŊKRƆŊ LƐ

¹¹ “Mikɛ nyɛ ewie enɛɛmɛi, koni mimiishɛɛ lɛ ahi nyɛmli, ni nyɛmiishɛɛ lɛ aye emuu.

Ṅmãle̱ Kroṅkroṅ Le̱

¹¹ Mike̱nye wie ene̱mei, koni mimīše̱ le̱ ahĩ nyemli, ni nyemīše̱ le̱ ayi. 17,13.

Yohane 15:11 ပူးပေါင်းရင်းမြစ်များ

Yesaia 53:11

Esusuma haomɔ lɛ hewɔ lɛ, eeena nii ni aaahã etsui anyɔ emli. Kɛtsɔ̃ mitsulɔ jalɔ lɛ nilee nɔ lɛ, eeehã aŋɔ mɛi babaoo akɛ jalɔi, ni eeetere amɛnishaianii lɛ.

Yesaia 62:4

Atsɛŋ bo “Mɔ ni akwa lɛ” dɔŋŋ; shi moŋ aaatsɛ bo “Mitsui naa gbɔmɔ”; ni aaatsɛ oshikpɔŋ lɛ hu “Kpeemɔ yoo”; ejaakɛ Yehowa ena ohe tsuijurɔ ni oshikpɔŋ lɛ hu aaakpee lɛ.

Yeremia 32:41

Mibafee amɛ ejurɔ kɛ miishɛɛ, ni anɔkwale mli lɛ, mikɛ mitsui kɛ mimumɔ fɛɛ baahã amɛhe shi yɛ shikpɔŋ nɛɛ nɔ.

Yeremia 33:9

Ni maŋ nɛɛ gbɛi baahã mimli afili mi, ni ebaatsɔ̃ miyijiemɔ kɛ mihiɛ nyam yɛ jeŋ maji fɛɛ ni aaanu ejuji fɛɛ ni mifee amɛ lɛ he lɛ ahiɛ. Amɛtsui baafã, ni amɛhe baakpokpo yɛ ejuji fɛɛ ni mifeɔ maŋ nɛɛ kɛ shweremɔ ni mihãa amɛshwereɔ lɛ hewɔ.”

Zefania 3:17

Yehowa, oNyɔŋmɔ lɛ, kɛ bo yɛ, Taiatsɛ ni hãa ayeɔ kunim lɛ. Eeenya ohe kɛ miishɛɛ, eeeku sɛɛ esumɔ bo ekoŋŋ. Ebaala kɛ mliflimɔ yɛ ohewɔ,

Luka 15:23

ni nyɛkɛ tsinabi ni ewo fɔ lɛ abaa nyɛbagbea, ni nyɛhãa wɔyea nii ni wɔnaa tsuijurɔ;

Luka 15:32

shi esa akɛ wɔnya ni wɔmii ashɛ wɔhe, ejaakɛ onyɛmi nɛɛ gbo, ni ehiɛ etsɛ̃ ekoŋŋ, elaaje, ni ana lɛ.’ ”

Luka 15:5

Ni kɛ ena lɛ lɛ, ewoɔ lɛ etswaa ekɔ̃ŋ, ni enaa miishɛɛ;

Luka 15:9

Ni kɛ ena lɛ, etsɛɔ eshieŋtsɛmɛi kɛ ekuŋbii kɛkpeɔ ni ekɛɔ akɛ, ‘Nyɛkɛ mi anaa miishɛɛ, ejaakɛ mina mijwiɛtɛi kuku ni laaje lɛ.’

Yohane 16:24

Kɛbashi amrɔ nɛɛ lɛ nyɛbiko nɔ ko yɛ migbɛi mli; nyɛbia, ni nyɛaana, koni nyɛmiishɛɛ lɛ aye emuu.”

Yohane 16:33

Mikɛɛ nyɛ nii nɛɛ, koni nyɛna hejɔlɛ yɛ mimli. Je lɛ mli lɛ, nyɛbaana amanehulu, shi nyɛtsui anyɔa nyɛmli, miye je lɛ nɔ kunim.”

Yohane 17:13

Ni agbɛnɛ miiba oŋɔɔ, ni miiwie nii nɛɛ yɛ je lɛ mli, koni amɛna mimiishɛɛ lɛ ni eye emuu yɛ amɛmli.

Yohane 3:29

Mɔ ni hiɛ ayɛmforo lɛ, lɛ ji ayɛmforowu; shi ayɛmforowu lɛ shieŋtsɛ ni damɔ shi boɔ lɛ toi lɛ, nya enyaa yɛ ayɛmforowu lɛ gbee hewɔ. No hewɔ lɛ, nɛkɛ minyamɔ nɛɛ eba mli.

Romabii 15:13

Shi Nyɔŋmɔ ni ji wɔhiɛnɔkãmɔ lɛ kɛ miishɛɛ kɛ hejɔlɛ fɛɛ awo nyɛ obɔ̃bɔ̃ɔbɔ̃ yɛ hemɔkɛyeli mli, koni nyɛna hiɛnɔkãmɔ ni ateke nɔ yɛ Mumɔ Krɔŋkrɔŋ hewalɛ mli.

2 Korintobii 1:24

Jeee akɛ nyɛhemɔkɛyeli lɛ nyɔŋ wɔyeɔ, ejaakɛ nyɛdamɔ shi shiŋŋ yɛ hemɔkɛyeli lɛ mli, shi moŋ wɔfata nyɛhe kɛmiitsu nii kɛhã nyɛmiishɛɛnamɔ.

Efesobii 5:18

Ni nyɛkatɔrɔa dãa, nɔ mli ni yakayaka jeŋba yɔɔ lɛ, shi moŋ nyɛyimɔa obɔ̃ kɛ Mumɔ lɛ,

Filipibii 1:25

Ni akɛni miŋɔ mihiɛ mifɔ̃ enɛ nɔ hewɔ lɛ, mile akɛ mahi shi, ni mikɛ nyɛ fɛɛ aaahi shi, koni nyɛhemɔkɛyeli lɛ ashwere, ni nyɛna miishɛɛ yɛ mli;

1 Tesalonikabii 5:16

Nyɛnaa miishɛɛ daa,

1 Petro 1:8

Nyɛnako lɛ moŋ nɛ, shi nyɛsumɔɔ lɛ; ni amrɔmrɔ nɛɛ hu nyɛnaaa lɛ moŋ, shi nyɛhe enɔ nyɛye. Hewɔ lɛ nyɛmli filiɔ nyɛ kɛ miishɛɛ ni anyɛɛɛ agba ni yɔɔ nyam babaoo lɛ,

1 Yohane 1:4

Wɔmiiŋma nyɛ nii nɛɛ, koni nyɛmiishɛɛ lɛ ayi obɔ̃.

2 Yohane 1:12

Kulɛ miyɛ nibii pii ni maŋma nyɛ, shi misumɔ̃ɔɔ akɛ mikɛ wolo kɛ “blɛgi” ŋmaa, shi moŋ mihiɛ kã nɔ akɛ maba nyɛŋɔɔ ni mikɛ nyɛ abawie hiɛ kɛ hiɛ, koni wɔmiishɛɛ lɛ ayi obɔ̃.