Yohane 15:1 - ŊMALƐ KRƆŊKRƆŊ LƐ

¹ “Mi ji anɔkwa waintso lɛ, ni miTsɛ ji okwaafonyo lɛ.

Ṅmãle̱ Kroṅkroṅ Le̱

¹ Midsi ano̱kwa weintšo le̱, ni mitše̱ dši okwafonyo le̱.

Yohane 15:1 ပူးပေါင်းရင်းမြစ်များ

Salomo Lalai 7:12

Hã wɔte shi maŋkɛ mra, ni wɔya waintromii lɛ amli, ni wɔyakwɛ akɛ waintso lɛ miifrɔke ni eegba afofro, ni maŋotsei lɛ hu egba afofro lo? Jɛi mikɛ misuɔmɔ baahã bo yɛ.

Yesaia 4:2

Nakai be lɛ Yehowa tso nine lɛ baafee fɛo, ni ebaashwere, ni shikpɔŋ lɛ nɔ nibaanii aaafee shwãanɔ kɛ nyam ahã Israelbii ni eje hiɛkpãtãmɔ lɛ mli lɛ.

Yesaia 60:21

Omaŋ muu lɛ fɛɛ aaafee nɔ ni ja, ni shikpɔŋ lɛ aaatsɔ̃ amɛnɔ kɛya naanɔ, amɛ ji tso ni mitɛo akɛ mi mininenaa nitsumɔ nii koni akɛwo mihiɛ nyam.

Yesaia 61:3

Etsu mi koni mɛi ni yeɔ ŋkɔmɔ yɛ Zion lɛ mibaha amɛ ayilɔ yɛ lamlu najiaŋ, ni yɛ awerɛho najiaŋ lɛ, mibaha amɛmii ashɛ. Amɛaafee tamɔ tsei ni Yehowa diɛŋtsɛ tɛo. Amɛ fɛɛ amɛaafee nii ni ja, ni aaajie Nyɔŋmɔ yi yɛ nii ni efee lɛ hewɔ.

Yeremia 12:10

Tookwɛlɔi babaoo ekpãtã miwain abɔɔ lɛ hiɛ, amɛnaanaa migbɛfaŋnɔ lɛ nɔ; amɛhã migbɛfaŋnɔ fɛɛfɛo lɛ etsɔ̃ ŋa kpataa.

Yeremia 2:21

Mitɛo bo akɛ wain tso kpakpa ni jɛ wu kpakpa mli. Shi te fee tɛŋŋ ni ofite otsɔ̃ kooŋ wain tso kwraa nɛɛ?

Ezekiel 19:10

Onyɛ tamɔ waintso ni atɛo yɛ faa toi; egbala niji, ni ewo yibii babaoo, ejaakɛ enaa nu pii.

Hosea 10:1

Israel tamɔ wain tso ni efũ baa ni eewo. Babaoo ni Israelbii lɛ shwereɔ lɛ babaoo ni amɛmamɔɔ afɔleshãa latɛi ji no. Bɔ ni amɛshikpɔŋ lɛ baa nii lɛ, nakai nɔŋŋ amɛsaa shiui ni amɛkɛjaa lɛ hu ahe.

Zakaria 3:8

Agbɛnɛ, bo osɔfonukpa Yoshua, bo toi, bo kɛ onanemɛi osɔfoi krokomɛi ni yɔɔ oshishi lɛ fɛɛ. Mɛi nɛɛ ji shade ni baaba lɛ he okadi lɛ. Naa, mibawo mitsulɔ, ni atsɛɔ lɛ Tsonine, gbɛ kɛba.

Mateo 15:13

Shi ehere nɔ ekɛɛ, “Tso fɛɛ tso ni jeee miŋwɛi-Tsɛ lɛ tɛoɔ lɛ, fã aaafã.

Mateo 20:1

“Ejaakɛ ŋwɛi maŋtsɛyeli lɛ tamɔ nuu shĩatsɛ ko ni je kpo maŋkɛ mra ni eyabɔ nitsulɔi apaa kɛya ewaintrom mli.

Mateo 21:33

“Nyɛboa abɛ kroko hu toi,” Yesu kɛɛ, “Shĩatsɛ ko yɛ, ni efee waintrom, ni efo afabaŋ ewo he, ni etsa wainbu yɛ mli, ni emã mɔɔ yɛ mli; ni ekɛhã hulɔi apaayeli; ni edom.

Marko 12:1

Ni Yesu kɛ amɛ bɔ̃i wiemɔ yɛ abɛbuai amli akɛ, “Nuu ko fee waintrom, ni efo afabaŋ ewo he; etsa wainbu, ni etswa mɔɔ yɛ mli, ni ekɛhã bulɔi apaayeli, ni edom.

Luka 13:6

Ni ebu amɛ nɛkɛ abɛ nɛɛ akɛ, “Mɔ ko tɛo agbãmitso yɛ ewaintrom mli ni eba enɔ yibii taomɔ lɛ, enaaa eko.

Yohane 1:17

Ejaakɛ Mla lɛ, Mose nɔ atsɔ̃ akɛhã; shi dromɔ kɛ anɔkwale lɛ, Yesu Kristo nɔ etsɔ̃ kɛba.

Yohane 1:9

Anɔkwa la lɛ ni tsoɔ hãa mɔ fɛɛ mɔ lɛ baa je lɛ mli nɛɛ.

Yohane 15:2

Mihe nine fɛɛ nine ni wooo yibii lɛ, efolɔɔ ni eko fɛɛ eko ni woɔ yibii lɛ, ekpɔlɔɔ he, bɔ ni afee ni ewo yibii pii fe tsutsu lɛ.

Yohane 6:32

Kɛkɛ lɛ Yesu kɛɛ amɛ akɛ, “Anɔkwale mikɛɔ nyɛ akɛ, jeee Mose ji mɔ ni hã nyɛ aboloo lɛ kɛjɛ ŋwɛi lɛ, shi miTsɛ moŋ hãa nyɛ anɔkwa aboloo ni jɛɔ ŋwɛi lɛ.

Yohane 6:55

Ejaakɛ miheloo lɛ anɔkwa ŋmaa ni, ni milá lɛ anɔkwa numɔnɔ ni.

Romabii 11:17

Shi kɛji akumɔ tso niji lɛ ekomɛi, ni abatɛo bo ni oji ŋaŋmutso lɛ yɛ amɛnajiaŋ, ni ona mutso lɛ shishifã lɛ kɛ emlinu lɛ eko lɛ,

1 Korintobii 3:9

Ejaakɛ Nyɔŋmɔ hefatalɔi nitsulɔi ji wɔ; Nyɔŋmɔ ŋmɔ kɛ Nyɔŋmɔ tsu ji nyɛ.

1 Yohane 2:8

Shi asaŋ kitã hee miŋmaa nyɛ nɛɛ, nɔ ni ji anɔkwa yɛ Kristo mli kɛ nyɛ hu nyɛmli lɛ, ejaakɛ duŋ lɛ eho, ni anɔkwa là lɛ miitso momo.