Yohane 14:24 - ŊMALƐ KRƆŊKRƆŊ LƐ

²⁴ Mɔ ni sumɔɔɔ mi lɛ, eyeee miwiemɔi lɛ anɔ; ni wiemɔ ni nyɛnuɔ lɛ jeee minɔŋ, shi moŋ Tsɛ ni tsu mi lɛ nɔŋ.

Ṅmãle̱ Kroṅkroṅ Le̱

²⁴ Moni sumo̱o̱mi le̱ eyee miwiemo̱i le̱ ano̱; *ni wiemo̱ ní nyenuo̱ le̱ dšee minõṅ, ši moṅ tše̱ ní tšũmi le nõṅ. *7,16.

Yohane 14:24 ပူးပေါင်းရင်းမြစ်များ

Yohane 7:16

Yesu here amɛ nɔ ni ekɛɛ, “Minitsɔ̃ɔmɔ lɛ, jeee minɔŋ, shi moŋ mɔ ni tsu mi lɛ nɔŋ.

Yohane 14:10

Ani oheee oyeee akɛ miyɛ Tsɛ lɛ mli ni Tsɛ lɛ hu yɛ mimli? Wiemɔi ni mikɛ nyɛ wieɔ lɛ, jeee mi diɛŋtsɛ miyiŋ mitoɔ miwieɔ; shi Tsɛ lɛ ni hiɔ mimli lɛ, lɛ etsuɔ enitsumɔi lɛ.

Yohane 8:42

Kɛkɛ lɛ Yesu kɛɛ amɛ akɛ, “Nyɔŋmɔ ji nyɛTsɛ kulɛ, nyɛaasumɔ mi; ejaakɛ mi lɛ Nyɔŋmɔ ŋɔɔ mijɛ miba; ni asaŋ mitooo mi diɛŋtsɛ miyiŋ mibaaa, shi moŋ lɛ etsu mi.

Yohane 5:19

No hewɔ lɛ, Yesu here nɔ ekɛɛ amɛ akɛ, “Anɔkwale mikɛɔ nyɛ akɛ, Bi lɛ diɛŋtsɛ nyɛŋ eto eyiŋ efee nɔ ko, ja nɔ ni ena akɛ Tsɛ lɛ miifee; ejaakɛ nibii fɛɛ ni Tsɛ lɛ feɔ lɛ, nomɛi nɔŋŋ Bi lɛ hu feɔ.

Yohane 3:34

Ejaakɛ mɔ ni Nyɔŋmɔ tsu lɛ, Nyɔŋmɔ wiemɔi ewieɔ; ejaakɛ jeee susumɔ Nyɔŋmɔ susuɔ Mumɔ lɛ ehãa lɛ.

Yohane 14:15

“Kɛji nyɛmiisumɔ mi lɛ nyɛaaye mikitãi lɛ anɔ.

Yohane 5:38

ni ewiemɔ lɛ mɔɔɔ shi yɛ nyɛmli, ejaakɛ nyɛheee mɔ ni etsu lɛ nyɛyeee.

Yohane 8:38

Mi lɛ, nɔ ni mina yɛ miTsɛ he lɛ, no miwieɔ; ni nyɛ hu, nɔ ni nyɛnu yɛ nyɛtsɛ naa lɛ, no nyɛfeɔ.”

Yohane 8:26

Miyɛ nyɛhe saji pii ni mawie ni mikɛaakojo nyɛ; shi kɛ̃lɛ mɔ ni tsu mi lɛ anɔkwafoŋ, ni mi lɛ, nii ni minu yɛ enaa lɛ, nomɛi nɔŋŋ miwieɔ mitsɔ̃ɔ je lɛ.”

Yohane 8:28

No hewɔ lɛ, Yesu kɛɛ amɛ akɛ, “Be ni nyɛaawo Gbɔmɔ Bi lɛ nɔ lɛ, no mli nyɛaale akɛ mi ni, ni akɛ mitooo miyiŋ mifeee nɔ ko, shi moŋ bɔ ni miTsɛ tsɔ̃ɔ mi lɛ, nakai miwieɔ.

Yohane 7:28

No hewɔ lɛ, be ni Yesu tsɔ̃ɔ nii yɛ Sɔlemɔ we lɛ, ebo ekɛɛ, “Nyɛle mi, ni asaŋ nyɛle he ni mijɛ; ni mitooo mi diɛŋtsɛ miyiŋ mibaaa, shi moŋ anɔkwafo ji mɔ ni tsu mi lɛ, ni nyɛleee lɛ.

Mateo 19:21

Yesu kɛɛ lɛ akɛ, “Kɛji ootao akɛ ohi kɛwula shi lɛ, yaa ni oyahɔ̃ɔ nii ni oyɔɔ lɛ, ni okɛhã ohiafoi, ni ooona jwetri yɛ ŋwɛi; ni oba obanyiɛ misɛɛ.”

Yohane 3:11

Miikɛɛ bo anɔkwale akɛ, nɔ ni wɔle lɛ, no wɔwieɔ; ni nɔ ni wɔna lɛ, no he odase wɔyeɔ; shi nyɛŋɔɔɔ wɔdase lɛ.

Yohane 14:25

“Miikɛɛ nyɛ nii nɛɛ be mli ni mikɛ nyɛ yɔɔ nɛɛ.