Yohane 14:20 - ŊMALƐ KRƆŊKRƆŊ LƐ

²⁰ Nakai gbi lɛ nɔ lɛ nyɛ diɛŋtsɛ nyɛaale akɛ miyɛ miTsɛ mli, ni nyɛ hu nyɛyɛ mimli, ni mi hu miyɛ nyɛmli.

Ṅmãle̱ Kroṅkroṅ Le̱

²⁰ Nakai gbĩ le̱ no̱ le̱ nyedientše̱ nyeale ake̱ miye̱ mitše̱ mli ni nye hũ nyeye̱ mimli ni mi hũ miye̱ nyemli. 17,21-23.

Yohane 14:20 ပူးပေါင်းရင်းမြစ်များ

Yohane 10:38

shi kɛji no mitsuɔ, ni kɛ̃lɛ nyɛheee mi nyɛyeee lɛ, nyɛhea nitsumɔi lɛ kɛkɛ nyɛyea mɔ, koni nyɛle ni nyɛhe nyɛye akɛ Tsɛ lɛ yɛ mimli, ni mi hu miyɛ Tsɛ lɛ mli.”

Yohane 14:10

Ani oheee oyeee akɛ miyɛ Tsɛ lɛ mli ni Tsɛ lɛ hu yɛ mimli? Wiemɔi ni mikɛ nyɛ wieɔ lɛ, jeee mi diɛŋtsɛ miyiŋ mitoɔ miwieɔ; shi Tsɛ lɛ ni hiɔ mimli lɛ, lɛ etsuɔ enitsumɔi lɛ.

Yohane 14:11

Nyɛhea mi nyɛyea akɛ miyɛ Tsɛ lɛ mli ni Tsɛ lɛ hu yɛ mimli; shi kɛji nyɛheee mi nyɛyeee lɛ, nyɛhea mi nyɛyea yɛ minitsumɔi lɛ ahewɔ.

Yohane 16:23

“Ni nakai gbi lɛ nɔ lɛ nyɛbiŋ mi nɔ ko nɔ ko. Anɔkwale mikɛɔ nyɛ akɛ, nɔ fɛɛ nɔ he fai ni nyɛaakpa Tsɛ lɛ yɛ migbɛi mli lɛ, eeehã nyɛ.

Yohane 16:26

Nakai gbi lɛ nɔ lɛ nyɛaabi nɔ ni nyɛtaoɔ yɛ migbɛi mli, shi mikɛɛ nyɛ akɛ mi mabi Tsɛ lɛ mahã nyɛ;

Yohane 17:11

Mibɛ je lɛ mli dɔŋŋ, shi mɛnɛɛmɛi yɛ je lɛ mli, ni mi lɛ miiba oŋɔɔ. Ataa Krɔŋkrɔŋ, mɛi ni okɛhã mi lɛ, too amɛ yɛ ogbɛi lɛ mli, bɔ ni afee ni amɛfee ekome tamɔ wɔ.

Yohane 17:26

ni mijie ogbɛi lɛ kpo mitsɔ̃ɔ amɛ, ni masaa majie lɛ kpo matsɔ̃ɔ, koni suɔmɔ ni okɛsumɔ mi lɛ ahi amɛmli, ni mi hu mahi amɛmli.”

Yohane 17:7

Agbɛnɛ amɛle akɛ nii fiaa ni okɛhã mi lɛ, oŋɔɔ ejɛ;

Yohane 6:56

Mɔ ni yeɔ miheloo ni enuɔ mila lɛ, ehiɔ mimli, ni mi hu mihiɔ emli.

Romabii 16:7

Nyɛŋaa Androniko kɛ Yunia, miwekumɛi ni awo mi kɛ amɛ tsuŋ ni amɛyɔɔ gbɛi yɛ bɔfoi lɛ ateŋ ni amɛtsɔ̃ mihiɛ yɛ Kristo mli lɛ.

Romabii 8:1

No hewɔ lɛ, agbɛnɛ fɔ ko fɔ ko bɛ ni abaabu mɛi ni yɔɔ Kristo Yesu mli lɛ.

1 Korintobii 1:30

Shi lɛ ejɛ ni nyɛyɔɔ Kristo Yesu, mɔ ni tsɔ̃ nilee ni jɛ Nyɔŋmɔ ŋɔɔ kɛ jalɛ kɛ hetsuumɔ kɛ kpɔ̃mɔ ehã wɔ lɛ mli;

2 Korintobii 12:2

Mile gbɔmɔ ko yɛ Kristo mli. Afii nyɔŋma kɛ ejwɛ nɛ lɛ, ashá nɛkɛ gbɔmɔ nɛɛ kɛtee ŋwɛi ni ji etɛ̃ lɛ; ashá lɛ ni eyɛ gbɔmɔtso mli jio, mileee; ebɛ gbɔmɔtso mli jio, mileee; Nyɔŋmɔ le.

2 Korintobii 13:5

Nyɛkaa nyɛ diɛŋtsɛ nyɛhe nyɛkwɛa akɛ nyɛyɛ hemɔkɛyeli lɛ mli lo? Nyɛtaoa nyɛ diɛŋtsɛ nyɛmli nyɛkwɛa. Aloo nyɛleee yɛ nyɛ diɛŋtsɛ nyɛhe akɛ Yesu Kristo yɛ nyɛmli? Kɛ nyɛleee nakai lɛ, mɛi ni esaaa kwraa ji nyɛ.

2 Korintobii 5:17

Hewɔ lɛ, kɛ mɔ ko yɛ Kristo mli lɛ, bɔɔnɔ hee ji lɛ; blema nii lɛ eho; naa, nibii fɛɛ etsɔ̃mɔ ehee.

2 Korintobii 5:19

no ji akɛ Nyɔŋmɔ tsɔ̃ Kristo nɔ ekɛ je lɛ kpãtã, ni ebuuu amɛnɔ̃tɔ̃mɔi lɛ ehãaa amɛ, ni etu kpãtãmɔ wiemɔ lɛ ewo wɔdɛŋ.

Galatabii 2:20

Asɛŋ mi kɛ Kristo; hewɔ lɛ jeee mi mihiɛ kã dɔŋŋ, shi Kristo ni hiɛ kã yɛ mimli; shi mihiɛ ni kã yɛ heloo mli agbɛnɛ nɛɛ, Nyɔŋmɔ Bi lɛ ni sumɔ mi ni ekɛ ehe hã yɛ mihewɔ lɛ nɔ hemɔkɛyeli mli mihiɛ kã yɛ.

Efesobii 2:10

Ejaakɛ enine naa nitsumɔnii ji wɔ, abɔ wɔ yɛ Kristo Yesu mli ahã nitsumɔi kpakpai ni Nyɔŋmɔ esaa eto koni wɔnyiɛ yɛ mli lɛ.

Kolosebii 1:19

Ejaakɛ Nyɔŋmɔ sumɔ akɛ lɛ Nyɔŋmɔ lɛ diɛŋtsɛ esu muu lɛ fɛɛ ahi emli.

Kolosebii 1:27

Ni Nyɔŋmɔ sumɔ akɛ ahã amɛle nɔ ni ji nɛkɛ teemɔ sane nɛɛ anunyam falɛ lɛ yɛ jeŋmaji lɛ ateŋ. Teemɔ sane nɛɛ ji akɛ Kristo yɛ nyɛmli koni nyɛna anunyam lɛ hiɛnɔkãmɔ lɛ.

Kolosebii 2:9

Ejaakɛ Kristo mli Nyɔŋmɔ su muu lɛ fɛɛ hiɔ yɛ gbɔmɔtso su mli;

1 Yohane 4:12

Nyɔŋmɔ lɛ mɔ ko enako lɛ pɛŋ. Kɛji wɔsumɔɔ wɔhe lɛ, Nyɔŋmɔ hiɔ wɔmli, ni esuɔmɔ lɛ yeɔ emuu yɛ wɔmli.