Yohane 14:19 - ŊMALƐ KRƆŊKRƆŊ LƐ

¹⁹ Eshwɛ fioo kɛkɛ ni je lɛ enaŋ mi dɔŋŋ; shi nyɛ lɛ nyɛaana mi; ejaakɛ mihiɛ kã, ni nyɛ hu nyɛhiɛ aaakã.

Ṅmãle̱ Kroṅkroṅ Le̱

¹⁹ Eſe̱ fiõ ke̱ke̱ ni dše le̱ enaṅmi doṅṅ; ši nye le̱ nyemīnami; edšake̱ mihĩe kã, ni nye hũ nyehĩe aakã. 16,16.

Yohane 14:19 ပူးပေါင်းရင်းမြစ်များ

Yohane 16:16

“Eshwɛ fioo ni nyɛnaŋ mi, ni asaŋ eshwɛ fioo ni nyɛbaana mi, ejaakɛ miiya Tsɛ lɛ ŋɔɔ.”

Hebribii 7:25

No hewɔ hu lɛ enyɛɔ mɛi ni tsɔ̃ɔ enɔ kɛbaa Nyɔŋmɔ ŋɔɔ lɛ ayiwala ehereɔ kwraa, akɛni eyɛ daa koni edamɔ mli ehã amɛ lɛ.

Yohane 7:33

Kɛkɛ ni Yesu kɛɛ amɛ akɛ, “Be fioo kɛkɛ eshwɛ ni mikɛ nyɛ baahi shi, ni mibaya mɔ ni tsu mi lɛ ŋɔɔ.

Yohane 11:25

Yesu kɛɛ lɛ akɛ, “Mi lɛ mi ji shitee lɛ kɛ wala lɛ; mɔ ni heɔ minɔ yeɔ lɛ, kɛji egbo tete lɛ, ehiɛ aaakã;

1 Korintobii 15:45

Nakai aŋma hu akɛ, “Adam ni ji klɛŋklɛŋ gbɔmɔ lɛ tsɔ̃ susuma ni hiɛ kã;” naagbee Adam lɛ tsɔ̃ mumɔ ni hãa mɔ yi naa wala.

Yohane 16:22

Nakai ji nyɛ hu; amrɔ nɛɛ nyɛmiiye ŋkɔmɔ; shi mibana nyɛ ekoŋŋ, ni nyɛtsui aaanyɔ nyɛmli ni nyɛmiishɛɛ lɛ mɔ ko shɔŋ yɛ nyɛdɛŋ.

Romabii 8:34

Namɔ ji mɔ ni buɔ fɔ lɛ? Kristo, mɔ ni gbo, shi nɔ ni fe no lɛ, mɔ ni atee lɛ shi ni eyɔɔ Nyɔŋmɔ ninejurɔ nɔ, ni esaa edamɔɔ mli ehãa wɔ lɛ?

Romabii 5:10

Ejaakɛ kɛ be mli ni wɔji henyɛlɔi lɛ ni akɛ Nyɔŋmɔ Bi lɛ gbele lɛ bakpãtã wɔ kɛ Nyɔŋmɔ teŋ lɛ, agbɛnɛ ni akpãtã wɔteŋ nɛɛ, aaahere wɔyiwala yɛ ewala lɛ mli aahu.

1 Korintobii 15:20

Shi agbɛnɛ atee Kristo shi kɛjɛ gbohii ateŋ, efee klɛŋklɛŋ mɔ yɛ mɛi ni ewɔ lɛ ateŋ.

Yohane 14:6

Yesu kɛɛ lɛ akɛ, “Mi ji gbɛ lɛ kɛ anɔkwale lɛ kɛ wala lɛ; mɔ ko baaa Tsɛ lɛ ŋɔɔ, akɛ ja etsɔ̃ minɔ.

Yohane 13:33

Bii bibii, be fioo kɛkɛ eshwɛ ni mikɛ nyɛ baahi shi; nyɛaatao mi, ni bɔ ni mikɛɛ Yudafoi lɛ akɛ, ‘He ni miyaa lɛ, nyɛ lɛ nyɛnyɛŋ jɛi nyɛba’ lɛ, nakai nɔŋŋ mikɛɔ nyɛ hu agbɛnɛ nɛɛ.

Yohane 12:35

Kɛkɛ lɛ Yesu kɛɛ amɛ akɛ, “Be kukuoo kɛkɛ eshwɛ ehã la lɛ yɛ nyɛteŋ. Gbii abɔ ni nyɛyɔɔ la lɛ nɛɛ, nyɛnyiɛa koni duŋ akabanina nyɛ; shi mɔ ni nyiɛɔ duŋ mli lɛ, eleee he ni eyaa.

Yohane 8:21

Kɛkɛ lɛ Yesu saa kɛɛ amɛ ekoŋŋ akɛ, “Mi lɛ miiya, ni nyɛaatao mi, ni nyɛhe esha lɛ mli nyɛaagboi yɛ; he ni miyaa lɛ, nyɛnyɛŋ jɛi nyɛba.”

Yohane 6:40

Ejaakɛ enɛ ji mí-Tsɛ suɔmɔnaanii, akɛ mɔ fɛɛ mɔ ni kwɛɔ Bi lɛ ni eheɔ enɔ eyeɔ lɛ ana naanɔ wala, ni mi lɛ mitee lɛ shi yɛ naagbee gbi lɛ nɔ.”

Bɔfoi 10:41

jeee mɛi lɛ fɛɛ ejie ehe kpo etsɔ̃ɔ, shi moŋ odasefoi ni Nyɔŋmɔ ehala eto momo lɛ, ni ji wɔ mɛi ni wɔkɛ lɛ ye nii ni wɔkɛ lɛ nu, be ni ete shi kɛjɛ gbohii ateŋ lɛ sɛɛ lɛ.

Kpojiemɔ 20:4

Ni mina maŋtsɛ sɛ̃ii ni mɛi ni akɛ kojomɔ ehã amɛ lɛ tara nɔ. Ni mina mɛi ni afolɔ amɛyii yɛ Yesu he odaseyeli lɛ kɛ Nyɔŋmɔ wiemɔ lɛ hewɔ lɛ asusumai lɛ, kɛ mɛi ni jako kooloo lɛ loo emãgã lɛ ni amɛheko ekadi lɛ yɛ amɛhiɛŋtsei anɔ loo amɛdɛ̃ lɛ. Amɛtsɔ̃mɔ hiɛkãalɔi ekoŋŋ, ni amɛkɛ Kristo ye maŋtsɛ afii akpe.