Yohane 14:12 - ŊMALƐ KRƆŊKRƆŊ LƐ

¹² Anɔkwale mikɛɔ nyɛ akɛ, mɔ ni heɔ minɔ eyeɔ lɛ, nitsumɔi ni mitsuɔ lɛ, lɛ hu eeetsu, ni eeetsu nii ni fe nomɛi tete, ejaakɛ miiya Tsɛ lɛ ŋɔɔ.

Ṅmãle̱ Kroṅkroṅ Le̱

¹² Le̱le̱ṅ, le̱le̱ṅ, mīkē̱nye ake̱: Moni heo̱ mino̱ yeo̱ le̱, nitšumo̱i ni mitšuo̱ le̱, le̱ hũ eetšu, ni eetšu nii ní fè nomei tete, edšake̱ miya tše̱ le̱ ṅõ, Mar. 16,19. 20.

Yohane 14:12 ပူးပေါင်းရင်းမြစ်များ

Mateo 21:21

Shi Yesu here nɔ ni ekɛɛ amɛ akɛ, “Anɔkwale mikɛɔ nyɛ akɛ, kɛji nyɛyɛ hemɔkɛyeli ni nyɛjeee ŋwane lɛ, jeee nɔ ni afee agbãmitso nɛɛ kɛkɛ nyɛaafee; shi kɛji nyɛkɛɛ gɔŋ nɛɛ tete akɛ, ‘Fãa ni oyagbee ŋshɔŋ lɛ’, eeeba mli nakai.

Marko 11:13

Ni ena agbãmitso ko yɛ shɔŋŋ ni bai yɔɔ yi, ni etee eyakwɛ akɛ aleenɔ eeena nɔ ko yɛ nɔ lo. Shi be ni eshɛ he lɛ, enaaa nɔ ko akɛ ja bai kɛkɛ, ejaakɛ agbãmiwoobe shɛko.

Marko 16:17

Shi okadi ni aaanyiɛ mɛi ni heɔ yeɔ lɛ asɛɛ nɛ, migbɛi mli lɛ amɛaafãmɔ mumɔi fɔ̃ji; amɛaawie wiemɔi hei;

Yohane 14:28

Nyɛnu akɛ mikɛɛ nyɛ akɛ, Miiya, ni mibaba nyɛŋɔɔ. Nyɛmiisumɔ mi kulɛ, nyɛaana miishɛɛ akɛ miiya Tsɛ lɛ ŋɔɔ, ejaakɛ miTsɛ da fe mi.

Yohane 16:7

Kɛ̃lɛ miikɛɛ nyɛ anɔkwale, ehi hã nyɛ akɛ matee; ejaakɛ kɛji miyaaa lɛ, Hefatalɔ lɛ baŋ nyɛŋɔɔ; shi kɛji mitee lɛ, matsu lɛ kɛba nyɛŋɔɔ.

Yohane 4:37

Ejaakɛ enɛ mli ni wiemɔ ni awie akɛ, ‘Mɔ ko duɔ ni mɔ ko kpaa’ lɛ baa mli yɛ.

Yohane 5:20

Ejaakɛ Tsɛ lɛ sumɔɔ Bi lɛ, ni etsɔ̃ɔ lɛ nibii fiaa ni lɛ diɛŋtsɛ efeɔ lɛ, ni eeetsɔ̃ɔ lɛ nitsumɔi wuji ni fe enɛɛmɛi tete, ni nyɛnaa aaakpɛ nyɛhe.

Yohane 7:33

Kɛkɛ ni Yesu kɛɛ amɛ akɛ, “Be fioo kɛkɛ eshwɛ ni mikɛ nyɛ baahi shi, ni mibaya mɔ ni tsu mi lɛ ŋɔɔ.

Yohane 7:39

Shi Mumɔ lɛ ni mɛi ni heɔ enɔ yeɔ lɛ baana lɛ he ewie nɛɛ; shi Mumɔ Krɔŋkrɔŋ lɛ nako aba, ejaakɛ anako awo Yesu hiɛ nyam.

Bɔfoi 10:46

ejaakɛ amɛnu akɛ amɛmiiwie wiemɔi srɔtoi ni amɛmiijaje Nyɔŋmɔ agbojee lɛ. Kɛkɛ ni Petro here nɔ akɛ,

Bɔfoi 16:18

Ni efee nakai gbii pii. Shi efee Paulo ahuntoo kɛho he, ni etsɔ̃ ehe ni ekɛɛ mumɔ lɛ akɛ, “Miifã bo yɛ Yesu Kristo gbɛi mli akɛ oje emli.” Ni eje emli yɛ nakai ŋmɛlɛtswaa lɛ nɔ nɔŋŋ.

Bɔfoi 19:12

aahu po ni aŋɔɔ eklaladukui kɛ atade hiɛhaanii tete ayahaa helatsɛmɛi anɔ, ni amɛhelai lɛ tãa ni mumɔi fɔ̃ji lɛ hu jeɔ amɛmli.

Bɔfoi 2:33

Agbɛnɛ akɛni awo enɔ kɛtee Nyɔŋmɔ ninejurɔ nɔ ni ena Mumɔ Krɔŋkrɔŋ lɛ he shiwoo lɛ kɛjɛ Tsɛ lɛ dɛ̃ŋ hewɔ lɛ, efɔse nɔ ni nyɛnaa ni nyɛnuɔ nɛɛ eshwie shi.

Bɔfoi 2:41

Kɛkɛ ni abaptisi mɛi ni he ewiemɔ lɛ, ni nakai gbi lɛ nɔ nɔŋŋ lɛ akɛ susumai aaafee akpei etɛ̃ fata amɛhe.

Bɔfoi 4:16

amɛkɛɛ, “Te wɔɔfee gbɔmɛi nɛɛ tɛŋŋ? Ejaakɛ okadi ni yɔɔ naakpɛɛ ni atsɔ̃ amɛnɔ afee lɛ yɛ faŋŋ yɛ mɛi fɛɛ ni yɔɔ Yerusalɛm lɛ ahiɛ, ni wɔnyɛŋ wɔtso.

Bɔfoi 4:33

Ni hewalɛ kpeteŋkple bɔfoi lɛ kɛye Nuŋtsɔ Yesu shitee lɛ he odase, ni dromɔ kpeteŋkple yɛ amɛ fɛɛ amɛnɔ.

Bɔfoi 4:4

Shi mɛi ni nu lɛ ateŋ mɛi pii he ye, ni hii lɛ ayibɔ bashɛ aaafee akpei enumɔ.

Bɔfoi 5:15

aahu po ni aholeɔ helatsɛmɛi kɛbaa blohui amli abashwieɔ sai kɛ saatsei anɔ, koni kɛ Petro miiho lɛ, ehɔɔŋ kɛkɛ atsɔ̃ amɛteŋ mɛi komɛi anɔ.

Bɔfoi 6:7

Ni Nyɔŋmɔ wiemɔ lɛ shwere, ni kaselɔi lɛ ayi bafa diɛŋtsɛ yɛ Yerusalɛm, ni osɔfoi lɛ tete ateŋ mɛi pii mɔ hemɔkɛyeli lɛ mli.

Bɔfoi 8:7

Ejaakɛ mɛi pii ni mumɔi fɔ̃ji yɔɔ amɛmli lɛ amumɔi lɛ bolɔ kɛ gbee ni wa ni amɛje amɛmli, ni atsa mɛi ni ekumɔ kɛ obubuafoi pii hu.

Bɔfoi 9:34

Ni Petro kɛɛ lɛ akɛ, “Ainea, Yesu Kristo miitsa bo; tee shi ni bo diɛŋtsɛ oŋmɛ osaa lɛ!” Ni amrɔ lɛ ete shi.

Bɔfoi 9:40

Ni Petro shwie amɛ fɛɛ kɛje kpo, ni ekula shi esɔle, ni etsɔ̃ ehiɛ ehã gbonyo lɛ ni ekɛɛ, “Tabita, tee shi!” Ni egbele ehiŋmɛii, ni be ni ena Petro lɛ, ete shi eta shi.

Romabii 15:19

yɛ okadii kɛ naakpɛɛnii ahewalɛ mli, yɛ Mumɔ hewalɛ mli; bɔ ni fee nɛ ni mijɛ Yerusalɛm mibɔle shi aahu kɛyashi Ilirikum ni mishiɛ Kristo Sanekpakpa lɛ migbe naa.