Yohane 14:10 - ŊMALƐ KRƆŊKRƆŊ LƐ

¹⁰ Ani oheee oyeee akɛ miyɛ Tsɛ lɛ mli ni Tsɛ lɛ hu yɛ mimli? Wiemɔi ni mikɛ nyɛ wieɔ lɛ, jeee mi diɛŋtsɛ miyiŋ mitoɔ miwieɔ; shi Tsɛ lɛ ni hiɔ mimli lɛ, lɛ etsuɔ enitsumɔi lɛ.

Ṅmãle̱ Kroṅkroṅ Le̱

¹⁰ Ani ohee oyee ake̱ miye̱ tše̱ le̱ mli ni tše̱ le̱ hũ ye̱ mimli? Wiemo̱i ni mike̱nye wiee̱ le̱, dšee *midientše̱ miyi mitoo̱ miwieo̱; ši tše̱ le̱ ní hĩo̱ mimli le̱, le̱ etšuo̱ nitšumo̱i le̱. *12,49.

Yohane 14:10 ပူးပေါင်းရင်းမြစ်များ

Yohane 10:30

Mi kɛ Tsɛ lɛ fɛɛ lɛ, ekomeŋ.”

Yohane 10:38

shi kɛji no mitsuɔ, ni kɛ̃lɛ nyɛheee mi nyɛyeee lɛ, nyɛhea nitsumɔi lɛ kɛkɛ nyɛyea mɔ, koni nyɛle ni nyɛhe nyɛye akɛ Tsɛ lɛ yɛ mimli, ni mi hu miyɛ Tsɛ lɛ mli.”

Yohane 11:26

ni mɔ fɛɛ mɔ ni hiɛ kã ni eheɔ minɔ eyeɔ lɛ, egboŋ gbi ko gbi ko kɛaatee naanɔ. Oheɔ enɛ oyeɔ lo?”

Yohane 12:49

Ejaakɛ mi lɛ mitooo mi diɛŋtsɛ miyiŋ miwieee; shi Tsɛ ni tsu mi lɛ, lɛ moŋ ewo mi kitã, nɔ ni mikɛɛ kɛ nɔ ni miwie.

Yohane 14:11

Nyɛhea mi nyɛyea akɛ miyɛ Tsɛ lɛ mli ni Tsɛ lɛ hu yɛ mimli; shi kɛji nyɛheee mi nyɛyeee lɛ, nyɛhea mi nyɛyea yɛ minitsumɔi lɛ ahewɔ.

Yohane 14:20

Nakai gbi lɛ nɔ lɛ nyɛ diɛŋtsɛ nyɛaale akɛ miyɛ miTsɛ mli, ni nyɛ hu nyɛyɛ mimli, ni mi hu miyɛ nyɛmli.

Yohane 14:24

Mɔ ni sumɔɔɔ mi lɛ, eyeee miwiemɔi lɛ anɔ; ni wiemɔ ni nyɛnuɔ lɛ jeee minɔŋ, shi moŋ Tsɛ ni tsu mi lɛ nɔŋ.

Yohane 17:8

ejaakɛ wiemɔi lɛ ni okɛhã mi lɛ, mikɛhã amɛ; ni amɛmɔ mli, ni amɛna amɛle anɔkwale mli akɛ oŋɔɔ mijɛ, ni amɛhe amɛye akɛ bo otsu mi.

Yohane 3:2

lɛ eba Yesu ŋɔɔ nyɔɔŋ, ni ebakɛɛ lɛ akɛ, “Rabi, wɔle akɛ tsɔɔlɔ ni jɛ Nyɔŋmɔ ŋɔɔ ba ji bo; ejaakɛ mɔ ko nyɛŋ afee okadii ni ofeɔ nɛɛ, akɛ ja Nyɔŋmɔ kɛ mɔ lɛ yɛ.”

Yohane 5:17

Shi Yesu here amɛ nɔ ekɛɛ, “MiTsɛ miitsu nii kɛbashi be nɛ, ni mi hu miitsu.”

Yohane 5:19

No hewɔ lɛ, Yesu here nɔ ekɛɛ amɛ akɛ, “Anɔkwale mikɛɔ nyɛ akɛ, Bi lɛ diɛŋtsɛ nyɛŋ eto eyiŋ efee nɔ ko, ja nɔ ni ena akɛ Tsɛ lɛ miifee; ejaakɛ nibii fɛɛ ni Tsɛ lɛ feɔ lɛ, nomɛi nɔŋŋ Bi lɛ hu feɔ.

Yohane 7:16

Yesu here amɛ nɔ ni ekɛɛ, “Minitsɔ̃ɔmɔ lɛ, jeee minɔŋ, shi moŋ mɔ ni tsu mi lɛ nɔŋ.

Yohane 8:28

No hewɔ lɛ, Yesu kɛɛ amɛ akɛ, “Be ni nyɛaawo Gbɔmɔ Bi lɛ nɔ lɛ, no mli nyɛaale akɛ mi ni, ni akɛ mitooo miyiŋ mifeee nɔ ko, shi moŋ bɔ ni miTsɛ tsɔ̃ɔ mi lɛ, nakai miwieɔ.

Yohane 8:38

Mi lɛ, nɔ ni mina yɛ miTsɛ he lɛ, no miwieɔ; ni nyɛ hu, nɔ ni nyɛnu yɛ nyɛtsɛ naa lɛ, no nyɛfeɔ.”

Yohane 8:40

Shi agbɛnɛ nyɛmiitao mi nyɛgbe, mi gbɔmɔ ko ni mikɛɛ nyɛ anɔkwale ni minu yɛ Nyɔŋmɔ naa lɛ; Abraham efeee enɛ.

Bɔfoi 10:38

bɔ ni Nyɔŋmɔ kɛ Mumɔ Krɔŋkrɔŋ kɛ hewalɛ fɔ Yesu ni jɛ Nazaret lɛ mu, ni ekpaa shi efeɔ ekpakpa ni etsaa mɛi fɛɛ ni abonsam haoɔ amɛ lɛ, ejaakɛ Nyɔŋmɔ kɛ lɛ yɛ.

2 Korintobii 5:19

no ji akɛ Nyɔŋmɔ tsɔ̃ Kristo nɔ ekɛ je lɛ kpãtã, ni ebuuu amɛnɔ̃tɔ̃mɔi lɛ ehãaa amɛ, ni etu kpãtãmɔ wiemɔ lɛ ewo wɔdɛŋ.

Kolosebii 1:19

Ejaakɛ Nyɔŋmɔ sumɔ akɛ lɛ Nyɔŋmɔ lɛ diɛŋtsɛ esu muu lɛ fɛɛ ahi emli.

Kolosebii 2:9

Ejaakɛ Kristo mli Nyɔŋmɔ su muu lɛ fɛɛ hiɔ yɛ gbɔmɔtso su mli;

1 Yohane 5:7

Shi mɛi etɛ̃ ji mɛi ni yeɔ odase lɛ, ejaakɛ Mumɔ lɛ ji anɔkwale lɛ.