Yohane 13:8 - ŊMALƐ KRƆŊKRƆŊ LƐ

⁸ Petro kɛɛ lɛ akɛ, “Kaafɔ minaji ahe kɔkɔɔkɔ.” Yesu here lɛ nɔ akɛ, “Kɛji mifɔɔɔ onaji ahe lɛ, obɛ gbɛfaŋ nɔ ko yɛ miŋɔɔ.”

Ṅmãle̱ Kroṅkroṅ Le̱

⁸ Petro kē̱le̱ ake̱: Kāfo̱ minādši ahe ko̱kō̱ko̱. Iesu herele̱ uo̱ ake̱: Ke̱dši mifo̱o̱ ohe le̱, obe̱ gbe̱fãṅnõ ko ye̱ miṅõ.

Yohane 13:8 ပူးပေါင်းရင်းမြစ်များ

1 Mose 42:38

Shi Yakob kɛɛ akɛ, “Mibi lɛ kɛ nyɛ eyaŋ ejaakɛ enyɛmi lɛ egbo, ni lɛ ekome pɛ eshwɛ; kɛji oshara ko yasharã lɛ yɛ gbɛ ni nyɛyaanyiɛ nɛɛ nɔ lɛ, no lɛ he ni miyi eyɛ kɛshɛ nɛɛ, nyɛbaahã magbo kɛ awerɛhoo sɔŋŋ.”

2 Samuel 20:1

Nuu yakagbɔmɔ ko baje Gilgal. Atsɛɔ lɛ Sheba, ni etsɛ gbɛi ji Bikri, Benyaminnyo lɛ. Sheba kpã tɛtɛrɛmantɛrɛ ni ebo ekɛɛ akɛ, “Israel eei! Wɔbɛ gbɛnaa ko yɛ David gbɛfaŋ. Wɔ kɛ Ishai bi lɛ ejaaa nɔ ko. No hewɔ lɛ, mɔ fɛɛ mɔ aya ewe.”

1 Maŋtsɛmɛi 12:16

Be ni Israelbii lɛ na akɛ Maŋtsɛ Rehoboam eŋɔɔɔ onukpai lɛ aŋaawoo lɛ, maŋbii lɛ hã lɛ hetoo akɛ, “Ani wɔyeɔ David gboshinii ko lo? Wɔyeee Yishai bi David nii. Ataamɛi Israelbii, nyɛhãa wɔyaa wɔshĩai amli. Rehoboam, agbɛnɛ kwɛ bo diɛŋtsɛ owe nɔ!” Hewɔ lɛ Israelbii lɛ yiŋ kɛtee amɛshĩai amli.

Lalai 51:2

Fɔ mihe nishaianii lɛ fɛɛ oshwie, koni ohã mihe atse,

Lalai 51:7

Mihe esha lɛ okɛ awrɔke afɔ, koni mihe atse; juu mihe, ni mayɛ futaa fe ayilɔ.

Yesaia 4:4

Nuŋtsɔ lɛ hewalɛ naa lɛ ebaakojo ni ebaatsuu Israelbii ahe, ebaafɔ Yerusalɛm he muji lɛ kɛ lá shi ni ashwie yɛ jɛi lɛ.

Ezekiel 36:25

Mikɛ nu ni mli tse baashwã nyɛnɔ, ni nyɛhe baatse. Ni matsuu nyɛwɔji ahe muji ni yɔɔ nyɛhe lɛ hu.

Zakaria 13:1

“Nakai gbi lɛ nɔ lɛ abaagbele nu hiŋmɛi naa ahã David we lɛ kɛ mɛi ni yɔɔ Yerusalɛm lɛ, koni akɛfɔ amɛhe eshai kɛ amɛhe muji ashwie.”

Mateo 16:22

Ni Petro ŋɔ lɛ kɛtee afa, ebɔ̃i lɛ kɔkɔbɔɔ ekɛɛ, “Nyɔŋmɔ akahã enɛ ba mli, Nuŋtsɔ; enɛ akagbale bo fɔ̃ŋfɔ̃!”

Mateo 21:29

Ni ehere nɔ ekɛɛ, ‘Miyaaa.’ Shi fee sɛɛ lɛ eshwa ehe, ni etee.

Mateo 26:33

Shi Petro here nɔ ekɛɛ lɛ akɛ, “Kɛji mɛi lɛ fɛɛ nane aaatɔ̃tɔ̃ yɛ ohewɔ lɛ, mi lɛ minane etɔ̃tɔ̃ŋ gbi ko gbi ko.”

Mateo 26:35

Petro kɛɛ lɛ akɛ, “Kɛji gbo mikɛ bo aaagbo tete lɛ mikpãŋ yɛ osɛɛ.” Nakai nɔŋŋ kaselɔi lɛ fɛɛ hu kɛɛ.

Yohane 13:6

Kɛkɛ ni ebashɛ Simon Petro nɔ, ni Petro kɛɛ lɛ akɛ, “Nuŋtsɔ, bo ofɔɔ minaji ahe nɛɛ?”

Yohane 13:9

Simon Petro kɛɛ lɛ akɛ, “Nuŋtsɔ, jeee minaji ahe kɛkɛ mɔ, shi moŋ miniji kɛ miyitso hu.”

Yohane 3:5

Yesu here nɔ akɛ, “Miikɛɛ bo anɔkwale akɛ, kɛji ajɛɛɛ nu kɛ Mumɔ mli afɔɔɔ mɔ ko lɛ, enyɛŋ Nyɔŋmɔ maŋtsɛyeli lɛ mli ebote.

Bɔfoi 22:16

Ni agbɛnɛ mɛɛba oshashaoɔ shi? Tee shi ni ohã abaptisi bo, ni afɔ ohe eshai lɛ ashwie ahã bo, ni osɔle otsɛ Nuŋtsɔ lɛ.

1 Korintobii 6:11

Ni nɛkɛ nyɛteŋ mɛi komɛi yɔɔ sa; shi agbɛnɛ aju nyɛhe, ni asaŋ atsuu nyɛhe, ni abu nyɛ bem hu yɛ Nuŋtsɔ Yesu Kristo gbɛi kɛ wɔNyɔŋmɔ lɛ Mumɔ lɛ mli.

Efesobii 5:26

koni ekɛ hejuu yɛ nu mli kɛ wiemɔ atsuu ehe ni ehã efee krɔŋkrɔŋ,

5 Mose 12:12

Nyɛmii ashɛa nyɛhe yɛ Yehowa, nyɛNyɔŋmɔ lɛ hiɛ, nyɛ kɛ nyɛbihii kɛ nyɛbiyei kɛ nyɛwehii kɛ nyɛweyei kɛ Levibii hu ni yɔɔ nyɛmaji lɛ amli lɛ. Ejaakɛ amɛ lɛ agbaŋ shikpɔŋ lɛ eko ahaŋ amɛ yɛ nyɛteŋ.

Kolosebii 2:18

Nyɛkahãa mɔ ko kɛ taomɔ ni etaoɔ akɛ nyɛkɛ heshibaa jwɛŋmɔ aja ŋwɛi bɔfoi miishɔ̃ nyɛjuromɔnii lɛ yɛ nyɛdɛŋ. Gbɔmɔ ni tamɔ nɛkɛ lɛ, nɔ nɔ ni edamɔ ji ninai, ni eheloo jwɛŋmɔ lɛ hãa ewoɔ ehe nɔ efolo,

Kolosebii 2:23

Suɔmɔnaa jamɔ kɛ heshibaa jwɛŋmɔ kɛ gbɔmɔtso yiwaa hãa nibii nɛɛ feɔ tamɔ nɔ ni nilee yɛ mli nɛ, shi yɛ heloo akɔnɔ naatsii gbɛfaŋ lɛ, ehe bɛ sɛɛnamɔ.

Tito 3:5

jeee jalɛ nitsumɔi ni wɔ diɛŋtsɛ wɔtsu naa, shi moŋ lɛ diɛŋtsɛ emɔbɔnalɛ naa etsɔ̃ eheefɔmɔ hejuu kɛ Mumɔ Krɔŋkrɔŋ eheefeemɔ lɛ nɔ ehere wɔyiwala.

Hebribii 10:22

nyɛhãa wɔkɛ anɔkwa tsui ababɛŋkɛa yɛ hemɔkɛyeli ni wɔyɔɔ hewalɛ yɛ nɔ lɛ mli, kɛ tsui hu ni atsuu he ni ebɛ henilee fɔŋ ko dɔŋŋ, kɛ gbɔmɔtso ni akɛ nu ni mli tse eju he.

Kpojiemɔ 1:5

kɛ Yesu Kristo ni ji odasefonyo anɔkwafo lɛ, gbohii ateŋ kromɔbi kɛ shikpɔŋ lɛ nɔ maŋtsɛmɛi lɛ anɔyelɔ lɛ dɛŋ. Esumɔɔ wɔ, ni ekɛ lɛ diɛŋtsɛ elá etsuu wɔhe kɛjɛ wɔhe eshai lɛ amli,

Kpojiemɔ 7:14

Ni mikɛɛ lɛ akɛ, “Minuŋtsɔ, bo ole” Ni ekɛɛ mi akɛ, “Mɛnɛɛmɛi ji mɛi ni jɛ amanehulu kpeteŋkple lɛ mli lɛ, ni amɛfɔ amɛtadei lɛ ahe, ni amɛhã eyɛ futaa yɛ Toobi lɛ lá lɛ mli.