Yohane 13:5 - ŊMALƐ KRƆŊKRƆŊ LƐ

⁵ No sɛɛ lɛ, efɔse nu ewo okpolu mli, ni ebɔ̃i ekaselɔi lɛ anaji ahe fɔmɔ, ni ekɛ papaŋ ni ŋmɔ ehɛ lɛ tsumɔ.

Ṅmãle̱ Kroṅkroṅ Le̱

⁵ No se̱ le̱ efo̱se nu ewo kulo mli, ni ebõi ekaselo̱i le̱ anãdši ahe fo̱mo̱, ni eke̱ papaṅ ní ṅmõ ehe̱ le̱ tšumoo̱.

Yohane 13:5 ပူးပေါင်းရင်းမြစ်များ

1 Mose 18:4

Hã ni ayɛ nu fioo kɛba ni nyɛkɛfɔ nyɛnaji ahe, ni nyɛjɔɔ nyɛhe yɛ tso lɛ shishi

1 Mose 19:2

Ni ekɛɛ akɛ, “Minuŋtsɔmɛi, miikpa nyɛ fai, nyɛgbaa kɛbaa nyɛtsulɔ we lɛ koni nyɛbafɔa nyɛnaji ahe ni nyɛwɔa gbɛkɛ nɛɛ koni nyɛte shi maŋkɛ mra nyɛya!” Shi amɛkɛɛ, “Dabida, wɔbaawɔ blohu lɛ mli.”

1 Mose 43:24

Be ni sɔ̃ɔlɔ nukpa lɛ kɛ hii lɛ ba Yosef we lɛ, ehã amɛ nu ni amɛfɔ amɛnaji ahe; ni ehã amɛtejii lɛ niyenii.

2 Maŋtsɛmɛi 3:11

Shi Yehoshafat bi akɛ, “Ani Yehowa gbalɔ ko bɛ biɛ nɛɛ ni wɔɔtee wɔyabi Yehowa nii yɛ eŋɔɔ?” Kɛkɛ ni Israel maŋtsɛ lɛ tsuji lɛ ateŋ mɔ kome here nɔ ni ekɛɛ akɛ, “Elisha, Shafat bi lɛ ni fɔse nu shwie Elia niji anɔ lɛ, yɛ biɛ.”

Lalai 51:2

Fɔ mihe nishaianii lɛ fɛɛ oshwie, koni ohã mihe atse,

2 Mose 29:4

“Ŋɔɔ Aaron kɛ ebihii lɛ kɛba Kpee Buu lɛ shinaa lɛ naa, ni okɛ nu aju amɛhe.

Yesaia 1:16

Nyɛjua nyɛhe koni nyɛhãa nyɛhe atsea; nyɛkɛ nyɛnifɔɔjianii lɛ ajea mihiɛ, ni nyɛkpaa efɔŋfeemɔ.

Ezekiel 36:25

Mikɛ nu ni mli tse baashwã nyɛnɔ, ni nyɛhe baatse. Ni matsuu nyɛwɔji ahe muji ni yɔɔ nyɛhe lɛ hu.

3 Mose 14:8

Mɔ ni atsuɔ ehe lɛ afɔ etadei lɛ ahe. Eshɛ eyiteŋ tsɔi fɛɛ, ni ekɛ nu aju ehe koni ehe atse. No sɛɛ lɛ, eba shitoohe lɛ mli, shi ekabote ebuu lɛ mli gbii kpawo.

Zakaria 13:1

“Nakai gbi lɛ nɔ lɛ abaagbele nu hiŋmɛi naa ahã David we lɛ kɛ mɛi ni yɔɔ Yerusalɛm lɛ, koni akɛfɔ amɛhe eshai kɛ amɛhe muji ashwie.”

Luka 7:38

ni ebadamɔ enajiaŋshi yɛ esɛɛgbɛ, ni efo ni ekɛ eyaafonu lɛ bɔ̃i enaji ahe fɔɔ ni ekɛ eyitsɔi tsumɔ, ni eshwɔ enaji ahe, ni ekɛ mukɛŋma lɛ kpa he.

Luka 7:44

Ni etsɔ̃ ehiɛ ehã yoo lɛ, ni ekɛɛ Simon akɛ, “Oona nɛkɛ yoo nɛɛ? Ni mibabote owe lɛ nɛɛ, ohãaa mi nu ni mikɛfɔ minaji ahe, shi yoo nɛɛ kɛ yaafonu efɔ minaji ahe, ni ekɛ eyitsɔi etsumɔ.

Yohane 13:10

Yesu kɛɛ lɛ akɛ, “Mɔ ni aju ehe lɛ, ehiaaa lɛ hefɔflɔmɔ, akɛ ja enaji ahe fɔmɔ kɛkɛ, shi ehe eje kɛmɔ shi; ni nyɛ lɛ nyɛhe eje moŋ shi jeee nyɛ fɛɛ ni.”

Yohane 13:6

Kɛkɛ ni ebashɛ Simon Petro nɔ, ni Petro kɛɛ lɛ akɛ, “Nuŋtsɔ, bo ofɔɔ minaji ahe nɛɛ?”

Yohane 13:8

Petro kɛɛ lɛ akɛ, “Kaafɔ minaji ahe kɔkɔɔkɔ.” Yesu here lɛ nɔ akɛ, “Kɛji mifɔɔɔ onaji ahe lɛ, obɛ gbɛfaŋ nɔ ko yɛ miŋɔɔ.”

Yohane 19:34

shi moŋ asraafoi lɛ ateŋ mɔ kome kɛ akplɔ tsu eŋmawuiaŋ, ni amrɔ lɛ lá kɛ nu jɛ mli ho.

Bɔfoi 22:16

Ni agbɛnɛ mɛɛba oshashaoɔ shi? Tee shi ni ohã abaptisi bo, ni afɔ ohe eshai lɛ ashwie ahã bo, ni osɔle otsɛ Nuŋtsɔ lɛ.

1 Korintobii 6:11

Ni nɛkɛ nyɛteŋ mɛi komɛi yɔɔ sa; shi agbɛnɛ aju nyɛhe, ni asaŋ atsuu nyɛhe, ni abu nyɛ bem hu yɛ Nuŋtsɔ Yesu Kristo gbɛi kɛ wɔNyɔŋmɔ lɛ Mumɔ lɛ mli.

Efesobii 5:26

koni ekɛ hejuu yɛ nu mli kɛ wiemɔ atsuu ehe ni ehã efee krɔŋkrɔŋ,

1 Timoteo 5:10

ni ayeɔ enitsumɔi kpakpai ahe odase, no ji: kɛ elɛ bii, kɛ efee mɛi agbɔ, kɛ efɔ mɛi krɔŋkrɔŋi anaji ahe, kɛ eye ebua mɛi ni naa amanehulu lɛ, kɛ edi nitsumɔ kpakpa fɛɛ nitsumɔ kpakpa sɛɛ lɛ.

Hebribii 10:22

nyɛhãa wɔkɛ anɔkwa tsui ababɛŋkɛa yɛ hemɔkɛyeli ni wɔyɔɔ hewalɛ yɛ nɔ lɛ mli, kɛ tsui hu ni atsuu he ni ebɛ henilee fɔŋ ko dɔŋŋ, kɛ gbɔmɔtso ni akɛ nu ni mli tse eju he.

1 Yohane 1:7

Shi kɛji wɔnyiɛɔ là lɛ mli, tamɔ bɔ ni lɛ diɛŋtsɛ eyɔɔ là lɛ mli lɛ, no lɛ wɔkɛ wɔhe miibɔ naanyo, ni eBi Yesu Kristo la lɛ tsumɔɔ wɔhe kɛjeɔ esha fɛɛ mli.

1 Yohane 5:6

Yesu Kristo ji mɔ ni tsɔ̃ nu kɛ lá mli kɛba, jeee nu kɛkɛ mli, shi moŋ nu kɛ lá mli. Ni Mumɔ lɛ ji mɔ ni yeɔ odase lɛ, ejaakɛ Mumɔ lɛ ji anɔkwale lɛ.

Kpojiemɔ 1:5

kɛ Yesu Kristo ni ji odasefonyo anɔkwafo lɛ, gbohii ateŋ kromɔbi kɛ shikpɔŋ lɛ nɔ maŋtsɛmɛi lɛ anɔyelɔ lɛ dɛŋ. Esumɔɔ wɔ, ni ekɛ lɛ diɛŋtsɛ elá etsuu wɔhe kɛjɛ wɔhe eshai lɛ amli,

Kpojiemɔ 7:14

Ni mikɛɛ lɛ akɛ, “Minuŋtsɔ, bo ole” Ni ekɛɛ mi akɛ, “Mɛnɛɛmɛi ji mɛi ni jɛ amanehulu kpeteŋkple lɛ mli lɛ, ni amɛfɔ amɛtadei lɛ ahe, ni amɛhã eyɛ futaa yɛ Toobi lɛ lá lɛ mli.

Kojolɔi 19:21

No hewɔ lɛ, nuumo lɛ ŋɔ lɛ kɛtee eshĩa. Ehã tejii lɛ anii. Gbɔi lɛ fɔfɔɔ amɛnaji ahe; ni amɛye nii, ni amɛnu nɔ ko.

1 Samuel 25:41

Abigail te shi, ni ekoto tsuji lɛ, ni ekɛɛ amɛ akɛ, “Nyɛnuŋtsɔ weyoo ji mi, ni mifee kralo tsɔ̃ akɛ mafɔ minuŋtsɔ tsuji anaji ahe.”