Yohane 13:34 - ŊMALƐ KRƆŊKRƆŊ LƐ

³⁴ Kitã hee mikɛhãa nyɛ akɛ, Nyɛsumɔsumɔa nyɛhe.

Ṅmãle̱ Kroṅkroṅ Le̱

³⁴ Kitã hē miṅõ-hãanye, ake̱ nyesumo̱ nyehe; take̱ bo̱ni misumo̱nye le̱, nakai nye hũ nye-sumo̱a nyehe. 15,12. 13. 17.

Yohane 13:34 ပူးပေါင်းရင်းမြစ်များ

Lalai 119:63

Mɛi fɛɛ ni sheɔ bo gbeyei lɛ kɛ mɛi fɛɛ ni yeɔ okpɔi lɛ anɔ lɛ anaanyo ji mi.

Lalai 16:3

Hetselɔi ni yɔɔ shikpɔŋ lɛ nɔ lɛ, amɛ lɛ, anunyam gbɔmɛi ji amɛ, ni miyɛ amɛhe tsuijurɔ.

3 Mose 19:18

Kaatɔ ohe owele, ni kaabɛ omaŋbii lɛ eko owo omli, shi suɔmɔ onaanyo gbɔmɔ tamɔ bɔ ni osumɔɔ bo diɛŋtsɛ ohe lɛ. Mi ji Yehowa.

3 Mose 19:34

Nyɛhiɛa lɛ tamɔ bɔ ni nyɛbaahiɛ nyɛnyɛmi Israelnyo nɔŋŋ, ni nyɛsumɔa lɛ tamɔ bɔ ni nyɛsumɔɔ nyɛ diɛŋtsɛ nyɛhe lɛ; ejaakɛ nyɛ hu nyɛyato gbɔ pɛŋ yɛ Ijipt shikpɔŋ lɛ nɔ. Mi ji Yehowa, nyɛNyɔŋmɔ lɛ.

Mateo 5:44

Shi mi lɛ, miikɛɛ nyɛ akɛ, nyɛsumɔa nyɛhenyɛlɔi, ni nyɛsɔlea nyɛhãa mɛi ni waa nyɛ yi lɛ,

Yohane 15:17

Enɛ ji kitã ni miwoɔ nyɛ, akɛ nyɛsumɔsumɔa nyɛhe.”

Yohane 17:21

bɔ ni afee ni amɛ fɛɛ amɛfee ekome, tamɔ bɔ ni bo, Ataa, oyɔɔ mimli ni mi hu miyɔɔ omli lɛ, koni amɛ hu amɛfee ekome yɛ wɔmli, ni je lɛ ahe aye akɛ bo otsu mi.

Romabii 12:10

nyɛkɛ nyɛmimɛi asuɔmɔ ni mli wa asumɔsumɔa nyɛhe; mɔ fɛɛ mɔ atsɔ̃ hiɛ ekɛ woo ahã enaanyo.

Romabii 13:10

Suɔmɔ efeee enaanyo efɔŋ ko, hewɔ lɛ suɔmɔ pɛ ji Mla lɛ fɛɛ nɔyeli.

Romabii 13:8

Nyɛkahiɛa mɔ ko mɔ ko nyɔmɔ, akɛ ja suɔmɔ ni nyɛkɛaasumɔsumɔ nyɛhe lɛ; ejaakɛ mɔ ni sumɔɔ enaanyo lɛ eye Mla lɛ nɔ kɛwula shi.

Galatabii 5:22

Shi Mumɔ lɛ yibii ji suɔmɔ, miishɛɛ, hejɔlɛ, tsuishitoo, mlihilɛ, ejurɔfeemɔ, hemɔkɛyeli,

Galatabii 5:6

Ejaakɛ Kristo Yesu mli lɛ, jeee ketiafoo, ni asaŋ jeee foo hu ni nyɛɔ nɔ ko efeɔ, shi moŋ hemɔkɛyeli ni tsɔ̃ɔ suɔmɔ nɔ etsuɔ nii lɛ.

Galatabii 6:10

Belɛ be mli ni hegbɛ yɔɔ hã wɔ nɛɛ, nyɛhãa wɔfea mɛi fɛɛ ejurɔ, shi titri lɛ mɛi ni ji hemɔkɛyeli lɛ webii lɛ.

Galatabii 6:2

Nyɛjatsui lɛ nyɛkpeekpea nyɛhe kɛterea, ni nɛkɛ gbɛ nɔ nyɛaatsɔ nyɛye Kristo mla lɛ nɔ.

Efesobii 5:2

Ni nyɛnyiɛa yɛ suɔmɔ mli, tamɔ bɔ ni Kristo hu sumɔ wɔ ni ekɛ lɛ diɛŋtsɛ ehe hã yɛ wɔhewɔ akɛ nikeenii kɛ afɔle ni akɛhã Nyɔŋmɔ ni jeɔ ŋma krɔŋŋ lɛ.

Kolosebii 1:4

Ejaakɛ wɔnu nyɛKristo Yesu nɔ hemɔkɛyeli kɛ nyɛsuɔmɔ ni nyɛkɛ sumɔɔ hetselɔi lɛ fɛɛ he

1 Tesalonikabii 3:12

Ni Nuŋtsɔ lɛ awo nyɛ obɔ̃bɔ̃ ni ehã nyɛteke nɔ kɛ suɔmɔ ni nyɛkɛsumɔsumɔɔ nyɛhe kɛ mɛi fɛɛ, tamɔ bɔ ni wɔ hu wɔsumɔɔ nyɛ lɛ.

2 Tesalonikabii 1:3

Eji wɔgbɛnaa akɛ wɔdaa Nyɔŋmɔ shi daa yɛ nyɛhewɔ, anyɛmimɛi, tamɔ bɔ ni sa lɛ, ejaakɛ nyɛhemɔkɛyeli lɛ miida naakpa, ni nyɛteŋ mɔ fɛɛ mɔ suɔmɔ ni ekɛsumɔɔ enanemɛi lɛ miifa kɛmiiya nɔ hu.

Hebribii 13:1

Nyɛhãa nyɛmimɛi asuɔmɔ ahĩa shi daa.

Yakobo 2:8

No hewɔ lɛ, kɛji nyɛye kitã ni ji Mla lɛ mli oti ni kɛɔ akɛ, “Suɔmɔ onaanyo tamɔ bɔ ni osumɔɔ bo diɛŋtsɛ ohe lɛ” nɔ yɛ ŋmalɛ lɛ naa lɛ, no lɛ nyɛmiifee jogbaŋŋ.

1 Petro 1:22

Ni akɛni nyɛtsuu nyɛsusumai ahe yɛ anɔkwale lɛ toiboo mli nyɛhã nyɛmimɛi asuɔmɔ ni osato bɛ mli lɛ hewɔ lɛ, nyɛkɛ tsui krɔŋŋ asumɔsumɔa nyɛhe jogbaŋŋ.

2 Petro 1:7

nyɛkɛ nyɛmimɛi ahedɔɔ afataa Nyɔŋmɔ gbeyeishemɔ lɛ he; ni nyɛkɛ suɔmɔ afataa nyɛmimɛi ahedɔɔ lɛ he.

1 Yohane 3:11

Ejaakɛ enɛ ji sane ni nyɛnu kɛjɛ shishijee lɛ, akɛ wɔsumɔsumɔɔ wɔhe.

1 Yohane 3:23

Ni enɛ ji ekitã lɛ, akɛ wɔhe eBi Yesu Kristo gbɛi lɛ nɔ wɔye, ni wɔsumɔsumɔɔ wɔhe, tamɔ bɔ ni ewo wɔ kitã lɛ.

1 Yohane 4:21

Ni nɛkɛ kitã nɛɛ wɔna kɛjɛ eŋɔɔ, koni mɔ ni sumɔɔ Nyɔŋmɔ lɛ asumɔ enyɛmi hu.

2 Yohane 1:5

Ni agbɛnɛ miikpa bo fai, Awula, jeee akɛ belɛ miiŋma bo kitã hee ko, shi moŋ nɔ ni wɔyɔɔ kɛje shishijee lɛ, akɛ wɔsumɔsumɔɔ wɔhe.