Yohane 12:43 - ŊMALƐ KRƆŊKRƆŊ LƐ

⁴³ ejaakɛ amɛmiisumɔ gbɔmɛi ahiɛnyam fe Nyɔŋmɔ nɔ.

Ṅmãle̱ Kroṅkroṅ Le̱

⁴³ edšake̱ ame̱mīsumo̱ gbomei ahĩenyam fè Nyoṅmo̱ nõ. 5,44.

Yohane 12:43 ပူးပေါင်းရင်းမြစ်များ

Lalai 22:29

Lɛ shikpɔŋ lɛ nɔ hewolɔi lɛ fɛɛ aaakoto. Mɛi ni egboi momo, kɛ mɛi ni baagboi fɛɛ baakoto lɛ.

Abe̱i 29:25

Gbɔmɔ gbeyeishemɔ lɛ, etsɔ̃ɔ tsɔne ehãa mɔ; shi mɔ ni kɛ ehiɛ fɔ̃ɔ Yehowa nɔ lɛ, eyɛ shweshweeshwe.

Mateo 6:2

No hewɔ lɛ, kɛ oofee ejurɔ lɛ, kaashiɛ otsɔ̃ɔ mɛi, tamɔ osatofoi lɛ feɔ yɛ kpeehei lɛ kɛ blohui lɛ amli koni gbɔmɛi ajie amɛyi. Anɔkwale mikɛɔ nyɛ akɛ amɛnine eshɛ amɛnyɔmɔwoo nɔ momo.

Luka 16:15

Ni ekɛɛ amɛ akɛ, “Nyɛ ji mɛi ni nyɛbuɔ nyɛhe bem yɛ gbɔmɛi ahiɛ; shi Nyɔŋmɔ lɛ, ele nyɛtsuiaŋ; ejaakɛ nɔ ni ji gojoo yɛ gbɔmɛi ateŋ lɛ, yɛ Nyɔŋmɔ hiɛ lɛ nihiinii ni.

Luka 19:17

Ni ekɛɛ lɛ akɛ, ‘Aekoo tsulɔ kpakpa! Akɛni oye anɔkwa yɛ nɔ ko bibioo mli hewɔ lɛ, ye maji nyɔŋma anɔ.’

Yohane 12:26

Kɛji mɔ ko miisɔmɔ mi lɛ, enyiɛ misɛɛ, ni he ni miyɔɔ lɛ, jɛi misɔ̃ɔlɔ lɛ hu aaahi; kɛji mɔ ko miisɔmɔ mi lɛ, miTsɛ aaawo lɛ.”

Yohane 5:41

“Mitaooo gbɔmɛi ahiɛnyam.

Yohane 5:44

Te aaafee tɛŋŋ ni nyɛaanyɛ nyɛhe nyɛyeŋ, nyɛ ni nyɛtaoɔ anunyam yɛ nyɛteaŋ, shi anunyam ni jɛɔ Nyɔŋmɔ koome lɛ ŋɔɔ lɛ nyɛdii sɛɛ lɛ?

Yohane 7:18

Mɔ ni toɔ lɛ diɛŋtsɛ eyiŋ ewieɔ lɛ, lɛ diɛŋtsɛ enunyam etaoɔ, shi mɔ ni taoɔ mɔ ni tsu lɛ lɛ anunyam lɛ, lɛ lɛ anɔkwafo ji lɛ, ni nɔ ni ejaaa gbɛ bɛ emli.

Yohane 8:54

Yesu here nɔ akɛ, “Kɛji miwo mi diɛŋtsɛ mihiɛ nyam lɛ, minunyam lɛ jeee nɔ ko; miTsɛ ji mɔ ni woɔ mihiɛ nyam, mɔ ni nyɛkɛɔ akɛ nyɛNyɔŋmɔ ji lɛ lɛ,

Romabii 2:29

shi moŋ mɔ ni ji Yudanyo yɛ mligbɛ lɛ ji Yudanyo, ni tsui mli ketiafoo ji nɔ ni atsɔ̃ Mumɔ lɛ nɔ afo, shi jeee Mla lɛ nɔ, ni eyijiemɔ lɛ jɛɛɛ gbɔmɛi aŋɔɔ, shi moŋ Nyɔŋmɔ ŋɔɔ ejɛɔ.

Romabii 2:7

mɛi ni kɛ tsuishiŋmɛɛ hiɛɔ ekpakpafeemɔ mli ni amɛtaoɔ anunyam kɛ woo kɛ shihilɛ ni fiteŋ lɛ, eeehã amɛ naanɔ wala;

1 Korintobii 4:5

No hewɔ lɛ, nyɛkakojoa nɔ ko dani shɛ be lɛ, kɛyashi beyinɔ ni Nuŋtsɔ lɛ aaaba, mɔ ni kɛ dujiaŋ nibii ni akɛtee lɛ tete aaaba la hiɛ, ni eeejie tsuiiaŋ ajinai lɛ ashi lɛ. Ni no mli lɛ mɔ fɛɛ mɔ aaana eyijiemɔ kɛaajɛ Nyɔŋmɔ dɛŋ.

2 Korintobii 10:18

Ejaakɛ jeee mɔ ni jieɔ ehe yi lɛ ji mɔ ni sa, shi moŋ mɔ ni Nuŋtsɔ lɛ jieɔ eyi lɛ.

1 Tesalonikabii 2:6

asaŋ wɔtaooo gbɔmɛi ahiɛ nyam yɛ nyɛŋɔɔ loo mɛi krokomɛi aŋɔɔ.

1 Petro 3:4

Shi moŋ efee tsui mli gbɔmɔ ni akɛtee yɛ mumɔ ni he jɔ ni yɔɔ kpoo lɛ hewulamɔ ni fiteee lɛ mli lɛ; no ji nɔ ni jara wa yɛ Nyɔŋmɔ hiɛ.

1 Samuel 15:30

Kɛkɛ ni Saul kɛɛ akɛ, “Mifee esha; shi kɛ̃lɛ wo mihiɛ nyam yɛ mimaŋ onukpai lɛ kɛ Israel fɛɛ hiɛ, ni okɛ mi aku sɛɛ kɛya ni mayaja Yehowa, oNyɔŋmɔ, lɛ.”

1 Samuel 2:30

No hewɔ lɛ, mi, Yehowa, Israel Nyɔŋmɔ lɛ, mikɛɛ akɛ eyɛ mli akɛ mikɛɛ akɛ owe lɛ kɛ otsɛmɛi awe lɛ ni baasɔ̃mɔ mi akɛ osɔfoi kɛya naanɔ, shi agbɛnɛ miigbala nakai shiwoo lɛ sɛɛ, ejaakɛ mɛi ni buɔ mi lɛ, mawo amɛhiɛ nyam: shi mɛi ni ebuuu mi lɛ, abuŋ amɛ ahaŋ nɔ ko nɔ ko.