Yohane 12:40 - ŊMALƐ KRƆŊKRƆŊ LƐ

⁴⁰ “Eshwila amɛhiŋmɛii, ni ekpliŋ amɛtsui; koni amɛkana kɛ amɛhiŋmɛii, ni amɛna naa kɛ amɛtsui, ni amɛku amɛsɛɛ ni mitsa amɛ.”

Ṅmãle̱ Kroṅkroṅ Le̱

⁴⁰ “Eſila ame̱hĩṅme̱ii, ni ekplim ame̱tšuii; koni ame̱kana ke̱ ame̱hĩṅme̱ii, ni ame̱na nā ke̱ ame̱tšuĩi, ní ame̱kũ ame̱se̱, ni mĩtšáame̱.”

Yohane 12:40 ပူးပေါင်းရင်းမြစ်များ

1 Maŋtsɛmɛi 22:20

Ni Yehowa bi akɛ, ‘Namɔ aaayalaka Ahab koni eya ni eyanyɔ yɛ Ramot-Gilead?’ ” Bɔfoi lɛ ekomɛi kɛɛ nɛkɛ, be mli ni mɛi komɛi hu miikɛɛ nɔ kroko.

Lalai 147:3

Lɛ etsaa mɛi ni tsuii ekumɔ lɛ, ni efimɔɔ amɛpilamɔi lɛ anɔ.

Lalai 41:4

Mi lɛ, mikɛɛ akɛ, “Oo Yehowa, naa mi mɔbɔ ni otsa mi, ejaakɛ mifee esha mishi bo.”

Lalai 6:2

Oo Yehowa, naa mi mɔbɔ, ejaakɛ miigbɔjɔ. Oo Yehowa, tsa mi ejaakɛ miikpokpo kɛ gbeyei.

2 Mose 10:1

Kɛkɛ ni Yehowa kɛɛ Mose akɛ, “Yaa Farao ŋɔɔ, shi mihã ekpliŋ etsui, ni etsuji lɛ hu ekpliŋ amɛtsui bɔ ni afee ni mafee naakpɛɛ nii nɛɛ fɛɛ matsɔ̃ɔ amɛ,

2 Mose 11:10

Mose kɛ Aaron fee nɛkɛ naakpɛɛ nibii nɛɛ fɛɛ amɛtsɔ̃ɔ Farao nɛ, shi Yehowa hã Farao kpliŋ etsui ni ehãaa Israelbii lɛ ashi eshikpɔŋ lɛ nɔ amɛya.

2 Mose 14:17

Mahã Ijiptbii lɛ akpliŋ amɛtsui koni amɛnyiɛ Israelbii lɛ asɛɛ, ni maye Farao kɛ eta shwiilii kɛ ekpɔŋɔnɔtalɔi lɛ fɛɛ anɔ kunim.

2 Mose 14:4

Mahã Farao akpliŋ etsui koni etiu nyɛ, ni no aaahã Farao kɛ eta lɛ fɛɛ ashe mi gbeyei, ni Ijiptbii baana ale akɛ mi ji Yehowa lɛ.” Israelbii lɛ fee bɔ ni akɛɛ amɛ lɛ.

2 Mose 14:8

Shi Yehowa hã Ijipt maŋtsɛ Farao kpliŋ etsui, ni etiu Israelbii lɛ ni Yehowa hewalɛ nine ni tsii lɛ hiɛ amɛ kɛyaa lɛ.

2 Mose 4:21

Yehowa kɛɛ Mose ekoŋŋ akɛ, “Kɛji oyashɛ Ijipt lɛ kwɛmɔ ni naakpɛɛ nibii fɛɛ ni mikɛ amɛnɔ hewalɛ ewo odɛ̃ŋ lɛ, ofee yɛ Farao hiɛ; shi mi lɛ mahã Farao akpliŋ etsui, ni ehãŋ maŋ lɛ aya.

2 Mose 7:13

Shi Farao kpliŋ etsui, ni ebooo Mose kɛ Aaron toi taakɛ bɔ ni Yehowa ewie eto lɛ.

2 Mose 7:3

Shi mahã Farao akpliŋ etsui, ni okadii kɛ naakpɛɛ nibii babaoo ni mafee yɛ Ijipt shikpɔŋ lɛ nɔ lɛ fɛɛ sɛɛ lɛ,

2 Mose 9:12

Shi Yehowa hã Farao kpliŋ etsui, ni ebooo Mose kɛ Aaron toi tamɔ bɔ ni Yehowa ewie eto lɛ.

Yesaia 26:11

Ao Yehowa, owo onine nɔ, shi kɛ̃lɛ amɛnaaa. Hã amɛna joomɔ ni ojoɔ yɛ omaŋbii ahe lɛ koni amɛhiɛ agboi. Hã la ni oto hã ohenyɛlɔi lɛ akpãtã amɛhiɛ.

Yesaia 29:10

Ejaakɛ Yehowa ehã wɔ ni mli tsii mumɔ enyɔ nyɛnɔ. Nyɛ gbalɔi, Yehowa eŋamɔ nyɛhiŋmɛii; ni nyɛ ninalɔi, Yehowa kɛ nɔ̃ eha nyɛhiɛ.

Yesaia 53:5

Shi apila lɛ yɛ wɔ moŋ wɔtɔ̃mɔi ahewɔ; atswia lɛ nii yɛ wɔnishaianii lɛ ahewɔ. Agbala etoi koni wɔna hejɔlɛ, ni ehe faji lɛ akɛtsaa wɔ.

Yesaia 6:10

Kɛkɛ ni ekɛɛ mi akɛ, “Hã nɛkɛ maŋbii nɛɛ akpliŋ amɛtsui, ni ohã amɛtoi awa; asaŋ shwilamɔ amɛhiŋmɛii koni amɛkana nii; amɛkanu nii, asaŋ amɛkanu sane shishi ni amɛmiikpale ni amɛna tsamɔ.”

Yesaia 6:9

Ni Nuŋtsɔ lɛ kɛɛ mi akɛ, “Yaa koni oyakɛɛ maŋbii nɛɛ akɛ, ‘Nyɛkɛ nyɛtoi aaanu nɛ, shi nyɛnuŋ shishi, ni nyɛkɛ nyɛhiŋmɛii aaana nɛ, shi nyɛnaŋ shishi.’ ”

Yeremia 3:22

“Ao! Bii ni yeee anɔkwa nyɛkpalea nyɛbaa! Matsa anɔkwa ni nyɛyeee hela lɛ.” Nyɛkɛɛ akɛ, “Naa, wɔmiiba oŋɔɔ, ejaakɛ bo ji Yehowa, wɔNyɔŋmɔ lɛ.

Yeremia 5:21

nyɛboa enɛ toi koo! Kwashiai ni bɛ jwɛŋmɔ, ni nyɛyɔɔ hiŋmɛii shi nyɛnaaa nii, asaŋ nyɛyɔɔ toii hu shi nyɛnuuu nii.

Ezekiel 12:2

“Gbɔmɔ Adesa, mɛi ni toi egbo ateŋ oyɔɔ lɛ; shi amɛyɛ hiŋmɛii, shi amɛnaaa nii; amɛyɛ toii hu shi amɛnuuu nii, ejaakɛ maŋ ni toi egbo ji amɛ.”

Ezekiel 14:9

“Ni kɛji nɔ ko aaalaka gbalɔ lɛ ni ewie wiemɔ ko lɛ, belɛ mi, Yehowa, mi ji mɔ ni laka nakai gbalɔ lɛ, ni mikɛ lɛ aaaye; makpãtã ehiɛ kɛaaje mimaŋ Israelbii lɛ ateŋ.

Hosea 14:4

Yehowa kɛɛ, “Mibahã amɛkpa anɔkwa ni amɛyeee lɛ. Mibasumɔ amɛ kɛ mitsui fɛɛ, ejaakɛ miŋmɛɛ mimli ni fu amɛ lɛ he.

Hosea 6:1

Maŋbii lɛ aaakɛɛ akɛ, “Nyɛbaa koni wɔkpalea kɛyaa Yehowa ŋɔɔ. Akɛni lɛ etserɛ wɔmli lɛ, lɛ eeetsa wɔ; ni akɛni lɛ etswia wɔ nii lɛ, lɛ eeefi nɔ ehã wɔ.

Mateo 15:14

Nyɛkadia amɛsɛɛ! Shwilafoi ni tsɔ̃ɔ shwilafoi agbɛ ji amɛ; ni kɛ shwilafo miitsɔ̃ɔ shwilafo gbɛ lɛ, amɛyi enyɔ lɛ fɛɛ amɛaagbee bu mli.”

Marko 4:12

‘Na lɛ amɛna nɛ, shi amɛkayoo, ni nu lɛ amɛnu nɛ, shi amɛkana shishi; ni eba lɛ akɛ amɛkpale ni akɛ amɛhe eshai lɛ afa amɛ.’ ”

Marko 6:52

Ejaakɛ amɛyooko nɔ ni aboloo sane lɛ tsɔ̃ɔ lɛ sɛɛ; amɛjwɛŋmɔ kpleee he.

Luka 4:18

“Nuŋtsɔ lɛ Mumɔ lɛ yɛ minɔ, ejaakɛ efɔ mi mu, koni mijaje Sanekpakpa lɛ mitsɔ̃ɔ ohiafoi.

Luka 8:10

Ni ekɛɛ, “Nyɛ lɛ akɛ Nyɔŋmɔ Maŋtsɛyeli lɛ mli teemɔ saji lɛ ehã nyɛ akɛ nyɛle; shi mɛi krokomɛi lɛ akɛhãa amɛ yɛ abɛbuai amli; ‘koni na lɛ amɛna nɛ, shi amɛkayoo sɛɛ, ni nu hu amɛnu, shi amɛkanu shishi.’

Yohane 12:39

Enɛ hewɔ ni amɛnyɛɛɛ amɛhe amɛye lɛ, ejaakɛ Yesaia saa kɛɛ ekoŋŋ akɛ,

Yohane 9:39

Ni Yesu kɛɛ, “Kojomɔ hewɔ miba je nɛɛŋ, koni mɛi ni enaaa nii lɛ ana nii, ni mɛi ni naa nii lɛ atsɔ̃mɔ shwilafoi.”

Bɔfoi 15:3

No hewɔ lɛ, be ni asafo lɛ ebajie amɛ gbɛ lɛ, amɛtsɔ̃ Foinikia kɛ Samaria ni amɛgba jeŋmaji lɛ atsakemɔ lɛ, ni amɛkɛhã nyɛmimɛi lɛ fɛɛ na miishɛɛ naakpa.

Bɔfoi 28:26

akɛ, ‘Yaa maŋ nɛɛ ŋɔɔ ni oyakɛɛ, nu lɛ nyɛbaanu nɛ, shi nyɛnaŋ shishi. Ni na lɛ nyɛbaana nɛ, shi nyɛyoŋ sɛɛ.

Bɔfoi 3:19

No hewɔ lɛ, nyɛtsakea nyɛtsui ni nyɛkua nyɛsɛɛ, koni agbe nyɛhe eshai lɛ,

Romabii 9:18

Belɛ no hewɔ lɛ, mɔ ni esumɔɔ akɛ ena lɛ mɔbɔ lɛ, enaa lɛ mɔbɔ, ni kɛ eesumɔ akɛ ewaje mɔ ko tsui lɛ, ewajeɔ.

5 Mose 29:4

shi kɛbashi ŋmɛnɛ lɛ, Yehowa hãko nyɛ jwɛŋmɔ ni nyɛkɛaanu nɔ ni ba lɛ shishi, loo hiŋmɛii ni nyɛkɛaana nii loo toii ni nyɛkɛaanu nii.

Yoshua 11:20

Ejaakɛ Yehowa ninenaa nitsumɔ nɛ, akɛ ehã maji lɛ amli bii lɛ kpliŋ amɛtsui, bɔ ni afee ni amɛ kɛ Israelbii lɛ awu ta koni atsɔ̃ no nɔ amɛkpãtã amɛhiɛ ni mɔbɔnalɛ bɛ mli, tamɔ bɔ ni Yehowa fã Mose lɛ.