Yohane 12:34 - ŊMALƐ KRƆŊKRƆŊ LƐ

³⁴ Asafo lɛ here lɛ nɔ akɛ, “Wɔ lɛ wɔnu yɛ Mla lɛ mli akɛ Kristo lɛ hiɔ shi kɛyaa naanɔ; ni te feɔ tɛŋŋ ni bo lɛ okɛɔ akɛ ja awo Gbɔmɔ Bi lɛ nɔ lɛ? Namɔ ji nɛkɛ Gbɔmɔ Bi nɛɛ?”

Ṅmãle̱ Kroṅkroṅ Le̱

³⁴ Asafo le̱ herele̱ no̱ ake̱: Wo̱ le̱ wonu ye̱ mla le̱ mli ake̱ Kristo le̱ *hĩo̱ ši ke̱-yaä nāno̱; ni té tēṅ ní bo le̱ okē̱o̱ ake̱: Dša awó gbomobi le̱ no̱ṅ? Namo dši ne̱ke̱ gbomobi ne̱? *Lal. 110,4. Dan. 7,14.

Yohane 12:34 ပူးပေါင်းရင်းမြစ်များ

2 Samuel 7:13

Lɛ ji mɔ ni baama Sɔlemɔ we ehã mi ni mahã emaŋtsɛ sɛi lɛ ama shi shiŋŋ kɛya naanɔ.

Lalai 110:4

Yehowa ekã kitã, ni etsakeŋ ejwɛŋmɔ, “Bo ji osɔfo kɛmiiya naanɔ yɛ Melkizedek gbɛjianɔtoo lɛ naa.”

Lalai 72:7

Jalɛ saneyeli ashwere yɛ elumɔyeli be lɛŋ, ni toiŋjɔlɛ aba babaoo kɛyaashi beyinɔ ni nyɔɔŋtsere bɛ dɔŋŋ.

Yesaia 53:8

Aye lɛ toikɔdɔmɔ sane, ni aŋɔ lɛ kɛtee. Namɔ aaanyɛ asusu nɔ ni aaaba enɔ? Ejaakɛ asha lɛ kɛje hiɛkãalɔi ashikpɔŋ lɛ nɔ kɛtee. Mimaŋbii lɛ atɔ̃mɔi ahewɔ apiŋ lɛ lɛ!

Yesaia 9:7

Emaŋtsɛyeli lɛ shweremɔ kɛ edɛŋ toiŋjɔlɛ lɛ, esɛɛ efoŋ yɛ David maŋtsɛ sɛi lɛ nɔ, kɛ emaŋtsɛyeli hei fɛɛ. Ekɛ jalɛ saneyeli kɛ nɔ ni ja feemɔ baahã emaŋtsɛyeli lɛ ama shi kɛya naanɔ. Yehowa, Taiatsɛ lɛ, kɛ hiɛdɔɔ baafee enɛ.

Daniel 2:44

Maŋtsɛyelii nɛɛ amli maŋtsɛmɛi lɛ ayinɔi amli lɛ, Nyɔŋmɔ ni yɔɔ ŋwɛi lɛ baatee maŋtsɛyeli ko ni sɛɛ efoŋ dɔŋŋ shi ema shi. Maŋ ko maŋ ko nyɛŋ enɔ kunim eye. Ebaakpãtã maŋtsɛyelii nɛɛ fɛɛ ahiɛ butuu, ni amɛnɔyelii lɛ asɛɛ aaafo; shi lɛ lɛ emaŋtsɛyeli lɛ baama shi kɛaatee naanɔ.

Daniel 7:14

Ahã lɛ nɔyeli kɛ anunyam kɛ maŋtsɛyeli hewalɛ koni majimaji kɛ asafoi srɔtoi kɛ wiemɔi srɔtoi ashikpɔji anɔ bii fɛɛ asɔ̃mɔ lɛ. Emaŋtsɛyeli lɛ naanɔ maŋtsɛyeli ni, ni esɛɛ efoŋ; ni mɔ ko mɔ ko nyɛŋ hiɛ akpãtã.

Daniel 7:27

Kɛkɛ lɛ abaatu shikpɔŋ tso muu lɛ fɛɛ nɔ maŋtsɛyeli hewalɛ lɛ kɛ egbojee lɛ fɛɛ awo Nyɔŋmɔ Ofe lɛ mɛi krɔŋkrɔŋi lɛ adɛŋ. Amɛmaŋtsɛyeli hewalɛ nɛɛ sɛɛ efoŋ, ni shikpɔŋ lɛ nɔ lumɛi fɛɛ baasɔ̃mɔ amɛ, ni amɛbaabo amɛ toi.”

Mika 4:7

Ni mikɛ akpaketsɛmɛi ni yɔɔ maŋsɛɛ shɔŋŋ, kɛ maŋ, mɛi ni eshwɛ lɛ baaje shishi, ni mafee amɛ maŋ ni da agbo. Ni Yehowa aaaye amɛnɔ maŋtsɛ yɛ Zion Gɔŋ lɛ nɔ kɛaajɛ nakai be lɛ kɛaatee naanɔ fɛɛ.”

Mateo 16:13

Shi be ni Yesu ba Kaisarea Filipi niiaŋ lɛ, ebi ekaselɔi lɛ akɛ, “Namɔ mɛi kɛɔ akɛ Gbɔmɔ Bi lɛ ji?”

Mateo 21:10

Ni be ni ebote Yerusalɛm lɛ, maŋ muu lɛ fɛɛ bu hoo amɛkɛɛ, “Namɔ nɛ?”

Mateo 8:20

Ni Yesu kɛɛ lɛ akɛ, “Osɔi yɛ bui, ni ŋwɛi loofɔji yɛ tsui; shi Gbɔmɔ Bi lɛ bɛ he ni ekɛ eyitso ŋmɛɔ.”

Yohane 10:34

Yesu here amɛ nɔ akɛ, “Ani aŋmako yɛ nyɛMla lɛ mli akɛ, ‘Mikɛɛ, nyɔŋmɔi ji nyɛ?’

Yohane 12:32

Ni mi lɛ, kɛji awo minɔ kɛjɛ shikpɔŋ lɛ nɔ lɛ, magbala mɛi fɛɛ kɛaaba miŋɔɔ.”

Yohane 15:25

Shi afee enɛ bɔ ni afee ni wiemɔ ni aŋma yɛ amɛMla lɛ mli akɛ, ‘Amɛnyɛ mi yakatswaa’ lɛ ana aba mli.

Yohane 8:28

No hewɔ lɛ, Yesu kɛɛ amɛ akɛ, “Be ni nyɛaawo Gbɔmɔ Bi lɛ nɔ lɛ, no mli nyɛaale akɛ mi ni, ni akɛ mitooo miyiŋ mifeee nɔ ko, shi moŋ bɔ ni miTsɛ tsɔ̃ɔ mi lɛ, nakai miwieɔ.

Romabii 3:19

Shi agbɛnɛ wɔle akɛ nibii fɛɛ ni Mla lɛ kɛɔ lɛ, mɛi ni yɔɔ Mla lɛ shishi lɛ ekɛwieɔ, koni mɔ ko mɔ ko akana naabu, ni jeŋ muu lɛ fɛɛ aye fɔ yɛ Nyɔŋmɔ hiɛ.

Romabii 5:18

No hewɔ lɛ, agbɛnɛ, tamɔ bɔ ni atsɔ̃ mɔ kome shigbeemɔ nɔ abu gbɔmɛi fɛɛ fɔ lɛ, nakai nɔŋŋ kɛ̃ atsɔ̃ mɔ kome jalɛ nɔ abu gbɔmɛi fɛɛ awala bem.

Hebribii 7:24

shi mɔ nɛ lɛ, akɛni ehiɔ shi kɛyaa naanɔ hewɔ lɛ, esɔfoyeli lɛ sɛɛ efooo.