Yohane 12:32 - ŊMALƐ KRƆŊKRƆŊ LƐ

³² Ni mi lɛ, kɛji awo minɔ kɛjɛ shikpɔŋ lɛ nɔ lɛ, magbala mɛi fɛɛ kɛaaba miŋɔɔ.”

Ṅmãle̱ Kroṅkroṅ Le̱

³² ni mi le̱, ke̱dši *awó mino̱ ke̱-dše̱ šikpoṅ le̱ no̱ le̱, magbla mei fẽ ke̱-aba miṅõ. *8,28.

Yohane 12:32 ပူးပေါင်းရင်းမြစ်များ

2 Samuel 18:9

Absalom kɛ David tabilɔi lɛ ekomɛi yakpe trukaa. Absalom ta tejiokpɔŋɔ nɔ; ni etee eyatsɔ̃ blɔfo yɔɔyi tso wulu ko shishi, kɛkɛ ni eyitso yaka tso lɛ niji ni ebu kusuu lɛ amli, kɛkɛ ni tejiokpɔŋɔ lɛ sha kɛje Absalom shishi etee, ni eshi Absalom ni etsotsoro ŋwɛi kɛ shikpɔŋ teŋ.

Salomo Lalai 1:4

MiMaŋtsɛ, hã manyiɛ osɛɛ; hã wɔye wɔhe oyai kɛya opiai lɛ amli. Wɔɔnya, ni wɔmii aaashɛ. Wɔɔkafo osuɔmɔ lɛ fe wain; ŋwanejee ko bɛ he akɛ, no hewɔ yei sumɔɔ bo lɛ.

Yesaia 11:10

Be miiba be ni maŋtsɛ ni aaajɛ Ishai mli lɛ baatsɔ̃ tamɔ aflaŋaa ni ashi ahã majimaji lɛ. Lɛ esɛɛgbɛ maji lɛ fɛɛ aaatao, ni eshihilɛhe lɛ hiɛ baaba nyam.

Yesaia 49:6

Ekɛɛ, “Efaaa akɛ ooofee mitsulɔ ni otee Israel akutsei lɛ ashi, ni okɛ Israelbii ni abaa amɛyi lɛ aku sɛɛ kɛba amɛjaku shikpɔŋ nɔ kɛkɛ; shi moŋ miiŋɔ bo mafee jeŋ majimaji lɛ ala, koni midɛŋ yiwalaheremɔ lɛ ayashɛ je lɛ naagbeehe.”

Hosea 11:4

Mikɛ suɔmɔ kɛ mlitsɔlɛ gbala amɛ kɛba miŋɔɔ; ni mitsɔ̃ tamɔ mɔ ni fãa amɛdaaŋ manyoflɛ, ni mikɛ niyenii ma amɛhiɛ.”

4 Mose 21:9

No hewɔ lɛ, Mose kɛ akɔɔble fee onufu, ni ekɛtsotsoro tso bloblo nɔ ni ekɛma shi. Mɔ fɛɛ mɔ ni onufui lɛ eko ekɔ̃ lɛ lɛ, ewoɔ ehiɛ nɔ ekwɛɔ akɔɔble onufu lɛ, ni eyi naa wala.

Yohane 1:7

Eba odaseyeli, ni ebaye la lɛ he odase koni mɛi fɛɛ atsɔ̃ enɔ ahe aye.

Yohane 12:34

Asafo lɛ here lɛ nɔ akɛ, “Wɔ lɛ wɔnu yɛ Mla lɛ mli akɛ Kristo lɛ hiɔ shi kɛyaa naanɔ; ni te feɔ tɛŋŋ ni bo lɛ okɛɔ akɛ ja awo Gbɔmɔ Bi lɛ nɔ lɛ? Namɔ ji nɛkɛ Gbɔmɔ Bi nɛɛ?”

Yohane 18:32

koni Yesu wiemɔ ni ewie ekɛtsɔ̃ɔ nɔ gbele ni ebaagbo lɛ aba mli.

Yohane 19:17

Ni lɛ diɛŋtsɛ etere esɛŋmɔtso lɛ kɛtee he ni atsɛɔ jɛi Yitsoŋoŋohe ni Hebri mli lɛ atsɛɔ lɛ “Golgota” lɛ.

Yohane 3:14

Ni bɔ ni Mose wo onufu lɛ nɔ yɛ ŋa lɛ nɔ lɛ, nakai nɔŋŋ sa akɛ awo Gbɔmɔ Bi lɛ nɔ,

Yohane 6:44

Mɔ ko nyɛŋ aba miŋɔɔ, akɛ ja Tsɛ lɛ ni tsu mi lɛ gbala lɛ dã, ni mi lɛ matee lɛ shi yɛ naagbee gbi lɛ nɔ.

Yohane 8:28

No hewɔ lɛ, Yesu kɛɛ amɛ akɛ, “Be ni nyɛaawo Gbɔmɔ Bi lɛ nɔ lɛ, no mli nyɛaale akɛ mi ni, ni akɛ mitooo miyiŋ mifeee nɔ ko, shi moŋ bɔ ni miTsɛ tsɔ̃ɔ mi lɛ, nakai miwieɔ.

Galatabii 3:13

Kristo kpɔ̃ wɔ kɛjɛ Mla lɛ loomɔ lɛ mli, akɛni etsɔ̃ loomɔ ehã wɔ lɛ, ejaakɛ aŋma akɛ, “Alomɔ mɔ fɛɛ mɔ ni tsotsoro tso nɔ lɛ;”

1 Timoteo 2:6

mɔ ni ŋɔ ehe ehã akɛ kpɔmɔ nɔ ehã mɛi fɛɛ. Enɛ ji odase ni aye yɛ be ni sa mli lɛ;

Hebribii 2:9

Shi mɔ ni be kuku ko mli lɛ ahã shwɛ fioo ni ekɛ ŋwɛi bɔfoi aye egbɔ lɛ, wɔna akɛ Yesu ni, mɔ ni gbele mli nɔnaa hewɔ ni akɛ anunyam kɛ woo fi lɛ akekre lɛ, bɔ ni afee ni Nyɔŋmɔ dromɔ naa lɛ esa enaa gbele ehã mɔ fɛɛ mɔ.

1 Petro 2:24

Kristo diɛŋtsɛ etere wɔhe eshai lɛ yɛ egbɔmɔtso lɛ mli kɛtee sɛŋmɔtso lɛ nɔ, koni wɔfee tamɔ mɛi ni egboi yɛ esha gbɛfaŋ ni wɔhiɛ akamɔ yɛ jalɛ gbɛfaŋ lɛ; lɛ ehe faji akɛtsa nyɛ lɛ.

1 Petro 3:18

Ejaakɛ Kristo hu na amanehulu yɛ eshai ahewɔ shi kome, lɛ jalɔ lɛ yɛ mɛi ni ejaaa lɛ anajiaŋ, koni ekɛ wɔ aya Nyɔŋmɔ ŋɔɔ. Ni agbe lɛ yɛ heloo gbɛfaŋ moŋ, shi ahã lɛ wala yɛ mumɔ gbɛfaŋ.

1 Yohane 2:2

Lɛ ji wɔhe eshai lɛ ahe kpãtãmɔnɔ; shi jeee wɔnɔ lɛ kɛkɛ, shi moŋ jeŋ muu lɛ fɛɛ nɔ lɛ hu.

Kpojiemɔ 5:9

Ni amɛla lala hee ko amɛkɛɛ, “Osa akɛ oheɔ wolo lɛ ni otserɛɔ enaasɔomɔi lɛ, ejaakɛ agbe bo, ni okɛ olá lɛ ekpɔ̃ mɛi ehã Nyɔŋmɔ kɛjɛ akutso fɛɛ akutso kɛ wiemɔ fɛɛ wiemɔ kɛ jeŋmaŋ fɛɛ jeŋmaŋ mli.