Yohane 12:26 - ŊMALƐ KRƆŊKRƆŊ LƐ

²⁶ Kɛji mɔ ko miisɔmɔ mi lɛ, enyiɛ misɛɛ, ni he ni miyɔɔ lɛ, jɛi misɔ̃ɔlɔ lɛ hu aaahi; kɛji mɔ ko miisɔmɔ mi lɛ, miTsɛ aaawo lɛ.”

Ṅmãle̱ Kroṅkroṅ Le̱

²⁶ Ke̱dši moko mīsúmo̱mi le̱, hã ní enyie mise̱, ni heni *miyo̱ le̱, dše̱i misúolo̱ le̱ hũ aahĩ; ke̱dši moko mīsúmo̱mi le̱, mitše̱ le̱ aawole̱. *14,3; 17,24.

Yohane 12:26 ပူးပေါင်းရင်းမြစ်များ

Lalai 17:15

Mi lɛ, mana ohiɛ, yɛ jalɛ mli; ni kɛ mihiɛ tsɛ̃ lɛ, mitsui aaatɔ, ejaakɛ mina bɔ ni oyɔɔ.

Lalai 91:15

Kɛji amɛtsɛ mi lɛ, mahere amɛ nɔ. Mi kɛ amɛ aaahi shi yɛ haomɔ mli; mahere amɛ, ni mawo amɛhiɛ nyam.

Abe̱i 27:18

Mɔ ni baa yelitso yi lɛ, eyeɔ eyibii lɛ eko; ni mɔ ni buɔ enuŋtsɔ he lɛ, enuŋtsɔ lɛ woɔ ehiɛ nyam.

4 Mose 14:24

Shi akɛni soro mumɔ ni mitsulɔ Kaleb hiɛ, ni asaŋ eye mi anɔkwa kɛwula shi hewɔ lɛ, lɛ lɛ, mikɛ lɛ baaya ayashɛ shikpɔŋ ni etee ayasara lɛ nɔ, ni jɛi aaatsɔ̃ eshwiei anɔ.

4 Mose 32:11

‘Hii ni shi Ijipt shikpɔŋ lɛ nɔ lɛ ateŋ mɛi ni eye kɛjɛ afii nyɔŋmai enyɔ kɛyaa lɛ ateŋ mɔ ko mɔ ko hiŋmɛi enaŋ shikpɔŋ ni mikã he kitã akɛ mikɛbaahã Abraham kɛ Isak kɛ Yakob lɛ, ejaakɛ amɛyeko mi anɔkwa kɛwulako shi,

Mateo 16:24

Kɛkɛ ni Yesu kɛɛ ekaselɔi lɛ akɛ, “Kɛji mɔ ko miisumɔ akɛ enyiɛ misɛɛ lɛ, ekwa ehe ni ewo esɛŋmɔtso lɛ ni enyiɛ misɛɛ.

Mateo 25:21

Enuŋtsɔ lɛ kɛɛ lɛ akɛ, ‘Aekoo, tsulɔ kpakpa kɛ anɔkwafo, oye anɔkwa yɛ nii fioo he, mato bo nii pii anɔkwɛlɔ; botemɔ onuŋtsɔ miishɛɛ lɛ mli.’

Marko 8:34

Agbɛnɛ etsɛ asafo lɛ kɛ ekaselɔi lɛ hu kɛba eŋɔɔ, ni ekɛɛ amɛ akɛ, “Kɛji mɔ ko miisumɔ akɛ enyiɛ misɛɛ lɛ, ekwa ehe ni ewo esɛŋmɔtso lɛ ni enyiɛ misɛɛ.

Luka 12:37

Ajɔɔ nakai tsuji lɛ ni be ni nuŋtsɔ lɛ aaaba lɛ eeebanina amɛ akɛ amɛmiishi kpe lɛ! Anɔkwale mikɛɔ nyɛ akɛ eeemĩa, ni eeehã amɛtara niyenii ahe, ni eeeba ebasɔ̃mɔ amɛ.

Luka 6:46

“Shi mɛni hewɔ nyɛtsɛɔ mi akɛ, ‘Nuŋtsɔ, Nuŋtsɔ!’ Ni nyɛfeee nii ni mikɛɔ lɛ?

Luka 9:23

Ni ekɛɛ mɛi lɛ fɛɛ akɛ, “Kɛji mɔ ko miisumɔ akɛ enyiɛ misɛɛ lɛ, ekwa ehe, ni ewo esɛŋmɔtso lɛ daa gbi ni enyiɛ misɛɛ.

Yohane 10:27

Mitoi lɛ nuɔ migbee, ni mile amɛ, ni amɛnyiɛɔ misɛɛ,

Yohane 13:16

Anɔkwale mikɛɔ nyɛ akɛ, Nyɔŋ efeee enuŋtsɔ, ni asaŋ bɔfo efeee mɔ ni tsu lɛ lɛ.

Yohane 14:15

“Kɛji nyɛmiisumɔ mi lɛ nyɛaaye mikitãi lɛ anɔ.

Yohane 14:3

Ni kɛji mitee ni miyasaa gbɛhe mito nyɛ lɛ, mibaba ekoŋŋ ni mibaŋɔ nyɛ kɛya he ni mi diɛŋtsɛ miyɔɔ lɛ, koni he ni miyɔɔ lɛ nyɛ hu nyɛhi jɛi.

Yohane 15:20

Nyɛhiɛ ahia wiemɔ ni mikɛɛ nyɛ lɛ nɔ, akɛ, ‘Nyɔŋ efeee eNuŋtsɔ.’ Kɛ amɛwa mi yi lɛ, amɛaawa nyɛ hu yi; kɛ amɛye miwiemɔ nɔ lɛ, amɛaaye nyɛ hu nyɛnɔ nɔ.

Yohane 17:24

Ataa, mɛi ni okɛhã mi lɛ, miisumɔ akɛ he ni miyɔɔ lɛ amɛkɛ mi abahi jɛi, koni amɛna minunyam ni okɛhã mi lɛ, ejaakɛ osumɔ mi dani ato je lɛ shishi.

Yohane 21:22

Yesu kɛɛ lɛ akɛ, “Kɛji miisumɔ akɛ ehi shi kɛyashi mibaabe lɛ, mɛni no kɔɔ yɛ ohe? Bo lɛ nyiɛmɔ misɛɛ!”

Romabii 1:1

Wolo nɛɛ jɛ mi Paulo, Yesu Kristo tsulɔ kɛ bɔfo ni atsɛ lɛ ni ajie lɛ ato ahã Nyɔŋmɔ Sanekpakpa lɛ, dɛŋ.

Romabii 14:18

ni mɔ ni sɔ̃mɔɔ Kristo yɛ enɛɛmɛi amli lɛ, Nyɔŋmɔ naa ehe tsuijurɔ ni esa gbɔmɛi ahiɛ hu.

2 Korintobii 4:5

Ejaakɛ jeee wɔ diɛŋtsɛ wɔhe wɔshiɛɔ, shi moŋ Kristo Yesu akɛ Nuŋtsɔ, kɛ wɔ hu akɛ nyɛtsuji yɛ Yesu hewɔ;

2 Korintobii 5:8

shi wɔyɛ tsui, ni esa wɔhiɛ moŋ akɛ wɔɔdom kɛjɛ gbɔmɔtso nɛɛ mli, ni wɔyahi shĩa yɛ Nuŋtsɔ lɛ ŋɔɔ.

Galatabii 1:10

Ejaakɛ be nɛ lɛ, gbɔmɛi ahiɛ gbɛ mitaoɔ loo Nyɔŋmɔ hiɛ gbɛ? Aloo miitao gbɔmɛi ahiɛ masa? Ejaakɛ kɛ mikã he miitao masa gbɔmɛi ahiɛ lɛ, jeee Kristo tsulɔ ji mi.

Filipibii 1:23

shi miihao yɛ nibii enyɔ nɛɛ ateŋ; miishwe ni maje mli ni mikɛ Kristo ayahi shi, ejaakɛ no hi aahu;

Kolosebii 3:24

ni nyɛle akɛ Nuŋtsɔ lɛ dɛŋ nyɛnine baashɛ gboshinii lɛ anɔ yɛ akɛ nyɛnyɔmɔwoo. Ejaakɛ Nuŋtsɔ Kristo nyɛsɔ̃mɔɔ.

Kolosebii 4:12

Epafra ni jɛ nyɛteŋ ni ji Kristo tsulɔ ni daa nɛɛ ekɛ mɔdɛŋbɔɔ hiɛ sɔlemɔi amli waa kɛhã nyɛ, koni nyɛdamɔ shi akɛ mɛi ni eye emuu ni amɛyimɔ obɔ̃bɔ̃ kɛ Nyɔŋmɔ suɔmɔnaanii fɛɛ feemɔ lɛ, miibi nyɛ.

2 Petro 1:1

Simon Petro ni ji Yesu Kristo tsulɔ kɛ bɔfo lɛ ŋma yahã mɛi ni nine eshɛ hemɔkɛyeli ni jara wa tamɔ wɔnɔ lɛ nɔŋŋ nɔ kɛtsɔ̃ wɔNyɔŋmɔ kɛ wɔyiwalaherelɔ Yesu Kristo jalɛ lɛ nɔ lɛ.

1 Yohane 5:3

Ejaakɛ enɛ ji suɔmɔ ni wɔkɛsumɔɔ Nyɔŋmɔ lɛ akɛ wɔye ekitãi lɛ anɔ; ni ekitãi lɛ waaa,

Yuda 1:1

Yuda, ni ji Yesu Kristo tsulɔ kɛ Yakobo nyɛmi lɛ; ŋma yahã mɛi ni atsɛ amɛ ni afee amɛ krɔŋkrɔŋ yɛ Tsɛ Nyɔŋmɔ lɛ mli ni akɛ amɛ eto ahã Yesu Kristo lɛ.

Kpojiemɔ 14:4

Mɛnɛɛmɛi ji mɛi ni kɛ yei buleko amɛhe, ejaakɛ oblahii ni he tse ji amɛ, ni amɛnyiɛɔ Toobi lɛ sɛɛ kɛyaa he fɛɛ he ni eyaa lɛ. Mɛnɛɛmɛi ji mɛi ni akpɔ̃ kɛjɛ gbɔmɛi ateŋ akɛ klɛŋklɛŋ yibii kɛhã Nyɔŋmɔ kɛ Toobi lɛ.

1 Samuel 2:30

No hewɔ lɛ, mi, Yehowa, Israel Nyɔŋmɔ lɛ, mikɛɛ akɛ eyɛ mli akɛ mikɛɛ akɛ owe lɛ kɛ otsɛmɛi awe lɛ ni baasɔ̃mɔ mi akɛ osɔfoi kɛya naanɔ, shi agbɛnɛ miigbala nakai shiwoo lɛ sɛɛ, ejaakɛ mɛi ni buɔ mi lɛ, mawo amɛhiɛ nyam: shi mɛi ni ebuuu mi lɛ, abuŋ amɛ ahaŋ nɔ ko nɔ ko.