Yohane 12:16 - ŊMALƐ KRƆŊKRƆŊ LƐ

¹⁶ Shi ekaselɔi lɛ enaaa nii nɛɛ ashishi mra mli, shi be ni awo Yesu hiɛ nyam lɛ, no dani amɛkai akɛ aŋma nii nɛɛ yɛ ehe, ni no afee ahã lɛ lɛ.

Ṅmãle̱ Kroṅkroṅ Le̱

¹⁶ Ši ekaselo̱i le̱ enaa nii ne̱ ašiši mrã mli, ši beni awo Iesu hĩe nyam le̱, no dãni ame̱kai ake̱ aṅmã nii ne̱ ye ehewo̱, ni no afe ahãle̱ le̱.

Yohane 12:16 ပူးပေါင်းရင်းမြစ်များ

Marko 16:19

Kɛkɛ ni be ni Nuŋtsɔ Yesu kɛ amɛ ewie sɛɛ lɛ, aŋɔ lɛ kɛtee ŋwɛi, ni eyata Nyɔŋmɔ ninejurɔ nɔ.

Marko 9:32

Shi amɛnaaa nakai wiemɔ lɛ naa, ni amɛmiishe gbeyei hu akɛ amɛaabi lɛ.

Luka 18:34

Shi amɛ lɛ amɛnaaa nii nɛɛ ateŋ ekomeflo shishi, ni akɛ nɛkɛ wiemɔ nɛɛ etee amɛ, ni amɛyooo wiemɔi ni ewie lɛ asɛɛ!

Luka 24:25

Kɛkɛ ni ekɛɛ amɛ akɛ, “O kwashiai ni nyɛyɔɔ shɔ̃ɔ yɛ nyɛtsui mli kɛ nii fɛɛ ni gbalɔi lɛ gba lɛ hemɔkɛyeli.

Luka 24:45

Kɛkɛ lɛ egbele amɛjwɛŋmɔ naa, koni amɛna Ŋmalɛi lɛ anaa.

Luka 9:45

Shi amɛ lɛ amɛnaaa wiemɔ nɛɛ shishi, ni akɛtee amɛ ni amɛkayoo sɛɛ, ni amɛmiishe gbeyei akɛ amɛaabi lɛ wiemɔ nɛɛ he nɔ ko.

Yohane 12:23

Ni Yesu here amɛ nɔ ekɛɛ, “Ŋmɛlɛtswaa ni akɛbaawo Gbɔmɔ Bi lɛ hiɛ nyam lɛ eshɛ.

Yohane 14:26

Shi Hefatalɔ lɛ ni ji Mumɔ Krɔŋkrɔŋ lɛ, mɔ ni Tsɛ lɛ baatsu yɛ migbɛi mli lɛ, lɛ eeetsɔ̃ɔ nyɛ nii fɛɛ, ni eeekai nyɛ nii fɛɛ ni mikɛɛ nyɛ lɛ.

Yohane 16:4

Shi mikɛɛ nyɛ nii nɛɛ, koni kɛ be lɛ shɛ lɛ, ni nyɛkai akɛ mikɛɛ nyɛ. Shi kɛjɛ shishijee lɛ mikɛɛɛ nyɛ nii nɛɛ, ejaakɛ mikɛ nyɛ yɛ.”

Yohane 17:5

Ni agbɛnɛ, Ataa, kɛ anunyam ni miyɔɔ yɛ oŋɔɔ dani abɔ je lɛ awo mihiɛ nyam yɛ omasɛi.”

Yohane 2:22

No hewɔ lɛ, be ni ete shi kɛjɛ gbohii ateŋ lɛ ekaselɔi lɛ kai akɛ ekɛɛ enɛ, ni amɛhe ŋmalɛ lɛ kɛ wiemɔ ni Yesu wie lɛ amɛye.

Yohane 7:39

Shi Mumɔ lɛ ni mɛi ni heɔ enɔ yeɔ lɛ baana lɛ he ewie nɛɛ; shi Mumɔ Krɔŋkrɔŋ lɛ nako aba, ejaakɛ anako awo Yesu hiɛ nyam.

Bɔfoi 2:33

Agbɛnɛ akɛni awo enɔ kɛtee Nyɔŋmɔ ninejurɔ nɔ ni ena Mumɔ Krɔŋkrɔŋ lɛ he shiwoo lɛ kɛjɛ Tsɛ lɛ dɛ̃ŋ hewɔ lɛ, efɔse nɔ ni nyɛnaa ni nyɛnuɔ nɛɛ eshwie shi.

Bɔfoi 2:36

“No hewɔ lɛ, Israel we lɛ fɛɛ ale krɛdɛɛ akɛ Nyɔŋmɔ eŋɔ nɛkɛ Yesu ni nyɛsɛŋ lɛ nɛɛ efee Nuŋtsɔ kɛ Kristo fɛɛ.”

Bɔfoi 3:13

Abraham kɛ Isak kɛ Yakob Nyɔŋmɔ lɛ ni ji wɔtsɛmɛi aNyɔŋmɔ lɛ ewo etsulɔ Yesu hiɛ nyam, Yesu mɔ ni nyɛjie lɛ nyɛhã ni nyɛkwa lɛ yɛ Pontio Pilato hiɛ, be ni lɛ lɛ ekpɛ mli akɛ eeeŋmɛɛ ehe lɛ.

Hebribii 12:2

Ni wɔkwɛ hemɔkɛyeli shishijelɔ kɛ naagbelɔ ni ji Yesu lɛ, mɔ ni nyamɔ ni kã ehiɛ lɛ hewɔ lɛ emia ehiɛ yɛ sɛŋmɔtso lɛ he amanehulu lɛ mli. Ni ebuuu hiɛgbele lɛ, ni eyata shi yɛ Nyɔŋmɔ maŋtsɛ sɛi lɛ ninejurɔ nɔ lɛ.

Hebribii 8:1

Shi nii ni wɔwieɔ lɛ mli sane titri nɛ, nɛkɛ Osɔfonukpa wɔyɔɔ; Osɔfonukpa ni ta mɔ ni je agbo lɛ maŋtsɛ sɛi lɛ ninejurɔ nɔ yɛ ŋwɛi