Yohane 11:52 - ŊMALƐ KRƆŊKRƆŊ LƐ

⁵² ni jeee yɛ maŋ lɛ najiaŋ hewɔ kɛkɛ, shi bɔ ni afee ni ebua Nyɔŋmɔ bii ni egbɛ eshwã lɛ hu naa efee kuu kome.

Ṅmãle̱ Kroṅkroṅ Le̱

⁵² ni dšee ye̱ maṅ le̱ ke̱ke̱ nãdsiaṅ hewo̱ṅ, ši beni afe ní ebua Nyoṅmo̱ bii ni egbe̱ eſã le hũ nā *efe ekome. *10,16.

Yohane 11:52 ပူးပေါင်းရင်းမြစ်များ

1 Mose 49:10

Maŋtsɛyeli ejeŋ Yuda dɛŋ, ni nɔyeli hu ejeŋ eshwiei adɛŋ; gbii abɔ ni jeŋmaji kɛ amɛ onia baa, ni amɛbaa amɛhe shi amɛhãa lɛ lɛ.

Lalai 22:15

Misɛŋ egbi tamɔ ŋɛsuko mli, mililɛi ekpɛtɛ midaaŋ; ni oshi mi oŋmɛ su mli tamɔ gbonyo.

Lalai 22:27

Jeŋ koji kpawo lɛ aaakai, ni amɛaakpale kɛaaba Yehowa ŋɔɔ; ni majimaji lɛ amli akutsei lɛ fɛɛ aaakula shi amɛja lɛ.

Lalai 72:19

Ajie enunyam gbɛi lɛ yi kɛya naanɔ! Jeŋ muu lɛ fɛɛ ayi tɔ kɛ enunyam lɛ! Amen! Amen!

Yesaia 49:18

Wo ohiɛ nɔ ni okwɛ ohe kɛkpe; Owebii lɛ miibua amɛhe naa; amɛmiiba oŋɔɔ. Gbii abɔ ni mi, Yehowa, mihiɛ kã nɛɛ lɛ, amɛaatsɔ tamɔ jwine, ni okɛ amɛaawula ohe tamɔ ayɛmforo feɔ lɛ.”

Yesaia 49:6

Ekɛɛ, “Efaaa akɛ ooofee mitsulɔ ni otee Israel akutsei lɛ ashi, ni okɛ Israelbii ni abaa amɛyi lɛ aku sɛɛ kɛba amɛjaku shikpɔŋ nɔ kɛkɛ; shi moŋ miiŋɔ bo mafee jeŋ majimaji lɛ ala, koni midɛŋ yiwalaheremɔ lɛ ayashɛ je lɛ naagbeehe.”

Yesaia 55:5

Naa, ooofɔ̃ nine otsɛ maji ni oleee; ni maji ni leee bo hu aaahiɛ foi kɛaaba oŋɔɔ, yɛ Yehowa, oNyɔŋmɔ lɛ hewɔ, ejaakɛ ewo ohiɛ nyam!

Yesaia 56:8

Bɔ ni Yehowa Ofe mɔ ni kpala emaŋ Israel kɛjɛ nomŋɔɔ mli kɛku sɛɛ kɛba lɛ kɛɛ nɛ, “Masaa makpala mɛi krokomɛi kɛba kɛbafata mɛi ni mikpala kɛba momo lɛ ahe.”

Yesaia 60:4

Wo ohiɛ nɔ, koni okwɛ ohe kɛkpe; ooona amɛ fɛɛ ni amɛbua amɛhe naa kɛmiiba oŋɔɔ. Obihii lɛ aaajɛ maŋsɛɛ shɔŋŋ aba, ni obiyei lɛ, aaahiɛ amɛ yɛ ŋmawuiaŋ kɛaaba.

Ezekiel 34:12

Bɔ ni tookwɛlɔ taoɔ etooku ni egbɛ eshwã lɛ sɛɛgbɛ lɛ, nakai nɔŋŋ matao mitoi lɛ asɛɛgbɛ. Mabua amɛnaa kɛjɛ he fɛɛ he ni amɛgbɛ amɛshwã kɛtee, yɛ gbi ni atatu kɛ duŋ kpii ewo nɔ tete.

Hosea 1:10

Shi kɛ̃lɛ Israelbii ayikulɛ aaatamɔ ŋshɔnaa shia ni anyɛŋ asusu aloo akane. Kɛji nakai be lɛ shɛ lɛ, he ni akɛɛ amɛ yɛ akɛ, ‘Nyɛjeee mimaŋ lɛ,’ jɛi nɔŋŋ abaakɛɛ amɛ yɛ akɛ, “Nyɔŋmɔ hiɛkãalɔ lɛ bii ji nyɛ.”

Luka 15:8

“Aloo mɛɛ yoo ni yɔɔ jwiɛtɛi kukuji nyɔŋma, ni kɛji kuku kome laaje lɛ, ni esuŋ kane ni ebɛɛ shĩa lɛ mli fitsofitso ni etao kɛyashi beyinɔ ni eeena?

Luka 2:32

La ni aaahã jeŋmaji lɛ ahiɛ agbele, ni ewo omaŋ Israel hiɛ nyam lɛ.”

Yohane 1:12

Shi mɛi abɔ ni here lɛ, ni amɛhe egbɛi lɛ nɔ amɛye lɛ, ehã amɛ hegbɛ akɛ amɛtsɔ̃mɔ Nyɔŋmɔ bii,

Yohane 1:29

Enɔ jetsɛremɔ lɛ Yohane na Yesu miiba eŋɔɔ ni ekɛɛ, “Naa Nyɔŋmɔ Toobi lɛ ni woɔ je lɛ esha lɛ kɛyaa lɛ!

Yohane 10:16

“Miyɛ toi krokomɛi ni jɛɛɛ toi atsu nɛɛ mli; ni nomɛi hu, ja miŋɔ amɛ kɛba, ni amɛbanu migbee, ni toi lɛ fee kuu kome kɛ kwɛlɔ kome.

Yohane 12:32

Ni mi lɛ, kɛji awo minɔ kɛjɛ shikpɔŋ lɛ nɔ lɛ, magbala mɛi fɛɛ kɛaaba miŋɔɔ.”

Bɔfoi 18:10

ejaakɛ mikɛ bo yɛ, ni mɔ ko mɔ ko etaŋ ohe ni efeŋ bo efɔŋ ko, ejaakɛ miyɛ mɛi pii yɛ maŋ nɛɛ mli.”

Romabii 3:29

Aloo Nyɔŋmɔ lɛ Yudafoi kɛkɛ aNyɔŋmɔ ni? Ani jeee jeŋmaji lɛ hu aNyɔŋmɔ ni? Hɛɛ, jeŋmaji lɛ hu aNyɔŋmɔ

Romabii 4:17

tamɔ bɔ ni aŋma lɛ akɛ, “Mikɛ bo efee jeŋmaji pii atsɛ” yɛ Nyɔŋmɔ mɔ ni ehe eye lɛ hiɛ, mɔ hu ni tsiɛ̃ɔ gbohii ahiɛ, ni etsɛɔ nibii ni bɛ lɛ kɛbaa tamɔ nɔ ni amɛyɛ momo lɛ.

Efesobii 1:5

Ni ejɛ suɔmɔ mli ejie wɔ eto ni wɔtsɔ̃mɔ ebii yɛ Yesu Kristo hewɔ, tamɔ bɔ ni sa ehiɛ yɛ esuɔmɔ naa lɛ;

Efesobii 3:11

Nyɔŋmɔ fee nii nɛɛ yɛ enaanɔ yiŋ ni eto yɛ Kristo Yesu, wɔNuŋtsɔ lɛ, mli lɛ naa.

Yakobo 1:1

Yakobo, ni ji Nyɔŋmɔ kɛ Nuŋtsɔ Yesu Kristo tsulɔ lɛ ŋma yahã akutsei nyɔŋma kɛ enyɔ ni egbɛ eshwã lɛ. Miiŋa nyɛ!

1 Petro 1:1

Petro ni ji Yesu Kristo bɔfo lɛ ŋma yahã gbɔi ni egbɛ eshwã Ponto, Galatia, Kapadokia, Asia kɛ Bitinia lɛ. Amɛ ji mɛi ni ahala

1 Yohane 2:2

Lɛ ji wɔhe eshai lɛ ahe kpãtãmɔnɔ; shi jeee wɔnɔ lɛ kɛkɛ, shi moŋ jeŋ muu lɛ fɛɛ nɔ lɛ hu.

1 Yohane 3:1

Nyɛkwɛa suɔmɔ bɔ sɔŋŋ ni Tsɛ lɛ kɛsumɔ wɔ, akɛ atsɛ wɔ Nyɔŋmɔ bii, ni nakai wɔji! Enɛ hewɔ lɛ, je lɛ leee wɔ, ejaakɛ eleee Nyɔŋmɔ.

1 Yohane 3:10

Enɛ mli Nyɔŋmɔ bii lɛ kɛ abonsam bii lɛ jieɔ amɛhe shi faŋŋ yɛ. Mɔ fɛɛ mɔ ni tsuuu jalɛnii lɛ, ejɛɛɛ Nyɔŋmɔ mli, nakai nɔŋŋ ji mɔ ni sumɔɔɔ enyɛmi hu.

1 Yohane 3:2

Suɔmɔmɛi, agbɛnɛ lɛ Nyɔŋmɔ bii ji wɔ, ni anako ajie nɔ ni wɔbaatsɔ̃mɔ lɛ shi; shi wɔle akɛ, be ni aaajie no shi lɛ, wɔɔtamɔ Kristo, ejaakɛ wɔɔna lɛ bɔ ni eyɔɔ.

Kpojiemɔ 5:9

Ni amɛla lala hee ko amɛkɛɛ, “Osa akɛ oheɔ wolo lɛ ni otserɛɔ enaasɔomɔi lɛ, ejaakɛ agbe bo, ni okɛ olá lɛ ekpɔ̃ mɛi ehã Nyɔŋmɔ kɛjɛ akutso fɛɛ akutso kɛ wiemɔ fɛɛ wiemɔ kɛ jeŋmaŋ fɛɛ jeŋmaŋ mli.