Yohane 11:4 - ŊMALƐ KRƆŊKRƆŊ LƐ

⁴ Shi be ni Yesu nu enɛ lɛ, ekɛɛ, “Nɛkɛ hela nɛɛ jeee gbele hela ni, shi moŋ Nyɔŋmɔ anunyam lɛ hewɔ eba, bɔ ni afee ni atsɔ̃ nɔ awo Nyɔŋmɔ Bi lɛ hiɛ nyam.”

Ṅmãle̱ Kroṅkroṅ Le̱

⁴ Ši beni Iesu nu ene̱ le̱, ekē̱: Ne̱ke̱ hela ne̱ dšee gbĕle hela ni, ši moṅ *Nyoṅmo̱ anumnyam le̱ hewo̱ ni, heni afe ni awo Nyoṅmo̱ bi le̱ hĩe nyam. *9,3.

Yohane 11:4 ပူးပေါင်းရင်းမြစ်များ

2 Mose 16:7

Leebi lɛ nyɛaana Yehowa anunyam lɛ, ejaakɛ enu huhuuhu wiemɔi ni nyɛwieɔ nyɛshiɔ lɛ lɛ, ejaakɛ wɔ lɛ namɛi ji wɔ ni nyɛwieɔ huhuuhu nyɛshiɔ wɔ?”

Yohane 10:38

shi kɛji no mitsuɔ, ni kɛ̃lɛ nyɛheee mi nyɛyeee lɛ, nyɛhea nitsumɔi lɛ kɛkɛ nyɛyea mɔ, koni nyɛle ni nyɛhe nyɛye akɛ Tsɛ lɛ yɛ mimli, ni mi hu miyɛ Tsɛ lɛ mli.”

Yohane 11:40

Yesu kɛɛ lɛ akɛ, “Ani mikɛɛɛ bo akɛ kɛji ohe oye lɛ, ooona Nyɔŋmɔ anunyam lɛ?”

Yohane 12:28

Ataa, wo ogbɛi lɛ hiɛ nyam!” Kɛkɛ ni gbee ko jɛ ŋwɛi kɛɛ, “Mina miwo ehiɛ nyam, ni masaa mawo ehiɛ nyam ekoŋŋ.”

Yohane 17:1

Be ni Yesu wie nii nɛɛ lɛ, ewo ehiɛ nɔ kɛtee ŋwɛi, ni ekɛɛ, “Ataa, ŋmɛlɛtswaa lɛ eshɛ; wo oBi lɛ hiɛ nyam, koni oBi lɛ hu awo ohiɛ nyam;

Yohane 17:10

Minii fɛɛ lɛ onɔŋ, ni onii fɛɛ lɛ minɔŋ, ni mihiɛ eba nyam yɛ amɛmli.

Yohane 17:5

Ni agbɛnɛ, Ataa, kɛ anunyam ni miyɔɔ yɛ oŋɔɔ dani abɔ je lɛ awo mihiɛ nyam yɛ omasɛi.”

Yohane 2:11

Enɛ Yesu fee yɛ Kana yɛ Galilea ekɛje ekadii ashishi ni ekɛ enunyam lɛ tsɔ̃ɔ, ni ekaselɔi lɛ he enɔ amɛye.

Yohane 5:23

koni mɛi fɛɛ abu Bi lɛ, tamɔ bɔ ni amɛbuɔ Tsɛ lɛ. Mɔ ni ebuuu Bi lɛ, ebuuu Tsɛ lɛ ni tsu lɛ lɛ hu.

Yohane 8:54

Yesu here nɔ akɛ, “Kɛji miwo mi diɛŋtsɛ mihiɛ nyam lɛ, minunyam lɛ jeee nɔ ko; miTsɛ ji mɔ ni woɔ mihiɛ nyam, mɔ ni nyɛkɛɔ akɛ nyɛNyɔŋmɔ ji lɛ lɛ,

Yohane 9:24

Kɛkɛ ni amɛtsɛ nuu ni sa ni eji shwilafo lɛ nɔ ni ji shii enyɔ, ni amɛkɛɛ lɛ akɛ, “Ŋɔɔ anunyam ohã Nyɔŋmɔ; shi wɔ lɛ wɔle akɛ gbɔmɔ nɛɛ eshafeelɔ ji lɛ.”

Yohane 9:3

Yesu here nɔ ekɛɛ, “Jeee esha ni mɔ nɛ loo efɔlɔi fee hewɔŋ, shi moŋ bɔ ni afee ni Nyɔŋmɔ nitsumɔi lɛ ana aje kpo yɛ emli.

Romabii 11:11

Agbɛnɛ miibi akɛ, “Belɛ amɛtɛrɛ koni amɛgbee shi?” Dabida! Shi moŋ atsɔ̃ amɛshigbeemɔ lɛ nɔ ahere jeŋmaji lɛ ayi wala, koni Israel aye awuŋã.

Filipibii 1:11

ni nyɛyimɔ obɔ̃bɔ̃ kɛ jalɛ yibii ni awoɔ kɛtsɔ̃ɔ Yesu Kristo nɔ lɛ, hã Nyɔŋmɔ anunyam kɛ yijiemɔ.

Filipibii 1:20

Migbɛkwɛmɔ kɛ hiɛnɔkãmɔ kɛkɛ ji akɛ mihiɛ akagbo yɛ nɔ ko nɔ ko mli, shi moŋ, bɔ ni afeɔ daa lɛ, nakai agbɛnɛ hu akɛ ekãa fɛɛ aaawo Kristo hiɛ nyam yɛ migbɔmɔtso mli, yɛ wala mli jio, gbele mli jio.

1 Petro 1:21

Nyɛtsɔ̃ enɔ nyɛheɔ Nyɔŋmɔ, mɔ ni tee lɛ shi kɛjɛ gbohii ateŋ ni ewo ehiɛ nyam lɛ nɔ nyɛyeɔ lɛ, no hewɔ lɛ, nyɛhemɔkɛyeli kɛ nyɛhiɛnɔkãmɔ yɛ Nyɔŋmɔ mli.

1 Petro 4:11

Kɛ wiemɔ mɔ ko wieɔ lɛ, ewie lɛ akɛ Nyɔŋmɔ wiemɔi; kɛ sɔ̃ɔmɔ mɔ ko sɔ̃mɔɔ lɛ, esɔ̃mɔ akɛ hewalɛ ni Nyɔŋmɔ hãa lɛ lɛ mli ejeɔ esɔ̃mɔɔ, koni atsɔ̃ Yesu Kristo nɔ awo Nyɔŋmɔ hiɛ nyam yɛ nii fɛɛ mli; lɛ enɔ ji anunyam lɛ kɛ hewalɛ lɛ kɛyashiɔ naanɔi anaanɔ lɛ. Amen!

1 Petro 4:14

Kɛ Kristo gbɛi hewɔ ajɛɔ nyɛ lɛ, ajɔɔ nyɛ, ejaakɛ anunyam Mumɔ kɛ Nyɔŋmɔ mumɔ lɛ yɛ nyɛnɔ.