Yohane 11:25 - ŊMALƐ KRƆŊKRƆŊ LƐ

²⁵ Yesu kɛɛ lɛ akɛ, “Mi lɛ mi ji shitee lɛ kɛ wala lɛ; mɔ ni heɔ minɔ yeɔ lɛ, kɛji egbo tete lɛ, ehiɛ aaakã;

Ṅmãle̱ Kroṅkroṅ Le̱

²⁵ Iesu kē̱le̱ ake̱: Mi le̱ midši šitē le̱ ke̱ wala le̱; moni heo̱ mino̱ eyeo̱ le̱, ke̱dši egbo tete le̱, ehĩe aakã;

Yohane 11:25 ပူးပေါင်းရင်းမြစ်များ

Lalai 36:9

Ejaakɛ bo ji wala fɛɛ nubu; ni ola lɛ hãa wɔnaa nii faŋŋ.

Yesaia 26:19

Omɛi ni egboi lɛ ahiɛ aaatsɛ̃, ni amɛgbɔmɔtsei lɛ aaate shi. Ao nyɛ su mli bii, nyɛhiɛ atsɛ̃a, ni nyɛlaa kɛ miishɛɛ! Ejaakɛ obɔ ni nyɔɔ lɛ, bɔ ni kpɛlɛɔ ni, ni ooohã gbohii lɛ ate shi.

Yesaia 38:16

Ao Nuŋtsɔ, enɛɛmɛi anɔ adesai tsɔ̃ɔ amɛhiɔ shi; ni enɛɛmɛi fɛɛ amli mimumɔ yɔɔ. Ao tsa mi, ni oha miyi ana wala.

Luka 23:43

Ni Yesu kɛɛ lɛ akɛ, “Miikɛɛ bo anɔkwale mli akɛ, ‘Ŋmɛnɛ okɛ mi aaahi Paradeiso!’ ”

Yohane 1:4

Emli wala yɔɔ, ni wala lɛ ji gbɔmɛi ala lɛ;

Yohane 14:19

Eshwɛ fioo kɛkɛ ni je lɛ enaŋ mi dɔŋŋ; shi nyɛ lɛ nyɛaana mi; ejaakɛ mihiɛ kã, ni nyɛ hu nyɛhiɛ aaakã.

Yohane 14:6

Yesu kɛɛ lɛ akɛ, “Mi ji gbɛ lɛ kɛ anɔkwale lɛ kɛ wala lɛ; mɔ ko baaa Tsɛ lɛ ŋɔɔ, akɛ ja etsɔ̃ minɔ.

Yohane 3:16

“Ejaakɛ nɛkɛ Nyɔŋmɔ sumɔ je lɛ, akɛ eŋɔ eBi koome lɛ ehã, koni mɔ fɛɛ mɔ ni heɔ enɔ yeɔ lɛ hiɛ akakpãtã, shi moŋ ena naanɔ wala.

Yohane 3:36

Mɔ ni heɔ Bi lɛ nɔ eyeɔ lɛ, eyɛ naanɔ wala; shi mɔ ni booo Bi lɛ toi lɛ, enaŋ wala; shi moŋ Nyɔŋmɔ mlifu hiɔ enɔ.

Yohane 5:21

Ejaakɛ bɔ ni Tsɛ lɛ teɔ gbohii ashi ni ehãa amɛ wala lɛ, nakai nɔŋŋ Bi lɛ hu hãa mɛi ni esumɔɔ lɛ wala.

Yohane 5:26

Ejaakɛ bɔ ni Tsɛ lɛ yɔɔ wala yɛ lɛ diɛŋtsɛ emli lɛ, nakai nɔŋŋ ehã Bi lɛ wala yɛ lɛ diɛŋtsɛ emli.

Yohane 6:35

Ni Yesu kɛɛ amɛ akɛ, “Mi ji wala aboloo lɛ; mɔ ni baa miŋɔɔ lɛ, hɔmɔ yeŋ lɛ gbi ko gbi ko, ni mɔ ni heɔ minɔ yeɔ lɛ, kumai hu yeŋ lɛ gbi ko gbi ko.

Yohane 6:44

Mɔ ko nyɛŋ aba miŋɔɔ, akɛ ja Tsɛ lɛ ni tsu mi lɛ gbala lɛ dã, ni mi lɛ matee lɛ shi yɛ naagbee gbi lɛ nɔ.

Bɔfoi 3:15

ni Wala Lumɔ lɛ, nyɛgbe lɛ; shi Nyɔŋmɔ tee lɛ shi kɛjɛ gbohii ateŋ, ni no he odasefoi ji wɔ.

Romabii 4:17

tamɔ bɔ ni aŋma lɛ akɛ, “Mikɛ bo efee jeŋmaji pii atsɛ” yɛ Nyɔŋmɔ mɔ ni ehe eye lɛ hiɛ, mɔ hu ni tsiɛ̃ɔ gbohii ahiɛ, ni etsɛɔ nibii ni bɛ lɛ kɛbaa tamɔ nɔ ni amɛyɛ momo lɛ.

Romabii 8:2

Ejaakɛ mumɔ mla ni hãa wala yɛ Kristo Yesu mli lɛ ekpɔ̃ mi yɛ esha kɛ gbele mla lɛ dɛŋ.

1 Korintobii 15:18

no lɛ mɛi ni ewɔ yɛ Kristo mli lɛ hu elaaje.

1 Korintobii 15:29

Kɛjeee nakai lɛ, mɛi ni abaptisiɔ amɛ yɛ gbohii anajiaŋ lɛ, te amɛbaafee tɛŋŋ? Kɛ gbohii eteŋ shi kwraa lɛ, mɛɛba mɔ ni abaptisiɔ amɛ yɛ gbohii anajiaŋ lɛ:

2 Korintobii 4:14

ejaakɛ wɔle akɛ mɔ ni tee Nuŋtsɔ Yesu shi lɛ, eeetee wɔ kɛ Yesu shi, ni ekɛ wɔ kɛ nyɛ fɛɛ aaadamɔ lɛ Nyɔŋmɔ lɛ ehiɛ.

Filipibii 1:23

shi miihao yɛ nibii enyɔ nɛɛ ateŋ; miishwe ni maje mli ni mikɛ Kristo ayahi shi, ejaakɛ no hi aahu;

Filipibii 3:10

ni male lɛ Kristo eshitee lɛ hewalɛ lɛ; ni mana emanehului lɛ eko, ni matamɔ lɛ yɛ egbele lɛ gbɛfaŋ;

1 Tesalonikabii 4:14

Ejaakɛ kɛ wɔheɔ wɔyeɔ akɛ Yesu gbo ni ete shi lɛ, belɛ nakai nɔŋŋ Nyɔŋmɔ baatsɔ̃ Yesu nɔ aŋɔ mɛi ni ewɔ lɛ hu afata ehe kɛba.

Kpojiemɔ 1:18

kɛ hiɛkãalɔ lɛ. Migbo, ni naa, mihiɛ kã kɛmiiya naanɔi anaanɔ, ni mihiɛ gbele kɛ gbohiiaje naa samfei lɛ.

Kpojiemɔ 20:5

Shi gbohii ni shwɛ lɛ ahiɛ etsɛ̃ɛɛ kɛyashi beyinɔ ni agbe afii akpe lɛ naa. Enɛ ji klɛŋklɛŋ shitee lɛ.

Kpojiemɔ 21:4

Ni Nyɔŋmɔ aaatsumɔ amɛhiɛiaŋ yafonui fɛɛ. Gbele bɛ dɔŋŋ, ni ŋkɔmɔyeli loo bolɔmɔ loo nɔnaa ko hu bɛ dɔŋŋ; ejaakɛ tsutsunii lɛ eho etee.”

Kpojiemɔ 22:1

Ni etsɔ̃ɔ mi walanu faa ni hiɛ kpɛlɛɔ tamɔ kristalo ni jɛ Nyɔŋmɔ kɛ Toobi lɛ maŋtsɛ sɛ̃i lɛ mli.

Kpojiemɔ 22:17

Ni Mumɔ lɛ kɛ Ayɛmforo lɛ kɛɔ akɛ, “Ba!” Ni mɔ ni nuɔ lɛ, ekɛɛ akɛ, “Ba!” Ni mɔ ni kumai yeɔ lɛ lɛ, eba, ni mɔ ni sumɔɔ lɛ, ebahe wala nu lɛ yaka.