Yohane 11:24 - ŊMALƐ KRƆŊKRƆŊ LƐ

²⁴ Marta kɛɛ lɛ akɛ, “Mile akɛ ebaate shi yɛ gbohiiashitee lɛ mli yɛ naagbee gbi lɛ nɔ.”

Ṅmãle̱ Kroṅkroṅ Le̱

²⁴ Marta kē̱le̱ ake̱: Mile ake̱ *ebate ši ye̱ ghohĩĩašitē le̱ mli ye nāgbēgbĩ le̱ no̱. *5,29; 6,40. Luk. 14.14.

Yohane 11:24 ပူးပေါင်းရင်းမြစ်များ

Lalai 17:15

Mi lɛ, mana ohiɛ, yɛ jalɛ mli; ni kɛ mihiɛ tsɛ̃ lɛ, mitsui aaatɔ, ejaakɛ mina bɔ ni oyɔɔ.

Yesaia 25:8

Eeekpãtã gbele hiɛ kɛaatee nanɔ, ni Nuŋtsɔ Nyɔŋmɔ aaatsumɔ hiɛiaŋ yaafonui fɛɛ. Ebaafo emaŋ lɛ hiɛgbele lɛ sɛɛ yɛ shikpɔŋ muu lɛ fɛɛ nɔ. Yehowa diɛŋtsɛ wiemɔ nɛ.

Yesaia 26:19

Omɛi ni egboi lɛ ahiɛ aaatsɛ̃, ni amɛgbɔmɔtsei lɛ aaate shi. Ao nyɛ su mli bii, nyɛhiɛ atsɛ̃a, ni nyɛlaa kɛ miishɛɛ! Ejaakɛ obɔ ni nyɔɔ lɛ, bɔ ni kpɛlɛɔ ni, ni ooohã gbohii lɛ ate shi.

Hosea 13:14

Mibahereŋ amɛ yɛ gbohiiaje dɛŋ; mibaŋ amɛyi yɛ gbele mli? Gbele, nɛgbɛ otsɛŋemɔ hela yɔɔ; ni Gbohiiaje, nɛgbɛ oniiahiɛkpãtãmɔ lɛ yɔɔ? Minaŋ gbɔmɛi nɛɛ mɔbɔ dɔŋŋ.

Hosea 6:2

Gbii enyɔ sɛɛ lɛ, eeetsĩɛ wɔ, ni gbi ni ji etɛ̃ lɛ nɔ lɛ eeetee wɔ shi, ni wɔ kɛ lɛ aaahi shi.

Luka 14:14

ni aaajɔɔ bo, akɛni amɛ lɛ amɛbɛ nɔ ko ni amɛkɛaato bo najiaŋ lɛ; ejaakɛ aaato bo najiaŋ yɛ jalɔi ashitee lɛ mli.”

Yohane 11:23

Yesu kɛɛ lɛ akɛ, “Onyɛmi lɛ baate shi.”

Yohane 6:39

Shi enɛ ji mɔ ni tsu mi lɛ suɔmɔnaanii lɛ, akɛ mɛi fɛɛ ni ekɛhã mi lɛ, mikahã amɛteŋ mɔ ko miilaaje, shi moŋ mitee lɛ shi yɛ naagbee gbi lɛ nɔ.

Yohane 6:40

Ejaakɛ enɛ ji mí-Tsɛ suɔmɔnaanii, akɛ mɔ fɛɛ mɔ ni kwɛɔ Bi lɛ ni eheɔ enɔ eyeɔ lɛ ana naanɔ wala, ni mi lɛ mitee lɛ shi yɛ naagbee gbi lɛ nɔ.”

Bɔfoi 24:15

ni miyɛ Nyɔŋmɔ nɔ hiɛnɔkãmɔ ni mɛnɛɛmɛi hu kwɛɔ gbɛ akɛ gbohiiashitee baaba lɛ, ni jalɔi kɛ mɛi ni ejaaa fɛɛ baate shi.

Hebribii 11:35

Yei anine shɛ amɛmɛi ni egboi lɛ anɔ ekoŋŋ kɛtsɔ̃ shitee nɔ. Shi mɛi krokomɛi hu, akɛ piŋmɔ gbe amɛ, ni amɛkpɛlɛ̃ɛɛ kpɔ̃mɔ, koni amɛnine ashɛ shitee ni hi fe no lɛ nɔ.