Yohane 11:19 - ŊMALƐ KRƆŊKRƆŊ LƐ

¹⁹ Ni Yudafoi lɛ ateŋ mɛi pii eba Marta kɛ Mariamɛi aŋɔɔ, koni amɛbaye amɛ ŋkɔmɔ yɛ amɛnyɛmi nuu lɛ hewɔ.

Ṅmãle̱ Kroṅkroṅ Le̱

¹⁹ Ni Iudafoi le̱ ateṅ mei pī éba Marta ke̱ Maria mei aṅõ, koni ame̱bayeame̱ ṅko̱mo̱ ye̱ ame̱nyeminū le̱ gbĕle le̱ hewo̱.

Yohane 11:19 ပူးပေါင်းရင်းမြစ်များ

1 Mose 37:35

Ebihii kɛ ebiyei lɛ fɛɛ te shi koni amɛbashɛje emii, shi ekpɛlɛɛɛ miishɛjemɔ, ni ekɛɛ, “Ŋkɔmɔyeli mikɛaaya ayanina mibi lɛ yɛ gbohiiaje.” Nɛkɛ gbɛ nɔ Yosef tsɛ tsɔ efo lɛ.

2 Samuel 10:2

Kɛkɛ ni David to eyiŋ akɛ ebaajie mlihilɛ kpo etsɔ̃ɔ Hanun tamɔ bɔ ni Hanun tsɛ Nahash mli hi hã lɛ lɛ. Kɛkɛ ni David tsu etsuji akɛ amɛyahã Hanun kpoo amɛhã lɛ, yɛ etsɛ gbele lɛ hewɔ. Be ni David tsuji lɛ yashɛ Amonbii lɛ ashikpɔŋ lɛ nɔ lɛ,

1 Kronika 10:12

amɛteŋ hii kãkãlɔi lɛ tee ni amɛyawo Saul gbonyo lɛ kɛ ebihii lɛ hu agbohii lɛ kɛba Yabesh, ni amɛbafu amɛ yɛ tso ko shishi, ni amɛhi ŋmãa gbii kpawo.

Hiob 2:11

Be ni nanemɛi etɛ̃ komɛi ni Hiob yɔɔ lɛ nu amanehulu fɛɛ ni eba Hiob nɔ lɛ he lɛ, amɛjɛjɛɛ amɛshihilɛhei amɛba Hiob ŋɔɔ. Enaanyo Elifaz jɛ Teman, ni Bildad jɛ Shua, ni Zofar jɛ Naama. Nanemɛi nɛɛ ye fua akɛ amɛaatee kutuu amɛyaye Hiob ŋkɔmɔ, ni amɛshɛje emii.

Hiob 42:11

Kɛkɛ ni Hiob nyɛmimɛi hii lɛ kɛ enyɛmimɛi yei lɛ fɛɛ kɛ mɛi fɛɛ ni le lɛ sa lɛ ba eŋɔɔ; ni amɛ kɛ lɛ ye nii, ni amɛye lɛ ŋkɔmɔ, ni amɛshɛje emii yɛ sane fɔŋ ni Yehowa hã ye lɛ lɛ hewɔ. Amɛteŋ mɔ fɛɛ mɔ ke Hiob jwiɛtɛi kuku kɛ shika ga.

Jajelɔ 7:2

Kɛji otee shĩa ni aafee yara yɛ mli lɛ, ehi fe nɔ ni otee shĩa ni aŋmɛ okplɔ̃ yɛ jɛi, ejaakɛ esa akɛ gbɔmɔ hiɛ ahi nɔ akɛ gbɔmɛi fɛɛ anaagbee ji gbele.

Yesaia 51:19

Saji enyɔ nɛɛ eba onɔ: ta ekpãtã oshikpɔŋ lɛ hiɛ, ni hɔmɔ hu eye omaŋbii. Namɔ aaashɛje omii?

Yāfó 1:16

“Enɛɛmɛi ahewɔ mifoɔ, ni yaafonu tsereɔ yɛ mihiŋmɛii amli shwieɔ shi lɛ; ejaakɛ miishɛjelɔ ni aaawo mi ekãa ekoŋŋ lɛ, ekɛ mi teŋ ejɛkɛ. Mibii lɛ efee pasaa ejaakɛ henyɛlɔ lɛ eye amɛnɔ.

Yāfó 1:2

Fo sɔŋŋ efoɔ nyɔɔŋnyɔɔŋ fɛɛ; yaafonu jwere ehiɛ be fɛɛ be; shi enaaa mɔ ko mɔ ko yɛ esuɔlɔi lɛ ateŋ ni shɛjeɔ emii. Enanemɛi lɛ fɛɛ yeee lɛ anɔkwa; amɛtsɔ̃mɔ ehenyɛlɔi.

Yāfó 1:21

“Bo bɔ ni mikɛ̃mɔɔ toi ni mɔ ko kwraa bɛ ni shejeɔ mimii. Mihenyɛlɔi lɛ fɛɛ enu mimanehulu lɛ he, ni amɛmiinya akɛ bo odɛ̃ŋ ejɛ. Hã gbi ni owo ehe shi lɛ aba, koni amɛtsɔ̃ tamɔ mi.

Yāfó 1:9

Ehe muji kpa etadei amli; shi ejwɛŋŋ bɔ ni enaagbee baatamɔ. Eshigbeemɔ lɛ yɛ gbeyei, mɔ ko mɔ ko bɛ ni shɛjeɔ emii! “Ao! Yehowa, kwɛ bɔ ni minaa amanehulu, ejaakɛ henyɛlɔi eye kunim.”

Yāfó 2:13

Ao! Yerusalɛm biyoo, mɛni makɛɛ yɛ ohe, ni mɛni he mikɛ bo baato? Ao! Zion biyoo, oblayoo foro, mɛni he mikɛ bo aaato bɔ ni afee ni manyɛ omii mashɛje? Ejaakɛ ohiɛkpãtãmɔ lɛ falɛ lɛɛ tamɔ ŋshɔ dalɛ, ni namɔ po aaanyɛ bo atsa?

Luka 10:39

Eyɛ nyɛmi yoo ko ni atsɛɔ lɛ Maria; enyɛmi yoo nɛɛ bata Yesu najianaa ni ebo ewiemɔ toi.

Luka 10:42

nɔ kome ehia. Nɔ ni hi lɛ no Maria ekɔ lɛ, ni no lɛ ashɔŋ yɛ edɛŋ.”

Yohane 1:19

Ni enɛ ji Yohane odase ni eye be ni Yudafoi lɛ tsu osɔfoi kɛ Levibii kɛjɛ Yerusalɛm ni amɛbabi lɛ akɛ, “Namɔ ji bo?” lɛ.

Yohane 11:1

Nuu ko ni atsɛɔ lɛ Lazaro ni jɛ Betania, Maria kɛ enyɛmi Martamɛi akrowa lɛ, he miiye. [

Yohane 11:31

Be ni Yudafoi lɛ ni kɛ lɛ yɔɔ shĩa lɛ ni amɛyeɔ lɛ ŋkɔmɔ lɛ na akɛ Maria ete shi oya kɛje kpo lɛ, amɛtiu lɛ, amɛsusu akɛ eeya fuuhe lɛ eyafo yɛ jɛi.

Yohane 11:33

Agbɛnɛ, be ni Yesu na lɛ akɛ eefo, kɛ Yudafoi lɛ hu ni kɛ lɛ ba lɛ, akɛ amɛ hu amɛmiifo lɛ, ehũu yɛ emumɔ mli, ni ehao;

Yohane 11:36

Kɛkɛ ni Yudafoi lɛ kɛɛ, “Kwɛ bɔ ni esumɔɔ lɛ!”

Yohane 11:45

No hewɔ lɛ, Yudafoi lɛ ni ba Maria ŋɔɔ lɛ ateŋ mɛi pii he Yesu nɔ amɛye, be ni amɛna nii ni efee lɛ.

Yohane 11:8

Kaselɔi lɛ kɛɛ lɛ akɛ, “Tsɔɔlɔ, eyeko gbi ko ni Yudafoi lɛ tao bo tɛi atswia lɛ, ni ooya jɛi ekoŋŋ lo?”

Romabii 12:15

Nyɛkɛ mɛi ni nyãa lɛ anyãa, ni nyɛkɛ mɛi ni foɔ lɛ afoa.

2 Korintobii 1:4

Eshɛjeɔ wɔmii yɛ wɔmanehului lɛ fɛɛ mli, koni wɔ hu wɔnyɛ wɔkɛ miishɛjemɔ ni Nyɔŋmɔ kɛshɛjeɔ wɔ diɛŋtsɛ wɔmii lɛ ashɛje mɛi ni naa amanehulu lɛ amii.

1 Tesalonikabii 4:18

No hewɔ lɛ, nyɛkɛ wiemɔi nɛɛ ashɛjeshɛjea nyɛhe mii.

1 Tesalonikabii 5:11

Hewɔ lɛ nyɛshɛjeshɛjea nyɛhe mii, ni mɔ fɛɛ mɔ ahã enaanyo nane amɔ shi, tamɔ bɔ ni nyɛfeɔ lɛ.

1 Samuel 31:13

Amɛloo gbohii lɛ awui lɛ, ni amɛfu yɛ tso ko ni atsɛɔ lɛ tamariske tso ni yɔɔ Yabesh lɛ shishi, ni maŋ lɛ hi ŋmaa gbii kpawo.