Yohane 10:4 - ŊMALƐ KRƆŊKRƆŊ LƐ

⁴ Ni kɛ ejie toi lɛ fɛɛ lɛ, enyiɛɔ amɛhiɛ, ni toi lɛ nyiɛɔ esɛɛ, ejaakɛ amɛle egbee.

Ṅmãle̱ Kroṅkroṅ Le̱

⁴ Ni ké̱ edšie etoi le̱ fẽ le̱, enyieo̱ ame̱hĩe, ni tōi le̱ nyieo̱ ese, edšake̱ ame̱le egbē.

Yohane 10:4 ပူးပေါင်းရင်းမြစ်များ

Salomo Lalai 2:8

Minu misuɔlɔ lɛ gbee! Naa, eeba, eehuru yɛ gɔji lɛ anɔ, ehiɛ foi waa yɛ gɔŋkpɔi lɛ anɔ.

Salomo Lalai 5:2

Be ni miwɔ lɛ, mitsui hiɛ kã. Naa! Mishieŋtsɛ miishi shinaa lɛ. Minyɛmi yoo, misuɔlɔ! Mikosɛɛ okpo, misuɔlɔ ni fe fɛɛ, bɔ efɔ miyitsei ahe fɛɛ; miyitsɔi akuklui lɛ eyi obɔ̃ kɛ nyɔɔŋ bɔ.

Mateo 16:24

Kɛkɛ ni Yesu kɛɛ ekaselɔi lɛ akɛ, “Kɛji mɔ ko miisumɔ akɛ enyiɛ misɛɛ lɛ, ekwa ehe ni ewo esɛŋmɔtso lɛ ni enyiɛ misɛɛ.

Yohane 10:16

“Miyɛ toi krokomɛi ni jɛɛɛ toi atsu nɛɛ mli; ni nomɛi hu, ja miŋɔ amɛ kɛba, ni amɛbanu migbee, ni toi lɛ fee kuu kome kɛ kwɛlɔ kome.

Yohane 10:27

Mitoi lɛ nuɔ migbee, ni mile amɛ, ni amɛnyiɛɔ misɛɛ,

Yohane 10:3

Lɛ shinaa naabulɔ lɛ gbeleɔ, ni toi lɛ nuɔ egbee, ni ekɛ lɛ diɛŋtsɛ etoi lɛ agbɛi tsɛɔ amɛ, ni ekɛ amɛ jeɔ kpo.

Yohane 10:5

Amɛnyiɛŋ mɔkpɔŋ sɛɛ, shi moŋ amɛaajo enaa foi, ejaakɛ amɛleee mɛi kpɔji agbee.”

Yohane 10:8

Mɛi fɛɛ ni tsɔ̃ mihiɛ ba lɛ, julɔi kɛ ojotswalɔi ji amɛ; shi toi lɛ booo amɛ toi hu.

Yohane 12:26

Kɛji mɔ ko miisɔmɔ mi lɛ, enyiɛ misɛɛ, ni he ni miyɔɔ lɛ, jɛi misɔ̃ɔlɔ lɛ hu aaahi; kɛji mɔ ko miisɔmɔ mi lɛ, miTsɛ aaawo lɛ.”

Yohane 13:15

Shi okadi mito mihã nyɛ, koni bɔ ni mifee nyɛ nɛɛ, nyɛ hu nyɛfee nakai.

Yohane 18:37

No hewɔ lɛ, Pilato bi lɛ akɛ, “Belɛ maŋtsɛ ji bo kɛ̃?” Yesu here nɔ akɛ, “Okɛɛ; ejaakɛ maŋtsɛ ji mi. Mi lɛ, enɛ hewɔ afɔ mi, ni enɛ hewɔ nɔŋŋ miba je lɛ mli, koni mibaye anɔkwale lɛ he odase. Mɔ fɛɛ mɔ ni jɛ anɔkwale lɛ mli lɛ nuɔ migbee.”

Yohane 3:29

Mɔ ni hiɛ ayɛmforo lɛ, lɛ ji ayɛmforowu; shi ayɛmforowu lɛ shieŋtsɛ ni damɔ shi boɔ lɛ toi lɛ, nya enyaa yɛ ayɛmforowu lɛ gbee hewɔ. No hewɔ lɛ, nɛkɛ minyamɔ nɛɛ eba mli.

1 Korintobii 11:1

Nyɛkasea mi, tamɔ bɔ ni mi hu mikaseɔ Kristo lɛ.

Efesobii 5:1

No hewɔ lɛ, nyɛfea nyɛhe mɛi ni kaseɔ Nyɔŋmɔ, akɛ bii ni asumɔɔ.

5 Mose 1:30

Yehowa, nyɛNyɔŋmɔ lɛ, mɔ ni nyiɛ nyɛhiɛ lɛ, baawu ehã nyɛ lɛ diɛŋtsɛ, tamɔ bɔ ni efee ehã nyɛ yɛ nyɛ diɛŋtsɛ nyɛhiŋmɛiaŋ, yɛ Ijipt,

Hebribii 12:2

Ni wɔkwɛ hemɔkɛyeli shishijelɔ kɛ naagbelɔ ni ji Yesu lɛ, mɔ ni nyamɔ ni kã ehiɛ lɛ hewɔ lɛ emia ehiɛ yɛ sɛŋmɔtso lɛ he amanehulu lɛ mli. Ni ebuuu hiɛgbele lɛ, ni eyata shi yɛ Nyɔŋmɔ maŋtsɛ sɛi lɛ ninejurɔ nɔ lɛ.

Hebribii 6:20

he ni hiɛnyiɛlɔ lɛ ni ji Yesu, mɔ ni tsɔ̃ naanɔ osɔfonukpa yɛ Melkizedek gbɛjianɔtoo lɛ naa lɛ, bote hã wɔ lɛ.

1 Petro 2:21

Ejaakɛ enɛ hewɔ atsɛ nyɛ, ejaakɛ Kristo hu na amanehulu ehã nyɛ ni ekɛfee nɔkwɛmɔnɔ ehã nyɛ, koni nyɛnyiɛ enanemaahei lɛ asɛɛ.

1 Petro 4:1

Agbɛnɛ akɛni Kristo na amanehulu ehã wɔ yɛ heloo mli hewɔ lɛ, nyɛ hu nyɛkɛ nakai jwɛŋmɔ lɛ nɔŋŋ amiaa akɛ tawuunii, ejaakɛ mɔ fɛɛ mɔ ni ena amanehulu yɛ heloo mli lɛ, ekpa eshafeemɔ.

1 Petro 5:3

asaŋ jeee akɛ mɛi ni yeɔ mɛi ni akɛhã nyɛ nɔkwɛmɔ lɛ anɔ akɛ nuŋtsɔmɛi, shi moŋ mɛi ni feɔ amɛhe nɔkwɛmɔnɔ amɛhãa toiku lɛ.