Yohane 10:36 - ŊMALƐ KRƆŊKRƆŊ LƐ

³⁶ nyɛmiikɛɛ mɔ ni Tsɛ lɛ efee lɛ krɔŋkrɔŋ ni etsu lɛ kɛba je lɛ mli lɛ akɛ, ‘Obɔ musu’, akɛni mikɛɛ akɛ, ‘Nyɔŋmɔ Bi ji mi’ lɛ?

Ṅmãle̱ Kroṅkroṅ Le̱

³⁶ nyemīkē̱ ye̱ moni tše̱ le̱ efele̱ kroṅkroṅ ní etšũle̱ ke̱-ba dše le̱ mli le̱ hewo̱ ake̱: Obo̱ musu, ake̱-ní mĩkē̱ ake̱: Nyoṅmo̱ bi dšimi le̱? 5,17-20.

Yohane 10:36 ပူးပေါင်းရင်းမြစ်များ

Lalai 2:2

Shikpɔŋ lɛ nɔ maŋtsɛmɛi lɛ tseɔ atua, ni lumɛi lɛ hu feɔ ekome; amɛkpãŋɔ Yehowa kɛ maŋtsɛ ni efɔ lɛ mu lɛ yinɔ.

Yesaia 42:1

Yehowa kɛɛ akɛ, “Naa mitsulɔ, mɔ ni mihiɛ emli, mɔ ni miŋɔ lɛ, ni minaa ehe tsuijurɔ lɛ. Mihã eyi obɔ̃ kɛ mimumɔ lɛ, Ebaahã majimaji lɛ ale nɔ ni ji jalɛ saneyeli.

Yesaia 42:3

Glã ni edɔ lɛ, ekuŋ, ni kane ni tsoɔ sulii lɛ, egbeŋ; eeejie jalɛ kpo anɔkwayeli mli.

Yesaia 55:4

Naa, mifee lɛ majimaji lɛ ahiɛnyiɛlɔ kɛ tatsɛ, koni etsɔ̃ mihe odaseyelɔ ehã majimaji lɛ.

Yeremia 1:5

“Dani mibɔ bo yɛ onyɛ musuŋ beebe lɛ, mile bo; ni dani afɔ bo lɛ, mifee bo krɔŋkrɔŋ momo, ni miwo bo gbalɔ mihã majimaji lɛ.”

Mateo 27:43

Ekɛ ehe fɔ̃ Nyɔŋmɔ nɔ; ejie lɛ amrɔ nɛɛ koo, kɛji eyɛ ehe tsui lɛ; ejaakɛ ekɛɛ, ‘Nyɔŋmɔ Bi ji mi.’ ”

Mateo 27:54

Shi be ni asraafoiohaatsɛ lɛ kɛ mɛi ni kɛ lɛ buɔ Yesu he lɛ na shikpɔŋ hosomɔ lɛ kɛ nii ni afee lɛ, amɛshe gbeyei tsɔ̃, ni amɛkɛɛ, “Lɛɛlɛŋ, Nyɔŋmɔ Bi nɛ!”

Luka 1:35

Ni bɔfo lɛ to he ekɛɛ lɛ akɛ, “Mumɔ Krɔŋkrɔŋ aaaba onɔ. Ni Ŋwɛinyo lɛ hewalɛ aaabaha onɔ, No hewɔ lɛ, nakai bi krɔŋkrɔŋ lɛ hu ni ooofɔ lɛ, aaatsɛ lɛ Nyɔŋmɔ Bi.

Yohane 10:35

Kɛji mɛi aŋɔɔ ni Nyɔŋmɔ wiemɔ lɛ ba lɛ tete lɛ etsɛ amɛ nyɔŋmɔi, ni anyɛŋ ŋmalɛ lɛ mli aku lɛ,

Yohane 17:18

Tamɔ bɔ ni otsu mi je lɛ mli lɛ, nakai nɔŋŋ mi hu mitsu amɛ je lɛ mli.

Yohane 17:21

bɔ ni afee ni amɛ fɛɛ amɛfee ekome, tamɔ bɔ ni bo, Ataa, oyɔɔ mimli ni mi hu miyɔɔ omli lɛ, koni amɛ hu amɛfee ekome yɛ wɔmli, ni je lɛ ahe aye akɛ bo otsu mi.

Yohane 17:8

ejaakɛ wiemɔi lɛ ni okɛhã mi lɛ, mikɛhã amɛ; ni amɛmɔ mli, ni amɛna amɛle anɔkwale mli akɛ oŋɔɔ mijɛ, ni amɛhe amɛye akɛ bo otsu mi.

Yohane 19:7

Yudafoi lɛ here lɛ nɔ akɛ, “Wɔ lɛ wɔyɛ mla, ni wɔmla lɛ naa lɛ esa gbele, ejaakɛ efee ehe Nyɔŋmɔ Bi.”

Yohane 20:28

Toma here nɔ ni ekɛɛ lɛ akɛ, “MiNuŋtsɔ kɛ miNyɔŋmɔ.”

Yohane 20:31

shi enɛɛmɛi lɛ aŋma koni nyɛhe nyɛye akɛ Yesu ji Kristo, Nyɔŋmɔ Bi lɛ, ni kɛ nyɛhe nyɛye lɛ, nyɛaana wala kɛtsɔ̃ egbɛi lɛ nɔ.

Yohane 3:17

Ejaakɛ Nyɔŋmɔ tsuuu eBi lɛ kɛbaaa je lɛ mli koni ebakojo je lɛ, shi moŋ koni atsɔ̃ enɔ ahere je lɛ yiwala.

Yohane 3:34

Ejaakɛ mɔ ni Nyɔŋmɔ tsu lɛ, Nyɔŋmɔ wiemɔi ewieɔ; ejaakɛ jeee susumɔ Nyɔŋmɔ susuɔ Mumɔ lɛ ehãa lɛ.

Yohane 5:30

“Mi diɛŋtsɛ minyɛŋ miyiŋ mato mafee nɔ ko; bɔ ni minuɔ lɛ nakai mikojoɔ, ni mikojomɔ lɛ jalɛ kojomɔ ni, ejaakɛ mitaooo nɔ ni mi diɛŋtsɛ misumɔɔ, shi moŋ nɔ ni mɔ ni tsu mi lɛ sumɔɔ.

Yohane 6:27

Nyɛkatsua ŋmaa ni fiteɔ lɛ he nii, shi moŋ nyɛtsua ŋmaa ni hiɔ shi kɛyaa naanɔ wala mli ni Gbɔmɔ Bi lɛ aaahã nyɛ lɛ he nii, ejaakɛ lɛ enaa Tsɛ Nyɔŋmɔ lɛ esɔo.”

Yohane 6:38

Ejaakɛ jeee mi diɛŋtsɛ misuɔmɔnaa nifeemɔ hewɔ mijɛ ŋwɛi miba, shi moŋ mɔ ni tsu mi lɛ suɔmɔnaa nifeemɔ hewɔŋ.

Yohane 6:57

Bɔ ni Tsɛ, hiɛkãalɔ lɛ, tsu mi, ni Tsɛ lɛ hewɔ mihiɛ kã lɛ, nakai nɔŋŋ mɔ ni yeɔ mi lɛ hu hiɛ aaakã yɛ mihewɔ.

Yohane 6:69

ni wɔ lɛ wɔhe wɔye ni asaŋ wɔna wɔle akɛ bo ji Nyɔŋmɔ Mɔ Krɔŋkrɔŋ lɛ!”

Yohane 8:42

Kɛkɛ lɛ Yesu kɛɛ amɛ akɛ, “Nyɔŋmɔ ji nyɛTsɛ kulɛ, nyɛaasumɔ mi; ejaakɛ mi lɛ Nyɔŋmɔ ŋɔɔ mijɛ miba; ni asaŋ mitooo mi diɛŋtsɛ miyiŋ mibaaa, shi moŋ lɛ etsu mi.

Romabii 1:4

EBi nɛɛ, hetsemɔ Mumɔ lɛ naa lɛ, atsɔ̃ gbohiiashitee lɛ nɔ ajie lɛ atsɔ̃ɔ yɛ hewalɛ mli akɛ Nyɔŋmɔ Bi ni ji Yesu Kristo wɔNuŋtsɔ lɛ.

Romabii 8:3

Ejaakɛ nɔ ni Mla lɛ nyɛɛɛ afee yɛ gbedemɔ ni heloo lɛ ehã egbede hewɔ lɛ, no Nyɔŋmɔ fee: etsu lɛ diɛŋtsɛ eBi lɛ yɛ su ni tamɔ esha heloo su mli, yɛ esha hewɔ; ni ebu esha lɛ fɔ yɛ heloo lɛ mli,

Romabii 9:5

amɛnɔ ji tsɛmɛi lɛ, ni amɛmli hu Kristo tete jɛ yɛ heloo gbɛfaŋ lɛ, lɛ ji nii fiaa nɔ Nyɔŋmɔ ni ajɔɔ lɛ kɛyashiɔ naanɔ lɛ. Amen!

Galatabii 4:4

Shi be ni be lɛ shɛ lɛ, Nyɔŋmɔ tsu lɛ diɛŋtsɛ eBi lɛ kɛba, yoo fɔ lɛ, eba Mla shishi;