Yohane 10:32 - ŊMALƐ KRƆŊKRƆŊ LƐ

³² Yesu here amɛ nɔ akɛ, “Mitsɔ̃ɔ nyɛ nitsumɔi kpakpai pii ni jɛ miTsɛ ŋɔɔ; te nakai nitsumɔi lɛ ateŋ nɔ hewɔ ni nyɛtaoɔ mi tɛi nyɛtswia nɛɛ?”

Ṅmãle̱ Kroṅkroṅ Le̱

³² Iesu hereame̱ no̱ ako̱: Nitšumo̱i kpakpai pī mitšõnye ke̱-dše̱ mitše̱ ṅõ; té nakai nitšumo̱i le̱ ateṅ nõ hewo̱ ni nyebatſiami te̱i ne̱?

Yohane 10:32 ပူးပေါင်းရင်းမြစ်များ

Lalai 35:12

Amɛkɛ efɔŋ toɔ mi ekpakpa najiaŋ; mikla tete etɔ biti.

Jajelɔ 4:4

Agbɛnɛ miyoo akɛ deŋme ni gbɔmɔ gboɔ fɛɛ, kɛ tɔlɛ ni etɔɔ lɛ fɛɛ lɛ, fɛɛ jɛɔ ehiɛ ni kɔ̃ɔ enaanyo nɔ. Enɛ hu yakanii ni, ni etamɔ kɔɔyɔɔ abɔyeli.

Yeremia 37:18

Kɛkɛ ni Yeremia bi Maŋtsɛ Zedekia akɛ, “Mɛɛ tɔ̃mɔ mitɔ̃ bo loo otsuji lɛ loo maŋ nɛɛ mli bii anɔ, hewɔ ni nyɛwo mi tsuŋ nɛɛ?

Mateo 11:5

shwilafoi miina nii, ni obubuafoi miinyiɛ; kpitiyelɔi ahe miitse, ni toimulɔi miinu nii, gbohii miite shi, ni ohiafoi lɛ aajaje sane kpakpa lɛ aatsɔ̃ɔ amɛ.

Yohane 10:25

Yesu here amɛ nɔ akɛ, “Mikɛɛ nyɛ momo shi nyɛheee nyɛyeee. Nitsumɔi ni mitsuɔ yɛ miTsɛ gbɛi mli lɛ, nomɛi miiye mihe odase;

Yohane 10:31

Kɛkɛ ni Yudafoi lɛ kɔlɔ tɛi ekoŋŋ akɛ amɛbaatswia lɛ.

Yohane 10:33

Yudafoi lɛ here lɛ nɔ amɛkɛɛ, “Jeee nitsumɔ kpakpa ko hewɔ wɔbaatswia bo tɛi lɛ, shi moŋ musubɔɔ hewɔŋ, ejaakɛ bo ni gbɔmɔ ji bo lɛ, ootsɛ ohe Nyɔŋmɔ.”

Yohane 10:37

Kɛjeee miTsɛ nitsumɔi mitsuɔ lɛ, no lɛ nyɛkahea mi nyɛyea;

Yohane 5:36

Shi mi lɛ, miyɛ odase ni fe Yohane nɔ lɛ; ejaakɛ nitsumɔi lɛ ni Tsɛ lɛ ehã mi akɛ migbe naa lɛ, nakai nitsumɔi ni mitsuɔ lɛ nɔŋŋ yeɔ mihe odase akɛ Tsɛ lɛ tsu mi.

Bɔfoi 10:38

bɔ ni Nyɔŋmɔ kɛ Mumɔ Krɔŋkrɔŋ kɛ hewalɛ fɔ Yesu ni jɛ Nazaret lɛ mu, ni ekpaa shi efeɔ ekpakpa ni etsaa mɛi fɛɛ ni abonsam haoɔ amɛ lɛ, ejaakɛ Nyɔŋmɔ kɛ lɛ yɛ.

Bɔfoi 2:22

“Ataamɛi Israelbii, nyɛboa nɛkɛ wiemɔi nɛɛ atoi! Yesu Nazarenyo lɛ ji nuu ni Nyɔŋmɔ kɛ hewalɛ nitsumɔi kɛ naakpɛɛnii kɛ okadii ni etsɔ̃ enine nɔ efee yɛ nyɛteŋ lɛ ye ehe odase etsɔ̃ɔ nyɛ, tamɔ bɔ ni nyɛ diɛŋtsɛ nyɛle lɛ.

1 Yohane 3:12

Jeee tamɔ Kain ni jɛ mɔ fɔŋ lɛ mli ni egbe enyɛmi lɛ. Ni mɛɛ hewɔ egbe lɛ? Ejaakɛ enitsumɔi lɛ efɔ̃ɔji ni, shi enyɛmi lɛ nɔ lɛ ja.