Yohane 10:30 - ŊMALƐ KRƆŊKRƆŊ LƐ

³⁰ Mi kɛ Tsɛ lɛ fɛɛ lɛ, ekomeŋ.”

Ṅmãle̱ Kroṅkroṅ Le̱

³⁰ Mi ke̱ tše̱ le̱ fẽ le̱, ekomeṅ.

Yohane 10:30 ပူးပေါင်းရင်းမြစ်များ

Mateo 11:27

MiTsɛ etu nii fɛɛ ewo midɛŋ; ni mɔ ko mɔ ko leee Bi lɛ, akɛ ja Tsɛ lɛ kɛkɛ, asaŋ Tsɛ lɛ hu, mɔ ko mɔ ko leee lɛ, akɛ ja Bi lɛ, kɛ mɔ ni Bi lɛ sumɔɔ akɛ ejieɔ lɛ kpo etsɔ̃ɔ lɛ lɛ.”

Mateo 28:19

No hewɔ lɛ, nyɛyaa ni nyɛyafea jeŋmaji fɛɛ mikaselɔi, nyɛbaptisia amɛ nyɛwoa Tsɛ lɛ kɛ Bi lɛ kɛ Mumɔ Krɔŋkrɔŋ lɛ gbɛi mli,

Yohane 10:29

MiTsɛ ni ŋɔ amɛ ehã mi lɛ fe mɛi fɛɛ, ni mɔ ko nyɛŋ ashɔ̃ amɛ yɛ miTsɛ dɛŋ.

Yohane 10:36

nyɛmiikɛɛ mɔ ni Tsɛ lɛ efee lɛ krɔŋkrɔŋ ni etsu lɛ kɛba je lɛ mli lɛ akɛ, ‘Obɔ musu’, akɛni mikɛɛ akɛ, ‘Nyɔŋmɔ Bi ji mi’ lɛ?

Yohane 14:23

Yesu here nɔ ni ekɛɛ lɛ akɛ, “Kɛji mɔ ko miisumɔ mi lɛ, eeeye miwiemɔ lɛ nɔ, ni miTsɛ aaasumɔ lɛ, ni wɔɔba eŋɔɔ, ni wɔkɛ lɛ aaahi shi.

Yohane 14:9

Yesu kɛɛ lɛ akɛ, “Kɛjɛ jeeŋmɔ ni mikɛ nyɛ yɔɔ nɛɛ, oleko mi lolo, Filipo? Mɔ ni ena mi lɛ, ena Tsɛ lɛ, ni te feɔ tɛŋŋ ni okɛɔ akɛ ‘Tsɔ̃ɔmɔ wɔ Tsɛ lɛ?’

Yohane 16:15

Nii fiaa ni Tsɛ lɛ yɔɔ lɛ, minɔŋ; no hewɔ ni mikɛɛ akɛ, ebaaŋɔ minɔ lɛ eko, ni etsi tã etsɔ̃ɔ nyɛ lɛ.”

Yohane 17:10

Minii fɛɛ lɛ onɔŋ, ni onii fɛɛ lɛ minɔŋ, ni mihiɛ eba nyam yɛ amɛmli.

Yohane 5:17

Shi Yesu here amɛ nɔ ekɛɛ, “MiTsɛ miitsu nii kɛbashi be nɛ, ni mi hu miitsu.”

Yohane 5:23

koni mɛi fɛɛ abu Bi lɛ, tamɔ bɔ ni amɛbuɔ Tsɛ lɛ. Mɔ ni ebuuu Bi lɛ, ebuuu Tsɛ lɛ ni tsu lɛ lɛ hu.

Yohane 8:58

Yesu kɛɛ amɛ akɛ, “Anɔkwale mikɛɔ nyɛ akɛ, miyɛ momo dani afɔ Abraham.”

5 Mose 6:4

“Bo toi, Israel! Yehowa, wɔNyɔŋmɔ lɛ, lɛ ekoome ji Yehowa.

1 Timoteo 3:16

Ni nɔ ko ni ŋwanejee ko bɛ he akɛ eda kpeteŋkple ji Nyɔŋmɔjamɔ teemɔ sane lɛ: Nyɔŋmɔ jie ehe shi faŋŋ yɛ gbɔmɔtso mli, abu lɛ bem yɛ mumɔ mli, bɔfoi na lɛ, ashiɛ lɛ yɛ jeŋmaji ateŋ, ahe enɔ aye yɛ jeŋ, aŋɔ lɛ kɛtee ŋwɛi yɛ anunyam mli.

Tito 2:13

be mli ni wɔmiikwɛ jɔɔmɔ ni wɔhiɛ kã nɔ kɛ wɔNyɔŋmɔ kpeteŋkple kɛ wɔyiwalaherelɔ Yesu Krito anunyam lɛ puemɔ lɛ gbɛ lɛ.

1 Yohane 5:20

Wɔle akɛ Nyɔŋmɔ Bi lɛ eba, ni ehã wɔ jwɛŋmɔ koni wɔle anɔkwafo lɛ. Ni wɔyɛ anɔkwafo lɛ mli, yɛ eBi Yesu Kristo lɛ mli, mɔ ni ji anɔkwa Nyɔŋmɔ lɛ kɛ naanɔ wala lɛ.

1 Yohane 5:7

Shi mɛi etɛ̃ ji mɛi ni yeɔ odase lɛ, ejaakɛ Mumɔ lɛ ji anɔkwale lɛ.