Yohane 10:28 - ŊMALƐ KRƆŊKRƆŊ LƐ

²⁸ ni mihãa amɛ naanɔ wala, ni amɛhiɛ kpãtãŋ kɛaatee naanɔ, ni asaŋ mɔ ko shɔŋ amɛ yɛ midɛŋ.

Ṅmãle̱ Kroṅkroṅ Le̱

²⁸ *ni mi noṅṅ mihāäame̱ nāno̱ wala, ni ame̱hĩe kpãtãṅ ke̱-ate nāno̱, ni asaṅ moko šõṅame̱ ye̱ mideṅ.

Yohane 10:28 ပူးပေါင်းရင်းမြစ်များ

Hiob 17:9

Kɛ̃lɛ jalɔ lɛ fiɔ shi yɛ egbɛ lɛ nɔ, ni mɔ ni niji ahe tse hewalɛ shwereɔ kɛyaa naanɔ.

Lalai 31:5

Miitu mimumɔ miiwo bo odɛ̃ŋ, ejaakɛ bo okpɔ̃ mi. Oo Yehowa, bo Nyɔŋmɔ anɔkwafo.

Lalai 37:28

Ejaakɛ Yehowa sumɔɔ jalɛ saneyeli; ekwaŋ emɛi krɔŋkrɔŋi lɛ. Abaabaa jalɔi ayi kɛya naanɔ, shi mɛi fɔ̃ji ashwiei lɛ, aaakpãtã amɛhiɛ.

Abe̱i 24:16

Ejaakɛ jalɔ gbeɔ shi shii kpawo, ni eteɔ shi ekoŋŋ; shi efɔŋfeelɔ lɛ amanehulu butuɔ lɛ kwrakwra.

Abe̱i 4:18

Shi jalɔi agbɛ lɛ etamɔ leebi la ni kpɛɔ, ni eyaa nɔ ekpɛɔ aahu kɛyashiɔ shwane.

Yesaia 27:3

“Mi, Yehowa, misaa mli; mishwieɔ enɔ nu be fɛɛ be. Mibuɔ ehe nyɔɔŋ kɛ shwane fɛɛ bɔ ni afee ni mɔ ko akafite emli nɔ ko.

Yesaia 45:17

Shi Yehowa aaahere Israel yiwala kɛya naanɔ; nyɛhiɛ gboiŋ, ni asaŋ nyɛhiɛ eshwieŋ shi kɔkɔɔkɔ kɛyaashi naanɔ.’ ”

Yesaia 54:17

Shi tawuunii ko kwraa bɛ ni asɔ̃ ni aaanyɛ bo awui aye. Ooona hetoo oha wiemɔ fɛɛ wiemɔ ni aaawie ashi bo. Enɛ ji nɔ ni asaa ato. Yehowa tsuji agboshinii kɛ amɛjalɛ ni jɛ midɛŋ lɛ.” Yehowa kɛɛ.

Yesaia 55:3

“Nyɛfea toi, ni nyɛbaa miŋɔɔ! Nyɛboa mi toi, ni nyɛyi aaana wala. Mi kɛ nyɛ baakpãŋ naanɔ kpãŋmɔ, ni ji mimɔbɔnalɛ ni sɛɛ efooo ni mikɛwo David shi lɛ.

Yeremia 23:4

Mato lumɛi, mɛi ni baalɛ amɛ jogbaŋŋ; ni amɛsheŋ gbeyei, ni amɛtsui hu efaŋ, ni amɛteŋ mɔ ko mɔ ko elaajeŋ. Mi, Yehowa, mikɛɛ.’

Yeremia 31:3

mi Yehowa, mijie mihe kpo yɛ shɔŋŋ mitsɔ̃ɔ lɛ. Misumɔ bo kɛ naanɔ suɔmɔ; no hewɔ ni mikã he misumɔɔ bo lolo lɛ.

Yeremia 31:34

Ni mɔ ko etsɔŋ enaanyo, ni mɔ ko hu etsɔŋ enyɛmi dɔŋŋ akɛ, ‘Le Yehowa’, ejaakɛ amɛ fɛɛ kwa amɛaale mi, kɛjɛ amɛteŋ mɔ bibioo nɔ kɛyashi mɔ wulu nɔ, ejaakɛ mikɛ amɛnishaianii lɛ baafa amɛ, ni mikaiŋ eshai ni amɛfee lɛ dɔŋŋ. Mi Yehowa, mikɛɛ.”

Yeremia 32:40

Mikɛ amɛ baakpãŋ naanɔ kpãŋmɔ akɛ, mikpãŋ amɛ ejurɔfeemɔ dɔŋŋ. Mikɛ mihe gbeyeishemɔ baawo amɛmli koni amɛkaje misɛɛ dɔŋŋ.

Marko 13:22

ejaakɛ amale kristoi kɛ amale gbalɔi aaate shi ni amɛaafee okadii kɛ naakpɛɛnii koni kɛ aaaho lɛ, amɛlaka mɛi ni ahala lɛ tete.

Luka 23:46

Ni Yesu bo kɛ gbee ni wa ekɛɛ, “Ataa, odɛ̃ŋ mituɔ mimumɔ miwoɔ nɛɛ!” Ni be ni ekɛɛ nɛkɛ lɛ ebu enaa.

Yohane 10:29

MiTsɛ ni ŋɔ amɛ ehã mi lɛ fe mɛi fɛɛ, ni mɔ ko nyɛŋ ashɔ̃ amɛ yɛ miTsɛ dɛŋ.

Yohane 11:25

Yesu kɛɛ lɛ akɛ, “Mi lɛ mi ji shitee lɛ kɛ wala lɛ; mɔ ni heɔ minɔ yeɔ lɛ, kɛji egbo tete lɛ, ehiɛ aaakã;

Yohane 14:19

Eshwɛ fioo kɛkɛ ni je lɛ enaŋ mi dɔŋŋ; shi nyɛ lɛ nyɛaana mi; ejaakɛ mihiɛ kã, ni nyɛ hu nyɛhiɛ aaakã.

Yohane 17:2

tamɔ bɔ ni ohã lɛ hegbɛ yɛ gbɔmɛi fɛɛ anɔ, koni mɛi fɛɛ ni okɛhã lɛ lɛ, ehã amɛ naanɔ wala lɛ.

Yohane 18:9

(Ekɛɛ enɛ) koni wiemɔ ni ewie akɛ, “Mɛi ni okɛhã mi lɛ, mihako amɛteŋ mɔ ko alaaje” lɛ aba mli.

Yohane 3:36

Mɔ ni heɔ Bi lɛ nɔ eyeɔ lɛ, eyɛ naanɔ wala; shi mɔ ni booo Bi lɛ toi lɛ, enaŋ wala; shi moŋ Nyɔŋmɔ mlifu hiɔ enɔ.

Yohane 4:14

shi mɔ ni nuɔ nu ni mi mahã lɛ lɛ, kumai yeŋ lɛ dɔŋŋ kɛaatee naanɔ; shi moŋ nu ni mahã lɛ lɛ aaatsɔ̃ nu hiŋmɛi ni baa kɛyaa naanɔ wala mli yɛ emli.”

Yohane 5:24

“Anɔkwale mikɛɔ nyɛ akɛ, mɔ ni nuɔ miwiemɔ ni eheɔ mɔ ni tsu mi lɛ eyeɔ lɛ, eyɛ naanɔ wala, ni ebaŋ kojomɔ mli, shi moŋ efo mli yɛ gbele mli kɛtee wala mli.

Yohane 6:27

Nyɛkatsua ŋmaa ni fiteɔ lɛ he nii, shi moŋ nyɛtsua ŋmaa ni hiɔ shi kɛyaa naanɔ wala mli ni Gbɔmɔ Bi lɛ aaahã nyɛ lɛ he nii, ejaakɛ lɛ enaa Tsɛ Nyɔŋmɔ lɛ esɔo.”

Yohane 6:37

Mɛi fɛɛ ni Tsɛ lɛ kɛhãa mi lɛ aaaba miŋɔɔ, ni mɔ ni baa miŋɔɔ lɛ, mishwieŋ lɛ kɔkɔɔkɔ.

Yohane 6:47

Anɔkwale mikɛɔ nyɛ akɛ, mɔ ni heɔ yeɔ lɛ eyɛ naanɔ wala.

Yohane 6:68

Simon Petro here lɛ nɔ akɛ, “Nuŋtsɔ, namɔ ŋɔɔ wɔɔtee? Bo oyɔɔ naanɔ wala wiemɔi lɛ;

Bɔfoi 7:59

Ni be ni amɛtswiaa Stefano tɛi lɛ, ebo etsɛ Yesu ni ekɛɛ, “Nuŋtsɔ Yesu, heremɔ mimumɔ lɛ!”

Romabii 5:17

Ejaakɛ kɛ mɔ kome shigbeemɔ lɛ hewɔ jɛ ni gbele tsɔ̃ nakai mɔ kome lɛ nɔ ye maŋtsɛ lɛ, belɛ mɛi ni ena dromɔ kɛ jalɛ nɔkeenɔ ni fa kɛteke nɔ lɛ aaatsɔ̃ mɔ kome ni ji Yesu Kristo lɛ nɔ aye maŋtsɛ yɛ wala mli aahu.

Romabii 5:2

Lɛ enɔ wɔtsɔ̃ ni wɔkɛ hemɔkɛyeli lɛ ena gbɛ hu kɛba dromɔ ni wɔyɔɔ mli nɛɛ mli, ni wɔnyaa yɛ Nyɔŋmɔ anunyam lɛ ni wɔhiɛ kã nɔ lɛ hewɔ.

Romabii 5:21

koni bɔ nɔŋŋ ni esha lɛ ye maŋtsɛ yɛ gbele mli lɛ, nakai nɔŋŋ dromɔ lɛ atsɔ̃ jalɛ nɔ aye maŋtsɛ kɛya naanɔ wala mli yɛ Yesu Kristo, wɔNuŋtsɔ lɛ, hewɔ.

Romabii 5:9

No hewɔ lɛ, agbɛnɛ ni abu wɔ bem yɛ elá lɛ hewɔ lɛ, aaatsɔ̃ enɔ ahere wɔyiwala kɛjɛ mlifu lɛ mli aahu.

Romabii 6:23

Ejaakɛ esha dɛŋ nyɔmɔwoo lɛ gbele ni; shi Nyɔŋmɔ dromɔ keenɔ lɛ naanɔ walaŋ yɛ Yesu Kristo, wɔNuŋtsɔ lɛ, mli.

Romabii 8:1

No hewɔ lɛ, agbɛnɛ fɔ ko fɔ ko bɛ ni abaabu mɛi ni yɔɔ Kristo Yesu mli lɛ.

Romabii 8:29

Ejaakɛ mɛi ni ele amɛ eto momo lɛ, amɛ ejie eto ni amɛsubaŋ atamɔ eBi lɛ nɔ lɛ, koni efee nyɛmimɛi pii ateŋ kromɔbi.

5 Mose 33:3

“Anɔkwa, edɔɔ emɛi ahe, ehiɛ emɛi krɔŋkrɔŋi lɛ yɛ edɛŋ, no hewɔ lɛ, wɔkula enaji anaa ni wɔmiibo egbɛtsɔ̃ɔmɔ toi.

Filipibii 1:6

ni miŋɔ mihiɛ mifɔ̃ enɛ nɔŋŋ nɔ, akɛ mɔ ni bɔ̃i nitsumɔ kpakpa yɛ nyɛmli lɛ, lɛ nɔŋŋ eeekã he kɛyashi eeegbe naa yɛ Yesu Kristo Gbi lɛ nɔ.

2 Tesalonikabii 2:13

Shi wɔ lɛ, esa akɛ wɔdaa Nyɔŋmɔ shi daa yɛ nyɛhewɔ, anyɛmimɛi ni Nuŋtsɔ lɛ sumɔɔ, ejaakɛ Nyɔŋmɔ ehala nyɛ akɛ klɛŋklɛŋ yibii ehã yiwalaheremɔ kɛtsɔ̃ nyɛhe ni Mumɔ Krɔŋkrɔŋ lɛ tsuɔ kɛ he ni nyɛheɔ anɔkwale lɛ nyɛyeɔ lɛ nɔ.

1 Timoteo 1:16

shi kɛ̃lɛ enɛ hewɔ ni ana mi mɔbɔ lɛ, koni mi tsutsu mimli Yesu Kristo ajie etsuishitoo lɛ fɛɛ kpo yɛ, ni akɛto mɛi ni baahe enɔ aye ni amɛna naanɔ wala lɛ okadi.

2 Timoteo 1:12

No hewɔ nɔŋŋ minaa amanehului nɛɛ, shi kɛ̃lɛ mihiɛ gbooo; ejaakɛ mile mɔ ni mihe miye lɛ, ni miyɛ hewalɛ yɛ nɔ akɛ eeenyɛ ebu nii ni mitu miwo edɛŋ lɛ he kɛyashi nakai Gbi lɛ nɔ.

Hebribii 7:25

No hewɔ hu lɛ enyɛɔ mɛi ni tsɔ̃ɔ enɔ kɛbaa Nyɔŋmɔ ŋɔɔ lɛ ayiwala ehereɔ kwraa, akɛni eyɛ daa koni edamɔ mli ehã amɛ lɛ.

1 Petro 1:5

Ni atsɔ̃ɔ hemɔkɛyeli nɔ abuɔ nyɛhe yɛ Nyɔŋmɔ hewalɛ naa atoɔ yiwalaheremɔ ni asaa ato ni abaajie kpo yɛ naagbee be lɛ mli lɛ.

1 Yohane 1:2

Ni wala lɛ jie ehe kpo etsɔ̃ɔ, ni wɔna, ni wɔyeɔ he odase ni wɔjajeɔ naanɔ wala lɛ, nɔ ni kɛ Tsɛ lɛ yɔɔ ni ejie ehe kpo etsɔ̃ɔ wɔ lɛ he sane wɔtsɔ̃ɔ nyɛ lɛ.

1 Yohane 2:19

Wɔteŋ amɛjɛ amɛtee, shi kɛ̃lɛ amɛjeee wɔteŋ mɛi komɛi, ejaakɛ wɔteŋ mɛi komɛi ji amɛ kulɛ amɛ kɛ wɔ hi shi. Shi amɛtee bɔ ni afee ni amɛ jie amɛhe shi akɛ amɛ fɛɛ lɛ jeee wɔteŋ mɛi komɛi ji amɛ.

1 Yohane 2:25

Ni enɛ ji shi ni ewo wɔ lɛ — naanɔ wala lɛ.

1 Yohane 5:11

Ni enɛ ji odase lɛ, akɛ Nyɔŋmɔ kɛ naanɔ wala ehã wɔ, ni nɛkɛ wala nɛɛ yɛ eBi lɛ mli.

Yuda 1:1

Yuda, ni ji Yesu Kristo tsulɔ kɛ Yakobo nyɛmi lɛ; ŋma yahã mɛi ni atsɛ amɛ ni afee amɛ krɔŋkrɔŋ yɛ Tsɛ Nyɔŋmɔ lɛ mli ni akɛ amɛ eto ahã Yesu Kristo lɛ.

Yuda 1:21

ni nyɛkwɛa nyɛhe nɔ jogbaŋŋ yɛ Nyɔŋmɔ suɔmɔ lɛ mli, ni nyɛkwɛa wɔNuŋtsɔ Yesu Kristo mɔbɔnalɛ lɛ gbɛ koni nyɛna naanɔ wala.

Yuda 1:24

Shi lɛ mɔ ni yɔɔ hewalɛ ni ekɛaabu nyɛhe ni nyɛkatɛrɛ ni eŋɔ nyɛ eyadamɔ enunyam lɛ hiɛ ni kpa ko bɛ nyɛhe yɛ mliflimɔ mli lɛ,

1 Samuel 2:9

Eeebaa enɔkwafoi lɛ ayi, shi mɛi fɔ̃ji lɛ amɛhiɛ aaakpãtã yɛ duŋ mli, ejaakɛ jeee gbɔmɔ diɛŋtsɛ hewalɛ naa eyeɔ kunim yɛ.