Yohane 10:27 - ŊMALƐ KRƆŊKRƆŊ LƐ

²⁷ Mitoi lɛ nuɔ migbee, ni mile amɛ, ni amɛnyiɛɔ misɛɛ,

Ṅmãle̱ Kroṅkroṅ Le̱

²⁷ Mitōi le̱ nuo̱ migbē, ni mile-ame̱, ni ame̱nyieo̱ mise̱, K. 3.4; 8,47.

Yohane 10:27 ပူးပေါင်းရင်းမြစ်များ

1 Maŋtsɛmɛi 18:21

Kɛkɛ ni Elia tsi ebɛŋkɛ asafo muu ni ewo shi lɛ, ni ekɛɛ akɛ, “Mɛɛ beyinɔ nɔŋŋ nyɛyiŋ aaafee nyɛ enyɔnyɔɔnyɔ kɛyashi yɛ saji enyɔ nɛɛ ahe? Kɛji Yehowa ji Nyɔŋmɔ lɛ, nyɛjaa lɛ, ni kɛji Baal ji Nyɔŋmɔ lɛ nyɛjaa lɛ.” Shi maŋbii lɛ ateŋ mɔ ko mɔ ko etswaaa esɛŋ.

Yesaia 66:22

“Bɔ ni ŋwɛi hee kɛ shikpɔŋ hee ni mafee lɛ aaahi shi yɛ mihiɛ lɛ, nakai pɛpɛɛpɛ nyɛshwiei kɛ nyɛgbɛi aaahi shi yɛ mihiɛ.”

Mateo 16:24

Kɛkɛ ni Yesu kɛɛ ekaselɔi lɛ akɛ, “Kɛji mɔ ko miisumɔ akɛ enyiɛ misɛɛ lɛ, ekwa ehe ni ewo esɛŋmɔtso lɛ ni enyiɛ misɛɛ.

Mateo 17:5

Be ni ewieɔ lolo lɛ, naa, atatu halaŋŋ ko bakete amɛnɔ, ni gbee ko jɛ atatu lɛ mli kɛɛ, “Mɔ nɛ ji misuɔmɔ Bi ni minaa ehe tsui lɛ; nyɛboa lɛ toi!”

Mateo 25:12

Shi ehere nɔ ekɛɛ, ‘Anɔkwale mikɛɔ nyɛ akɛ mileee nyɛ.’

Mateo 7:23

Ni no lɛ magba mli makɛɛ amɛ akɛ, ‘Mileee nyɛ kwraa, nyɛjea minɔ nyɛyaa, nyɛ mɛi ni nyɛtsuɔ nibii ni ejaaa gbɛ!’ ”

Marko 10:21

Ni Yesu kwɛ lɛ ni etsui mɔ lɛ, ni ekɛɛ lɛ akɛ, “Eshwɛ bo nɔ kome: Yaa ni oyahɔ̃ɔ nii fɛɛ ni oyɔɔ ni okɛhã ohiafoi, ni ooona jwetri yɛ ŋwɛi; ni oba ni obanyiɛ misɛɛ.”

Marko 8:34

Agbɛnɛ etsɛ asafo lɛ kɛ ekaselɔi lɛ hu kɛba eŋɔɔ, ni ekɛɛ amɛ akɛ, “Kɛji mɔ ko miisumɔ akɛ enyiɛ misɛɛ lɛ, ekwa ehe ni ewo esɛŋmɔtso lɛ ni enyiɛ misɛɛ.

Luka 13:27

Ni eeekɛɛ akɛ, ‘Miikɛɛ nyɛ akɛ mileee he ni nyɛjɛ; nyɛjea minɔ nyɛyaa, nyɛ mɛi fɛɛ ni nyɛtsuɔ nii ni ejaaa gbɛ lɛ!’

Luka 9:23

Ni ekɛɛ mɛi lɛ fɛɛ akɛ, “Kɛji mɔ ko miisumɔ akɛ enyiɛ misɛɛ lɛ, ekwa ehe, ni ewo esɛŋmɔtso lɛ daa gbi ni enyiɛ misɛɛ.

Yohane 10:14

Mi ji tookwɛlɔ kpakpa lɛ; mile mi diɛŋtsɛ mitoi lɛ, ni mitoi lɛ hu le mi,

Yohane 10:16

“Miyɛ toi krokomɛi ni jɛɛɛ toi atsu nɛɛ mli; ni nomɛi hu, ja miŋɔ amɛ kɛba, ni amɛbanu migbee, ni toi lɛ fee kuu kome kɛ kwɛlɔ kome.

Yohane 10:8

Mɛi fɛɛ ni tsɔ̃ mihiɛ ba lɛ, julɔi kɛ ojotswalɔi ji amɛ; shi toi lɛ booo amɛ toi hu.

Yohane 12:26

Kɛji mɔ ko miisɔmɔ mi lɛ, enyiɛ misɛɛ, ni he ni miyɔɔ lɛ, jɛi misɔ̃ɔlɔ lɛ hu aaahi; kɛji mɔ ko miisɔmɔ mi lɛ, miTsɛ aaawo lɛ.”

Yohane 21:22

Yesu kɛɛ lɛ akɛ, “Kɛji miisumɔ akɛ ehi shi kɛyashi mibaabe lɛ, mɛni no kɔɔ yɛ ohe? Bo lɛ nyiɛmɔ misɛɛ!”

Yohane 5:25

Anɔkwale mikɛɔ nyɛ akɛ: ŋmɛlɛtswaa lɛ miiba, ni eshɛ etã, ni gbohii lɛ aaanu Nyɔŋmɔ Bi lɛ gbee, ni mɛi ni nuɔ lɛ aaana wala.

Yohane 8:12

Kɛkɛ ni Yesu kɛ amɛ wie ekoŋŋ ekɛɛ, “Mi ji je lɛ mli la lɛ. Mɔ ni nyiɛɔ misɛɛ lɛ, enyiɛŋ duŋ mli gbi ko gbi ko, shi moŋ eeena wala la lɛ.”

Yohane 8:43

Shi mɛɛ hewɔ nyɛnaaa miwiemɔ naa lɛ? Ejɛ miwiemɔ toi ni nyɛbooo lɛ.

Bɔfoi 3:23

Ni aaaba mli akɛ, mɔ fɛɛ mɔ ni boŋ nakai gbalɔ lɛ toi lɛ, aaakpãtã ehiɛ kwraa kɛaaje mɛi lɛ ateŋ!’

1 Korintobii 8:3

Shi kɛ mɔ ko miisumɔ Nyɔŋmɔ lɛ, Nyɔŋmɔ le lɛ.

Galatabii 4:9

shi agbɛnɛ moŋ ni nyɛle Nyɔŋmɔ, aloo ni Nyɔŋmɔ ele nyɛ lɛ, te feɔ tɛŋŋ ni nyɛkuɔ nyɛsɛɛ kɛya shishijee nibii ni nyɛ̃ɛɛ nɔ ko afee ni bɛ hewalɛ ko lɛ aŋɔɔ, ni nyɛsaa nyɛtaoɔ akɛ nyɛje shishi nyɛsɔ̃mɔ amɛ ekoŋŋ lɛ?

2 Timoteo 2:19

Kɛ̃lɛ Nyɔŋmɔ shishitoo ni wa lɛ ma shi shiŋŋ, ni ehiɛ nɛkɛ naasɔomɔnɔ nɛɛ, “Nuŋtsɔ lɛ le lɛ diɛŋtsɛ emɛi lɛ,” kɛ “Mɔ fɛɛ mɔ ni tsiɔ Nuŋtsɔ lɛ gbɛi lɛ tã lɛ atsi ehe kɛjɛ nii ni ejaaa gbɛ lɛ ahe.”

Hebribii 3:7

Hewɔ lɛ, tamɔ bɔ ni Mumɔ Krɔŋkrɔŋ lɛ kɛɛ lɛ, “Ŋmɛnɛ, kɛji nyɛnu egbee lɛ,

Kpojiemɔ 14:4

Mɛnɛɛmɛi ji mɛi ni kɛ yei buleko amɛhe, ejaakɛ oblahii ni he tse ji amɛ, ni amɛnyiɛɔ Toobi lɛ sɛɛ kɛyaa he fɛɛ he ni eyaa lɛ. Mɛnɛɛmɛi ji mɛi ni akpɔ̃ kɛjɛ gbɔmɛi ateŋ akɛ klɛŋklɛŋ yibii kɛhã Nyɔŋmɔ kɛ Toobi lɛ.

Kpojiemɔ 3:20

Naa, Midamɔ shinaa lɛ naa ni miishi; kɛji mɔ ko nu migbee ni egbele shinaa lɛ, maba eŋɔɔ ni mikɛ lɛ aaabaye nii, ni lɛ hu ekɛ mi aaaye.