Yohane 10:20 - ŊMALƐ KRƆŊKRƆŊ LƐ

²⁰ Ni amɛteŋ mɛi pii kɛɛ, “Mumɔ fɔŋ yɛ emli ni eye sɛkɛ; mɛɛhewɔ nyɛboɔ lɛ toi?”

Ṅmãle̱ Kroṅkroṅ Le̱

²⁰ Ni ame̱teṅ mei pī kē̱: Daimonio ye̱ emli ni eye se̱ke̱; mẽhewo̱ nyeboo̱le̱ toi? 7,20.

Yohane 10:20 ပူးပေါင်းရင်းမြစ်များ

Yesaia 53:8

Aye lɛ toikɔdɔmɔ sane, ni aŋɔ lɛ kɛtee. Namɔ aaanyɛ asusu nɔ ni aaaba enɔ? Ejaakɛ asha lɛ kɛje hiɛkãalɔi ashikpɔŋ lɛ nɔ kɛtee. Mimaŋbii lɛ atɔ̃mɔi ahewɔ apiŋ lɛ lɛ!

Yeremia 29:26

Yehowa ewo bo osɔfo yɛ Osɔfo Yehoiada najiaŋ koni otsɔ̃ Yehowa Sɔlemɔ we lɛ nɔkwɛlɔ koni mɔ fɛɛ mɔ ni yiŋ kãa lɛ ni efeɔ ehe gbalɔ lɛ, obɔ lɛ apã ni owo lɛ gboklɛ lɛ,

Mateo 10:25

Efa hã kaselɔ akɛ eeetamɔ enuŋtsɔ. Kɛji shĩatsɛ lɛ amɛtsɛ Beelzebul lɛ, ewebii lɛ shii enyiɛ amɛtsɛŋ amɛ nakai?”

Mateo 11:18

Ejaakɛ Yohane ba, ni eyeee nii, ni esaa enuuu nɔ ko lɛ, amɛkɛɛ akɛ, ‘Mumɔ fɔŋ yɛ emli.’

Mateo 9:34

Shi Farisifoi lɛ kɛɛ, “Mumɔi fɔ̃ji alumɔ lɛ nɔ etsɔ̃ɔ efãa mumɔi fɔ̃ji lɛ!”

Marko 3:21

Be ni ewekumɛi nu he lɛ, amɛtee ni amɛyamɔ lɛ, ejaakɛ mɛi miikɛɛ akɛ eyiŋ miikã lɛ.

Yohane 7:20

Asafo lɛ here nɔ ni amɛkɛɛ, “Mumɔ fɔŋ yɛ omli; namɔ taoɔ bo agbe?”

Yohane 8:52

Kɛkɛ ni Yudafoi lɛ kɛɛ lɛ akɛ, “Kpaako wɔna wɔle akɛ mumɔ fɔŋ yɛ omli. Abraham gbo, ni gbalɔi lɛ hu gboi, ni bo lɛ okɛɔ akɛ, ‘Kɛji mɔ ko ye miwiemɔ lɛ nɔ lɛ, esaŋ enaa gbele gbi ko gbi ko kɛaatee naanɔ.’

Bɔfoi 26:24

Be ni Paulo jie enaa nɛkɛ lɛ, Festo kɛ gbee ni wa kɛɛ, “Paulo, sɛkɛ oyeɔ nɛɛ! Woloŋkasemɔ sɔŋŋ ehã oyeɔ sɛkɛ nɛɛ!”