Yohane 10:16 - ŊMALƐ KRƆŊKRƆŊ LƐ

¹⁶ “Miyɛ toi krokomɛi ni jɛɛɛ toi atsu nɛɛ mli; ni nomɛi hu, ja miŋɔ amɛ kɛba, ni amɛbanu migbee, ni toi lɛ fee kuu kome kɛ kwɛlɔ kome.

Ṅmãle̱ Kroṅkroṅ Le̱

¹⁶ Ni miye̱ *tōi krokomei ní dše̱e̱ tōi atšũ ne̱ mli; ni nomei hũ, dša miṅõame̱ ke̱-ba, ni ame̱banu migbē, ní tōi le̱ ſe ku kome ke̱ kwe̱lo̱ kome. *11,52.

Yohane 10:16 ပူးပေါင်းရင်းမြစ်များ

1 Mose 49:10

Maŋtsɛyeli ejeŋ Yuda dɛŋ, ni nɔyeli hu ejeŋ eshwiei adɛŋ; gbii abɔ ni jeŋmaji kɛ amɛ onia baa, ni amɛbaa amɛhe shi amɛhãa lɛ lɛ.

Lalai 86:9

Oo Nuŋtsɔ, jeŋ majimaji fɛɛ ni bo obɔ lɛ aaaba abakoto bo; ni amɛbaawo ogbɛi lɛ hiɛ nyam.

Jajelɔ 12:11

Nilelɔ daaŋ wiemɔi lɛ etamɔ kplamɔ tso. Tookwɛlɔ koome ni yɔɔ lɛ, ewiemɔi ni abua naa lɛ yɛ kpɛŋŋ tamɔ plɛkoo ni aka awo tso mli.

Yesaia 11:10

Be miiba be ni maŋtsɛ ni aaajɛ Ishai mli lɛ baatsɔ̃ tamɔ aflaŋaa ni ashi ahã majimaji lɛ. Lɛ esɛɛgbɛ maji lɛ fɛɛ aaatao, ni eshihilɛhe lɛ hiɛ baaba nyam.

Yesaia 43:6

Makɛɛ kooyigbɛ akɛ, ‘Ŋmɛɛmɔ amɛhe!’ Ni makɛɛ wuoyigbɛ akɛ, ‘Kaatsi amɛnaa;’ ŋɔɔ mibihii lɛ kɛjɛ shɔŋŋ kɛ mibiyei lɛ kɛjɛ shikpɔŋ lɛ naagbeehei kɛba,

Yesaia 49:6

Ekɛɛ, “Efaaa akɛ ooofee mitsulɔ ni otee Israel akutsei lɛ ashi, ni okɛ Israelbii ni abaa amɛyi lɛ aku sɛɛ kɛba amɛjaku shikpɔŋ nɔ kɛkɛ; shi moŋ miiŋɔ bo mafee jeŋ majimaji lɛ ala, koni midɛŋ yiwalaheremɔ lɛ ayashɛ je lɛ naagbeehe.”

Yesaia 52:10

Yehowa ejie ehewalɛ krɔŋkrɔŋ lɛ kpo etsɔ̃ɔ majimaji lɛ fɛɛ, ni jeŋ muu lɛ fɛɛ aaana wɔNyɔŋmɔ lɛ dɛŋ yiwalaheremɔ lɛ.

Yesaia 56:8

Bɔ ni Yehowa Ofe mɔ ni kpala emaŋ Israel kɛjɛ nomŋɔɔ mli kɛku sɛɛ kɛba lɛ kɛɛ nɛ, “Masaa makpala mɛi krokomɛi kɛba kɛbafata mɛi ni mikpala kɛba momo lɛ ahe.”

Ezekiel 34:12

Bɔ ni tookwɛlɔ taoɔ etooku ni egbɛ eshwã lɛ sɛɛgbɛ lɛ, nakai nɔŋŋ matao mitoi lɛ asɛɛgbɛ. Mabua amɛnaa kɛjɛ he fɛɛ he ni amɛgbɛ amɛshwã kɛtee, yɛ gbi ni atatu kɛ duŋ kpii ewo nɔ tete.

Ezekiel 34:23

Mibato tookwɛlɔ kome maha amɛ, ni ji mitsulɔ David, ni lɛ eeelɛ amɛ; ebaalɛ amɛ ni eeetsɔ̃ amɛkwɛlɔ.”

Ezekiel 34:6

Mitoi lɛ gbɛ shwã, ni amɛtsomlo kɛnyiɛ gɔji kɛ gɔŋkpɔi ni kwɔlɔ lɛ fɛɛ anɔ. Mitoi lɛ egbɛ eshwã shikpɔŋ muu lɛ fɛɛ nɔ, ni mɔ ko bɛ ni diɔ amɛsɛɛ aloo etaoɔ amɛ.

Ezekiel 37:22

Kɛkɛ lɛ mafee amɛ maŋ kome yɛ shikpɔŋ lɛ nɔ yɛ Israel gɔji lɛ anɔ. Amɛaahi maŋtsɛ kome shishi ni amɛfeŋ maji enyɔ dɔŋŋ. Mligbalamɔ hu baŋ amɛmaŋtsɛyeli mli dɔŋŋ.

Ezekiel 37:24

Mitsulɔ David baaye amɛ nɔ maŋtsɛ, ni amɛ fɛɛ amɛaana lumɔ kome. Amɛbaakwɛ koni amɛye mimlai lɛ kɛ mikpɔi lɛ anɔ jogbaŋŋ.

Hosea 1:10

Shi kɛ̃lɛ Israelbii ayikulɛ aaatamɔ ŋshɔnaa shia ni anyɛŋ asusu aloo akane. Kɛji nakai be lɛ shɛ lɛ, he ni akɛɛ amɛ yɛ akɛ, ‘Nyɛjeee mimaŋ lɛ,’ jɛi nɔŋŋ abaakɛɛ amɛ yɛ akɛ, “Nyɔŋmɔ hiɛkãalɔ lɛ bii ji nyɛ.”

Zakaria 2:11

Nakai gbi lɛ nɔ lɛ, maji babaoo kɛ amɛhe aaahã Yehowa ni amɛaatsɔ̃ mimɛi, ni mahi amɛteŋ. No nyɛkɛaale akɛ Yehowa Taiatsɛ lɛ ni tsu mi nyɛŋɔɔ lɛ.

Mateo 17:5

Be ni ewieɔ lolo lɛ, naa, atatu halaŋŋ ko bakete amɛnɔ, ni gbee ko jɛ atatu lɛ mli kɛɛ, “Mɔ nɛ ji misuɔmɔ Bi ni minaa ehe tsui lɛ; nyɛboa lɛ toi!”

Luka 15:8

“Aloo mɛɛ yoo ni yɔɔ jwiɛtɛi kukuji nyɔŋma, ni kɛji kuku kome laaje lɛ, ni esuŋ kane ni ebɛɛ shĩa lɛ mli fitsofitso ni etao kɛyashi beyinɔ ni eeena?

Yohane 10:11

“Mi ji tookwɛlɔ kpakpa lɛ. Tookwɛlɔ kpakpa lɛ kɛ ewala ŋmɛɔ shi yɛ etoi lɛ anajiaŋ.

Yohane 10:2

Shi mɔ ni tsɔ̃ɔ shinaa lɛ mli kɛboteɔ mli lɛ, toi lɛ akwɛlɔ ji lɛ.

Yohane 10:27

Mitoi lɛ nuɔ migbee, ni mile amɛ, ni amɛnyiɛɔ misɛɛ,

Yohane 10:3

Lɛ shinaa naabulɔ lɛ gbeleɔ, ni toi lɛ nuɔ egbee, ni ekɛ lɛ diɛŋtsɛ etoi lɛ agbɛi tsɛɔ amɛ, ni ekɛ amɛ jeɔ kpo.

Yohane 10:4

Ni kɛ ejie toi lɛ fɛɛ lɛ, enyiɛɔ amɛhiɛ, ni toi lɛ nyiɛɔ esɛɛ, ejaakɛ amɛle egbee.

Yohane 10:5

Amɛnyiɛŋ mɔkpɔŋ sɛɛ, shi moŋ amɛaajo enaa foi, ejaakɛ amɛleee mɛi kpɔji agbee.”

Yohane 11:52

ni jeee yɛ maŋ lɛ najiaŋ hewɔ kɛkɛ, shi bɔ ni afee ni ebua Nyɔŋmɔ bii ni egbɛ eshwã lɛ hu naa efee kuu kome.

Yohane 17:20

“Shi jeee mɛnɛɛmɛi kɛkɛ mibiɔ mahã, shi miibi mahã mɛi ni baahe minɔ aye yɛ amɛwiemɔ naa lɛ hu;

Yohane 6:37

Mɛi fɛɛ ni Tsɛ lɛ kɛhãa mi lɛ aaaba miŋɔɔ, ni mɔ ni baa miŋɔɔ lɛ, mishwieŋ lɛ kɔkɔɔkɔ.

Bɔfoi 15:14

Simeon egba bɔ ni Nyɔŋmɔ basara jeŋmaji lɛ tsutsu ko ni ehala maŋ kɛjɛ amɛteŋ ehã egbɛi lɛ.

Bɔfoi 18:10

ejaakɛ mikɛ bo yɛ, ni mɔ ko mɔ ko etaŋ ohe ni efeŋ bo efɔŋ ko, ejaakɛ miyɛ mɛi pii yɛ maŋ nɛɛ mli.”

Bɔfoi 22:14

Ni ekɛɛ, ‘Wɔtsɛmɛi aNyɔŋmɔ lɛ ehala bo eto, ni ole esuɔmɔnaanii, ni ona Nyɔŋmɔ Jalɔ lɛ, ni onu edaaŋ gbee;

Romabii 11:25

Ejaakɛ misumɔɔɔ akɛ mishiuɔ nyɛ nɛkɛ teemɔ sane nɛɛ nɔ, anyɛmimɛi, koni nyɛkabu nyɛhe oleetei, akɛ, wajemɔ awaje Israel tsui fã kɛ fã kɛyashi beyinɔ ni jeŋmaji lɛ fɛɛ aaaba mli.

2 Tesalonikabii 2:13

Shi wɔ lɛ, esa akɛ wɔdaa Nyɔŋmɔ shi daa yɛ nyɛhewɔ, anyɛmimɛi ni Nuŋtsɔ lɛ sumɔɔ, ejaakɛ Nyɔŋmɔ ehala nyɛ akɛ klɛŋklɛŋ yibii ehã yiwalaheremɔ kɛtsɔ̃ nyɛhe ni Mumɔ Krɔŋkrɔŋ lɛ tsuɔ kɛ he ni nyɛheɔ anɔkwale lɛ nyɛyeɔ lɛ nɔ.

Hebribii 13:20

Shi hejɔlɛ Nyɔŋmɔ lɛ, mɔ ni jie toi lɛ akwɛlɔ kpeteŋkple ni ji wɔNuŋtsɔ Yesu kɛjɛ gbohii ateŋ yɛ naanɔ kpãŋmɔ lɛ lá lɛ mli lɛ,

1 Petro 2:10

nyɛ ni sa lɛ nyɛjeee maŋ, shi agbɛnɛ lɛ Nyɔŋmɔ maŋ ji nyɛ, nyɛ ni anaaa nyɛ mɔbɔ, shi agbɛnɛ ana nyɛ mɔbɔ lɛ.

1 Petro 2:25

Ejaakɛ kulɛ nyɛtamɔ toi ni elaaje, shi agbɛnɛ lɛ nyɛku nyɛsɛɛ kɛba nyɛsusumai alɛlɔ kɛ nɔkwɛlɔ lɛ ŋɔɔ.

1 Petro 5:4

Ni be ni Tookwɛlɔnukpa lɛ aaajie ehe kpo lɛ, nyɛnine aaashɛ anunyam akekre ni ŋalaaa lɛ nɔ.

Kpojiemɔ 3:20

Naa, Midamɔ shinaa lɛ naa ni miishi; kɛji mɔ ko nu migbee ni egbele shinaa lɛ, maba eŋɔɔ ni mikɛ lɛ aaabaye nii, ni lɛ hu ekɛ mi aaaye.