Yohane 1:51 - ŊMALƐ KRƆŊKRƆŊ LƐ

⁵¹ Ni etee nɔ ekɛɛ lɛ akɛ, “Anɔkwale mikɛɔ nyɛ akɛ, kɛjɛ be nɛɛ nɔ lɛ nyɛaana akɛ ŋwɛi naa kã ni Nyɔŋmɔ bɔfoi lɛ miikwɔ miikpeleke yɛ Gbɔmɔ Bi lɛ nɔ.”

Ṅmãle̱ Kroṅkroṅ Le̱

⁵¹ Ni ekē̱le̱ ake̱: Le̱le̱ṅ, le̱le̱ṅ, mīkē̱nye ake̱: Ke̱-dše̱ be ne̱ no̱ le̱ nyeana ake̱ ṅwei nā kã ni *Nyoṅmo̱ bo̱foi le̱ mīkwo̱ mīkpleke ye̱ gbomobi le̱ no̱. *1 Mose 28,12.

Yohane 1:51 ပူးပေါင်းရင်းမြစ်များ

1 Mose 28:12

Ni ela ni aŋtswere ko ma shikpɔŋ ni eyiteŋ eyashi ŋwɛi. Nyɔŋmɔ bɔfoi miikwɔ miikpeleke shi,

Ezekiel 1:1

Yɛ afi ni ji nyɔŋmai etɛ̃ lɛ nɔ, nyɔŋ ni ji ejwɛ lɛ nɔ, gbi ni ji enumɔ lɛ nɔ lɛ, be ni miyɔɔ nomii lɛ ateŋ yɛ Kebar Faa lɛ naa lɛ, agbele ŋwɛi naa, ni mina Nyɔŋmɔ he ninai.

Zakaria 13:7

Yehowa Taiatsɛ lɛ kɛɛ ekoŋŋ akɛ, “Bo klante, wo ohe nɔ owo mitookwɛlɔ lɛ, mɔ ni ji misɛɛ mɔ lɛ, koni toi lɛ agbɛ ashwã. Mawo minine nɔ yɛ too bibiibii tete anɔ ni maplenee amɛ.

Mateo 25:31

“Shi be ni Gbɔmɔ Bi lɛ aaaba yɛ enunyam lɛ mli, ni bɔfoi lɛ fɛɛ aaafata ehe lɛ, no mli lɛ eeeta enunyam sɛ̃i lɛ nɔ;

Mateo 26:24

Gbɔmɔ Bi lɛ miiya tamɔ bɔ ni aŋma yɛ ehe lɛ moŋ; shi kpoo hã mɔ ni tsɔ̃ɔ Gbɔmɔ Bi lɛ sɛɛgbɛ lɛ; faŋ nɔ ni anaaa afɔ nakai gbɔmɔ lɛ.”

Mateo 3:16

Ni be ni abaptisi Yesu lɛ, ejɛ nu lɛ mli amrɔ eje kpo; ni naa, agbele ŋwɛi naa ahã lɛ, ni ena Nyɔŋmɔ Mumɔ lɛ miikpeleke shi tamɔ okpo kɛmiiba enɔ.

Mateo 4:11

Kɛkɛ ni abonsam lɛ shi lɛ, ni ŋwɛi bɔfoi ba ni amɛbasɔmɔ lɛ.

Mateo 8:20

Ni Yesu kɛɛ lɛ akɛ, “Osɔi yɛ bui, ni ŋwɛi loofɔji yɛ tsui; shi Gbɔmɔ Bi lɛ bɛ he ni ekɛ eyitso ŋmɛɔ.”

Mateo 9:6

Shi be ni afee ni nyɛna akɛ Gbɔmɔ Bi lɛ yɛ hegbɛ yɛ shikpɔŋ lɛ nɔ akɛ ekɛ eshai faa lɛ,” — kɛkɛ lɛ ekɛɛ mɔ ni yeɔ kuumɔ hela lɛ akɛ, “Tee shi, wo osaa lɛ ni oya shĩa!”

Marko 1:10

Yesu je kpo kɛjɛ nu lɛ mli nɔŋŋ pɛ kɛkɛ ni ena ni ŋwɛi naa miigbele ni Mumɔ Krɔŋkrɔŋ lɛ miikpeleke shi tamɔ okpo kɛmiiba enɔ.

Marko 14:62

Ni Yesu kɛɛ, “Miŋ; ni nyɛaana Gbɔmɔ Bi lɛ akɛ eta Ofe lɛ ninejurɔ nɔ ni eeba yɛ ŋwɛi atatui lɛ amli.”

Luka 2:13

Ni trukaa lɛ ŋwɛi ta kpele bafata bɔfo lɛ he, ni amɛ jie Nyɔŋmɔ yi amɛkɛɛ,

Luka 2:9

Trukaa lɛ Nuŋtsɔ lɛ bɔfo ko badamɔ amɛmasɛi, ni Nuŋtsɔ lɛ anunyam kpɛ kɛbɔle amɛ, ni amɛshe gbeyei naakpa.

Luka 22:43

Ni bɔfo ko jɛ ŋwɛi bajie ehe kpo etsɔ̃ɔ lɛ, ni ebawo lɛ hewalɛ.

Luka 22:69

Shi kɛjɛ be nɛɛ nɔ kɛyaa nɛɛ Gbɔmɔ Bi lɛ aaata Nyɔŋmɔ hewalɛ lɛ ninejurɔ nɔ.”

Luka 24:4

Be ni amɛfee yaa yɛ enɛ hewɔ lɛ, naa, hii enyɔ badamɔ amɛmasɛi, ni amɛwo atadei kaŋkaŋi.

Luka 3:21

Agbɛnɛ be ni abaptisi mɛi lɛ fɛɛ sɛɛ lɛ abaptisi Yesu hu; ni be ni esɔleɔ lɛ ŋwɛi naa gbele,

Yohane 1:50

Yesu here nɔ ni ekɛɛ lɛ akɛ, “Ni mikɛɛ bo akɛ mina bo yɛ agbãmitso lɛ shishi lɛ hewɔ oheɔ oyeɔ nɛɛ? Ooona nii wuji ni fe enɛ.”

Yohane 10:1

“Anɔkwale mikɛɔ nyɛ akɛ, Mɔ ni tsɔ̃ɔɔ shinaa lɛ ni ekɛbote toi atsu lɛ mli, shi moŋ etsɔ̃ɔ he kroko ekɛkwɔɔ lɛ, julɔ kɛ ojotswalɔ ji lɛ.

Yohane 10:7

No hewɔ lɛ, Yesu saa kɛɛ amɛ ekoŋŋ akɛ, “Anɔkwale mikɛɔ nyɛ akɛ, Mi ji toi lɛ ashinaa lɛ.

Yohane 13:16

Anɔkwale mikɛɔ nyɛ akɛ, Nyɔŋ efeee enuŋtsɔ, ni asaŋ bɔfo efeee mɔ ni tsu lɛ lɛ.

Yohane 13:38

Yesu here lɛ nɔ akɛ, “Okɛ owala aaaŋmɛ shi yɛ mihewɔ? Anɔkwale mikɛɔ bo akɛ, wuɔ naŋ agbɛɛ ni oookwa mi shii etɛ̃.”

Yohane 14:12

Anɔkwale mikɛɔ nyɛ akɛ, mɔ ni heɔ minɔ eyeɔ lɛ, nitsumɔi ni mitsuɔ lɛ, lɛ hu eeetsu, ni eeetsu nii ni fe nomɛi tete, ejaakɛ miiya Tsɛ lɛ ŋɔɔ.

Yohane 16:20

Anɔkwale mikɛɔ nyɛ akɛ, nyɛ lɛ nyɛbaafo ni nyɛbaawo yara, shi je lɛ baanya; nyɛ lɛ nyɛbaaye ŋkɔmɔ, shi nyɛkɔmɔyeli lɛ aaatsɔ̃ miishɛɛ.

Yohane 16:23

“Ni nakai gbi lɛ nɔ lɛ nyɛbiŋ mi nɔ ko nɔ ko. Anɔkwale mikɛɔ nyɛ akɛ, nɔ fɛɛ nɔ he fai ni nyɛaakpa Tsɛ lɛ yɛ migbɛi mli lɛ, eeehã nyɛ.

Yohane 21:18

Anɔkwale mikɛɔ bo akɛ, be ni oji oblanyo lɛ, bo diɛŋtsɛ omĩaa ni onyiɛɔ he ni osumɔɔ; shi kɛ ogbɔ lɛ, oookpã oniji amli, ni mɔ kroko aaamĩa bo, ni ekɛ bo aaatee he ni osumɔɔɔ.”

Yohane 3:3

Yesu here nɔ ni ekɛɛ lɛ akɛ, “Anɔkwale mikɛɔ bo akɛ, kɛji ajɛɛɛ ŋwɛi afɔɔɔ mɔ ko lɛ, enyɛŋ Nyɔŋmɔ maŋtsɛyeli lɛ ena.”

Yohane 3:5

Yesu here nɔ akɛ, “Miikɛɛ bo anɔkwale akɛ, kɛji ajɛɛɛ nu kɛ Mumɔ mli afɔɔɔ mɔ ko lɛ, enyɛŋ Nyɔŋmɔ maŋtsɛyeli lɛ mli ebote.

Yohane 5:19

No hewɔ lɛ, Yesu here nɔ ekɛɛ amɛ akɛ, “Anɔkwale mikɛɔ nyɛ akɛ, Bi lɛ diɛŋtsɛ nyɛŋ eto eyiŋ efee nɔ ko, ja nɔ ni ena akɛ Tsɛ lɛ miifee; ejaakɛ nibii fɛɛ ni Tsɛ lɛ feɔ lɛ, nomɛi nɔŋŋ Bi lɛ hu feɔ.

Yohane 5:27

Ni ehã lɛ hegbɛ akɛ ekojo hu, ejaakɛ lɛ ji Gbɔmɔ Bi lɛ.

Yohane 6:26

Yesu here amɛ nɔ ekɛɛ, “Anɔkwale mikɛɔ nyɛ akɛ, jeee okadii lɛ ni nyɛna lɛ hewɔ nyɛtaoɔ mi nɛɛ, shi moŋ akɛni nyɛye aboloo lɛ eko ni nyɛtɔrɔ lɛ hewɔŋ.

Yohane 6:32

Kɛkɛ lɛ Yesu kɛɛ amɛ akɛ, “Anɔkwale mikɛɔ nyɛ akɛ, jeee Mose ji mɔ ni hã nyɛ aboloo lɛ kɛjɛ ŋwɛi lɛ, shi miTsɛ moŋ hãa nyɛ anɔkwa aboloo ni jɛɔ ŋwɛi lɛ.

Yohane 6:47

Anɔkwale mikɛɔ nyɛ akɛ, mɔ ni heɔ yeɔ lɛ eyɛ naanɔ wala.

Yohane 6:53

Kɛkɛ ni Yesu kɛɛ amɛ akɛ, “Anɔkwale mikɛɔ nyɛ akɛ kɛji nyɛyeee Gbɔmɔ Bi lɛ heloo ni nyɛnuuu elá lɛ, nyɛbɛ wala yɛ nyɛmli.

Yohane 8:34

Yesu here amɛ nɔ akɛ, “Anɔkwale mikɛɔ nyɛ akɛ, mɔ fɛɛ mɔ ni feɔ esha lɛ, esha lɛ nyɔŋ ji lɛ.

Yohane 8:51

Anɔkwale mikɛɔ nyɛ akɛ, kɛji mɔ ko ye miwiemɔ lɛ nɔ lɛ, enaŋ gbele kɛaatee naanɔ.”

Yohane 8:58

Yesu kɛɛ amɛ akɛ, “Anɔkwale mikɛɔ nyɛ akɛ, miyɛ momo dani afɔ Abraham.”

Bɔfoi 10:11

ni ena akɛ ŋwɛi egbele, ni nɔ ko miikpeleke shi ni tamɔ mama kpeteŋkple, ni ahiɛ ekoji ejwɛ lɛ mli aashi kɛmiiba shikpɔŋ;

Bɔfoi 7:56

ni ekɛɛ, “Naa, miina ŋwɛi naa ni egbele, kɛ Gbɔmɔ Bi lɛ ni edamɔ Nyɔŋmɔ ninejurɔ nɔ.

2 Tesalonikabii 1:7

ni nyɛ mɛi ni ahaoɔ nyɛ lɛ, eeehã nyɛ kɛ wɔ fɛɛ hejɔɔmɔ, be ni aaajie Nuŋtsɔ Yesu kpo kɛaajɛ ŋwɛi kɛ ebɔfoi ni yɔɔ hewalɛ lɛ.

2 Tesalonikabii 1:9

Amɛaana nyɔmɔwoo ni ji naanɔ hiɛkpãtãmɔ, ni aaajie amɛ kɛaajɛ Nuŋtsɔ lɛ hiɛ kɛ ehewalɛ lɛ anunyam lɛ he,

1 Timoteo 3:16

Ni nɔ ko ni ŋwanejee ko bɛ he akɛ eda kpeteŋkple ji Nyɔŋmɔjamɔ teemɔ sane lɛ: Nyɔŋmɔ jie ehe shi faŋŋ yɛ gbɔmɔtso mli, abu lɛ bem yɛ mumɔ mli, bɔfoi na lɛ, ashiɛ lɛ yɛ jeŋmaji ateŋ, ahe enɔ aye yɛ jeŋ, aŋɔ lɛ kɛtee ŋwɛi yɛ anunyam mli.

Hebribii 1:14

Ani amɛ fɛɛ lɛ, jeee mumɔ bɔfoi ni sɔ̃mɔɔ ji amɛ, ni atsuɔ amɛ ni amɛbasɔ̃mɔ mɛi ni nine baashɛ yiwalaheremɔ lɛ nɔ akɛ amɛgboshinii lɛ?

Yuda 1:14

Mɛnɛɛmɛi ahe ni Henok ni ba yɛ yinɔ ni ji kpawo mli kɛjɛ Adam nɔ lɛ gba yɛ akɛ, “Naa, Nuŋtsɔ lɛ miiba kɛ ekrɔŋkrɔŋbii akpei nyɔŋmanyɔŋmai abɔ

Kpojiemɔ 19:11

Ni mina ni agbele ŋwɛi naa, ni mina okpɔŋɔ yɛŋ, ni mɔ ni ta nɔ lɛ atsɛɔ lɛ akɛ Anɔkwafo kɛ Anɔkwayelɔ; ni jalɛ naa ekojoɔ ni ewuɔ ta yɛ.

Kpojiemɔ 4:1

Nii nɛɛ asɛɛ lɛ mikwɛ, ni naa, shinaa ko ni agbele yɛ ŋwɛi; ni klɛŋklɛŋ gbee ni minu ni tamɔ tɛtɛrɛmantɛrɛ ni kɛ mi wie lɛ kɛɛ, “Kwɔɔ kɛba biɛ nɛɛ, ni matsɔ̃ɔ bo nii ni sa akɛ aba mli yɛ nii nɛɛ asɛɛ.”