Yohane 1:49 - ŊMALƐ KRƆŊKRƆŊ LƐ

⁴⁹ Natanael here nɔ ni ekɛɛ lɛ akɛ, “Rabi, bo ji Nyɔŋmɔ Bi lɛ, bo ji Israel Maŋtsɛ lɛ.”

Ṅmãle̱ Kroṅkroṅ Le̱

⁴⁹ Natanael here no̱ ni ekē̱le̱ ake̱: Rabi, bo dši Nyoṅmo̱ bi le̱, bo dši Israel maṅtše̱ le̱. 2 Sam. 7,14. Lal. 2,7. Ioh. 6,69. Mat. 14,33; 16,16.

Yohane 1:49 ပူးပေါင်းရင်းမြစ်များ

Lalai 110:1

Yehowa kɛɛ minuŋtsɔ lɛ akɛ, “Ta mininejurɔ nɔ kɛyashi beyinɔ ni maŋɔ ohenyɛlɔi lɛ mafee onajiashi maaŋoo.”

Lalai 2:6

Ekɛɛ, “Miwo mimaŋtsɛ yɛ Zion, migɔŋ krɔŋkrɔŋ lɛ nɔ.”

Yesaia 9:7

Emaŋtsɛyeli lɛ shweremɔ kɛ edɛŋ toiŋjɔlɛ lɛ, esɛɛ efoŋ yɛ David maŋtsɛ sɛi lɛ nɔ, kɛ emaŋtsɛyeli hei fɛɛ. Ekɛ jalɛ saneyeli kɛ nɔ ni ja feemɔ baahã emaŋtsɛyeli lɛ ama shi kɛya naanɔ. Yehowa, Taiatsɛ lɛ, kɛ hiɛdɔɔ baafee enɛ.

Daniel 9:25

Na ole, ni onu shishi, akɛ kɛjɛ beyinɔ ni afã akɛ ayatswa Yerusalɛm maŋ lɛ kɛyaashi beyinɔ ni hiɛnyiɛlɔ ni Nyɔŋmɔ ehala, ni efɔ lɛ mu lɛ aaashɛ shi lɛ, afii kpawo toi kpawo baaho. Abaasaa atswa Yerusalɛm maŋ lɛ, ni abaasaa emli gbɛjegbɛi lɛ, ni abaasaa atswa egbogboi lɛ. Ebaahi shi nɛkɛ kɛyashi afii nyɔŋmai ekpaa kɛ enyɔ toi kpawo; shi nɛkɛ be nɛɛ baafee fimɔ bei.

Hosea 3:5

Kɛfee sɛɛ lɛ Israelbii baaku amɛsɛɛ, amɛaakpale, ni amɛaabatao Yehowa, amɛNyɔŋmɔ lɛ sɛɛgbɛ, amɛaabatao amɛmaŋtsɛ ni ji David shwie ko hu sɛɛgbɛ. Nakai be lɛ amɛkɛ gbeyeishemɔ aaaba Yehowa ŋɔɔ, ni eeejɔɔ amɛ kɛ nibii kpakpai yɛ naagbee bei lɛ amli.

Mika 5:2

Yehowa kɛɛ, “Betlehem Efrata, maji bibii fe fɛɛ ni yɔɔ Yuda shikpɔŋ lɛ nɔ lɛ ateŋ ekome ji bo, shi omli majie Israel nɔyelɔ kɛaajɛ. Nɔyelɔ nɛɛ weku kpãa aaajɛ blema beebe.”

Zefania 3:15

Yehowa efo otoigbalamɔ lɛ sɛɛ; eshwie ohenyɛlɔi lɛ fɛɛ kɛtee. Yehowa, Israel Maŋtsɛ lɛ, yɛ nyɛteŋ; nyɛsheŋ efɔŋ ko gbeyei dɔŋŋ!

Zakaria 9:9

Omli afili bo, bo Zion biyoo; Bɔɔ oshe waa, bo Yerusalɛm biyoo! Naa, omaŋtsɛ lɛ miiba oŋɔɔ; Eeba kɛ agbojee kɛ kunimyeli. Eta teji oblanyo ni ji teji yoo bi ko nɔ.

Mateo 14:33

Ni mɛi ni yɔɔ lɛlɛ lɛ mli lɛ bakoto lɛ amɛkɛɛ, “Nyɔŋmɔ Bi ji bo lɛɛlɛŋ!”

Mateo 2:2

“Nɛgbɛ Yudafoi amaŋtsɛ ni afɔ lɛ yɔɔ? Wɔna eŋulami lɛ yɛ bokã ni wɔba ni wɔbaja lɛ.”

Mateo 21:5

“Nyɛkɛa Zion biyoo lɛ akɛ, naa, omaŋtsɛ lɛ miiba oŋɔɔ. Ehe jɔ, ni eta teji nɔ kɛ teji ni ji nitsumɔ kooloo lɛ bi nɔ.”

Mateo 23:7

kɛ jaanɔ ŋamɔi, ni amɛsumɔɔ akɛ mɛi atsɛ amɛ ‘Tsɔɔlɔ!’

Mateo 23:8

Shi nyɛ lɛ, akatsɛ nyɛ ‘Tsɔɔlɔ’; ejaakɛ mɔ kome ji nyɛ-Tsɔɔlɔ; shi nyɛ fɛɛ lɛ, nyɛmimɛi ji nyɛ.

Mateo 27:11

Shi akɛ Yesu badamɔ Amralo lɛ hiɛ, ni Amralo lɛ bi lɛ akɛ, “Ani bo ji Yudafoi lɛ amaŋtsɛ lɛ?” Ni Yesu kɛɛ lɛ akɛ, “Okɛɛ.”

Mateo 27:42

“Mɛi krokomɛi ayiwala ehere, shi lɛ diɛŋtsɛ enɔ lɛ enyɛɛɛ ehere. Israel maŋtsɛ lɛ ji lɛ! Eje sɛŋmɔtso lɛ nɔ agbɛnɛ ekpeleke shi, ni wɔɔhe lɛ wɔye.

Mateo 4:3

Ni abonsam lɛ ba eŋɔɔ ebakɛɛ lɛ akɛ, “Kɛji Nyɔŋmɔ Bi ji bo lɛ, fã koni tɛi nɛɛ atsɔ̃mɔ aboloo.”

Marko 15:32

Kristo, Israel maŋtsɛ lɛ, aje sɛŋmɔtso lɛ nɔ akpeleke shi koo, koni wɔna ni wɔhe wɔye!” Ni mɛi ni asɛŋ afata ehe lɛ hu bɔ lɛ ahora.

Luka 1:35

Ni bɔfo lɛ to he ekɛɛ lɛ akɛ, “Mumɔ Krɔŋkrɔŋ aaaba onɔ. Ni Ŋwɛinyo lɛ hewalɛ aaabaha onɔ, No hewɔ lɛ, nakai bi krɔŋkrɔŋ lɛ hu ni ooofɔ lɛ, aaatsɛ lɛ Nyɔŋmɔ Bi.

Luka 19:38

amɛkɛɛ, “Ajɔɔ maŋtsɛ ni baa yɛ Nuŋtsɔ lɛ gbɛi mli lɛ! Hejɔlɛ yɛ ŋwɛi, ni anunyam yɛ ŋwɛi flooflo!”

Yohane 1:18

Nyɔŋmɔ lɛ, mɔ ko enako lɛ pɛŋ; Bi koome ni yɔɔ Tsɛ lɛ mlishi lɛ, lɛ ebajie lɛ shi etsɔ̃ɔ faŋŋ.

Yohane 1:34

Ni mina, ni miye he odase akɛ, Nyɔŋmɔ Bi lɛ nɛ.”

Yohane 1:38

Ni Yesu tsɔ̃ ehe, ni be ni ena akɛ amɛnyiɛ esɛɛ lɛ, ebi amɛ akɛ, “Mɛni nyɛtaoɔ?” Ni amɛkɛɛ lɛ akɛ, “Rabi” (eshishi ji: Tsɔɔlɔ), “Nɛgbɛ ohiɔ?”

Yohane 1:50

Yesu here nɔ ni ekɛɛ lɛ akɛ, “Ni mikɛɛ bo akɛ mina bo yɛ agbãmitso lɛ shishi lɛ hewɔ oheɔ oyeɔ nɛɛ? Ooona nii wuji ni fe enɛ.”

Yohane 18:37

No hewɔ lɛ, Pilato bi lɛ akɛ, “Belɛ maŋtsɛ ji bo kɛ̃?” Yesu here nɔ akɛ, “Okɛɛ; ejaakɛ maŋtsɛ ji mi. Mi lɛ, enɛ hewɔ afɔ mi, ni enɛ hewɔ nɔŋŋ miba je lɛ mli, koni mibaye anɔkwale lɛ he odase. Mɔ fɛɛ mɔ ni jɛ anɔkwale lɛ mli lɛ nuɔ migbee.”

Yohane 4:31

Shi no mli lɛ ekaselɔi lɛ kpa lɛ fai amɛkɛɛ, “Rabi, ye nɔ ko.”