Yohane 1:45 - ŊMALƐ KRƆŊKRƆŊ LƐ

⁴⁵ Filipo hu na Natanael, ni ekɛɛ lɛ akɛ, “Wɔna mɔ ni Mose ŋma ehe sane yɛ Mla lɛ mli, kɛ mɔ ni gbalɔi lɛ hu ŋma ehe sane lɛ, Yesu, Yosef bi ni jɛ Nazaret lɛ.”

Ṅmãle̱ Kroṅkroṅ Le̱

⁴⁵ Filipo hũ na Natanael, ni ekē̱le̱ ake̱: Wo̱na moni Mose ṅmã ehe sane ye̱ mla le̱ mli, ke̱ gbalo̱i le̱ hũ le̱, Iesu, Iosef bi ní dše̱ Nazaret le̱. 5 Mose 18,18. Ies. 7,14; 58,2. Ier. 23,5. Ezek. 34,23.

Yohane 1:45 ပူးပေါင်းရင်းမြစ်များ

1 Mose 22:18

Ni oshwiei lɛ amli aaajɛ ajɔɔ shikpɔŋ lɛ nɔ maji fɛɛ, ejaakɛ obo mi toi.’ ”

1 Mose 3:15

Mikɛ nyɛɛ aaaŋmɛ bo kɛ yoo lɛ teŋ, kɛ oshwiei kɛ eshwiei ateŋ. Eshwiei aaatswa oyitso nɔ, ni bo hu oshwiei aaakɔ̃ enane tsitsi.”

1 Mose 49:10

Maŋtsɛyeli ejeŋ Yuda dɛŋ, ni nɔyeli hu ejeŋ eshwiei adɛŋ; gbii abɔ ni jeŋmaji kɛ amɛ onia baa, ni amɛbaa amɛhe shi amɛhãa lɛ lɛ.

Yesaia 4:2

Nakai be lɛ Yehowa tso nine lɛ baafee fɛo, ni ebaashwere, ni shikpɔŋ lɛ nɔ nibaanii aaafee shwãanɔ kɛ nyam ahã Israelbii ni eje hiɛkpãtãmɔ lɛ mli lɛ.

Yesaia 53:2

Ejaakɛ ekwɛ̃ yɛ ehiɛ tamɔ tso fɔ, tamɔ tso shishi fã ni etsɛ̃ kɛjɛ shikpɔŋ gbiŋ mli. Ehe bɛ nyam lɛ, ebɛ su ko hu ni aaaha wɔkwɛ lɛ; ni ehe bɛ fɛo ko hu ni aaaha ehe afee wɔ akɔnɔ.

Yesaia 7:14

No hewɔ lɛ, Nuŋtsɔ lɛ diɛŋtsɛ baatsɔ̃ɔ nyɛ okadi. Naa, Oblayoo foro ko baana musu, ni ebaafɔ binuu, ni eeewo lɛ gbɛi Imanuel

Yesaia 9:6

Ejaakɛ afɔ bi ahã wɔ! Afɔ binuu ahã wɔ. Elumɔyeli kã ekɔŋ. Abaatsɛ lɛ “Naakpɛɛ Ŋaawolɔ,” “Nyɔŋmɔ Hewalɔ, Naanɔtsɛ, Hejɔlɛ Lumɔ.”

Mika 5:2

Yehowa kɛɛ, “Betlehem Efrata, maji bibii fe fɛɛ ni yɔɔ Yuda shikpɔŋ lɛ nɔ lɛ ateŋ ekome ji bo, shi omli majie Israel nɔyelɔ kɛaajɛ. Nɔyelɔ nɛɛ weku kpãa aaajɛ blema beebe.”

Zakaria 6:12

No sɛɛ lɛ, okɛɛ lɛ akɛ bɔ ni Yehowa, Taiatsɛ lɛ kɛɛ nɛ, ‘Naa, nuu lɛ ni egbɛi ji Tsonine lɛ, ebaada yɛ enajiaŋ, ni lɛ ebaama Yehowa Sɔlemɔ we lɛ.

Zakaria 9:9

Omli afili bo, bo Zion biyoo; Bɔɔ oshe waa, bo Yerusalɛm biyoo! Naa, omaŋtsɛ lɛ miiba oŋɔɔ; Eeba kɛ agbojee kɛ kunimyeli. Eta teji oblanyo ni ji teji yoo bi ko nɔ.

Mateo 10:3

Filipo kɛ Bartolomeo, Toma kɛ Mateo, tóohelɔ lɛ, Yakobo, Alfeo bi lɛ, kɛ Tadeo;

Mateo 13:55

Ani jeee ŋaalɔ lɛ bi lɛ nɛ? Ani jeee enyɛ atsɛɔ lɛ Maria lɛ, kɛ enyɛmimɛi hii ni ji Yakobo kɛ Yose kɛ Simon kɛ Yuda lɛ?

Mateo 2:23

Ni eba ebahi maŋ ko ni atsɛɔ lɛ Nazaret lɛ mli, koni nɔ ni gbalɔi lɛ wie lɛ aba mli akɛ, “Aaatsɛ lɛ Nazarenyo.”

Mateo 21:11

Shi asafoi lɛ kɛɛ, “Mɔ nɛ ji Yesu, gbalɔ lɛ ni jɛ Nazaret yɛ Galilea lɛ.”

Marko 14:67

ni be ni ena Petro ni eewere la lɛ, ekwɛ lɛ, ni ekɛɛ, “Te bo hu okɛ Yesu Nazarenyo lɛ yɔɔ?”

Marko 6:3

Ani jeee ŋaalɔ lɛ nɛ, Maria bi lɛ, kɛ Yakobo kɛ Yose kɛ Yuda kɛ Simon nyɛmi nuu lɛ, ni jeee enyɛmimɛi yei hu kɛ wɔ yɔɔ biɛ lɛ?” Ni ehe sane lɛ hã amɛnane tɔ̃tɔ̃.

Luka 18:37

Ni amɛkɛɛ lɛ akɛ, “Yesu Nazarenyo lɛ miiho.”

Luka 2:4

Ni Yosef hu jɛ Nazaret maŋ lɛ mli yɛ Galilea, ni etee David maŋ ni atsɛɔ lɛ Betlehem yɛ Yudea lɛ mli; ejaakɛ ejɛ David we kɛ eweku lɛ mli.

Luka 2:48

Be ni amɛna lɛ lɛ, amɛhe jɔ̃ amɛhe, ni enyɛ kɛɛ lɛ akɛ, “Mibi, mɛɛba ofee wɔ nakai? Naa, mi kɛ otsɛ etao bo kɛ tsuiyeli.”

Luka 24:27

Ni ebɔ̃i kɛjɛ Mose kɛ Gbalɔi lɛ fɛɛ nɔ, ni etsɔ̃ɔ amɛ nibii ni yɔɔ Ŋmalɛi lɛ fɛɛ mli yɛ ehe lɛ ashishi.

Luka 24:44

Ni ekɛɛ amɛ akɛ, “Enɛɛmɛi ji miwiemɔi ni mikɛ nyɛ wie be ni mikɛ nyɛ yɔɔ lolo lɛ, akɛ ja nibii fɛɛ ni aŋma yɛ Mose mla lɛ kɛ Gbalɔi lɛ kɛ Lalai lɛ amli yɛ mihe lɛ na ba mli.”

Luka 3:23

Be ni Yesu bɔ̃i enitsumɔ lɛ eye aaafee afii nyɔŋmai etɛ̃ ni tamɔ bɔ ni asusuɔ lɛ, eji Yosef bi, Heli bi,

Luka 4:22

Ni mɛi fɛɛ ye ehe odase, ni amɛnaa kpɛ amɛhe yɛ dromɔ wiemɔi ni jɛ enaa lɛ hewɔ, ni amɛkɛɛ, “Ani jeee Yosef bi lɛ nɛ?”

Yohane 1:44

Shi Filipo jɛ Betsaida, Andrea kɛ Petro maŋ lɛ mli.

Yohane 12:21

Mɛnɛɛmɛi ba Filipo ni jɛ Betsaida yɛ Galilea lɛ ŋɔɔ, ni amɛbakɛɛ lɛ akɛ, “Nuŋtsɔ, wɔmiitao akɛ wɔna Yesu.”

Yohane 14:8

Filipo kɛɛ lɛ akɛ, “Nuŋtsɔ, tsɔ̃ɔmɔ wɔ Tsɛ lɛ, ni no fa hã wɔ.”

Yohane 18:5

Amɛhere lɛ nɔ akɛ, “Yesu, Nazarenyo lɛ.” Yesu kɛɛ amɛ akɛ, “Mi nɛ.” Shi Yuda, mɔ ni yatsɔ̃ɔ esɛɛgbɛ lɛ hu kɛ amɛ damɔ shi.

Yohane 18:7

Kɛkɛ lɛ esaa ebi amɛ ekoŋŋ akɛ, “Namɔ nyɛtaoɔ?” Ni amɛkɛɛ, “Yesu, Nazarenyo lɛ.”

Yohane 19:19

Ni Pilato ŋma nɔ ko ekpɛtɛ sɛŋmɔtso lɛ yiteŋ; nɔ ni eŋma nɛ, “YESU NAZARENYO, YUDAFOI LƐ AMAŊTSƐ LƐ”.

Yohane 21:2

Simon Petro kɛ Toma ni atsɛɔ lɛ Didimo lɛ, kɛ Natanael ni jɛ Kana yɛ Galilea lɛ, kɛ Zebedeo bii lɛ, kɛ ekaselɔi lɛ ateŋ mɛi krokomɛi enyɔ hu yɛ he kome kutuu.

Yohane 6:42

ni amɛkɛɛ, “Ani jeee Yosef bi Yesu lɛ ni wɔle etsɛ kɛ enyɛ lɛ nɛ? Mɛɛba mɔ ekɛɔ akɛ, ‘Mijɛ ŋwɛi’ lɛ?”

Yohane 6:5

Yesu yaawo ehiɛ nɔ lɛ ena akɛ mɛi babaoo miiba eŋɔɔ, ni ebi Filipo akɛ, “Nɛgbɛ wɔɔyahe aboloo yɛ wɔhã mɛnɛɛmɛi amɛye?”

Yohane 6:7

Filipo here lɛ nɔ akɛ, “Denarioi ohai enyɔ naa aboloo shɛŋ amɛ, bɔ ni amɛteŋ mɔ fɛɛ mɔ aaana fioo ko.”

Bɔfoi 10:38

bɔ ni Nyɔŋmɔ kɛ Mumɔ Krɔŋkrɔŋ kɛ hewalɛ fɔ Yesu ni jɛ Nazaret lɛ mu, ni ekpaa shi efeɔ ekpakpa ni etsaa mɛi fɛɛ ni abonsam haoɔ amɛ lɛ, ejaakɛ Nyɔŋmɔ kɛ lɛ yɛ.

Bɔfoi 2:22

“Ataamɛi Israelbii, nyɛboa nɛkɛ wiemɔi nɛɛ atoi! Yesu Nazarenyo lɛ ji nuu ni Nyɔŋmɔ kɛ hewalɛ nitsumɔi kɛ naakpɛɛnii kɛ okadii ni etsɔ̃ enine nɔ efee yɛ nyɛteŋ lɛ ye ehe odase etsɔ̃ɔ nyɛ, tamɔ bɔ ni nyɛ diɛŋtsɛ nyɛle lɛ.

Bɔfoi 22:8

Ni mihere nɔ akɛ, ‘Bo namɔŋ, Nuŋtsɔ?’ Ni ekɛɛ mi akɛ, ‘Mi Yesu, Nazarenyo lɛ ni owaa lɛ yi lɛ ni.’

Bɔfoi 26:9

“Shi mi diɛŋtsɛ hu efee mi akɛ esa akɛ mafee nii pii kɛku Yesu Nazarenyo lɛ gbɛi lɛ naa;

Bɔfoi 3:6

Shi Petro kɛɛ, “Jwiɛtɛi kɛ shika lɛ mibɛ eko; shi nɔ ni miyɔɔ lɛ, no mikɛhãa bo nɛɛ, Yɛ Yesu Kristo, Nazarenyo lɛ, gbɛi mli lɛ, tee shi ni onyiɛ.”