Yohane 1:4 - ŊMALƐ KRƆŊKRƆŊ LƐ

⁴ Emli wala yɔɔ, ni wala lɛ ji gbɔmɛi ala lɛ;

Ṅmãle̱ Kroṅkroṅ Le̱

⁴ Emli wala yo̱, ni wala le̱ dši gbomei ala le̱; 5,26.

Yohane 1:4 ပူးပေါင်းရင်းမြစ်များ

Lalai 49:6

mɛi ni kɛ amɛhiɛ fɔ̃ɔ amɛninamɔ nɔ ni amɛshwãa akɛ amɛyɛ shika babaoo?

Lalai 84:11

Ejaakɛ Yehowa, Nyɔŋmɔ lɛ, hulu kɛ tsɛŋ fɛɛ ji lɛ; eduroɔ mɔ, ni ewoɔ mɔ hiɛ nyam. Mɛi ni feɔ nɔ ni ja gbɛ lɛ Yehowa kãmãaa amɛ nɔ kpakpa ko nɔ kpakpa ko.

Yesaia 42:16

Ni makpala shwilafoi kɛtsɔ̃ tɛmpɔŋi ni amɛtsɔ̃ko nɔ dã nɔ; mabu amɛhe kɛtsɔ̃ nanegbɛ ni aleee nɔ. Mahã amɛhiɛ duŋ lɛ atsɔ̃ la, ni hei ni yɔɔ dokoidokoi lɛ afee trɛnɛɛ. Nii nɛɛ mafee mahã amɛ, ni mikwaŋ amɛ.

Maleaki 4:2

Shi nyɛ mɛi fɛɛ ni sheɔ mi gbeyei lɛ, mihewalɛ lɛ baate shi tamɔ jalɛ hulu ahã nyɛ, ni eeetsa nyɛ. Nyɛaaje kpo kɛ nyamɔ kɛ tuumɔ tamɔ tsinabii ni agbele amɛ.

Mateo 4:16

Maŋ ni ta duŋ mli lɛ, ena la kpeteŋkple, ni mɛi ni tara gbele shikpɔŋ, kɛ ehɔ̃ɔŋ mli lɛ, la ete shi ehã amɛ!”

Luka 2:32

La ni aaahã jeŋmaji lɛ ahiɛ agbele, ni ewo omaŋ Israel hiɛ nyam lɛ.”

Yohane 11:25

Yesu kɛɛ lɛ akɛ, “Mi lɛ mi ji shitee lɛ kɛ wala lɛ; mɔ ni heɔ minɔ yeɔ lɛ, kɛji egbo tete lɛ, ehiɛ aaakã;

Yohane 12:35

Kɛkɛ lɛ Yesu kɛɛ amɛ akɛ, “Be kukuoo kɛkɛ eshwɛ ehã la lɛ yɛ nyɛteŋ. Gbii abɔ ni nyɛyɔɔ la lɛ nɛɛ, nyɛnyiɛa koni duŋ akabanina nyɛ; shi mɔ ni nyiɛɔ duŋ mli lɛ, eleee he ni eyaa.

Yohane 12:46

Mi lɛ miba je lɛ mli akɛ la, koni mɔ fɛɛ mɔ ni heɔ minɔ eyeɔ lɛ akahi duŋ lɛ mli.

Yohane 14:6

Yesu kɛɛ lɛ akɛ, “Mi ji gbɛ lɛ kɛ anɔkwale lɛ kɛ wala lɛ; mɔ ko baaa Tsɛ lɛ ŋɔɔ, akɛ ja etsɔ̃ minɔ.

Yohane 3:19

Shi kojomɔ lɛ nɛ, akɛ la lɛ eba je lɛ mli, ni gbɔmɛi sumɔɔ duŋ lɛ moŋ fe la lɛ, ejaakɛ amɛnitsumɔi lɛ efɔ̃ɔji ni;

Yohane 5:21

Ejaakɛ bɔ ni Tsɛ lɛ teɔ gbohii ashi ni ehãa amɛ wala lɛ, nakai nɔŋŋ Bi lɛ hu hãa mɛi ni esumɔɔ lɛ wala.

Yohane 5:26

Ejaakɛ bɔ ni Tsɛ lɛ yɔɔ wala yɛ lɛ diɛŋtsɛ emli lɛ, nakai nɔŋŋ ehã Bi lɛ wala yɛ lɛ diɛŋtsɛ emli.

Yohane 8:12

Kɛkɛ ni Yesu kɛ amɛ wie ekoŋŋ ekɛɛ, “Mi ji je lɛ mli la lɛ. Mɔ ni nyiɛɔ misɛɛ lɛ, enyiɛŋ duŋ mli gbi ko gbi ko, shi moŋ eeena wala la lɛ.”

Yohane 9:5

Gbii abɔ ni miyɔɔ je lɛ mli nɛɛ, je lɛ la ji mi.”

Bɔfoi 26:23

bɔ ni Kristo lɛ baana amanehulu, bɔ ni ebaatsɔ̃ klɛŋklɛŋ mɔ yɛ gbohiiashitee lɛ mli ni ebaajaje la lɛ he sane etsɔɔ maŋ lɛ kɛ jeŋmaji lɛ.”

1 Korintobii 15:45

Nakai aŋma hu akɛ, “Adam ni ji klɛŋklɛŋ gbɔmɔ lɛ tsɔ̃ susuma ni hiɛ kã;” naagbee Adam lɛ tsɔ̃ mumɔ ni hãa mɔ yi naa wala.

Efesobii 5:14

No hewɔ ni ekɛɛ, “Ohiɛ atsɛ̃, bo mɔ ni owɔɔ lɛ, ni ote shi kɛjɛ gbohii ateŋ ni Kristo aaatso ahã bo!”

Kolosebii 3:4

Be ni Kristo, mɔ ni ji wɔwala lɛ, aaapue lɛ, no lɛ nyɛ hu nyɛkɛ lɛ aaapue yɛ anunyam mli.

1 Yohane 1:1

Wala wiemɔ lɛ yɛ kɛjɛ shishijee. Wɔnu ni wɔna kɛ wɔhiŋmɛii, wɔkwɛ ni wɔniji etara he yɛ wala wiemɔ lɛ hewɔ.

1 Yohane 1:2

Ni wala lɛ jie ehe kpo etsɔ̃ɔ, ni wɔna, ni wɔyeɔ he odase ni wɔjajeɔ naanɔ wala lɛ, nɔ ni kɛ Tsɛ lɛ yɔɔ ni ejie ehe kpo etsɔ̃ɔ wɔ lɛ he sane wɔtsɔ̃ɔ nyɛ lɛ.

1 Yohane 5:11

Ni enɛ ji odase lɛ, akɛ Nyɔŋmɔ kɛ naanɔ wala ehã wɔ, ni nɛkɛ wala nɛɛ yɛ eBi lɛ mli.

Kpojiemɔ 22:1

Ni etsɔ̃ɔ mi walanu faa ni hiɛ kpɛlɛɔ tamɔ kristalo ni jɛ Nyɔŋmɔ kɛ Toobi lɛ maŋtsɛ sɛ̃i lɛ mli.

Kpojiemɔ 22:16

“Mi Yesu, mitsu mibɔfo lɛ koni ebaye nii nɛɛ ahe odase etsɔ̃ɔ nyɛ yɛ asafoi lɛ amli. Mi ji David shishifã lɛ kɛ eshwie lɛ, tooloo ni kpɛɔ lɛ.”