Yohane 1:38 - ŊMALƐ KRƆŊKRƆŊ LƐ

³⁸ Ni Yesu tsɔ̃ ehe, ni be ni ena akɛ amɛnyiɛ esɛɛ lɛ, ebi amɛ akɛ, “Mɛni nyɛtaoɔ?” Ni amɛkɛɛ lɛ akɛ, “Rabi” (eshishi ji: Tsɔɔlɔ), “Nɛgbɛ ohiɔ?”

Ṅmãle̱ Kroṅkroṅ Le̱

³⁸ Ni Iesu tšṍ ehe, ni beni ena ake̱ amenyie ese̱ le̱, ekē̱ame̱ ake̱: Meni nyetaoo̱? Ni ame̱kē̱le̱ ake̱: Rabi (ešišidši: Tšõlo̱), nẽgbe̱ ohĩo̱?

Yohane 1:38 ပူးပေါင်းရင်းမြစ်များ

1 Maŋtsɛmɛi 10:8

Ajɔɔ oŋamɛi kɛ otsuji nɛɛ ni sɔmɔɔ bo ni amɛboɔ onilee wiemɔi lɛ atoi daa lɛ.

Lalai 27:4

Nɔ koome mibiɔ yɛ Yehowa dɛŋ, ni no sɛɛgbɛ mitiuɔ: akɛ mahi shi yɛ Yehowa we lɛ, miwala gbii abɔ fɛɛ; ni mana Yehowa lɛ, ni makase nii hu yɛ eSɔlemɔ we lɛ.

Abe̱i 13:20

Mɔ ni kɛ nilelɔ nyiɛɔ lɛ, etsɔ̃ɔ nilelɔ; shi mɔ ni kɛ kwashiai bɔɔ lɛ eeena jaramɔ.

Abe̱i 3:18

Nilee lɛ wala tso ni hã mɛi ni kɛ amɛhe kpɛtɛɔ lɛ, ni mɛi ni hiɛ emli kpɛŋŋ lɛ, ajɔɔ amɛ.

Abe̱i 8:34

Ajɔɔ gbɔmɔ ni boɔ mi toi ni ebuɔ migboi lɛ anaa daa ní emɛɔ daa yɛ mishinai lɛ anaa lɛ.

Yāfó 5:19

Shi Ao! Yehowa, bo lɛ bo ji maŋtsɛ kɛyaa naanɔ; omaŋtsɛ sɛ̃i yɛ kɛjɛ yinɔ kɛyaa yinɔi fɛɛ.

Luka 10:39

Eyɛ nyɛmi yoo ko ni atsɛɔ lɛ Maria; enyɛmi yoo nɛɛ bata Yesu najianaa ni ebo ewiemɔ toi.

Luka 14:25

Be ko be ni mɛi pii kɛ lɛ nyiɛ lɛ, etsɔ̃ ehe ni ekɛɛ amɛ akɛ,

Luka 15:20

Ni ete shi ni eyiŋ eba etsɛ ŋɔɔ. Shi be ni enyiɛ shɔŋŋ kɛbaa lɛ, etsɛ na lɛ, ni emusuŋ tsɔ̃ lɛ, ni esha foi ni eyafua lɛ atuu, ni eshwɔshwɔɔ enaa.

Luka 19:5

Ni be ni Yesu shɛ jɛi lɛ, ewo ehiɛ nɔ ni ena lɛ, ni ekɛɛ lɛ akɛ, “Zakeo, ohe afee oya ni okpeleke shi, ejaakɛ owe lɛ sa akɛ mato ŋmɛnɛ.”

Luka 22:61

Ni Nuŋtsɔ lɛ tsɔ̃ ehe, ni ekwɛ Petro; ni Petro kai Nuŋtsɔ lɛ wiemɔ lɛ ni ekɛɛ lɛ akɛ, “Ŋmɛnɛ wuɔ naŋ agbɛɛ ni oookpa yɛ misɛɛ shii etɛ̃”, lɛ.

Luka 8:38

Shi nuu lɛ ni mumɔi fɔ̃ji lɛ eje emli lɛ kpa lɛ fai ni ekɛ lɛ ahi shi. Shi Yesu jie lɛ gbɛ ekɛɛ,

Yohane 1:37

Ni kaselɔi enyɔ lɛ nu ewiemɔ lɛ, ni amɛyanyiɛ Yesu sɛɛ.

Yohane 1:39

Ekɛɛ amɛ akɛ, “Nyɛbaa ni nyɛbakwɛa.” No hewɔ lɛ, amɛtee ni amɛyana he ni ehiɔ lɛ, ni amɛkɛ lɛ hi shi nakai gbi lɛ. Ni gbɛkɛ ŋmɛji ejwɛ mli ni.

Yohane 1:49

Natanael here nɔ ni ekɛɛ lɛ akɛ, “Rabi, bo ji Nyɔŋmɔ Bi lɛ, bo ji Israel Maŋtsɛ lɛ.”

Yohane 12:21

Mɛnɛɛmɛi ba Filipo ni jɛ Betsaida yɛ Galilea lɛ ŋɔɔ, ni amɛbakɛɛ lɛ akɛ, “Nuŋtsɔ, wɔmiitao akɛ wɔna Yesu.”

Yohane 18:4

Kɛkɛ lɛ, akɛni Yesu le nii fiaa ni baa enɔ lɛ, eje kpo ni ebi amɛ akɛ, “Namɔ nyɛtaoɔ?”

Yohane 18:7

Kɛkɛ lɛ esaa ebi amɛ ekoŋŋ akɛ, “Namɔ nyɛtaoɔ?” Ni amɛkɛɛ, “Yesu, Nazarenyo lɛ.”

Yohane 3:2

lɛ eba Yesu ŋɔɔ nyɔɔŋ, ni ebakɛɛ lɛ akɛ, “Rabi, wɔle akɛ tsɔɔlɔ ni jɛ Nyɔŋmɔ ŋɔɔ ba ji bo; ejaakɛ mɔ ko nyɛŋ afee okadii ni ofeɔ nɛɛ, akɛ ja Nyɔŋmɔ kɛ mɔ lɛ yɛ.”

Yohane 3:26

Ni amɛba Yohane ŋɔɔ ni amɛbakɛɛ lɛ akɛ, “Rabi, mɔ ni kɛ bo hi Yordan sɛɛ ni oye ehe odase lɛ, naa, lɛ diɛŋtsɛ eebaptisi, ni mɛi fɛɛ miiya eŋɔɔ.”

Yohane 4:31

Shi no mli lɛ ekaselɔi lɛ kpa lɛ fai amɛkɛɛ, “Rabi, ye nɔ ko.”

Yohane 6:25

Ni be ni amɛbana lɛ yɛ ŋshɔ lɛ sɛɛ lɛ, amɛbi lɛ akɛ, “Rabi, te be ni oba biɛŋ?”

Bɔfoi 10:21

Kɛkɛ ni Petro kpeleke shi, ni eyakɛɛ hii lɛ akɛ, “Naa, mi ji mɔ ni nyɛtaoɔ lɛ; mɛɛ sane hewɔ nyɛba?”

Bɔfoi 10:29

No hewɔ hu ni be ni atsu abatsɛ mi lɛ, mijieee naa ni miba nɛɛ. Ni agbɛnɛ miibi nyɛ, ‘Mɛɛ sane hewɔ nyɛbakpee mi nɛɛ?’ ”

Rut Wolo Lɛ 1:16

Shi Rut to he akɛ, “Kaahiɛ mi doo akɛ mishi bo, ni miku misɛɛ ni mifɔ̃ɔ osɛɛnyiɛmɔ! Shi he fɛɛ he ni oyaa lɛ matee, ni he ni oooyahi lɛ jɛi mahi. Omaŋ aaatsɔ̃ mimaŋ, ni oNyɔŋmɔ aaatsɔ mi hu miNyɔŋmɔ.