Yohane 1:29 - ŊMALƐ KRƆŊKRƆŊ LƐ

²⁹ Enɔ jetsɛremɔ lɛ Yohane na Yesu miiba eŋɔɔ ni ekɛɛ, “Naa Nyɔŋmɔ Toobi lɛ ni woɔ je lɛ esha lɛ kɛyaa lɛ!

Ṅmãle̱ Kroṅkroṅ Le̱

²⁹ Dšetše̱reno̱ le̱ Iohane na Iesu miba eṅõ ni ekē̱: Na, Nyoṅmo̱ tōbi le̱ ni wóo̱ dše le̱ he esa le̱ ke̱-yaä le̱! K. 36. Ies. 53,7.

Yohane 1:29 ပူးပေါင်းရင်းမြစ်များ

2 Mose 28:38

Nii nɛɛ ahi Aaron hiɛnaa tuuŋtu koni tɔ̃mɔi fɛɛ ni Israelbii lɛ etɔ̃ yɛ nikee lɛ hãmɔ mli lɛ akã Aaron nɔ.

Yesaia 53:10

“Eji Yehowa yiŋtoo akɛ atswa lɛ nɔ, ni apila lɛ. Kɛji eŋɔ ehe eshã afɔle yɛ esha hewɔ lɛ, ebaana shwiei ni ewala sɛɛ aaatsɛ, ni kɛtsɔ̃ lɛ enɔ lɛ, nɔ ni sa Yehowa hiɛ lɛ aaashwere.

Yesaia 53:11

Esusuma haomɔ lɛ hewɔ lɛ, eeena nii ni aaahã etsui anyɔ emli. Kɛtsɔ̃ mitsulɔ jalɔ lɛ nilee nɔ lɛ, eeehã aŋɔ mɛi babaoo akɛ jalɔi, ni eeetere amɛnishaianii lɛ.

Yesaia 53:7

Afee lɛ niseniianii, ni apiŋ lɛ, kɛ̃lɛ etswaaa esɛŋ. Bɔ ni too gwantɛŋbi ni akɛ lɛ yaa ayagbe lɛ, loo too gwantɛŋbi feɔ dioo yɛ ehetsɔikulɔi ahiɛ lɛ, nakai etswaaa esɛŋ lɛ.

Hosea 14:2

Nyɛkpalea kɛyaa Yehowa ŋɔɔ, nyɛyakpaa lɛ fai kɛ wiemɔi nɛɛ akɛ, “Kɛ efɔŋ ni wɔfee lɛ afa koni omɔ wɔfaikpamɔ nɛɛ mli, ni wɔɔkafo bo.

3 Mose 10:17

“Mɛɛba nyɛyeee esha afɔle lɛ yɛ he ko ni yɔɔ krɔŋkrɔŋ? Nɔ ko ni yɔɔ krɔŋkrɔŋ naakpa ji afɔle lɛ ni Yehowa kɛhã nyɛ koni nyɛkɛ kpãtã yɛ Yehowa hiɛ koni nyɛjie maŋ lɛ he esha lɛ kɛya lɛ.

Zakaria 13:1

“Nakai gbi lɛ nɔ lɛ abaagbele nu hiŋmɛi naa ahã David we lɛ kɛ mɛi ni yɔɔ Yerusalɛm lɛ, koni akɛfɔ amɛhe eshai kɛ amɛhe muji ashwie.”

4 Mose 18:1

Yehowa kɛɛ Aaron akɛ, “Bo kɛ obihii kɛ Levibii fɛɛ ji mɛi ayi ni sɔ̃ baatere kɛji abɔ musu yɛ Kpee Buu lɛ gbɛfaŋ; shi yɛ osɔfo nitsumɔi lɛ agbɛfaŋ lɛ bo kɛ obihii lɛ pɛ baatere sɔ̃ kɛji tɔ̃mɔ ko ba.

4 Mose 18:23

Levibii lɛ ji mɛi ni baatsu Kpee Buu lɛ he nii; ni kɛji nɔ ko tɔ̃ yɛ he lɛ sɔ̃yeli lɛ tere amɛ. Akpɔ nɛɛ akã shi daa ahã nyɛ kɛ nyɛshwiei. Levibii lɛ, amɛnaŋ gboshinii ko yɛ Israelbii lɛ ateŋ,

4 Mose 21:9

No hewɔ lɛ, Mose kɛ akɔɔble fee onufu, ni ekɛtsotsoro tso bloblo nɔ ni ekɛma shi. Mɔ fɛɛ mɔ ni onufui lɛ eko ekɔ̃ lɛ lɛ, ewoɔ ehiɛ nɔ ekwɛɔ akɔɔble onufu lɛ, ni eyi naa wala.

4 Mose 7:27

kɛ tsina oblanyo kome kɛ ojwɛni kome kɛ too gwantɛŋ binuu kome ni eye afi ni akɛ amɛ baashã shãa afɔle

4 Mose 7:39

tsina oblanyo kome kɛ ojwɛni kome kɛ too gwantɛŋ binuu kome ni eye afi ni akɛ amɛ baashã shãa afɔle

Mateo 1:21

ebaafɔ binuu, ni ooowo lɛ gbɛi akɛ Yesu, ejaakɛ lɛ ebaahere emaŋ lɛ yiwala kɛjɛ amɛhe eshai lɛ amli.”

Mateo 20:28

Tamɔ bɔ ni Gbɔmɔ Bi lɛ baaa ni asɔmɔ lɛ, shi eba sɔ̃ɔmɔ moŋ ni ekɛ esusuma lɛ ahã yɛ mɛi pii akpɔ̃mɔ hewɔ lɛ.”

Yohane 1:35

Asaŋ enɔ jetsɛremɔ lɛ Yohane kɛ ekaselɔi lɛ ateŋ mɛi enyɔ damɔ shi;

Yohane 1:36

ni be ni Yesu hoɔ lɛ, ekwɛ lɛ ni ekɛɛ, “Naa Nyɔŋmɔ Toobi lɛ!”

Yohane 1:43

Enɔ jetsɛremɔ lɛ Yesu miitao akɛ eyaa Galilea, ni ena Filipo; ni Yesu kɛɛ lɛ akɛ, “Nyiɛmɔ misɛɛ!”

Yohane 2:1

Enɔ gbii etɛ̃ lɛ akpee yoo yɛ Kana yɛ Galilea; ni Yesu nyɛ yɛ jɛi.

Yohane 3:16

“Ejaakɛ nɛkɛ Nyɔŋmɔ sumɔ je lɛ, akɛ eŋɔ eBi koome lɛ ehã, koni mɔ fɛɛ mɔ ni heɔ enɔ yeɔ lɛ hiɛ akakpãtã, shi moŋ ena naanɔ wala.

Yohane 4:42

ni amɛkɛɛ yoo lɛ akɛ, “Agbɛnɛ wɔmiihe wɔmiiye, jeee bo owiemɔ lɛ hewɔŋ dɔŋŋ; ejaakɛ wɔ diɛŋtsɛ wɔnu, ni wɔna wɔle akɛ, anɔkwale, mɔ nɛ ji je lɛ yiwalaherelɔ lɛ.”

Yohane 6:51

Mi ji aboloo ni hiɛ kã ni jɛ ŋwɛi ba lɛ; kɛji mɔ ko ye aboloo nɛɛ eko lɛ, ehiɛ aaakã kɛaatee naanɔ. Shi aboloo ni mikɛbaahã lɛ ji miheloo ni mikɛbaahã yɛ je lɛ wala hewɔ lɛ.”

Bɔfoi 13:39

mɔ nɛ mli lɛ mɔ fɛɛ mɔ ni heɔ yeɔ lɛ, abuɔ lɛ bem.

Bɔfoi 8:32

Shi ŋmalɛ lɛ he ni ekaneɔ lɛ nɛ, “Akpala lɛ kɛtee tamɔ too gwantɛŋ ni ayaagbe lɛ, ni bɔ ni too gwantɛŋbi feɔ dioo yɛ ehetsɔikulɔ hiɛ lɛ, nakai nɔŋŋ etswaaa esɛŋ.

1 Korintobii 15:3

Ejaakɛ saji ni he hiaa fe fɛɛ ni akɛhã mi ni mi hu mikɛhã nyɛ lɛ ji akɛ Kristo gbo yɛ wɔhe eshai lɛ ahewɔ yɛ ŋmalɛi lɛ anaa;

2 Korintobii 5:21

Ejaakɛ mɔ ni leee esha lɛ, wɔhewɔ lɛ ehã etsɔ̃ esha, koni wɔ lɛ wɔtsɔ̃mɔ Nyɔŋmɔ jalɛ yɛ emli.

Galatabii 1:4

Yesu Kristo ni kɛ lɛ diɛŋtsɛ ehe hã yɛ wɔhe eshai lɛ ahewɔ, koni ejie wɔ kɛjɛ jeŋ fɔ̃ŋ ni yɔɔ ŋmɛnɛŋmɛnɛ nɛɛ mli, yɛ Nyɔŋmɔ ni ji wɔTsɛ lɛ suɔmɔ naa lɛ.

Galatabii 3:13

Kristo kpɔ̃ wɔ kɛjɛ Mla lɛ loomɔ lɛ mli, akɛni etsɔ̃ loomɔ ehã wɔ lɛ, ejaakɛ aŋma akɛ, “Alomɔ mɔ fɛɛ mɔ ni tsotsoro tso nɔ lɛ;”

1 Timoteo 2:6

mɔ ni ŋɔ ehe ehã akɛ kpɔmɔ nɔ ehã mɛi fɛɛ. Enɛ ji odase ni aye yɛ be ni sa mli lɛ;

Tito 2:14

Lɛ ekɛ lɛ diɛŋtsɛ ehe hã yɛ wɔnajiaŋ, koni ekpɔ̃ wɔ kɛjɛ nɔtɔmɔ fɛɛ mli, ni etsuu wɔhe ehã ehe akɛ lɛ diɛŋtsɛ enɔ, maŋ ni hiɛ dɔɔ yɛ nitsumɔi kpakpai ahe lɛ.

Hebribii 1:3

Lɛ ji enunyam lɛ kpɛmɔ kɛ esu lɛ mfoniri lɛ, ni ekɛ lɛ diɛŋtsɛ ehewalɛ wiemɔ lɛ hiɛɔ nibii fɛɛ. Be ni ekɛ lɛ diɛŋtsɛ ehe etsuu wɔhe kɛjɛ wɔhe eshai lɛ amli lɛ, etee eyata shi yɛ anunyam-Tsɛ agbo lɛ nine jurɔ nɔ yɛ ŋwɛi,

Hebribii 2:17

No hewɔ lɛ, nibii fɛɛ gbɛfaŋ lɛ esa akɛ etamɔ enyɛmimɛi lɛ, koni etsɔ̃ mɔbɔnalɔ kɛ anɔkwa osɔfonukpa yɛ Nyɔŋmɔ hiɛ, koni ekpãtã ehã maŋ lɛ yɛ amɛhe eshai lɛ ahewɔ.

Hebribii 9:28

nakai nɔŋŋ Kristo hu, akɛni aŋɔ lɛ ahã shi kome koni etere mɛi pii ahe eshai kɛya lɛ, nɔ ni ji shii enyɔ lɛ eeeshi esha ebapue ehã mɛi ni kwɛɔ lɛ gbɛ lɛ ni ehere amɛyiwala.

1 Petro 1:19

shi moŋ Kristo, mɔ ni tamɔ Toobi ni he bɛ kpa loo ŋmamɔ nɔ ko lɛ lá ni jara wa lɛ akɛkpɔ̃ nyɛ.

1 Petro 2:24

Kristo diɛŋtsɛ etere wɔhe eshai lɛ yɛ egbɔmɔtso lɛ mli kɛtee sɛŋmɔtso lɛ nɔ, koni wɔfee tamɔ mɛi ni egboi yɛ esha gbɛfaŋ ni wɔhiɛ akamɔ yɛ jalɛ gbɛfaŋ lɛ; lɛ ehe faji akɛtsa nyɛ lɛ.

1 Petro 3:18

Ejaakɛ Kristo hu na amanehulu yɛ eshai ahewɔ shi kome, lɛ jalɔ lɛ yɛ mɛi ni ejaaa lɛ anajiaŋ, koni ekɛ wɔ aya Nyɔŋmɔ ŋɔɔ. Ni agbe lɛ yɛ heloo gbɛfaŋ moŋ, shi ahã lɛ wala yɛ mumɔ gbɛfaŋ.

1 Yohane 2:2

Lɛ ji wɔhe eshai lɛ ahe kpãtãmɔnɔ; shi jeee wɔnɔ lɛ kɛkɛ, shi moŋ jeŋ muu lɛ fɛɛ nɔ lɛ hu.

1 Yohane 3:5

Ni nyɛle akɛ Kristo jie ehe kpo, koni ewo wɔhe eshai kɛya; ni esha ko bɛ emli.

1 Yohane 4:10

Enɛ mli suɔmɔ lɛ yɔɔ, jeee akɛ wɔ ni wɔsumɔ Nyɔŋmɔ, shi moŋ lɛ ni esumɔ wɔ, ni etsu eBi lɛ akɛ ebafee wɔhe eshai lɛ ahe kpãtãmɔnɔ.

Kpojiemɔ 1:5

kɛ Yesu Kristo ni ji odasefonyo anɔkwafo lɛ, gbohii ateŋ kromɔbi kɛ shikpɔŋ lɛ nɔ maŋtsɛmɛi lɛ anɔyelɔ lɛ dɛŋ. Esumɔɔ wɔ, ni ekɛ lɛ diɛŋtsɛ elá etsuu wɔhe kɛjɛ wɔhe eshai lɛ amli,

Kpojiemɔ 12:11

Ni amɛ lɛ, amɛkɛ Toobi lɛ lá lɛ kɛ amɛ diɛŋtsɛ amɛdaseyeli wiemɔ lɛ eye enɔ kunim, ni amɛdɔɔɔ amɛwala he kɛyashi gbele mli tete.

Kpojiemɔ 13:8

Ni mɛi fɛɛ ni yɔɔ shikpɔŋ lɛ nɔ lɛ aaaja lɛ. Ja mɔ fɛɛ mɔ ni aŋma egbɛi kɛjɛ jeŋ shishijee yɛ Toobi ni agbe lɛ wala wolo lɛ mli lɛ kɛkɛ.

Kpojiemɔ 14:1

Ni mikwɛ, ni naa, Toobi lɛ damɔ Zion Gɔŋ lɛ nɔ, ni mɛi akpei oha kɛ nyɔŋmai ejwɛ kɛ ejwɛ ni aŋma egbɛi kɛ eTsɛ gbɛi yɛ amɛhiɛŋtsei anɔ fata ehe.

Kpojiemɔ 14:10

lɛ hu eeenu Nyɔŋmɔ mlifu dãa ŋmiiŋmi ni akɛwo emlifu kpulu lɛ mli lɛ eko, ni aaapiŋ lɛ yɛ la kɛ swɔɔ mli yɛ bɔfoi krɔŋkrɔŋi lɛ ahiɛ kɛ Toobi lɛ hiɛ.

Kpojiemɔ 14:4

Mɛnɛɛmɛi ji mɛi ni kɛ yei buleko amɛhe, ejaakɛ oblahii ni he tse ji amɛ, ni amɛnyiɛɔ Toobi lɛ sɛɛ kɛyaa he fɛɛ he ni eyaa lɛ. Mɛnɛɛmɛi ji mɛi ni akpɔ̃ kɛjɛ gbɔmɛi ateŋ akɛ klɛŋklɛŋ yibii kɛhã Nyɔŋmɔ kɛ Toobi lɛ.

Kpojiemɔ 15:3

Ni amɛla Nyɔŋmɔ tsulɔ Mose lala lɛ kɛ Toobi lɛ lala lɛ amɛkɛɛ, “Onitsumɔi lɛ dara ni amɛyɛ naakpɛɛ, Nuŋtsɔ Nyɔŋmɔ Ofe! Ogbɛi lɛ ja ni anɔkwale ni, bo jeŋmaji lɛ aMaŋtsɛ!

Kpojiemɔ 17:14

Amɛkɛ Toobi lɛ baawu, shi Toobi lɛ baaye amɛnɔ kunim, ejaakɛ lɛ ji Nuŋtsɔmɛi aNuŋtsɔ kɛ maŋtsɛmɛi aMaŋtsɛ lɛ, ni mɛi ni kɛ lɛ yɔɔ lɛ ji mɛi ni atsɛ kɛ mɛi ni ahala kɛ mɛi ni heɔ yeɔ lɛ.”

Kpojiemɔ 19:7

“Nyɛhãa wɔmii ashɛa ni wɔmli afilia wɔ ni wɔwo ehiɛ nyam! Ejaakɛ Toobi lɛ yookpeemɔ lɛ eshɛ, ni eŋa lɛ esaa ehe eto.

Kpojiemɔ 19:9

Ni ekɛɛ mi akɛ, “Ŋmaa, Ajɔɔ mɛi ni atsɛ amɛ kɛba Toobi lɛ yookpeemɔ okplɔ̃ lɛ he lɛ.” Ni ekɛɛ mi akɛ, “Nyɔŋmɔ anɔkwa wiemɔi nɛ.”

Kpojiemɔ 21:14

Ni maŋ lɛ gbogbo lɛ yɛ shishitoi nyɔŋma kɛ enyɔ, ni Toobi lɛ bɔfoi nyɔŋma kɛ enyɔ lɛ agbɛii yɛ amɛnɔ.

Kpojiemɔ 21:27

Ni nɔ ko nɔ ko ni he tseee kɛ mɔ ni feɔ nihiinii kɛ mɔ ni maleɔ boteŋ mli kwraa akɛ ja mɛi ni aŋma amɛgbɛi yɛ Toobi lɛ wala wolo lɛ mli lɛ kɛkɛ.

Kpojiemɔ 21:9

Ni bɔfoi kpawo ni hiɛ tɔi kpawo ni eyimɔ obɔ̃bɔ̃ kɛ naagbee haomɔi kpawo lɛ ateŋ mɔ kome ba miŋɔɔ ni ekɛ mi bawie ekɛɛ, “Ba, ni matsɔ̃ bo ayɛmforo lɛ ni ji Toobi lɛ ŋa lɛ.”

Kpojiemɔ 5:6

Ni mikwɛ, ni naa, maŋtsɛ sɛ̃i lɛ kɛ hiɛkãalɔi ejwɛ lɛ teŋ kɛ onukpai nyɔŋmai enyɔ kɛ ejwɛ lɛ teŋ lɛ, Toobi ko damɔ shi tamɔ nɔ ni agbe lɛ, ni eyɛ akloŋtoi kpawo kɛ hiŋmɛii kpawo ni ji Nyɔŋmɔ mumɔi kpawo lɛ ni atsu kɛtee shikpɔŋ lɛ fɛɛ nɔ lɛ.

Kpojiemɔ 5:8

Ni be ni ehe wolo lɛ, hiɛkãalɔi ejwɛ lɛ kɛ onukpai nyɔŋmai enyɔ kɛ ejwɛ lɛ ho gbee shi yɛ Toobi lɛ hiɛ, ni amɛteŋ mɔ fɛɛ mɔ hiɛ saŋku kɛ shika tɔi kɛ amɛmli tsofaikɛŋma obɔ̃bɔ̃ ni ji krɔŋkrɔŋbii lɛ asɔlemɔi lɛ.

Kpojiemɔ 6:1

Ni mina akɛ Toobi lɛ tse naasɔomɔi kpawo lɛ ekome; ni minu ni hiɛkãalɔi ejwɛ lɛ ateŋ mɔ kome kɛ gbee ni tamɔ nyɔŋmɔshimɔ gbee kɛɛ, “Ba!”

Kpojiemɔ 6:16

ni amɛkɛɛ gɔji lɛ kɛ tɛsai lɛ akɛ, “Nyɛbagbea wɔnɔ ni nyɛtea wɔnɔ ni wɔkana mɔ ni ta maŋtsɛ sɛ̃i lɛ nɔ lɛ hiɛ kɛ Toobi lɛ mlifu lɛ!

Kpojiemɔ 7:14

Ni mikɛɛ lɛ akɛ, “Minuŋtsɔ, bo ole” Ni ekɛɛ mi akɛ, “Mɛnɛɛmɛi ji mɛi ni jɛ amanehulu kpeteŋkple lɛ mli lɛ, ni amɛfɔ amɛtadei lɛ ahe, ni amɛhã eyɛ futaa yɛ Toobi lɛ lá lɛ mli.

Kpojiemɔ 7:17

ejaakɛ Toobi lɛ ni yɔɔ maŋtsɛ sɛ̃i lɛ teŋ lɛ aaalɛ amɛ, ni eeetsɔ̃ɔ amɛ gbɛ kɛaatee wala nubui ahe. Ni Nyɔŋmɔ aaatsumɔ amɛhiɛiaŋ yaafonui fɛɛ.”