Yohane 1:19 - ŊMALƐ KRƆŊKRƆŊ LƐ

¹⁹ Ni enɛ ji Yohane odase ni eye be ni Yudafoi lɛ tsu osɔfoi kɛ Levibii kɛjɛ Yerusalɛm ni amɛbabi lɛ akɛ, “Namɔ ji bo?” lɛ.

Ṅmãle̱ Kroṅkroṅ Le̱

¹⁹ Ni ene̱ dši Iohane odase ní eye, beni Iudafoi le̱ tšũ oso̱foĩ ke̱ Levifoi ke̱-dše̱ Ierusalem ni ame̱babile̱ ake̱: Namo dšio? le̱. Luk. 3,15. 16.

Yohane 1:19 ပူးပေါင်းရင်းမြစ်များ

Yohane 1:7

Eba odaseyeli, ni ebaye la lɛ he odase koni mɛi fɛɛ atsɔ̃ enɔ ahe aye.

Yohane 10:24

Kɛkɛ ni Yudafoi lɛ babɔle ehe, ni amɛkɛɛ lɛ akɛ, “Mɛɛ beyinɔ nɔŋŋ ooohã wɔyiŋ afee wɔ kɔshikɔshi kɛyashi? Kɛ bo ji Kristo lɛ, kɛɛmɔ wɔ faŋŋ.”

Yohane 10:31

Kɛkɛ ni Yudafoi lɛ kɔlɔ tɛi ekoŋŋ akɛ amɛbaatswia lɛ.

Yohane 11:19

Ni Yudafoi lɛ ateŋ mɛi pii eba Marta kɛ Mariamɛi aŋɔɔ, koni amɛbaye amɛ ŋkɔmɔ yɛ amɛnyɛmi nuu lɛ hewɔ.

Yohane 2:18

Kɛkɛ ni Yudafoi lɛ bi lɛ akɛ, “Mɛɛ okadi okɛtsɔ̃ɔ wɔ akɛ oyɛ hegbɛ akɛ ofeɔ enɛɛmɛi nɛɛ?”

Yohane 2:20

Kɛkɛ lɛ Yudafoi lɛ kɛɛ, “Afii nyɔŋmai ejwɛ kɛ ekpaa akɛma Sɔlemɔtsu nɛɛ, ni bo lɛ gbii etɛ̃ okɛaama lo?”

Yohane 5:10

No hewɔ lɛ, Yudafoi lɛ kɛɛ mɔ ni atsa lɛ akɛ, “hejɔɔmɔ gbi nɛ, obɛ hegbɛ akɛ otereɔ osaa.”

Yohane 5:15

Nuu lɛ yiŋ etee ni eyagba Yudafoi lɛ akɛ Yesu ji mɔ ni tsa lɛ lɛ.

Yohane 5:16

No hewɔ lɛ, Yudafoi lɛ jie amɛhiɛ amɛka Yesu, ejaakɛ hejɔɔmɔ gbi lɛ nɔ efee nii nɛɛ.

Yohane 5:18

No hewɔ titri Yudafoi lɛ taoɔ lɛ agbe lɛ, ejaakɛ jeee akɛ ebule hejɔɔmɔ gbi lɛ kɛkɛ, shi asaŋ etsɛ Nyɔŋmɔ akɛ lɛ diɛŋtsɛ eTsɛ, ni efee ehe akɛ mɔ ko ni kɛ Nyɔŋmɔ ye hegbɔ.

Yohane 6:41

Kɛkɛ ni Yudafoi lɛ wie ehe huhuuhu akɛ ekɛɛ akɛ, “Mi ji aboloo ni jɛ ŋwɛi lɛ;”

Yohane 6:52

No hewɔ lɛ, Yudafoi lɛ taataa naa yɛ amɛteŋ amɛkɛɛ, “Te mɔ nɛ baafee tɛŋŋ ni enyɛ ekɛ eheloo ahã wɔ ni wɔyeŋ?”

Yohane 7:1

Enɛ sɛɛ lɛ, Yesu kpa shi yɛ Galilea. Esumɔɔɔ akɛ eyakpaa shi yɛ Yudea, ejaakɛ Yudafoi lɛ miitao lɛ agbe.

Yohane 7:11

Agbɛnɛ Yudafoi lɛ bɔ̃i lɛ taomɔ yɛ gbijurɔ lɛ nɔ, ni amɛkɛɛ, “Nɛgbɛ eyɔɔ?”

Yohane 7:15

Ni Yudafoi lɛ anaa kpɛ amɛhe ni amɛkɛɛ, “Te mɔ nɛ ni ekaseko nii lɛ fee tɛŋŋ ni ele woji amli nii nɛkɛ?”

Yohane 8:22

No hewɔ lɛ, Yudafoi lɛ kɛɛ, “Ani eyaagbe ehe hewɔ ekɛɔ akɛ, ‘he ni miyaa lɛ, nyɛnyɛŋ jɛi nyɛba’ lɛ?”

Yohane 8:48

Yudafoi lɛ here nɔ ni amɛkɛɛ lɛ akɛ, “Ani jeee gbɛnaa wɔkɛɔ akɛ Samarianyo ji bo, ni mumɔ fɔŋ hu yɛ omli lɛ?”

Yohane 8:52

Kɛkɛ ni Yudafoi lɛ kɛɛ lɛ akɛ, “Kpaako wɔna wɔle akɛ mumɔ fɔŋ yɛ omli. Abraham gbo, ni gbalɔi lɛ hu gboi, ni bo lɛ okɛɔ akɛ, ‘Kɛji mɔ ko ye miwiemɔ lɛ nɔ lɛ, esaŋ enaa gbele gbi ko gbi ko kɛaatee naanɔ.’

Yohane 8:57

Kɛkɛ lɛ Yudafoi lɛ kɛɛ lɛ akɛ, “Onako oye afii nyɔŋmai enumɔ, ni ona Abraham lo?”

Bɔfoi 13:25

Ni be ni Yohane egbe enitsumɔ lɛ naa etã lɛ, ekɛɛ, ‘Namɔ nyɛsusuɔ akɛ mi ji? Jeee mi ji lɛ; shi naa, mɔ ko miiba yɛ misɛɛ ni misaaa mɔ ni fɛneɔ etokotai yɛ enaji.’

Bɔfoi 19:4

Ni Paulo kɛɛ, “Yohane baptisimɔ lɛ, ekɛbaptisi mɛi ni etsake amɛtsui; shi ekɛɛ maŋ lɛ akɛ, amɛhe mɔ ni baa yɛ esɛɛ lɛ moŋ nɔ amɛye; lɛ ji Kristo Yesu lɛ.”

5 Mose 24:8

“Kɛji hewolo nɔ hela gbonyo ko mɔ mɔ ko lɛ, ekwɛ ni ahi, ni ejwɛŋ nɔ, ni efee bɔ ni osɔfoi ni ji Levibii lɛ aaatsɔ̃ɔ lɛ akɛ efee lɛ pɛpɛɛpɛ. Nyɛjwɛŋa nɔ, ni nyɛfea bɔ ni mitsɔ̃ɔ osɔfoi lɛ pɛpɛɛpɛ.

1 Yohane 1:5

Ni enɛ ji sane lɛ ni wɔnu kɛjɛ ebi lɛ ŋɔɔ ni wɔsaa wɔjajeɔ wɔtsɔ̃ɔ nyɛ lɛ. No ji akɛ Nyɔŋmɔ lɛ, là ji lɛ, ni duŋ ko kwraa bɛ emli,