Yohane 1:18 - ŊMALƐ KRƆŊKRƆŊ LƐ

¹⁸ Nyɔŋmɔ lɛ, mɔ ko enako lɛ pɛŋ; Bi koome ni yɔɔ Tsɛ lɛ mlishi lɛ, lɛ ebajie lɛ shi etsɔ̃ɔ faŋŋ.

Ṅmãle̱ Kroṅkroṅ Le̱

¹⁸ Nyoṅmo̱ le̱, *moko enakole̱ pẽṅ; †bi kōme ní yo̱ tše̱ le̱ mliši le̱, le̱ ebadšiele̱ ši etšṍ faṅṅ. *6,46. 1 Ioh. 4,12. †Mat. 11,27.

Yohane 1:18 ပူးပေါင်းရင်းမြစ်များ

1 Mose 16:13

Hagar bi ehe akɛ, “Ani mina Nyɔŋmɔ lɛɛlɛŋ ni fɛɛ sɛɛ lɛ mihiɛ kã lolo nɛɛ?” No hewɔ lɛ, etsɛ Yehowa mɔ ni kɛ lɛ wie lɛ akɛ, “Nyɔŋmɔ ni naa mi.”

1 Mose 18:33

Be ni Nyɔŋmɔ kɛ Abraham wie etã lɛ, Nyɔŋmɔ yiŋ etee ni Abraham ku esɛɛ kɛba shĩa.

2 Mose 23:21

Nyɛkwɛa ni ahia yɛ egbɛfaŋ, ni nyɛyea ewiemɔ nɔ. Nyɛkatsea ehiɛ atua; ekɛ ewiemɔ lɛ nɔtɔmɔ ekeŋ nyɛ, ejaakɛ ehiɛ mihewalɛ.

2 Mose 24:10

ni amɛyana Israel Nyɔŋmɔ lɛ. Amɛna ni enanemaahei lɛ efee tamɔ he ko ni akɛ safiro tɛ eka; safiro tɛ nɛɛ mlitsemɔ lɛ enɔ bɛ shikpɔŋ nɛɛ nɔ.

Abe̱i 8:30

miyɛ emasɛi akɛ ŋaawolɔ. Ni mi ji emiishɛjelɔ daa. Ni mimii shɛɔ mihe yɛ ehiɛ.

Yesaia 40:11

Eeelɛ etooku lɛ tamɔ tookwɛlɔ; eeehiɛ etoobii lɛ yɛ ekpɔkɔiaŋ; Eeeloo amɛ eshãkã etsitsiŋ ni eeekpala toonyɛmɛi lɛ blɛoo.

Yāfó 2:12

Amɛmiifo amɛmiitsɛ amɛnyɛmɛi akɛ, “Nɛgbɛ aboloo kɛ wain yɔɔ?” Be mli ni amɛtɔtɔɔ biti, tamɔ pilafoi yɛ maŋ lɛ blohui amli, ni amɛnyɔnyɔi yɛ amɛnyɛmɛi lɛ akpɔkɔiaŋ lɛ?

4 Mose 12:8

No hewɔ lɛ, lɛ lɛ, mikɛ lɛ wieɔ hiɛ kɛ hiɛ faŋŋ; shi jeee yɛ abɛbuai amli; ni enaa mi, Yehowa, misu. Mɛɛba nyɛsheee gbeyei, ni nyɛwie nyɛshi mitsulɔ Mose lɛ?”

Mateo 11:27

MiTsɛ etu nii fɛɛ ewo midɛŋ; ni mɔ ko mɔ ko leee Bi lɛ, akɛ ja Tsɛ lɛ kɛkɛ, asaŋ Tsɛ lɛ hu, mɔ ko mɔ ko leee lɛ, akɛ ja Bi lɛ, kɛ mɔ ni Bi lɛ sumɔɔ akɛ ejieɔ lɛ kpo etsɔ̃ɔ lɛ lɛ.”

Luka 10:22

“MiTsɛ etu nii fɛɛ ewo midɛŋ, ni mɔ ko leee mɔ ni ji Bi lɛ, ja Tsɛ lɛ, kɛ mɔ ni ji Tsɛ lɛ hu, ja Bi lɛ kɛ mɔ ni Bi lɛ sumɔɔ akɛ ejie lɛ kpo etsɔ̃ɔ lɛ.”

Yohane 1:14

Ni Wiemɔ lɛ tsɔ̃ gbɔmɔ adesa, ni ebahi shi yɛ wɔteŋ, ni wɔna enunyam lɛ akɛ Tsɛ lɛ Bi koome lɛ anunyam, ni dromɔ kɛ anɔkwale eyi lɛ obɔ̃.

Yohane 12:41

Nii nɛɛ Yesaia kɛɛ, ejaakɛ ena enunyam lɛ, ni ewie ehe.

Yohane 13:23

Shi kaselɔi lɛ ateŋ mɔ kome ni Yesu sumɔɔ lɛ ta emasɛi kpaakpa yɛ okplɔ̃ lɛ he.

Yohane 14:9

Yesu kɛɛ lɛ akɛ, “Kɛjɛ jeeŋmɔ ni mikɛ nyɛ yɔɔ nɛɛ, oleko mi lolo, Filipo? Mɔ ni ena mi lɛ, ena Tsɛ lɛ, ni te feɔ tɛŋŋ ni okɛɔ akɛ ‘Tsɔ̃ɔmɔ wɔ Tsɛ lɛ?’

Yohane 17:26

ni mijie ogbɛi lɛ kpo mitsɔ̃ɔ amɛ, ni masaa majie lɛ kpo matsɔ̃ɔ, koni suɔmɔ ni okɛsumɔ mi lɛ ahi amɛmli, ni mi hu mahi amɛmli.”

Yohane 17:6

“Mijie ogbɛi lɛ shi mitsɔ̃ɔ gbɔmɛi ni okɛhã mi kɛjɛ je lɛŋ lɛ. Onii ji amɛ, ni okɛ amɛ hã mi, ni amɛye owiemɔ lɛ nɔ.

Yohane 3:11

Miikɛɛ bo anɔkwale akɛ, nɔ ni wɔle lɛ, no wɔwieɔ; ni nɔ ni wɔna lɛ, no he odase wɔyeɔ; shi nyɛŋɔɔɔ wɔdase lɛ.

Yohane 6:46

Jeee akɛ mɔ ko ena Tsɛ lɛ pɛŋ, ja mɔ ni jɛ Nyɔŋmɔ ŋɔɔ lɛ; lɛ ena Tsɛ lɛ.

2 Korintobii 4:4

amɛ ji mɛi amli ni je nɛɛ mli nyɔŋmɔ lɛ eshwila mɛi ni heee yeee lɛ ajwɛŋmɔi lɛ yɛ, koni Kristo ni ji Nyɔŋmɔ subaŋ lɛ anunyam Sanekpakpa la lɛ akakpɛ miihã amɛ.

5 Mose 4:12

Nyɛgbaa amɛ bɔ ni Yehowa kɛ nyɛ wie kɛjɛ la lɛ mli; bɔ ni nyɛnu wiemɔi lɛ shi nyɛnaaa lɛ diɛŋtsɛ kwraa, fe akɛ egbee lɛ kɛkɛ nyɛnu;

Kolosebii 1:15

Kristo ji Nyɔŋmɔ ni anaaa lɛ subaŋ, lɛ enɔ atsɔ abɔ nii fɛɛ.

1 Timoteo 1:17

Shi naanɔi aMaŋtsɛ lɛ, mɔ ni gbooo, mɔ ni anaaa, mɔ ni ji Nyɔŋmɔ kome lɛ, aŋɔ woo kɛ anunyam ahã kɛyashi naanɔi anaanɔ. Amen!

1 Timoteo 6:16

Lɛ ekome eyɔɔ naanɔ shihilɛ ni gbele bɛ mli, ni ehiɔ la ni anyɛŋ abɛŋkɛ mli; gbɔmɔ ko gbɔmɔ ko enako lɛ dã, ni enyɛŋ lɛ ena hu lɛ. Enɔ ji woo kɛ naanɔ hewalɛ lɛ. Amen!

Yoshua 5:13

Be ni Yoshua ebɛŋkɛ Yeriko lɛ, gbi ko trukaa eyaawo ehiɛ nɔ lɛ, naa nuu ko damɔ ehiɛ ni egbala eklante ehiɛ. Yoshua tsi bɛŋkɛ nuu lɛ, ni ebi lɛ akɛ, “Wɔgbɛfaŋ oyɔɔ aloo wɔhenyɛlɔi lɛ agbɛfaŋ?”

1 Yohane 4:12

Nyɔŋmɔ lɛ mɔ ko enako lɛ pɛŋ. Kɛji wɔsumɔɔ wɔhe lɛ, Nyɔŋmɔ hiɔ wɔmli, ni esuɔmɔ lɛ yeɔ emuu yɛ wɔmli.

1 Yohane 4:20

Kɛji mɔ ko kɛɛ akɛ, “Miisumɔ Nyɔŋmɔ,” ni enyɛɔ enyɛmi lɛ, amalelɔ ji lɛ. Ejaakɛ mɔ ni sumɔɔɔ enyɛmi ni enaa lɛ lɛ, Nyɔŋmɔ ni enaaa lɛ lɛ, te aaafee tɛŋŋ ni eeenyɛ lɛ esumɔ hu?

1 Yohane 4:9

Enɛ mli Nyɔŋmɔ suɔmɔ ni ekɛsumɔɔ wɔ lɛ jeɔ kpo yɛ, Nyɔŋmɔ tsu lɛ diɛŋtsɛ eBi koome lɛ kɛba je lɛ mli, koni wɔtsɔ̃ enɔ wɔna wala.

1 Yohane 5:20

Wɔle akɛ Nyɔŋmɔ Bi lɛ eba, ni ehã wɔ jwɛŋmɔ koni wɔle anɔkwafo lɛ. Ni wɔyɛ anɔkwafo lɛ mli, yɛ eBi Yesu Kristo lɛ mli, mɔ ni ji anɔkwa Nyɔŋmɔ lɛ kɛ naanɔ wala lɛ.