Yohane 1:16 - ŊMALƐ KRƆŊKRƆŊ LƐ

¹⁶ Ejaakɛ ebɔ̃yimɔ lɛ mli jɛ ni wɔ fɛɛ wɔna dromɔ wɔshi dromɔ nɔ.

Ṅmãle̱ Kroṅkroṅ Le̱

¹⁶ Edšake̱ *ebõyimo̱ le̱ mli dše̱ ni wofẽ woná, dromo̱ woši dromo̱ no. *3,34. Kol. 1,19.

Yohane 1:16 ပူးပေါင်းရင်းမြစ်များ

Lalai 84:7

Amɛnyiɛɔ ni amɛhewalɛ nɔ gbɔɔɔ; amɛyanaa nyɔŋmɔi amli Nyɔŋmɔ lɛ yɛ Zion.

Zakaria 4:7

Shi bo gɔŋ kpeteŋkple, mɛni mli oyɔɔ? Obaatsɔ ŋa kplanaa yɛ Zerubabel hiɛ. Ebaakɔ oyiteŋ tɛ lɛ diɛŋtsɛ kɛba, ni aaabɔ oshe kɛaaba akɛ, “Dromɔ, dromɔ naa sɔŋŋ kɛkɛ.”

Mateo 13:12

Ejaakɛ mɔ fɛɛ mɔ ni yɔɔ nɔ ko lɛ aaahã lɛ ni ena kɛteke nɔ; shi mɔ fɛɛ mɔ ni bɛ nɔ ko lɛ, nɔ ni eyɔɔ tete lɛ, aaashɔ̃ yɛ edɛŋ.

Mateo 3:11

Mi lɛ, nu mikɛbaptisiɔ nyɛ hã tsuitsakemɔ; shi mɔ ni baa yɛ misɛɛ lɛ, ehe wa fe mi; etokotai tete misaaa mɔ ni hiɛɔ. Lɛ eeebaptisi nyɛ kɛ Mumɔ Krɔŋkrɔŋ kɛ la.

Mateo 3:14

Shi Yohane tsi lɛ gbɛ ekɛɛ, “Mi moŋ ni ehia mi akɛ bo obaptisiɔ mi lɛ, ni bo obaa miŋɔɔ nɛɛ?”

Luka 21:15

ejaakɛ mahã nyɛ naabu kɛ nilee ni nyɛhenyɛlɔi lɛ fɛɛ nyɛŋ naa adamɔ ni amɛnyɛŋ naa amɛku hu.

Yohane 3:34

Ejaakɛ mɔ ni Nyɔŋmɔ tsu lɛ, Nyɔŋmɔ wiemɔi ewieɔ; ejaakɛ jeee susumɔ Nyɔŋmɔ susuɔ Mumɔ lɛ ehãa lɛ.

Romabii 5:17

Ejaakɛ kɛ mɔ kome shigbeemɔ lɛ hewɔ jɛ ni gbele tsɔ̃ nakai mɔ kome lɛ nɔ ye maŋtsɛ lɛ, belɛ mɛi ni ena dromɔ kɛ jalɛ nɔkeenɔ ni fa kɛteke nɔ lɛ aaatsɔ̃ mɔ kome ni ji Yesu Kristo lɛ nɔ aye maŋtsɛ yɛ wala mli aahu.

Romabii 5:2

Lɛ enɔ wɔtsɔ̃ ni wɔkɛ hemɔkɛyeli lɛ ena gbɛ hu kɛba dromɔ ni wɔyɔɔ mli nɛɛ mli, ni wɔnyaa yɛ Nyɔŋmɔ anunyam lɛ ni wɔhiɛ kã nɔ lɛ hewɔ.

Romabii 5:20

Shi Mla lɛ babote mli koni nɔtɔmɔ lɛ afa kɛteke nɔ. Shi he ni esha fa yɛ lɛ, dromɔ lɛ fa kɛteke nɔ yɛ jɛi,

Romabii 8:9

Nyɛhiii shi yɛ heloo naa, shi moŋ mumɔ naa nyɛhiɔ shi yɛ, kɛji Nyɔŋmɔ Mumɔ lɛ hiɔ nyɛmli lɛ. Shi kɛ mɔ ko bɛ Kristo Mumɔ lɛ, belɛ jeee Kristo nɔ ji lɛ.

Efesobii 1:23

ni ji egbɔmɔtso lɛ kɛ lɛ mɔ ni ewoɔ mɛi fɛɛ obɔ̃ yɛ nii fɛɛ mli lɛ obɔ̃yimɔ lɛ.

Efesobii 3:19

Ni nyɛle esuɔmɔ ni teke nilee fɛɛ lɛ, koni Nyɔŋmɔ obɔ̃yimɔ lɛ ayimɔ nyɛ fɛɛ obɔ̃bɔ̃.

Kolosebii 1:19

Ejaakɛ Nyɔŋmɔ sumɔ akɛ lɛ Nyɔŋmɔ lɛ diɛŋtsɛ esu muu lɛ fɛɛ ahi emli.

Kolosebii 2:3

Mɔ mli ni akɛ ŋaa kɛ nilee jwetrii lɛ fɛɛ etee yɛ lɛ.

1 Petro 1:11

Ni amɛsaa amɛtao amɛna be lɛ ni Kristo Mumɔ ni yɔɔ amɛmli lɛ tsɔ̃ɔ lɛ, be mli ni eyeɔ amanehului ni baaba Kristo nɔ kɛ anunyam ni baaba yɛ nomɛi asɛɛ lɛ ahe odase etoɔ lɛ, kɛ bɔ ni nakai be lɛ yɔɔ.

1 Petro 1:2

yɛ Tsɛ Nyɔŋmɔ lɛ le ni ele eto momo lɛ naa. Nyɔŋmɔ fee enɛ kɛtsɔ̃ Mumɔ lɛ hetsuumɔ nɔ, koni amɛkase toiboo ni akɛ Yesu Kristo lá lɛ ashwã amɛnɔ. Dromɔ kɛ hejɔlɛ afa ahã nyɛ!