Yohane 1:14 - ŊMALƐ KRƆŊKRƆŊ LƐ

¹⁴ Ni Wiemɔ lɛ tsɔ̃ gbɔmɔ adesa, ni ebahi shi yɛ wɔteŋ, ni wɔna enunyam lɛ akɛ Tsɛ lɛ Bi koome lɛ anunyam, ni dromɔ kɛ anɔkwale eyi lɛ obɔ̃.

Ṅmãle̱ Kroṅkroṅ Le̱

¹⁴ Ni wiemo̱ le̱ tšṍ helo, ni ebaši bū ye̱ wo̱teṅ, ni wo̱na enumnyam le̱, ake tše̱ le̱ bi kome le̱ anumnyam, ni dromo̱ ke̱ ano̱kwale eyile̱ obõ. Ies. 7,14. 2 Pet 1,16, 17. Ies. 60,1.

Yohane 1:14 ပူးပေါင်းရင်းမြစ်များ

Lalai 2:7

“Mashiɛ akpɔ ni Yehowa ewo mi lɛ,” Ekɛɛ, “Mibi ji bo, ŋmɛnɛ gbi nɛɛ mifɔ bo.

Lalai 45:2

Ohe yɛ fɛo fe gbɔmɛi abii fɛɛ. Odaaŋ wiemɔ he tse, hewɔ lɛ Nyɔŋmɔ ejɔɔ bo kɛmiiya naanɔ.

Lalai 85:9

Lɛɛlɛŋ efee kralo kɛbaahere mɛi ni sheɔ lɛ gbeyei lɛ ayiwala koni anunyam ahi wɔshikpɔŋ lɛ nɔ.

Yesaia 40:5

Kɛkɛ lɛ abaajie Yehowa anunyam kpo, ni gbɔmɛi adesai fɛɛ baana, ejaakɛ enɛ jɛ Yehowa diɛŋtsɛ naa.”

Yesaia 53:2

Ejaakɛ ekwɛ̃ yɛ ehiɛ tamɔ tso fɔ, tamɔ tso shishi fã ni etsɛ̃ kɛjɛ shikpɔŋ gbiŋ mli. Ehe bɛ nyam lɛ, ebɛ su ko hu ni aaaha wɔkwɛ lɛ; ni ehe bɛ fɛo ko hu ni aaaha ehe afee wɔ akɔnɔ.

Yesaia 7:14

No hewɔ lɛ, Nuŋtsɔ lɛ diɛŋtsɛ baatsɔ̃ɔ nyɛ okadi. Naa, Oblayoo foro ko baana musu, ni ebaafɔ binuu, ni eeewo lɛ gbɛi Imanuel

Ezekiel 37:27

Mi kɛ amɛ baahi jɛi, ni matsɔ̃ amɛNyɔŋmɔ ni amɛaatsɔ̃ mimaŋ.

Mateo 1:16

Yakob fɔ Yosef ni ji Maria ni fɔ Yesu ni atsɛɔ lɛ Kristo lɛ wu lɛ.

Luka 2:11

akɛ ŋmɛnɛ afɔ walaherelɔ ni ji Kristo, Nuŋtsɔ lɛ, ahã nyɛ, yɛ David maŋ lɛ mli.

Luka 2:7

Ni efɔ binuu ni ji ekromɔbi lɛ, ni ekɛ mama bla ehe ni ekɛ lɛ ŋmɛ kooloi aniyenii anɔ mli, ejaakɛ amɛnaaa gbɛ yɛ gbɔiatoohe lɛ.

Luka 9:32

Shi wɔ ni tsii eŋɔ Petro kɛ mɛi ni fata ehe lɛ; ni be ni wɔ lɛ tserɛ yɛ amɛhiɛ kwraa lɛ, amɛna Yesu anunyam lɛ kɛ hii enyɔ lɛ ni damɔ emasɛi lɛ.

Yohane 1:1

Shishijee mli lɛ Wiemɔ lɛ yɛ momo, ni Wiemɔ lɛ kɛ Nyɔŋmɔ yɔɔ ni Wiemɔ lɛ Nyɔŋmɔ ni.

Yohane 11:40

Yesu kɛɛ lɛ akɛ, “Ani mikɛɛɛ bo akɛ kɛji ohe oye lɛ, ooona Nyɔŋmɔ anunyam lɛ?”

Yohane 14:6

Yesu kɛɛ lɛ akɛ, “Mi ji gbɛ lɛ kɛ anɔkwale lɛ kɛ wala lɛ; mɔ ko baaa Tsɛ lɛ ŋɔɔ, akɛ ja etsɔ̃ minɔ.

Yohane 14:9

Yesu kɛɛ lɛ akɛ, “Kɛjɛ jeeŋmɔ ni mikɛ nyɛ yɔɔ nɛɛ, oleko mi lolo, Filipo? Mɔ ni ena mi lɛ, ena Tsɛ lɛ, ni te feɔ tɛŋŋ ni okɛɔ akɛ ‘Tsɔ̃ɔmɔ wɔ Tsɛ lɛ?’

Yohane 17:22

Ni anunyam ni okɛhã mi lɛ, mikɛhã amɛ, koni amɛfee ekome tamɔ bɔ ni wɔ hu wɔyɔɔ ekome lɛ.

Yohane 17:24

Ataa, mɛi ni okɛhã mi lɛ, miisumɔ akɛ he ni miyɔɔ lɛ amɛkɛ mi abahi jɛi, koni amɛna minunyam ni okɛhã mi lɛ, ejaakɛ osumɔ mi dani ato je lɛ shishi.

Yohane 18:37

No hewɔ lɛ, Pilato bi lɛ akɛ, “Belɛ maŋtsɛ ji bo kɛ̃?” Yesu here nɔ akɛ, “Okɛɛ; ejaakɛ maŋtsɛ ji mi. Mi lɛ, enɛ hewɔ afɔ mi, ni enɛ hewɔ nɔŋŋ miba je lɛ mli, koni mibaye anɔkwale lɛ he odase. Mɔ fɛɛ mɔ ni jɛ anɔkwale lɛ mli lɛ nuɔ migbee.”

Yohane 2:11

Enɛ Yesu fee yɛ Kana yɛ Galilea ekɛje ekadii ashishi ni ekɛ enunyam lɛ tsɔ̃ɔ, ni ekaselɔi lɛ he enɔ amɛye.

Yohane 3:16

“Ejaakɛ nɛkɛ Nyɔŋmɔ sumɔ je lɛ, akɛ eŋɔ eBi koome lɛ ehã, koni mɔ fɛɛ mɔ ni heɔ enɔ yeɔ lɛ hiɛ akakpãtã, shi moŋ ena naanɔ wala.

Yohane 3:18

Mɔ ni heɔ enɔ yeɔ lɛ, akojooo lɛ; shi mɔ ni heee yeee lɛ, akojo lɛ momo, ejaakɛ eheko Nyɔŋmɔ Bi koome lɛ gbɛi lɛ nɔ eyeko.

Yohane 6:51

Mi ji aboloo ni hiɛ kã ni jɛ ŋwɛi ba lɛ; kɛji mɔ ko ye aboloo nɛɛ eko lɛ, ehiɛ aaakã kɛaatee naanɔ. Shi aboloo ni mikɛbaahã lɛ ji miheloo ni mikɛbaahã yɛ je lɛ wala hewɔ lɛ.”

Yohane 8:32

ni nyɛaale anɔkwale lɛ, ni anɔkwale lɛ aaahã nyɛye nyɛhe.”

Bɔfoi 13:33

akɛ no nɔŋŋ Nyɔŋmɔ ehã eba mli ehã wɔ ni wɔji amɛbii lɛ, akɛni etee Yesu shi, tamɔ bɔ ni aŋma yɛ lala ni ji enyɔ lɛ mli hu akɛ, ‘Mi-Bi ji bo; ŋmɛnɛ mifɔ bo lɛ.’

Romabii 8:3

Ejaakɛ nɔ ni Mla lɛ nyɛɛɛ afee yɛ gbedemɔ ni heloo lɛ ehã egbede hewɔ lɛ, no Nyɔŋmɔ fee: etsu lɛ diɛŋtsɛ eBi lɛ yɛ su ni tamɔ esha heloo su mli, yɛ esha hewɔ; ni ebu esha lɛ fɔ yɛ heloo lɛ mli,

Romabii 9:5

amɛnɔ ji tsɛmɛi lɛ, ni amɛmli hu Kristo tete jɛ yɛ heloo gbɛfaŋ lɛ, lɛ ji nii fiaa nɔ Nyɔŋmɔ ni ajɔɔ lɛ kɛyashiɔ naanɔ lɛ. Amen!

1 Korintobii 15:47

Klɛŋklɛŋ gbɔmɔ lɛ ni jɛ shikpɔŋ mli lɛ, su ni; gbɔmɔ ni ji enyɔ lɛ jɛ ŋwɛi.

2 Korintobii 12:9

ni ekɛɛ mi akɛ, “Miduromɔ lɛ fa hã bo, ejaakɛ mihewalɛ lɛ, gbedeefeemɔ mli eyeɔ emuu yɛ.” No hewɔ lɛ, misumɔɔ titri akɛ mashwã mafɔ̃ migbedeefeemɔi lɛ anɔ moŋ, koni Kristo hewalɛ lɛ abu mihe.

Galatabii 4:4

Shi be ni be lɛ shɛ lɛ, Nyɔŋmɔ tsu lɛ diɛŋtsɛ eBi lɛ kɛba, yoo fɔ lɛ, eba Mla shishi;

Efesobii 3:8

mi ni mi ji bibioo fe hetselɔi lɛ fɛɛ lɛ, akɛ nɛkɛ dromɔ nɛɛ ehã mi, akɛ mijaje Kristo nifalɛ ni anyɛɛɛ shishi ana lɛ he Sanekpakpa lɛ mitsɔ̃ɔ jeŋmaji lɛ.

Kolosebii 1:19

Ejaakɛ Nyɔŋmɔ sumɔ akɛ lɛ Nyɔŋmɔ lɛ diɛŋtsɛ esu muu lɛ fɛɛ ahi emli.

Kolosebii 2:3

Mɔ mli ni akɛ ŋaa kɛ nilee jwetrii lɛ fɛɛ etee yɛ lɛ.

Kolosebii 2:9

Ejaakɛ Kristo mli Nyɔŋmɔ su muu lɛ fɛɛ hiɔ yɛ gbɔmɔtso su mli;

1 Timoteo 3:16

Ni nɔ ko ni ŋwanejee ko bɛ he akɛ eda kpeteŋkple ji Nyɔŋmɔjamɔ teemɔ sane lɛ: Nyɔŋmɔ jie ehe shi faŋŋ yɛ gbɔmɔtso mli, abu lɛ bem yɛ mumɔ mli, bɔfoi na lɛ, ashiɛ lɛ yɛ jeŋmaji ateŋ, ahe enɔ aye yɛ jeŋ, aŋɔ lɛ kɛtee ŋwɛi yɛ anunyam mli.

Hebribii 1:3

Lɛ ji enunyam lɛ kpɛmɔ kɛ esu lɛ mfoniri lɛ, ni ekɛ lɛ diɛŋtsɛ ehewalɛ wiemɔ lɛ hiɛɔ nibii fɛɛ. Be ni ekɛ lɛ diɛŋtsɛ ehe etsuu wɔhe kɛjɛ wɔhe eshai lɛ amli lɛ, etee eyata shi yɛ anunyam-Tsɛ agbo lɛ nine jurɔ nɔ yɛ ŋwɛi,

Hebribii 1:5

Ejaakɛ ŋwɛi bɔfoi lɛ ateŋ namɔ ni Nyɔŋmɔ ekɛɛ lɛ pɛŋ akɛ, “Mi-Bi ji bo; ŋmɛnɛ mifɔ bo?” Ni asaŋ, “Matsɔ̃ eTsɛ, ni lɛ hu eeetsɔ̃ mi-Bi.”

Hebribii 10:5

No hewɔ lɛ, be ni Yesu baa je nɛɛ mli lɛ akɛɛ, “Afɔle kɛ nikeenii lɛ osumɔɔɔ, shi gbɔmɔtso osaa ohã mi.

Hebribii 2:11

Ejaakɛ mɔ ni tsuuɔ mɛi ahe lɛ kɛ mɛi ni atsuuɔ amɛhe lɛ fɛɛ jɛ mɔ ko mli; no hewɔ jɛ ni ehiɛ gbooo akɛ eeetsɛ amɛ nyɛmimɛi lɛ.

Hebribii 5:5

Nakai nɔŋŋ Kristo hu, jeee lɛ ewo lɛ diɛŋtsɛ ehe osɔfonukpa kɛna hiɛnyam, shi moŋ mɔ ni kɛɛ lɛ akɛ, “Mi-Bi ji bo, mi, mifɔ bo ŋmɛnɛ gbi nɛɛ lɛ.”

1 Yohane 4:14

Ni wɔ lɛ wɔna ni wɔmiiye odase akɛ Tsɛ lɛ etsu eBi lɛ akɛ je lɛ yiwalaherelɔ.

1 Yohane 4:9

Enɛ mli Nyɔŋmɔ suɔmɔ ni ekɛsumɔɔ wɔ lɛ jeɔ kpo yɛ, Nyɔŋmɔ tsu lɛ diɛŋtsɛ eBi koome lɛ kɛba je lɛ mli, koni wɔtsɔ̃ enɔ wɔna wala.

2 Yohane 1:7

Ejaakɛ shishiulɔi pii eba je lɛ mli, mɛi ni ejajeee akɛ Yesu Kristo eba yɛ heloo mli. Mɔ nɛ ji shishiulɔ lɛ kɛ Kristo henyɛlɔ lɛ.

Kpojiemɔ 19:13

ni ewo atade ni akɛtsɔ lá mli; ni atsɛɔ egbɛi akɛ, “Nyɔŋmɔ Wiemɔ lɛ.”

Kpojiemɔ 21:3

Ni minu gbee kpeteŋkple ko jɛ maŋtsɛ sɛ̃i lɛ mli kɛɛ, “Naa, Nyɔŋmɔ shihilɛhe lɛ yɛ gbɔmɛi ateŋ, ni eeehi shi yɛ amɛteŋ, ni amɛaatsɔ̃ emaŋ, ni Nyɔŋmɔ diɛŋtsɛ kɛ amɛ aaahi shi.