Yoel 3:9 - ŊMALƐ KRƆŊKRƆŊ LƐ

⁹ “Nyɛshiɛa shiɛmɔ nɛɛ yɛ maji lɛ ateŋ akɛ, ‘Nyɛsaa nyɛhe nyɛhãa ta; nyɛtsɛa nyɛtabilɔi lɛ; nyɛbuaa nyɛtabilɔi fɛɛ anaa ni nyɛfãa.

Yoel 3:9 ပူးပေါင်းရင်းမြစ်များ

Lalai 96:10

Nyɛkɛa yɛ majimaji lɛ ateŋ akɛ, “Yehowa miiye maŋtsɛ! No hewɔ je lɛ ma shi shiŋŋ, ni anyɛŋ lɛ ahoso. Eeekojo gbɔmɛi yɛ jalɛ naa.”

Yesaia 34:1

Ao nyɛ majimaji, nyɛtsia nyɛbɛŋkɛa koni nyɛbaboa toi. Nyɛ shikpɔŋ lɛ nɔ bii, nyɛboa toi. Hã jeŋ muu lɛ kɛ emli nibii fɛɛ, je lɛ kɛ nii fɛɛ ni kwɛ̃ɔ yɛ mli afee toi.

Yeremia 31:10

“Nyɛ majimaji, nyɛboa mi toi, ni nyɛgbaa yɛ shɔŋŋ yɛ ŋshɔnaa majiaŋ. Nyɛkɛa akɛ, ‘Mɔ ni gbɛ Israel shwã lɛ ebaabua amɛnaa, ni ebaakwɛ amɛ tamɔ tookwɛlɔ kwɛɔ etoo ku pɛ.

Yeremia 50:2

“Shiɛmɔ koni okɛɛ jeŋ majimaji lɛ, shii aflaŋaa, ni oshiɛ; okashiu nɔ ko nɔ; kɛɛmɔ akɛ Aye Babilon nɔ kunim. Awo lɛ hiɛgbele Mardruk werɛ eho ehe. Ashwie Babilon amãgãi lɛ ahiɛ shi, amɛnaa diɛŋtsɛ ekpɛ amɛhe.

Yeremia 51:11

“Yehowa etsiɛ Mediabii amaŋtsɛmɛi lɛ amumɔ hiɛ, ejaakɛ yiŋ ni eto yɛ Babilon maŋ lɛ he ji akɛ ebaakpãtã ehiɛ, ejaakɛ ekɛ no baatɔ eSɔlemɔ we lɛ he owele. Tabilɔi ni eba maŋ lɛ tuamɔ lɛ asafoiatsɛmɛi lɛ fã akɛ, ‘Nyɛjɔa gãimlibii lɛ anaa, ni nyɛkɔlɔa tsɛŋi!’

Yeremia 51:27

“Nyɛshia tayaa aflaŋaa yɛ shikpɔŋ lɛ nɔ. Nyɛkpãa tɛtɛrɛmantɛrɛ yɛ majimaji lɛ anɔ. Nyɛsaa maji lɛ nyɛhãa ta nyɛwoa Babilon. Nyɛwoa maŋtsɛyeli ni ji Ararat kɛ Mini kɛ Ashkenaz ŋaa koni amɛfã ta amɛwo Babilon. Nyɛfãa tatsɛ koni enyiɛ tabilɔi lɛ ahiɛ kɛyatua lɛ. Nyɛkɛ okpɔŋɔi abaa babaoo tamɔ baalabii.

Yeremia 6:4

Amɛbaakɛɛ akɛ, “Nyɛhoa ta nyɛwoa lɛ; nyɛtea shi koni wɔfã ta lɛ kɛyatua lɛ shwane!” Shi amɛ nɔŋŋ amɛaakɛɛ akɛ, “Kpoo hã wɔ kɛji wɔtee benɛ ejaakɛ je miina, ni hiɛ miibu ni gbɛkɛ hɔɔŋ lɛ elɛɛ shi kɛtee shɔŋŋ.

Ezekiel 38:17

“Bɔ ni Nuŋtsɔ Yehowa kɛɔ nɛ, ani bo ohe miwie yɛ blema gbii lɛ amli kɛtsɔ̃ mitsuji, ni ji Israel gbalɔi lɛ anɔ lɛ, mɛi ni gba afii babaoo yɛ nakai beiaŋ akɛ mahã obatua amɛ lɛ?”

Ezekiel 38:7

Saamɔ ohe ni ofee kralo, bo kɛ ta ni bua shi kɛbɔle ohe lɛ fɛɛ, koni obu amɛhe.

Mika 3:5

Gbalɔi lɛ lakaa mimaŋ lɛ. Mɛi ni hãa gbalɔi nɛɛ nɔ ko lɛ, gbalɔi lɛ shiɛɔ tsɔ̃ɔ amɛ akɛ hejɔlɛ miiba; shi mɛi ni hãaa amɛ nɔ ko lɛ, amɛwoɔ amɛhe gbeyei akɛ ta baaba abatua amɛ. Yehowa miikɛɛ gbalɔi nɛɛ akɛ,

Hagai 2:7

Mibahoso je lɛ mli majimaji lɛ, ni abaaloo amɛmli jwetrii lɛ kɛaaba biɛ mikɛbawo Sɔlemɔ we lɛ mli, ni eeeyi obɔ̃ tɔ kɛ anunyam sɔŋŋ.

Zakaria 14:2

Ejaakɛ mi, Yehowa, mabua maji lɛ anaa koni amɛte shi amɛwo Yerusalɛm ni amɛkɛ lɛ awu. Amɛbaaŋɔ maŋ lɛ, ni abaashã shĩai lɛ amli nii, ni amɛbaato amɛmli yei lɛ kabonaa. Abaaŋɔ maŋ lɛ mlijaa fã nom, shi mlijaa fã ni baashwɛ lɛ abaashi amɛ yɛ maŋ lɛ mli, afeŋ amɛ nɔ ko.

Zakaria 14:3

Enɛ sɛɛ lɛ Yehowa kɛ nakai maji lɛ baawu tamɔ efeɔ yɛ ta beiaŋ lɛ.