Yoel 3:8 - ŊMALƐ KRƆŊKRƆŊ LƐ

⁸ Mahã ahɔ̃ɔ nyɛbihii kɛ nyɛbiyei lɛ ahã Yudabii lɛ, ni Yudabii lɛ aaahɔ̃ɔ amɛ ahã Shebabii ni ji maŋsɛɛ shɔŋŋ bii lɛ. Mi, Yehowa, miwie enɛ.

Yoel 3:8 ပူးပေါင်းရင်းမြစ်များ

Hiob 1:15

Trukaa ni Sabiabii batua amɛ, ni amɛmɔmɔ kooloi lɛ kɛtee; amɛgbe otsuji lɛ kɛ klante; mikome too pɛ mihe je mli, ni miba mibatswa bo adafi nɛɛ.”

Lalai 72:10

Tarshish kɛ ŋshɔkpɔi lɛ anɔ maŋtsɛmɛi aaatsu onia abahã lɛ. Sheba kɛ Seba maŋtsɛmɛi aaabake nii.

Yesaia 60:14

Mɛi ni wa bo yi lɛ abii lɛ hu aaaba abakoto bo; ni mɛi fɛɛ ni gbe ohe guɔ aaaba abakula onaji anaa. Amɛaatsɛ bo ‘Yehowa maŋ wulu,’ ‘Israel Mɔ Krɔŋkrɔŋ lɛ Zion lɛ.’

Yeremia 30:16

Shi mɔ fɛɛ mɔ ni kpãtãa nyɛhiɛ lɛ, aaakpãtã ehiɛ; ni abaaŋɔ nyɛhenyɛlɔi ateŋ mɔ fɛɛ mɔ nom. Mɛi fɛɛ ni aaaha nyɛ nii lɛ aaaha amɛ nii; ni mɛi ni feɔ nyɛ niseniianii lɛ, mahã afee amɛ niseniianii.

Yeremia 6:20

Mɛni mifeɔ krɔbɔo ni jɛ Sheba, kɛ maŋsɛɛ shɔŋŋ sinamon ni jeɔ ŋma he? Shãa afɔlei ni nyɛshãa nyɛhãa mi lɛ, miheee; nyɛkooloo afɔlei lɛ hu esaa mihiɛ.

Ezekiel 23:42

Anu mɛi babaoo anyamɔ gbee yɛ jɛi, ni ayaŋɔ dãatɔlɔi kɛjɛ ŋa nɔ kɛba ni amɛkɛ nineshigai bawo yei lɛ aniji, ni amɛkɛ akekrei fɛɛfɛji fimɔ amɛyitsei.

Ezekiel 38:13

Shebabii kɛ Dedanbii kɛ jarayelɔi ni jɛ Tarshish kɛ ehe akrowai lɛ baabi bo akɛ, ‘Nihaa obaa nɛɛ? Ani oba ni obaha nii lo? Ani obua ota asafo lɛ naa kɛkpe kɛbatswa ojo ni nyɛkɛha nii koni nyɛkɛloo jwiɛtɛi kɛ shika kɛ tsinai kɛ nibii pii kɛya?’

5 Mose 32:30

Te feɔ tɛŋŋ ni gbɔmɔ kome kɛkɛ woɔ mɛi akpe foiŋ, ni gbɔmɛi enyɔ kɛkɛ hu woɔ mɛi akpei nyɔŋma foiŋ? Nɔ ni kɛba ji amɛTɛsaa lɛ ekwa amɛ, ni Yehowa eŋmɛɛ amɛhe ehã.

Kojolɔi 2:14

No hewɔ lɛ, Yehowa mli wo Israelbii lɛ la ni ehã ofɔ̃yelɔi baye amɛ ofɔ̃. Asaŋ ekɛ Israelbii lɛ wo amɛhenyɛlɔi ni bɔle amɛ kɛkpe lɛ ahewalɛ shishi, ni amɛnyɛɛɛ amɛhenyɛlɔi lɛ ahiɛ amɛdamɔ dɔŋŋ.

Kojolɔi 4:2

No hewɔ lɛ, Yehowa hã Yabin, Kanaan maŋtsɛ ni yeɔ maŋtsɛ yɛ Hazor lɛ, ye amɛnɔ kunim. Etatsɛ ji Sisera, ni yɔɔ Jeŋmaji Haroshet lɛ.

Kojolɔi 4:9

Debora kɛɛ lɛ akɛ, “Mikɛ bo aaatee, kɛ̃lɛ nɔ ni oyaa oyatsu nɛɛ mli anunyam lɛ efeŋ onɔ; ejaakɛ yoo ko ji mɔ ni Yehowa baahã eye Sisera nɔ kunim.” Kɛkɛ ni Debora te shi ni ekɛ Barak tee Kadesh.