Yoel 3:7 - ŊMALƐ KRƆŊKRƆŊ LƐ

⁷ Shi agbɛnɛ mibahã amɛshi he ni nyɛhɔ̃ɔ amɛ kɛtee lɛ. Mibafee nyɛ nɔ ni nyɛfee amɛ lɛ.

Yoel 3:7 ပူးပေါင်းရင်းမြစ်များ

Ester 7:10

No hewɔ lɛ, atee ni ayasɛŋ Haman moŋ yɛ tso ni ekala akɛ ebaasɛŋ Mɔdekai yɛ nɔ lɛ nɔ. Kɛkɛ ni maŋtsɛ lɛ mlila lɛ jɔ.

Yesaia 11:12

Yehowa aaashi aflaŋaa etsɔ̃ɔ maji lɛ kɛto okadi akɛ eebua Israelbii ni ashɛrɛ amɛ ashwie lɛ kɛ Yudabii ni agbɛ amɛ ashwã lɛ anaa kɛjɛ jeŋ koji ejwɛ lɛ nɔ kɛbakpe.

Yesaia 49:12

Naa, miwebii aaajɛ shɔŋŋ aba; ni naa, aaajɛ kooyigbɛ kɛ anaigbɛ hu aba, ni mɛi aaajɛ Aswan shikpɔŋ lɛ nɔ yɛ wuoyigbɛ aba.”

Yesaia 66:6

Nyɛboa toi, aafee hoo yɛ maŋ lɛ mli. Gbee ko miijɛ Sɔlemɔ we lɛ. Yehowa mɔ ni baawo ehenyɛlɔi lɛ nyɔmɔ lɛ gbee ni.

Yeremia 23:8

shi moŋ abaakɛɛ akɛ, ‘Mina Yehowa, mɔ ni jie ni ekpala Israelbii ashwiei lɛ kɛje kooyigbɛ shikpɔŋ lɛ kɛ shikpɔji krokomɛi lɛ fɛɛ anɔ, hei ni eshwie amɛ kɛtee lɛ kɛba lɛ.’ Nakai be mli lɛ amɛbaahi amɛ diɛŋtsɛ amɛjaku shikpɔŋ lɛ nɔ.”

Yeremia 30:10

“No hewɔ lɛ, bo, mitsulɔ Yakob, kaashe gbeyei; ni Israel, otsui akafã, ejaakɛ mibahere nyɛ kɛ nyɛshwiei hu, kɛjɛ shɔŋŋ shikpɔŋ lɛ nɔ, kɛjɛ amɛnomŋɔɔ shikpɔŋ lɛ nɔ. Yakob baaku esɛɛ eba ni ebahi shi yɛ toiŋjɔlɛ kɛ hejɔlɛ mli; ni mɔ ko mɔ ko woŋ ehe gbeyei. Mi, Yehowa, mikɛɛ.

Yeremia 30:16

Shi mɔ fɛɛ mɔ ni kpãtãa nyɛhiɛ lɛ, aaakpãtã ehiɛ; ni abaaŋɔ nyɛhenyɛlɔi ateŋ mɔ fɛɛ mɔ nom. Mɛi fɛɛ ni aaaha nyɛ nii lɛ aaaha amɛ nii; ni mɛi ni feɔ nyɛ niseniianii lɛ, mahã afee amɛ niseniianii.

Yeremia 31:8

Naa, mibakpala amɛ kɛjɛ kooyigbɛ shikpɔŋ lɛ nɔ, kɛjɛ shikpɔŋ lɛ naagbeehei tɔ̃ɔ. Mikɛ asafo yuu ni shwilafoi kɛ akpaketsɛmɛi kɛ yeihɔlɔi kɛ yeifɔyei fɛɛ tswɛm futu mli aaaku sɛɛ aba biɛ nɛɛ ekoŋŋ.

Yeremia 32:37

Naa, mi nɔŋŋ mabua maŋbii ni mikɛ mlifu kɛ mlila kɛ grimɔ ni naa wa jogbaŋŋ eshwie amɛ kɛtee maŋsɛɛ lɛ anaa kɛjɛ nakai shikpɔji lɛ anɔ, ni mikɛ amɛ baaku sɛɛ kɛba shikpɔŋ nɛɛ nɔ ekoŋŋ; ni mahã amɛhi shi shweshweeshwe;

Ezekiel 36:24

Ejaakɛ maŋɔ nyɛ kɛaajɛ maji lɛ amli, ni mabua nyɛnaa kɛaajɛ shikpɔji lɛ fɛɛ anɔ, ni mikɛ nyɛ aaaba nyɛ diɛŋtsɛ nyɛshikpɔŋ lɛ nɔ.

Ezekiel 38:8

Afii komɛi asɛɛ lɛ abaabua omɛi lɛ anaa. No sɛɛ lɛ, obaate shi oshi shikpɔŋ ni akpɔ̃ amɛ kɛjɛ ta mli kɛba lɛ, shikpɔŋ ni yɔɔ Israel gɔji lɛ anɔ ni kã shi efolo daa, he ni abua mɛi pii anaa kɛjɛ majimaji anɔ kɛba lɛ. Ajie emaŋbii lɛ kɛjɛ majimaji lɛ amli, ni agbɛnɛ amɛ fɛɛ tswɛm amɛfee shweshweeshwe.

Yoel 3:4

“Tiro kɛ Sidon kɛ Filistia shikpɔji fɛɛ, mɛni nyɛtaoɔ nyɛfee mi? Ani nɔ ko ni mifee najiaŋ nyɛtaoɔ nyɛto mi? Kɛji nakai ni lɛ, no lɛ shwiaa, ni mahã nii ni nyɛfee lɛ aku sɛɛ ababua nyɛyiteŋ;

Zakaria 9:13

Ejaakɛ midɔ Yuda mli tamɔ gãitso, ni mikɛ Efraim efee egãimlibi. Bo Zion, matee obihii lɛ ashi, ni amɛaatsɔ̃ tamɔ tatsɛ klante yɛ midɛŋ, yɛ bo, Hela, obihii lɛ anɔ.”

Mateo 7:2

Shi nɔ kojomɔ ni nyɛkɛkojoɔ lɛ, akɛaakojo nyɛ; ni nɔ susumɔnɔ ni nyɛkɛsusuɔ lɛ, akɛasusu ahã nyɛ.

2 Tesalonikabii 1:6

akɛni eja yɛ Nyɔŋmɔ hiɛ akɛ mɛi ni haoɔ nyɛ lɛ, eeehao amɛ eto najiaŋ,

Yakobo 2:13

Ejaakɛ kojomɔ mli lɛ, mɔ ni enaaa mɔbɔ lɛ anaŋ lɛ mɔbɔ; mɔbɔnalɛ yeɔ kojomɔ nɔ kunim ni eshwãa.

Kpojiemɔ 13:10

Kɛji ato akɛ aŋɔ mɔ ko nom lɛ, aaaŋɔ lɛ nom; ni kɛ ato akɛ akɛ klante agbe mɔ ko lɛ, klante akɛaagbe lɛ. Biɛ wɔnaa krɔŋkrɔŋbii lɛ ahiɛmiamɔ lɛ kɛ amɛhemɔkɛyeli lɛ yɛ.

Kpojiemɔ 16:6

Ejaakɛ amɛshwie krɔŋkrɔŋbii lɛ kɛ gbalɔi lɛ alá shi. Ni lá nɔŋŋ ohã amɛ ni amɛnu; esa amɛ nakai!”

Kpojiemɔ 19:2

Ejaakɛ anɔkwa kɛ jalɛ ji ekojomɔi lɛ, akɛni ekojo ajwamãŋ kpeteŋkple lɛ ni kɛ ejwamaŋbɔɔ lɛ efite shikpɔŋ lɛ ni etɔ etsuji lɛ ala lɛ he owele yɛ enɔ lɛ.”

Kojolɔi 1:7

Adonibezek kɛɛ: “Maŋtsɛmɛi nyɔŋmai kpawo ni afolɔ amɛnine gɔntii lɛ kɛ amɛnane gɔntii lɛ kɔlɔ niyenii fufuji yɛ mikpɔlɔ̃ lɛ shishi. Bɔ ni mifee lɛ, nakai pɛ Nyɔŋmɔ efee mi eto najiaŋ nɛɛ.” Amɛkɛ Adonibezek ba Yerusalɛm, ni ebagbo yɛ jɛi.

1 Samuel 15:33

Shi Samuel kɛɛ Agag akɛ, “Bɔ ni oklante hã yei etsɔmɔ yei ni bɛ bii lɛ, nakai bo hu onyɛ baatsɔ̃ yoo ni bɛ bi yɛ enanemɛi yei ateŋ.” Kɛkɛ ni Samuel bamɔ Agag kɛ klante, ni efolɔ emli dukuduku yɛ Yehowa afɔleshãa latɛ lɛ hiɛ yɛ Gilgal.