Yoel 3:2 - ŊMALƐ KRƆŊKRƆŊ LƐ

² Mabua maji lɛ fɛɛ anaa ni mikɛ amɛ aaakpeleke shi kɛaatee Kojomɔ Jɔɔ lɛ mli. Makojo amɛ yɛ jɛi yɛ nii fɛɛ ni amɛfee mimaŋ lɛ hewɔ. Amɛgbɛ mimaŋ Israelbii lɛ amɛshwã maji lɛ amli, ni amɛja Israel shikpɔŋ ni ji mishikpɔŋ lɛ.

Ṅmãle̱ Kroṅkroṅ Le̱

² ni asaṅ tšū̃dšihĩĩ ke̱ tšũdšiyei le̱ bũ, mafo̱se mi-Mumo̱ le̱ maſie ame̱no̱ ye̱ nakai gbĩĩ le̱ amli.

Yoel 3:2 ပူးပေါင်းရင်းမြစ်များ

2 Kronika 20:26

Gbi ni ji ejwɛ lɛ nɔ lɛ Yudabii lɛ babua amɛhe naa yɛ Yijiemɔ Jɔɔ lɛ mli, ni amɛ jie Yehowa yi yɛ jɛi. Bɔ ni fee ni atsɛɔ jɔɔ nɛɛ akɛ Yijiemɔ Jɔɔ lɛ nɛ.

Yesaia 66:16

Ejaakɛ la Yehowa kɛbaakojo, ni ekɛ klante aaakojo jeŋ gbɔmɛi fɛɛ, ni mɛi ni Yehowa aaagbe lɛ ayi aaafa babaoo naakpa.

Yesaia 66:18

Ejaakɛ mile amɛnitsumɔi kɛ amɛsusumɔi, ni miiba koni mibabua jeŋ maji fɛɛ anaa, ni amɛaaba, ni amɛaabana minunyam lɛ;

Yeremia 12:14

Yehowa kɛɛ, “Miyɛ nɔ ko ni mikɛɔ yɛ Israel hewɔ maji fɔ̃ji ni efite shikpɔŋ ni mikɛhã mimaŋ Israel lɛ ahe. Naa, mibashwie nakai gbɔmɛi lɛ kɛje shikpɔŋ nɔ he ni amɛyɔɔ lɛ, ni mibahere Yudabii lɛ yɛ amɛdɛŋ.

Yeremia 25:31

Ehũumɔ lɛ aaajije kɛaashɛ shikpɔŋ lɛ naagbeehei fɛɛ; ejaakɛ Yehowa yɛ sane ni ekɛbaashi majimaji lɛ. Ekɛ heloo fɛɛ baakojo, ni eeehã mɛi fɔ̃ji anyɔnyɔi yɛ klante naa. Yehowa kɛɛ.’ ”

Yeremia 49:1

Nɔ ni Yehowa kɛɛ yɛ Amonbii ahe nɛ, “Ani Israel bɛ bihii, aloo Israel bɛ mɛi ni yeɔ enii hewɔ ni mɛi ni jaa wɔŋ Molek lɛ ebaŋɔ Gadbii ashikpɔŋ, ni amɛbahi jɛi maji lɛ amli lɛ?

Yeremia 50:17

“Israel tamɔ toi ni gbɔbimɔ ni jatai gbɔbiɔ amɛ hewɔ lɛ, ehã amɛgbɛ amɛshwã. Asiria maŋtsɛ lɛ klɛŋklɛŋ ji mɔ ni ye eloo, ni sɛɛkpee be nɛɛ mli lɛ, Babilon Maŋtsɛ Nebukadnezar ji mɔ ni ekpe ewui lɛ.

Ezekiel 25:8

Bɔ ni Nuŋtsɔ Nyɔŋmɔ kɛɔ nɛ, “Akɛni Moab kɛɛ akɛ, naa, Yuda tamɔ shikpɔji krokomɛi lɛ nɔŋŋ

Ezekiel 34:6

Mitoi lɛ gbɛ shwã, ni amɛtsomlo kɛnyiɛ gɔji kɛ gɔŋkpɔi ni kwɔlɔ lɛ fɛɛ anɔ. Mitoi lɛ egbɛ eshwã shikpɔŋ muu lɛ fɛɛ nɔ, ni mɔ ko bɛ ni diɔ amɛsɛɛ aloo etaoɔ amɛ.

Ezekiel 35:10

“Nɔ ni okɛɛ ji akɛ, ‘Yuda kɛ Israel maji enyɔ lɛ minii ni, ni amɛshikpɔji enyɔ lɛ hu minii ni hewɔ lɛ maŋɔ amɛ;’ tsɛbelɛ, mi, Yehowa, miyɛ jɛi.

Ezekiel 36:1

Yehowa kɛɛ akɛ, “Bo Gbɔmɔ Adesa, gbaa otsɔ̃ɔ Israel gɔji lɛ, ni nɔ ni okɛɛ amɛ nɛ, nyɛ Israel gɔji, nyɛboa, Yehowa wiemɔ toi.

Ezekiel 36:5

“No hewɔ lɛ, bɔ ni mi, Nuŋtsɔ Yehowa, mikɛɔ nɛ, miiwie kɛ awuŋayeli ni naa wa miishi maji ni eshwɛ lɛ kɛ Edom fɛɛ, mɛi ni kɛ miishɛɛ ŋɔ mishikpɔŋ lɛ kɛfee amɛnɔ, ni amɛbuuu akɛ minɔ ni. Amɛŋɔ mishikpɔŋ lɛ amɛhã amɛhe akɛ haanii ni amɛhi nɔ.

Ezekiel 38:22

Mikɛ gbele hela kɛ láshishwiemɔ baagbala etoi; ni mahã nu ni naa wa kɛ nyɔŋmɔŋtɛi kɛ la kɛ swɔɔ anɛ ashwie lɛ kɛ etai lɛ kɛ mɛi babaoo ni fata ehe lɛ anɔ.

Ezekiel 39:11

Nuŋtsɔ Yehowa kɛɛ akɛ, “Nakai gbi lɛ nɔ lɛ mahã Gog fuuhe ko yɛ Israel, yɛ Gbɛnyiɛlɔi Ajɔɔ ni yɔɔ ŋshɔ lɛ bokãgbɛ lɛ. Gbɛnyiɛlɔi Ajɔɔ nɛɛ mli abaafu Gog kɛ esafo yuu lɛ yɛ, ni gbohii lɛ ayifalɛ baatsi gbɛnyiɛlɔi agbɛ, ni no aaahã awo jɛi gbɛi akɛ Hamon-Gog Jɔɔ.

Yoel 3:12

“Maji lɛ asaa amɛhe koni amɛba Kojomɔ Jɔɔ lɛ mli. Jɛi, mi Yehowa, mibata makojo maji fɛɛ ni jwere shi kɛbɔle lɛ yɛ.

Yoel 3:14

Gbɔmɛi akpeiakpei abɔ yɛ Kojomɔ Jɔɔ lɛ mli. Jɛi ji he ni Yehowa Gbi ni eshɛ etã lɛ baaba yɛ.

Amos 1:11

Bɔ ni Yehowa kɛɛ nɛ, “Tɔ̃mɔi babaoo ni Edombii tɔ̃ hewɔ lɛ, miŋmɛŋ amɛtoi ni mito akɛ mibagbala lɛ he, ejaakɛ amɛtse klante yɛ amɛnyɛmimɛi Israelbii lɛ anɔ, ni amɛgbe amɛ bɔ ni musuŋtsɔlɛ ko bɛ mli kwraa; amɛniŋ nii ahe aahu, ni amɛŋmɛɛɛ mlifu he kwrakwra.

Mika 4:12

Shi maji nɛɛ leee Yehowa jwɛŋmɔ lɛ, amɛyooo eyiŋtoo lɛ sɛɛ hu akɛ Yehowa ebua amɛnaa tamɔ abuaa ŋmãakei anaa yɛ ŋmãagbeemɔhe.

Zefania 3:8

Yehowa kɛɛ akɛ, “No hewɔ lɛ, nyɛkwɛa mi gbɛ kɛyashi gbi nɔ ni mate shi maye odase mashi jeŋ maji lɛ; ejaakɛ mito miyiŋ akɛ mabua majimaji lɛ anaa, ni mabua maŋtsɛmɛi hu anaa kɛkpe, koni amɛsa mimlifu kɛ mimlila ni naa wa lɛ naa amɛkwɛ, ejaakɛ mikɛ miwuŋayeli lɛ mli mlifu la lɛ baakpãtã jeŋ muu lɛ fɛɛ hiɛ.

Kpojiemɔ 11:18

Ni jeŋmaji lɛ amli efu. Ni omlifu be lɛ eshɛ kɛ be ni abaakojo gbohii lɛ. Ni abaawo otsuji ni ji gbalɔi lɛ kɛ krɔŋkrɔŋbii lɛ kɛ mɛi ni sheɔ ogbɛi lɛ gbeyei, mɛi bibii kɛ mɛi wuji lɛ anyɔmɔ. Ni abaafite mɛi ni fiteɔ shikpɔŋ lɛ!”

Kpojiemɔ 16:14

Ejaakɛ mumɔi fɔ̃ji amumɔi ni, ni amɛfeɔ okadii, ni amɛyaa maŋtsɛmɛi ni yɔɔ jeŋ muu lɛ fɛɛ lɛ aŋɔɔ, koni amɛyabua amɛnaa amɛhã Nyɔŋmɔ Ofe lɛ gbi wulu lɛ nɔ ta lɛ.

Kpojiemɔ 16:16

Ni mumɔi lɛ bua maŋtsɛmɛi lɛ anaa kɛtee he ko ni atsɛɔ jɛi yɛ Hebri wiemɔ mli akɛ Harmagedon lɛ.

Kpojiemɔ 16:6

Ejaakɛ amɛshwie krɔŋkrɔŋbii lɛ kɛ gbalɔi lɛ alá shi. Ni lá nɔŋŋ ohã amɛ ni amɛnu; esa amɛ nakai!”

Kpojiemɔ 20:8

ni ebaaje kpo ni eyashishiu jeŋmaji lɛ ni yɔɔ shikpɔŋ koji ejwɛ lɛ, Gog kɛ Magog, koni ebua amɛnaa kɛkpe ni amɛya ta. Amɛyifalɛ tamɔ ŋshɔ naa shia.