Yoel 3:18 - ŊMALƐ KRƆŊKRƆŊ LƐ

¹⁸ Nakai gbi lɛ, gɔji lɛ anɔ aaayi tɔ kɛ waintromii, ni aaana tsinai yɛ gɔŋ fɛɛ gɔŋ nɔ; ni nu aaaho yɛ Yuda jɔi lɛ fɛɛ amli. Nuhiŋmɛi aaaho kɛaajɛ Yehowa We lɛ, ni eeeyahã Akasia Jɔɔ lɛ nu.

Yoel 3:18 ပူးပေါင်းရင်းမြစ်များ

Hiob 29:6

Mitsinai kɛ mitoi hãa mi fufɔ babaoo, ni mimutsei shwere yɛ tɛsai amli.

Lalai 46:4

Faa ko yɛ ni eniji lɛ hãa Nyɔŋmɔ maŋ lɛ mii shɛɔ ehe. Ehãa Ŋwɛi flooflonyo lɛ shihilɛhe krɔŋkrɔŋ lɛ mii shɛɔ ehe.

2 Mose 3:8

Naa, mikpeleke shi miba amɛ jiemɔ yɛ Ijiptbii lɛ adɛŋ, koni makpala amɛ kɛshi Ijipt kɛya shikpɔŋ kpakpa ni da, ni yɔɔ frɔ̃frɔ̃ ni niyenii pii yɔɔ nɔ lɛ nɔ, he ni Kanaanbii kɛ Hitbii kɛ Amorbii kɛ Perizbii kɛ Hivbii kɛ Yebusbii yɔɔ lɛ.

Yesaia 30:25

Ni gbi nɔ ni aaaplene gbɔmɛi babaoo, ni amɛmɔji lɛ aaagbeegbee shi lɛ, faa baaho yɛ gɔji grɔŋŋi fɛɛ kɛ gɔ̃ŋkpɔi ni kwɔlɔ fɛɛ anɔ.

Yesaia 35:6

obubuafoi aaatumɔ tamɔ ofrote, ni mumuii baala kɛ nyamɔ; ejaakɛ nu aaatue, ni eeeho tamɔ faa yɛ shiaŋa lɛ mli.

Yesaia 44:3

Ejaakɛ mibanɛ nu mashwie shikpɔŋ ni yeɔ nu kumai nɔ, ni mahã fai atue yɛ shikpɔŋ gbiŋ lɛ nɔ. Mahã oshwiei ayimɔ obɔ̃bɔ̃ kɛ mimumɔ lɛ, ni mijɔɔmɔ aaahi oshwiei anɔ.

Yesaia 45:8

“Ao Ŋwɛi, nɛɛ nu kɛjɛ ŋwɛi! Ha atatui afɔse jalɛ ashwie shi! Shikpɔŋ agbele enaa koni yiwalaheremɔ aba, koni eha jalɛ saneyeli hu akwɛ̃ Mi, Yehowa, mafee enɛ!

Yesaia 55:1

Yehowa kɛɛ, “Huui! Nyɛ mɛi fɛɛ ni kumai yeɔ nyɛ, nyɛbaa nu he! Nyɛ mɛi hu ni bɛ shika, nyɛbaa nyɛbahea ŋmãa nyɛyea! Nyɛbaa! Nyɛbahea wain kɛ fufɔ, jeee kɛ shika shi moŋ kɛ nyɛdɛ folo.

Yesaia 66:11

Nyɛbaana eshweremɔ lɛ eko nyɛye nyɛtɔrɔ, tamɔ abifao yeɔ enyɛ fufɔ etɔɔ lɛ.”

Yeremia 31:12

Amɛbaaba ni amɛbala waa kɛ nyamɔ yɛ Zion Gɔŋ lɛ nɔ; ni amɛmii baashɛ Yehowa mlihilɛ lɛ he, yɛ abele kɛ wain kɛ mu, kɛ toobii kɛ tsinai ahewɔ. Amɛshihilɛ baatsɔ̃ tamɔ abɔɔ ni ashwie emlinii nɔ nu, ni amɛtɔŋ biti dɔŋŋ.

Mika 6:5

Mimaŋbii, nyɛkaia nɔ yiŋ ni Moab maŋtsɛ Balak to yɛ nyɛhe, kɛ nɔ hetoo ni Bileam, Beor bi lɛ, hã lɛ. Nyɛkaia nibii ni ba yɛ gbɛ lɛ nɔ kɛjɛ Akasia shitoohe lɛ kɛtee Gilgal tɔ̃ɔ lɛ. Nyɛkaia nibii nɛɛ bɔ ni afee ni nyɛna nibii ni mi, Yehowa, mitsu ni mikɛhere nyɛyiwala lɛ.”

Zakaria 14:8

Nakai gbi lɛ nɔ lɛ wala nu baaho kɛaajɛ Yerusalɛm; fã kome kɛ enaa baaya ayawo Ŋoo Ŋshɔ lɛ mli, ni fã kome lɛ hu kɛ enaa baaya ayawo Mediterenia Ŋshɔ lɛ mli. Hulutsoobe kɛ fɛ̃ibe mli fɛɛ lɛ nu nɛɛ baakã he eho.

4 Mose 25:1

Be ni Israelbii lɛ yɔɔ Shitim, Akasia tso Jɔɔ lɛŋ lɛ, amɛhii lɛ kɛ Moab yei lɛ bɔ̃i ajwamãŋbɔɔ.