Yoel 3:1 - ŊMALƐ KRƆŊKRƆŊ LƐ

¹ Yehowa kɛɛ, “Nakai be lɛ mahã Yuda kɛ Yerusalɛm aku sɛɛ ashwere ekoŋŋ.

Ṅmãle̱ Kroṅkroṅ Le̱

¹ Ni aaba mli ake̱ ene̱mei ase̱ le̱ mafo̱se *mi-Mumo̱ le̱ maſie helo fẽ no̱, ni nyebihĩĩ ke̱ nyebiyei le̱ aagba, ni nyenukpai le̱ aala lamõi, ni nyeblahĩĩ le̱ aana nināi; *4 Mose 11,29. Ies 44,8. Ezek. 39,29. Bo̱f. 2,16-21. Tit. 3,6.

Yoel 3:1 ပူးပေါင်းရင်းမြစ်များ

Lalai 14:7

Oo, kulɛ Israel yiwalaheremɔ lɛ ajɛ Zion aba! Kɛji Yehowa hã emaŋ lɛ ku sɛɛ na nii ekoŋŋ lɛ, no lɛ Yakob aaanya, ni Israel mii aaashɛ ehe.

Lalai 85:1

Yehowa, ona oshikpɔŋ lɛ mɔbɔ; ohã Israel esaa eshwere ekoŋŋ.

Abe̱i 1:23

Kɛji mikã nyɛ lɛ, nyɛboa toi. Naa, mafɔse mimumɔ mawo nyɛmli, ni mahã nyɛyoo minilee wiemɔi lɛ hu.

Yesaia 44:3

Ejaakɛ mibanɛ nu mashwie shikpɔŋ ni yeɔ nu kumai nɔ, ni mahã fai atue yɛ shikpɔŋ gbiŋ lɛ nɔ. Mahã oshwiei ayimɔ obɔ̃bɔ̃ kɛ mimumɔ lɛ, ni mijɔɔmɔ aaahi oshwiei anɔ.

Yeremia 16:15

shi moŋ abaakɛɛ akɛ, ‘Mina Yehowa, mɔ ni jie Israelbii kɛjɛ kooyigbɛ shikpɔŋ lɛ nɔ kɛ shikpɔji fɛɛ ni eshwie amɛ kɛtee nɔ lɛ anɔ kɛba ekoŋŋ lɛ.’ Ejaakɛ mibakpala amɛ kɛba amɛ diɛŋtsɛ amɛshikpɔŋ lɛ nɔ ekoŋŋ, ni ji shikpɔŋ ni mikɛhã amɛtsɛmɛi lɛ.”

Yeremia 29:14

Mi Yehowa, mikɛɛ akɛ nyɛaana mi; ni nyɛnii fɛɛ ni laaje lɛ, nyɛnine baashɛ nɔ ekoŋŋ. Mibabua nyɛnaa kɛjɛ majimaji anɔ kɛ hei fɛɛ ni mishwie nyɛ kɛtee lɛ, ni mikɛ nyɛ baaku sɛɛ kɛba biɛ nɛɛ he ni mihã aŋɔ nyɛ nom kɛjɛ kɛtee lɛ ekoŋŋ.

Yeremia 30:18

Naa, mibahã miwebii ashwere ekoŋŋ; ni mimusuŋ aaatsɔ̃ mi yɛ shĩa fɛɛ shĩa he. Abaasaa Yerusalɛm atswa ama egɔ̃ŋ lɛ nɔ ekoŋŋ. Ni mɔɔ lɛ aaama etsutsu maahe lɛ.

Yeremia 30:3

Shi naa, gbii miiba ni mibahã miwebii Israelbii kɛ Yudabii anine ashɛ amɛnibii fɛɛ ni amɛlaaje lɛ anɔ. Mikɛ amɛ baaku sɛɛ kɛba shikpɔŋ ni mikɛhã amɛtsɛmɛi lɛ nɔ ekoŋŋ koni amɛbaŋɔ shikpɔŋ lɛ akɛ amɛnɔ.”

Ezekiel 16:53

“Makpale Sodom kɛ ekrowai lɛ anibii lɛ mahã amɛ ekoŋŋ, ni nakai nɔŋŋ maha Samaria kɛ ekrowai lɛ anine ashɛ amɛnibii lɛ anɔ ekoŋŋ, ni makpale bo hu onibii lɛ maha bo yɛ amɛhiɛ.

Ezekiel 39:25

“No hewɔ lɛ, bɔ ni Nuŋtsɔ Yehowa kɛɔ nɛ, agbɛnɛ lɛ makpale Yakob shwiei ni aŋɔ amɛ nom lɛ kɛba ekoŋŋ, ni mana Israel we lɛ fɛɛ mɔbɔ. Maye migbɛi krɔŋkrɔŋ lɛ he awuŋã.

Daniel 12:1

Bɔfo lɛ tsa ewiemɔ lɛ nɔ akɛ, “Ni nakai be lɛ mli lɛ Mikael, lumɔ kpeteŋkple ni buɔ omaŋbii lɛ ahe lɛ, aaate shi adamɔ shi; kɛkɛ lɛ fimɔ be ko aaaba ni anako ehenɔ dã kɛjɛ beyinɔ ni aje maŋtoo shishi kɛbashi nakai be lɛ mli. Nakai be lɛ mli lɛ, aaahere omaŋ lɛ mli mɔ fɛɛ mɔ ni aaana akɛ aŋma egbɛi yɛ wala wolo lɛ mli lɛ yiwala.

Yoel 2:29

Nyɛtsuji hii tete kɛ nyɛtsuji yei hu mafɔse mimumɔ lɛ mashwie amɛnɔ yɛ nakai be lɛ mli.

Amos 9:14

Mibakpale mimaŋ Israelbii lɛ kɛjɛ nomŋɔɔ mli kɛba koni amɛbasaa amɛmaji ni efee koikoi lɛ ni amɛhi mli ekoŋŋ; amɛaafee wain tromi ni amɛaanu amɛmli wain; ni amɛaahu abɔi ni amɛaaye abɔi lɛ amli nii.

4 Mose 11:29

Shi Mose kɛɛ Yoshua akɛ, “Mi oyeɔ awuŋã ohã nɛɛ? Miná ni kulɛ Yehowa maŋ muu lɛ fɛɛ tsɔ̃mɔ gbalɔi, ni Yehowa fɔse emumɔ lɛ eshwie amɛnɔ.”

4 Mose 12:6

ni Yehowa kɛɛ amɛ akɛ, “Nyɛboa mi toi! Kɛji gbalɔ ko yɛ nyɛteŋ lɛ, mitsɔ̃ɔ ninaa nɔ mihãa eleɔ mi, ni wɔlamɔ mli mitsɔ̃ɔ mikɛ lɛ wieɔ.

5 Mose 30:3

no lɛ Yehowa, nyɛNyɔŋmɔ lɛ aaana nyɛ mɔbɔ ekoŋŋ. Emusuŋ aaatsɔ̃ lɛ, ni eeeku sɛɛ ebua nyɛnaa kɛaajɛ majimaji anɔ hei fɛɛ ni Yehowa, nyɛNyɔŋmɔ lɛ, egbɛ nyɛ eshwã lɛ kɛaaba.