Yoel 2:31 - ŊMALƐ KRƆŊKRƆŊ LƐ

³¹ Hulu aaawo duŋ, ni nyɔɔŋtsere aaatsu faa tamɔ lá. Dani Yehowa gbi wulu ni yɔɔ gbeyei lɛ aaaba.

Yoel 2:31 ပူးပေါင်းရင်းမြစ်များ

Yeremia 4:28

Ejaakɛ shikpɔŋ lɛ baaye ŋkɔmɔ, ni ŋwɛi baadi tũu, ejaakɛ mi, mina mikɛɛ, ni mito miyiŋ momo. Mishwaŋ mihe, ni mikpaleŋ miyiŋtoo lɛ hu.

Ezekiel 32:7

Kɛji mikpãtã ohiɛ lɛ, mahã ŋwɛi hiɛ aha, ni eŋulamii lɛ awo duŋ. Mikɛ atatu aaaha hulu lɛ hiɛ, ni nyɔɔŋtsere hu kpɛŋ.

Yoel 2:1

Nyɛkpãa tɛtɛrɛmantɛrɛ yɛ Zion; nyɛbɔa oshe yɛ migɔŋ krɔŋkrɔŋ lɛ nɔ! Shikpɔŋ lɛ nɔ bii fɛɛ ahe akpokpo, ejaakɛ Yehowa gbi lɛ miiba; eshɛ shi etã.

Yoel 2:10

Kɛji amɛmiiba lɛ, shikpɔŋ hosoɔ, ni ŋwɛi kpokpoɔ bliblibli. Hulu kɛ nyɔɔŋtsere woɔ duŋ, ni ŋulamii fɔ̃ɔ kpɛmɔ.

Yoel 2:11

Yehowa woɔ egbee, ni efãa eta lɛ. Esra lɛ da naakpa, ni mɛi ni yeɔ efãmɔi lɛ anɔ lɛ, anyɛɛɛ amɛ akane. Yehowa gbi lɛ, ebaafee gbeyei! Namɔ po aaanyɛ naa adamɔ?

Yoel 2:2

Duŋ kɛ jeŋ tuutuufeemɔ gbi ni, atatu kɛ oblɔtu kpii gbi ni. Baalabii ta muu miiba tamɔ duŋ gbɛɔ shwãa gɔji anɔ lɛ. Nɔ ko ni tamɔ enɛ bako dã, ni asaŋ esɛɛ lɛ eko baŋ dɔŋŋ kɛaatee yinɔi ayinɔ.

Yoel 3:1

Yehowa kɛɛ, “Nakai be lɛ mahã Yuda kɛ Yerusalɛm aku sɛɛ ashwere ekoŋŋ.

Yoel 3:15

Hulu kɛ nyɔɔŋtsere ewo duŋ, ni ŋulamii efɔ̃ɔ kpɛmɔ.

Zakaria 14:6

Nakai gbi lɛ nɔ lɛ fɛ̃i yeŋ, ni afua hu woŋ.

Maleaki 4:1

Yehowa kɛɛ akɛ, “Naa, gbi ko miiba; ni emli edɔ la tamɔ flɔnɔɔ. Eshishɛɛ lɛ gbɔmɛi fɔ̃ji fɛɛ baatsɔ̃mɔ tamɔ abele gbetselii; ebaashã amɛ bɔ ni eshwɛŋ eko eko shishifã loo tso nine.

Maleaki 4:5

“Shi dani nakai Yehowa gbi wulu ni yɔɔ gbeyei lɛ baashɛ lɛ, mibatsu Gbalɔ Elia kɛba nyɛŋɔɔ.

Mateo 24:29

“Shi nakai gbii lɛ amli amanehului lɛ asɛɛ nɔŋŋ lɛ, hulu aaawo duŋ, ni nyɔɔŋtsere kpɛŋ dɔŋŋ, ni ŋulamii aaatserɛ kɛaajɛ ŋwɛi atswia shi, ni ŋwɛi hewalɛi lɛ aaahoso.

Mateo 27:45

Shi kɛjɛ shwane ŋmɛlɛ nyɔŋma kɛ enyɔ kɛyashi ŋmɛji etɛ̃ lɛ duŋ wo yɛ shikpɔŋ lɛ nɔ fɛɛ.

Luka 21:25

“Ni okadii aaaba hulu kɛ nyɔɔŋtsere kɛ ŋulamii amli, ni jeŋmaji lɛ ahe aaajara amɛ yɛ shikpɔŋ lɛ nɔ, ni amɛaafee yeyeeye yɛ ŋshɔ gbɛɛmɔ kɛ ŋshɔkei akuumɔ hewɔ;

Bɔfoi 2:20

Hulu aaatsɔ̃ duŋ, ni nyɔɔŋtsere aaatsɔ̃ lá, dani Nuŋtsɔ lɛ gbi wulu ni yɔɔ nyam lɛ aaaba.

Kpojiemɔ 8:12

Ni bɔfo ni ji ejwɛ lɛ kpã etrɛtrɛmantrɛ, ni atswa hulu mlijai etɛ̃ mli ekome kɛ nyɔɔŋtsere mlijai etɛ̃ mli ekome kɛ ŋulamii amlijai etɛ̃ mli ekome nɔ, amɛmlijai etɛ̃ mli ekomekome lɛ wo duŋ, ni shwane mlijai etɛ̃ mli ekome lɛ jeŋ tseee ni nyɔɔŋ hu nakai nɔŋŋ.