Yoel 2:3 - ŊMALƐ KRƆŊKRƆŊ LƐ

³ Baalabii lɛ yeɔ tsei lɛ tamɔ la yeɔ nii. Amɛhiɛgbɛ lɛ, shikpɔŋ lɛ tamɔ Eden trom, shi amɛsɛɛgbɛ lɛ etamɔ ŋa kpataa. Nɔ ko nɔ ko ejeee amɛdɛŋ.

Ṅmãle̱ Kroṅkroṅ Le̱

³ La šãa nii ye̱ ehĩe, ni *lalile̱i woo̱ la ye̱ ese̱. Ehĩegbe̱ le̱ šikpoṅ le̱ tamo̱ Eden trom, ni ese̱gbe̱ le̱ tamo̱ ṅã kpatā, ni nokonoko edšee edeṅ! *1,19.

Yoel 2:3 ပူးပေါင်းရင်းမြစ်များ

1 Mose 13:10

Kɛkɛ ni Lot wo ehiɛ nɔ ni ekwɛ shikpɔŋ lɛ kɛkpe, ni ena akɛ Yordan jɔɔ lɛ fɛɛ yɛ frɔ̃frɔ̃ aahu kɛtee Zoar tɔ̃ɔ. Etamɔ Yehowa trom lɛ aloo Ijipt shikpɔŋ lɛ. Nɛkɛ be mli lɛ, Yehowa kpãtãko Sodom kɛ Gomora hiɛ.

1 Mose 2:8

Kɛkɛ ni Nuŋtsɔ Nyɔŋmɔ fee trom yɛ Eden yɛ bokãgbɛ, ni ekɛ gbɔmɔ ni eshɔ̃ lɛ to jɛi.

Lalai 50:3

WɔNyɔŋmɔ lɛ miiba, ebaaa lɛ kpoo. La ni kpãtãa nii ahiɛ nyiɛ ehiɛ; ni ahum kpele bɔle ehe.

Lalai 97:3

La tsoɔ kɛnyiɛɔ ehiɛ, ni ekpãtãa ehenyɛlɔi ni bɔle lɛ lɛ ahiɛ.

2 Mose 10:15

Ejaakɛ amɛha shikpɔŋ muu lɛ fɛɛ nɔ, ni shikpɔŋ lɛ nɔ wo duŋ, ni amɛye shikpɔŋ lɛ nɔ bai fɛɛ kɛ tsei ni nyɔŋmɔŋtɛi lɛ shi lɛ anɔ yibii fɛɛ yɛ Ijipt shikpɔŋ lɛ nɔ fɛɛ.

2 Mose 10:5

ni amɛaaha shi bɔ sɔŋŋ ni anaŋ shikpɔŋ lɛ tete, ni amɛaaye nii fɛɛ ni shwɛ hã nyɛ yɛ ŋa nɔ ni nyɔŋmɔŋtɛi lɛ kpãtãaa hiɛ lɛ. Amɛaaye bai fɛɛ ni tsɛ̃rɛɔ yɛ nyɛtsei anɔ yɛ ŋa nɔ lɛ.

Yesaia 14:17

mɔ ni kpãtã maji ahiɛ, ni ehã je lɛ tsɔ̃ tamɔ shiaŋa kpataa, ni eŋmɛɛɛ enomii ahe koni amɛku amɛsɛɛ kɛya amɛjaku shikpɔŋ lɛ nɔ lɛ nɛ?’

Yesaia 15:6

Nimrim Faa lɛ egbi; jɛi jwɛi eŋala, ni jwɛfɔ bɛ he ko he ko, ni baa ŋmɔŋ hu bɛ he ko he ko.

Yesaia 33:4

Aaaha nyɛnomŋɔɔnii tamɔ baalabii; ni abaake kɛba onɔ tamɔ otukpɛi.

Yesaia 51:3

Ejaakɛ Yehowa baashɛje Yerusalɛm mii; ebaashɛje hei fɛɛ ni efee koikoi lɛ amii; ebaahã eŋa lɛ nɔ atsɔ̃ tamɔ Eden; ni eshiaŋa lɛ baatsɔ tamɔ Yehowa diɛŋtsɛ abɔɔ. Jɛi baasɔ kɛ mliflimɔ kɛ nyamɔ kɛ shidaa lalai.

Yesaia 9:18

Maŋbii lɛ ayitsoŋwalɛ tsoɔ tamɔ la. Eshãa kpitikpitii kɛ ŋmeii fɛɛ; esɔoɔ koo hayii anaa la, ni elasu pukɔŋŋ lɛ teɔ shi kɛyaa ŋwɛi.

Yesaia 9:19

Yehowa, Taiatsɛ lɛ, mlifu lɛ naa lɛ, shikpɔŋ lɛ shã. Maŋbii lɛ tsɔ̃ tamɔ latso ni tsoɔ; mɔ ko mɔ ko yeee buaa enyɛmi.

Yeremia 5:17

ni amɛbaaye nyɛŋmɔshinii ni nyɛkpa kɛ niyenii fɛɛ, ni amɛbaagbegbee nyɛbihii kɛ nyɛbiyei lɛ amɛye; amɛbaagbegbee nyɛtoi kɛ tsinai amɛye, ni amɛbaaye nyɛwaintsei kɛ agbãmitsei ayibii fɛɛ; ni nyɛmaji ni atswa gbogbo awo amɛhe ni nyɛhiɛ kã nɔ lɛ, amɛbaafite fɛɛ.”

Ezekiel 36:35

Mɛi baana, ni amɛaakɛɛ akɛ shikpɔŋ nɛɛ ni kulɛ ekã shi efolo lɛ, no nɔŋŋ etsɔ̃ tamɔ Eden trom nɛɛ; ni maji ni tsɔmɔ amaŋfɔ̃i ni mɔ ko mɔ ko bɛ amɛmli lɛ, nomɛi amli gbɔmɛi ebahi ni atswa gbogboi awo amɛhe nɛɛ.

Amos 7:4

Nɔ ni Nuŋtsɔ Nyɔŋmɔ jie etsɔ̃ɔ mi nɛ. Mina akɛ Nuŋtsɔ Nyɔŋmɔ miitao akɛ ekɛ la agbala ewebii lɛ atoi. La lɛ ŋala nu ni yɔɔ shikpɔŋ lɛ shishi lɛ, kɛkɛ ni la lɛ bɔ̃i shikpɔŋ lɛ hu shãa.

Habakuk 1:6

Naa, mitee Babilonbii lɛ ni yi wa, asaŋ ni amɛhe ejɔɔɔ lɛ ashi. Amɛfãa kɛkpaa je lɛ mli shikpɔji lɛ fɛɛ anɔ kɛyaŋɔɔ shikpɔji lɛ.

Zakaria 7:14

Ni no hã mi kɛ lasuogbele gbɛ amɛshwã kɛtee majiasɛɛ hei ni amɛleee lɛ, ni shikpɔŋ ni amɛshi nɔ lɛ tsɔ̃ amaŋfɔ̃ yɛ amɛsɛɛ bɔ ni mɔ ko eyaaa mli, ni mɔ ko ejeee mli hu lɛ. Amɛshikpɔŋ fɛɛfɛo lɛ tsɔ̃ amaŋfɔ̃.”